▪▪ من يموت : قلبي أم قلبها ؟ ▪▪

والله ما ادري وش اقولك الله يزوجك انتي وخواتي يارب يارب يارب

حبيبتي انتي عمرك 25 سنة يعني جدامك العمر كلة ولا تفكرين بهذي الطريقة " يعني اذا اختي الصغيرة تزوجت انا ماراح اتزوج" بالعكس انتي ماتدرين الله شنو مخبي لك بالدنيا ، انا صديقتي اتزوجت اختها الي اصغر منها قبلها وبهدين تزوجت بعدها بفترة قصيرة بس كان عمرها 26 سنه يوم تتزوج يعني نصيبك راح يجي لحد عندك حتى لو طالت المده وبعدين هذا اختبار من عند الله عز وجل يشوف الصبر عندك احنا في البحرين عادي عندنا الزواج على النصيب وماينقاس مثل ماانتي قاعدة اتقيسينه، وبعدين انتي عندك مميزات كثيرة اتخلي اي انسان يسعى للارتباط فيك الجمال والاخلاق والوظيفة المرموقة يعني "ماينخاف عليك" هههاااااا امزح معاك استهدي بالله وقومي باركي لاختك وساعديها ولاتنسين نفسك الله الله بالفستان والاكسسوار وطريقة التسريحة والمكياج الي تخبل البنات عليك وبتشوفين الحريم كلهم الي بالخطوبة راح يخطبونك لعيالهم

والله يوفقك يارب

حبيبتي انتي ليش كاتبه كل هالمفردات عن نفسج

كبرتي وبرتي وماعرف ايش

ترى 25 سنه ليحين توج فسن الشباب

وصدقيني يا ما بنات اصغر من خواتهم تزوجو وياه نصيب خواتهم الباقيين

بالعكس بيني الفرحه لكل الناس

ترى الناس فالنهايه بيقولون ماشاء الله عليها فرحت لاختها وتعرف انه نصيب وجايها نصيبها

عندي ثنتين من بنات عمي

الاصغر انخطبت وماجيه موعد زواجها الا اللي اكبر منها مخطوبه وحضرت زواجها وهي مخطوبه

وماتدرين يمكن نصيبج يجيج من حفله زواجها
اعتبريه فال خير عليكم

وافرحي لاختج

انتي عندج الحين شهاده واخلاق وجمال وكلشي

وماشاء الله عليج احسج مب ناقصج شي

والله ماينسا احد

ربي يوفقج ويرزقج بالزوج الصالح عاجلا غير اجل

(y)(y)(y)(y)

coffeerose;9742976:
قلبك انت يموت ولا قلب اختك
انت تضحي وتفرحيها ولاتكسري فرحتها

اسمحيلي اختي انت اللي بيواجهك بحقيقة مشاعرك
بتزعلي منه انت عايزة اللي تطبطب عليكي وتقولك معلش ولا تزعلي
وعارفة انك مش حتردي على ردي لان واضح من اسلوبك
اسمحيلي اختي انت فعلا زي ماقالت الاخت حلم عذاري الموضوع عندك انانية
ليس اكثربدليل العنوان اللي انت حاطت من يموت قلبي والا قلبها
مافي وحدة بالدنيا تحب اخواتها واهلها وتتمنالهم الخير وتتكلم كدة
وبدليل كمان كلامك انت ((( [FONT=Arial Black][SIZE=3][COLOR=red]الموضوع جدآ صدمني .. لأن أنا أكبر خواتي و أكبر بنات خالاتي وبنات عماتي بعد ..يعني تقدرون تقولون ان العين علي[FONT=Comic Sans MS][SIZE=6] [FONT=Arial Black][SIZE=3][COLOR=red]و دايم اذا جا طاري زواج أو شي زي كذا اسمي هو اللي ينذكر .. يعني الكل طموحه فيني أنا باعتباري كبيرة بنات العايلة ..[/SIZE][/FONT] ))[/COLOR][/FONT][/SIZE][/COLOR][/FONT][/SIZE]
وكلامك ان اختك محظوظة اكتر منك بامور كتيرة
كيف محظوظة اكتر منك وانت قلتي انك انت اللي رفضتي العرسان اللي تقدمتلك الا لو كان
ماحد اتقدملك اصلا لاني مافهمت جملة ((( [COLOR=red]وأنا أدري ان كل هالأشياء ماراح تصير لي في يوم ؟؟!
أكذب على نفسي و أقول لاااا اكيد العريس جاي .. وأنا ادري انه ماجا من قبل عشان يجيني ألحين و أنا صرت البنت اللي بارت و كبرت ماتزوجت !!)) ساعتها نقول هي محظوظة وانت لا

