▪▪ من يموت : قلبي أم قلبها ؟ ▪▪

أسمحي لي في البداية أقولج ..,

حسيت فيج أنانية وإنتي تتكلمين

فكرتي في نفسج من كل الجوانب

ما فكرتي في إختج!!..

*
*

عزيزتي إنتي مب عانس ولا إنتي بايرة

إنتي ولله الحمد عندج وظيفة ممتازة , وجمال مميز , وشخصية .. وعمرج 25 فقط

يعني عندج فرص وايد مب شوي للزواج

*
*

إختج!..

مالها ذنب ولا بغت تتزوج عناد فيج

جاها النصيب

وإذا هي راضية فيه خلها تتيسر

ولا إنتي ولا غيرج

له أي حق يمعنها أو يتضايق من هالشي

أبداً مب حلوة!..

وبعدين الشاب له الحق يختار مواصفات فتاة أحلامه

شنو العيب لو أختار إختج وشاف فيها إنها مناسبة له

*
*

أنا أتكلم معاج بالعقل والمنطق

بدون أي لف ودوران

أتركي عنج (أنا) الأنانية

وما فيها أي شي لو أخواتج الصغار جا لهم نصيبهم وتيسروا .. وتزوجوا

شنو ؟!..

يعني المنطق والعقل يقول

أنا ما تزوجت خواتي يبقون في البيت ما يتزوجون ؟!..

وين العقل في هالتفكير

*
*

إختي ..,

نظري للحياة بكل تفاؤل وأمل وخير

عاااااااااااادي

أعرف بنات شكثر تزوجوا وهم فوق ال 25 سنة وبعضهم دخلوا الثلاثين

النصيب والرزق ماله أي عمر محدد

رزقج بيجيج بأي وقت

ويمكن هالنصيب إلي ما جا

يجي لج شخص ما كنتي تتوقعينه ولا يخطر على بالج

*
*

ليش الضيق ؟!.

ليش التشائم ؟!.

ليش الحزن ؟!.

حمد لله كملتي دراستج , وظيفة عدلة , الله عطاج كل هالنعم

حمدي ربج آلف مرة عليها

الله يعطي .. ويعطي .. وأحنا لازم نشكر ونشكر

وخصوصاً إنتي!..

بنفسج تقولين وظيفتي كل من يحلم فيها

يعني تبين حياتج تصير كاملة مكملة

زوج , دراسة , وظيفة

لازم الله يحرمج من شي

علشان يمتحن مدى صبرج

ويشوفج شكثر تصبرين وتستحملين

والله يعطي الإنسان على قد نياته .. صدقيني

*
*

المطلوب منج الحين

تفرحين لخواتج

وتحسسين أمج وأبوج .. إنج فرحاااااااااااااااانة

ومتقبلة الموضوع بروح رياضية

وتتمنين لهم كل السعادة والتوفيق

وأي نصيب يجيهم ويرضون فيه .. خل يتيسرون

وزفي خواتج في عرسهم

ولا تحزنين

ولا تتضايقين

شدراج ؟!.

يمكن في حفلة إختج

يشوفونج الحريم

كل وحدة تتمناج لولدها

ما تدرين عن نصيبج وين

*
*

وحطي في بالج ترى وايد يحبون ( المربربة ) فلا تتعقدين من نفسج أبد

*
*

وشغلة ثانية بعد ( يآجل الله أمانينا .. ولا ينساها ) ونعم بالله

هو العالم بالمكتوب علينا

وهو يمشي الأقدار

سبحااانه