انت تعودت ان العين والمدح والوظيفة والرقي ليكي
فطبعا كان صعب انك تتقبلي ان شي زي كدة يروح منك لاختك
لان واضح مادام والدك واهلك وافقوا على الوضع انه مش قاعدة قوية ان الكبيرة تتزوج قبل الصغيرة والا كان ابوكي اول واحد رفض الموضوع من قبل مايوصل الخبر بيتكم
انا مستغربة من طريقتك الصراحة انسانة متعلمة مثل تعليمك يكون ده تفكيرها
واصلا مستغربة من التناقض اللي بكلامك ان الوظيفة مالية عليكي حياتك وجواكي خوف او براكين خوف زي ما قلتي ان حياتك توقف بعد زواج اختك
في شي اسمه نصيب الموضوع ماله علاقة بحساسيتك الزيادة او ان اهلك قصروا بحقك انهم ماراعوا مشاعرك
اطلاقا الموضوعنصيب وجا لاختك
وبقولك نصيحة وانت حرة لو ماتقبلتيها لو شعورك فضل كدة مع اختك ومافرحتيلها من قلبك ووقفتي معاها لاتتوقعي خير بحياتك لان الله بيرزق الانسان الخير لما قلبه يصفى للي حواليه
ويحسن ظنه بيه سبحانه وتعالى
احسني الظن بالله واقعدي مع نفسك استغفري ربك
وادعي لاختك ربي يرزقها الخير ويكتبلها السعادة بهذا الموضوع
ويكتبلك السعادة معاها
بدل ماتفكري تموتي قلب مين [/COLOR]

اختي الغاليه

القسمه و النصيب لا تأتي بالسن ..
الكثير من العائلات يتزوج الصغير قبل الكبير .. !

اول شي : بالنسبه لوضيفتج و طموحج هذا شي واايد حلو
لأن الاهداف و الطموح هو ينطبق على شخصيتج و يعبر عنها انج انسانه
مخلصه لعملج محبه للدراسه متفهمه .. ذكيه .. إلخ .. ~
يعني لو احد بيخطبج عندج وظيفه و شاطره و تمتلكين جمال مثل ماتقولين ..
سالفه الجسم (( يمكن الشاب يحب جسم البنت ضعيف ))
بس في مليون غيره يحبون البنت مربربه او متينه بعد ~ !!
هذاا مايمنع لا تخلينه حاجز فديتج ..

ثاني شي : سالفه تكسرين قلبج او قلبهاا ..
هذا [MARK="FFFF99"]شيليه من بالج[/MARK] ..
هي اختج بالنهايه و لازم تفرحين لهاا و نصيبها جاها تقوله روح لأن اختي الكبيره للحين ماتزوجت !
بالعقل مايصير و هذا التفكير خاطئ جداً !!
من حقها تفرح و تتزوج و تنجب و تحب .. إلخ ~
يمكن هي تقول انا مابي عشان خاطر اختي و بعدين يجيج انتي نصيب و هي مايجيها احد !!
شبيكون [MARK="FFFFCC"]موقفج [/MARK]
مابتحسين بالذنب انج انتي تزوجتي و استقريتي و هي ماجها نصيب
ما بتقولين انا السبب يوم جاها نصيبها فضلت نفسي عليهاا !!
بيني و بينج و بدون حساسيه انا اشوفهاا [MARK="FF99CC"][COLOR=black]انانيه [/MARK]ولا تزعلين مني حبيبتي
مو قصدي اجرحج بس انتي فكري فيها مابتحسينهاا جذي ؟!

ثالثاً و اخيرا: يوم انج بتفرحين لها من قلبج و بتوقفين معاها وقفت أخت كبيره و سند ..
و بتتوكلين على رب العالمين و تصلين قيام الليل و تدعين ان ربي يرزقج بولد الحلال الصالح
صدقيني بتشوفين اللي تبغينه يصير و رب العباد مايرد عبده اذا طلبه

:)

و السموحه منج اذا في شي من كلامي جرحج
[MARK="FFCC00"]حلليني [/MARK](f)
[/color]

اختي العزيزه لاقلبك ولاقلبها يموت واسم الله عليكم من كل شر ....

انا مع اختي بنكيز بارك الله فيها كلامها عين العقل .

كل مابالموضع ان رزقها ونصيبها وقدرها انها تزوج قبلك ....وماعتقد انه كلام الناس يهم انسانه مثلك... الي قريته من كلامك والي قلتي انه انتي وصلتي بمركز كبير ماعتقد الي يوصلون لهلمركز يهزهم شي....


راجعي نفسك هل امر يصدر من خالق الكون يزعجك...؟؟
هل رزق اتى من مقسم الارزاق يظايقك....؟؟
انتي ماتعلمين الغيب ربما زواج اختك فيه خير لك يمكن عن طريق زواج اختك ياتي النصيب الي اهو مناسب لك ...


وبنسبه لنظرة المجتمع او ماذا يقول المجتمع يا حبيبتي اهو المجتمع متى سكر حلجه...موعاجبهم لا الي تتزوج ولا الي تخلف ولا الي تدرس ويطلعون مية الف والف سالفه ....تجاهلي كل هاذي الامور وخلي ببالك امرين مهمين

الاول الف حمد وشكر على كل شي وان الله الرازق وبيده كل شي ...والحمدالله انه انتي تنخطبين منتى بايره او محد تقدملك نهائياُ.....
الثاني فرحي لفرحة اختك ولاتحسسينها انك زعلانه ومتظايقه وفعلا لاتتظايقين ولاتزعلين وخلي بداخلك قناعه انه الله سبحانه وتعالى له حكمه بكل شي ....

واخر شي بس ابيج تتقبلين مروري وسموحه على الاطاله


أختك
أم زهراء

حبيبتي انا عندي اخت اصغر عني اتزوجنت والحين الي اصغر منها الكل يبيها وانا ولا كاني موجودة بس ايش اسوي ماتدري بمكن نصيبنا احسن منهم يكون خلنا ندعي اكثر ونصلي والله بيوفقنا هذا هو نصيبنا ومقدر لنا
وانا سمعت شيخ مرة يقول اذا جا نصيب للاخت الصغرى زوجوها ممكن يجي بعدها نصيب الكبيرة ليش تسد الطريق على الي بعدها

صدقيني كثير بنات احلى عن خواتهم ويجي نصيب الاخت الي مو حلوة قبل صدقيني كل شي بيد الله

والله يرزوقج ويرزقنا ياااااااااااااااارب

السلام عليكم ورحمة الله وبركاته

أختي انا عادة اقرا المواضيع في القسم هذا وما ارد على اغلبها لكن موضوعج صراحه استفزني وايد

قبل كل شي ارجو انج تتحملين صراحتي ومثل ما يقول المثل صديقك من صدقك وليس من صدّقك .. صحيح انا مب صديقتج لكن ما اقدر ما اقولج ها الكلمتين ..

اولا انتي مبالغه شوي في ردة فعلج .. والظاهر انه الموضوع هذا زواج البنت الكبرى قانون أو عاده عندكم في العايلة عشان جذيه خذتي الموقف هذا ..
والظاهر بعد انه تفكير أهلج بدا يتغير حسب متغيرات الحياة والظروف والدليل انه اهلج شاوروج في موضوع زواج اختج عشان يمهدون للموافقة ..

هذا غير عن كلام امج في انها قالت لج انه الخاطب المتقدم لاختج يبغي وحده نحيفة مثل ما قلتي وانتي مربربه .. واعتقد انها حجه و50% الشي هذا مب صحيح ..
واعتقد انهم يبون يخففون عليج وقع الخطبة هاذي
يعني لا تحطين في بالج انه وزنج وجسمج له دور في تفضيل اختج عليج

كل المسأله وما فيها انه نصيبها ياها ومحد يقدر يرد النصيب حتى العادات والتقاليد الباليه

وبعدين اسمحيلي مب على كيفكم اتحطون قانون انه اذا ازوجت اختي خلاص انا انحط على الركن ومستحيل اتزوج

الله هو الرزاق والعاطي مب البشر والعادات ..

يمكن انتي نصيبج احسن من اختج بمليوووون مره لكن الله رايد انج تتأخرين عنها لحكمه لا يعلمها سواه

يمكن هذا اختبار من الله لج يشوفج تصبرين ولا تتذمرين .. ويمكن ويمكن

اصبري والجئي لربج وقولي الحمدلله على كل حال

واثبتي انج مب انانية فعلا لا قولا .. خذي الموضوع ببساطة وباركي لاختج وهنيها واوقفي معاها وافرحي لها لا تنزوين وتبتعدين لانه هذا التصرف هو اللي فيه كسر لشموخج مثل ما قلتي

اذا خذتي موقف سلبي بيشفقون عليج و اعتقد انه هذا يمس كبريائج و هي اذا الله كاتبلها بتتزوج يعني بتتزوج قبلج

أختي فيه كلمه سمعتها قبل وانا من اشد المؤمنين فيها يقولج دايما المتأخر نصيبه احسن وافضل .. طبعا بتوفيق من الله

أسأل الله العلي القدير ان يهديج لسواء السبيل ويهدي بالج ويطمنج ويشرح صدرج وييسر لج كل أمورج ويرزقج بالزوج الصالح اللي يصونج ويسعدج
انه قادر على كل شي سبحانه

سالفتك عزيزتي انت حطيتي حلها بنفسك

اختك وقلتي انها عندك بالدنيا يعني انت فرحانه لها مهما كابرت اكيد فرحتي لها لو لدقايق:)

وانت نصيبك مابعد جاء وان شاء الله بيجي:)

واذا على كلام الناس صدقيني مايخلص والقصص في زواج الصغيرة قبل الكبيرة كثير مافي داعي اذكرها وخواتي ماقصروا بوضع بعضها

كل اللي ابي اقولك اياه اكثري من الدعاء ودام اختك مابعد عرفت لاتخلينها تشوف نظرة الحزن بعينك لأنها بتعرف قصدك وحبها لك بيخليها ترفض الزواج علشان خاطرك

اسأل الله العلي القدير ان يرزقك زوجا صالحا عاجلا غير آجل ويسعد قلبك ويفرحه ماحييتي:)

خلي املج بالله قوي ..

وانا معاج صدق الناس ماترحم .. بس طنشي الناس عمرهم ما راح يفيدونج

الناس ماتقدر تمنع اي شي ... اذا الله كاتب لج نصيب راح تاخذينه لو شنو يصير ..

انا اعرف ناس وايد تزوجو قبل خواتهم الي اكبر منهم .. بعدين جه النصيب لخواتهم الكبار ..

اعرف وحده اكبر خواتها .. وهي مو كبيره وايد خواتها كلهم تزوجو قبلها وهي الكبيره اخر وحده تزوجت !!

لان الله كاتب نصيبها يصير الحين ..

ادعي ربج يوفقج ويسر امورج ويرزقج بالزوج الصالح ويشيل عنج هالوساوس ..

وبالتوفيق ان شاء الله ,,

السلام عليكم صباح الخير..
قرات مشكلتك واستغربت جدا من منطقك .. كيف استاذة و جامعية و هالوظيفة المرموقة تنزل لتفاهات الناس؟؟؟
من راي انك غلطانه يوم تقولين لا اتحسس وما بيجي نصيبي والعائلة وهالخرابيط ومالمعتقدات المتخلفة.. انتي توكلي على الله بخالص النية .. وشوفي شنو بيكون جزاك..
ولو افترضنا انك قلتي لا هل تضمنين ان العريس بيجي ؟؟؟ شنو موقف اختك منك لما تحس ان اختها انانية وتفكر بالطريقة المتخلفة؟؟ كوني انتي مكان اختك والعكس شنو بيكون شعورك؟؟ اختك الي انتي رافضة تتزوج قبلك هي نفسه الي تشاركك الاكل والهواء والرزق والماي وما نقص عنك شئ لانه كله بيد الله وحده يوزع الارزاق و النعم..

عزيزتي ترفعي عن المستوى المتدني لتفكير المحيط الي انتي تعيشي فيه وذكري الله الي حملك في ظلمات الرحم .. ومدك بالنعم والبصيرة هو نفسه من بيساندك وبيساعدك.. من كان مع الله كان الله معه.. لا تخسري اختك على سبب تافه وتركي كلام الناس.. ولو افترضنا ان اختك ما تزوجت هل تتوقعين نوع العلاقة الي بتكون بيك وبينها وهي تعلم في داخل نفسها سبب تاخر زواجها اختها؟ هل ستثق فيك؟.. موقف العائلة منك كيف بيكون؟؟ بيقولون انانية وخايفة على نفسها وما تفكر الا بنفسها .. وفي اي موقف راح تتكرر نفس الاسطوانة لان الناس ما تنسى الاساءة...

السلام عليكم شوفي اختي صج الزواج قسمة ونصيب عندك انا تزوجت قبل اختي اللي تكبرني 3 سنين مع انها احلى مني واذكى مني ههههههههه وطموحها عالية وعلى طول بعد زواجي انخطبت ونصيحة لج اختي انك ماتتضايقين من الموضوع وانتي توك صغيرة ولاحقة على الزواج

حبيبتي كل شي نصيب في هذي الدنيا وان شاء الله خير

اذا جيتي للواقع صعب عليك وانا اعترفلك

لكن مدام انك تقولين ان اهلك مجرد يعرضون عليك الموضوع

فرفضك ماراح يغير شي الا ان اختك تحقد عليك

بعدين انتي ماتدرين ممكن اختك ترفض انها تتزوج قبلك

واذا تزوجت الله يسهل نصيبها

انتي عندك العمر قدام وصدقيني نصيبك اذا مكتوب بيجيك بالوقت اللي كاتبه ربي لك

سواء تزوجت اختك قبلك او لا

يعني زواج اختك قبلك يجرحك

لكن رفضك لزواجها ماراح يغير نصيبك

سواء من ناحية الرجال اللي بتتزوجينه او حتى وقت وتاريخ الزواج

خليك مؤمنة بالقضاء والقدر وراح تسرك النتايج

وكلام الناس طنشيه ظاهريا انا عارفة ماراح تقدرين تطنشينه نفسيا

لكن بالظاهر خلي كلامهم ورا ظهرك ..

اتمنى اني افدتك ..

اختي للحزن مرسى ...

حبيت اقوللك ان انا اعرف عن هالموضوع زين ... اختي الكبيره عمرها 30 سنه و مو متزوجه واختي اللي اصغر منها بسنتين تزوجت وانا بعد كم شهر بتزوج مع العلم ان جسمها مثالي وجميله جدا بس الله ماراد ....
الرابط بينك وبين اختي هو الوظيفه المرموقه وانتي قلتي بنفسك ان اختك راح تتحمس لفكره الزواج اذا خلصت جامعه وجلست بدون وظيفه .... احمدي الله على الوظيفه اللي تشغلك وماتخليك فاضيه والافكار تجيبك وتوديك وحاولي ماتكوني انانيه فكري في اختك لو كنتي انتي الصغيره شكنتي بتسوين ؟؟
انتي ماسبق لك الارتباط علشان الناس ماتطالع فيك وجميله الحمد لله واذا جسمك عاجبك لاتحاولي تغيريه علشان الناس !!!
اشتغلي على نفسك ووظيفتك وجهزي مع اختك وتمنيلها حياه سعيده ولاتنسي ان العين دايما تكون على خوات العروس يعني ماتدري يمكن يكون نصيبك بعد عرسها او حتى حفله خطوبتها ...

وفي النهايه بقوللك ... اختي الكبيره جهزتلي انا واختي الثانيه ولاعمرها زعلت وحطت في خاطرها لانها تحب الحريه ترا الزواج شوي حكره ... لاتستعجلي عليه ... توكلي على الله ولاتزعلي اختك الله بيعطيك نصيبك ويمكن يكون احسن من انه تأخر شوي وياااااااااااااابنت انتي بعدك صغيرررررررررره صحيح الوحده ماتدري متى يجيها النصيب وتتمنى لو احد يقول لها ان فلان بيخطبك بعد كم شهر علشان بالها يرتاح بس عامل المفاجأه حلو ... خلي املك كبير بالله ... وعلى كثر ماتكون معاملتك لاختك زينه على كثر ما الله راح يرزقك ويسعدك
اتمنى اكون ماطولت عليك

غاليتي للحزن مرسى
لا تكسري قلبج ولا قلب اختج
لييش حكمتي على نفسج بانج ما راح تتزوجين
موشرط ان الناس بينظرون لج بعين الشفقة
يمكن ينظرون من زاوية تانية بيقولون ليش ما خطبوا الكبيرة
مع انها احلى ومتوظفة
صدقيني ماعادوا الناس مثل اول الحين يدورون على الي تشتغل دوارة
وبعدين انتي بعدج صغيرة
خلج عادية وريلاكس خلي ثقتج بفسج عالية رددي في نفسج
انا حلوة وجذابة واشتغل وكل المواصفات الزينة فيني
اما في ملكة اختج اللبسي احلى فستان افرحي قومي معها ومع امج
اذا بوزتي وزعلتي بتخلين كل اللي حولج يشمتون فيج
وبس اتمنى لج السعااااااااااااااااااااااااااااااااااااااااااااااااااااااااادة

كلام الاخوات ماقصر....

والصراحه ماني اقدره اضيف اكثر من كذا

بس ماحبيت اتركك بموقفك كذا لحالك

يغلق الموضوع لعدم رد صاحبته على الموضوع ..

واستيفاءه للردود ..

الله يسخر قلوبكم حق بعضها .. ان شاء الله اختي..

ام جنى