أبي أتزوج من ديرة ثانيه .. لكن ؟؟؟؟؟

[GRADE="00008B DC143C 800080 4B0082"]
هلا يا أختي الغالية,,أدري إنك ما تبين نقول اللي تسوينه صح واللا غلط,,لكن الدين النصيحة,,
أولاً اللي سويتيه معصية لله,والشيطان يحلي الحرام,لكن والله نصيحة,أعرف بنات شخصيا عاشوا حياة حب عن طريق النت توصل 5سنوات وأكثر,وتزوجوا ولكن للأسف!!!!سنة وانقلبت الحياة جحيم,ورجع من جديد يكلم بنات ثانيات ويدور حبيبات جديدات,هذا غير الشك طول الوقت بالزوجة اللي كانت في يوم من الأيام عشيقة!!

بعدين بصراحة السعوديين سأليني أنا ساكنة فيها ,,ما عندهم أدنى ثقة باللي جات عن طريق التعرف, وينظرون لها نظرة حقيرة وإن كانوا ما يظهرون لها ذلك,,هذا الأغلب,والله ما كذبت عليك,لأن المجتمع (السعودية) محافظ أكثر من كل المجتمعات وما يرضى بهاي الحركات,,


لكن إذا أنتم متعلقين فبعض لهاي الدرجة,عجلي قدر المستطاع أمر زواجك,,وبعدها توبي لربك وأسألي الله الغفران وانه يسخر لك في زوجك واقتصري على الحلال,,

الطريقة:

تقريبا ما في غير إنك تتعرفين على أخته وكأنكم كنتم صديقات من زمان وتقولين لامك صديقتي من السعودية تبي تزورنا البيت وتكلم امه امك تتمهيدا للخطبة ويتم الامر بكل سهولة إذا كان صادق!!

الله يغفر لك ويكتب لك الخير والسعادة ويبعد عنك الشر واهله
[/GRADE]

احسن لج تاخذين من ديرتج حبوبة

انزين واللي بيننا وعشرة العمر هذي ؟؟؟

هو يبغي يعاالج الغلط اللي نسوييه بالزواااج .. امه واخته شو بيقولون عني ؟؟

علقت ولدنا سنين والحين تبي تاخذ من ديرتنا ؟؟


انا لو تزوجت غييره مابقدر اكمل معااه مبقدر احبه نفس ماحبيت الولد .. ومااقدر اضمن نفسي اني برجع له وانا متزوجه ويمكن اخون زوجي .. يهوون علي اني اتغرب بس مايهون علي اخذ غيييره ؟؟؟

اختي حاولي تسهلين السالفه وطريجك انتي وياه ..!
شلووون ؟
انا اقوولج اشلون
دام نيته الصبي صاافيه وحابج تكونين له ونصيبج راح يكون كل شي جدامكم سهل والله
عطيه رقم اهلج ..
ووخلي اهله يكلمون اهلج وخلاص .
كل شي بيتيسر لكم
واذا كان نصيبج هلج ماراح يفكروون بشي اسمه من وين عرفج
دام انج تروحين عروس خل يقول عجبتني في عرس فلانة
دام عنده اهل خل يحاول يقول اهله سامعين عنكم
لا تصعبوون السالفه عليكم
وحاولي لي صليتي تطلبين من ربج ان يسر امورج
وكل شي بينحل حبيبتي
وخبرينا شيصير ويااج
انا اترياج حبيبتي

والله يا حبيبتي ما أدري وش أقولك,,كل الحلول اللي ممكنة قالوها لك البنات-الله يجزاهم خير-

وما بقى لك إلا اتخاذ القرار!!والطريق قدامك,,اختاري اللي يناسبك,,وتحملي كل اللي يجيك مادام إنك بتختاري الطريق الغلط,,االله ييسر لك كل اللي فيه خير,,وأتمنى لك السعادة,,

وبعدين لا تقولين استحالة انساه إلا منك أخذتي واحد من ديرتك,,لأن الرجال واجد والحب يتجدد,,ومع الأيام غصب عليك تنسي,,

وما سمي الإنسان إلا لنسيه,,,ولا القلب إلا لأنه يتقلب

وصدقيني لما تصدقي مع الله,,ربي ييسر لك كل خير ويسوقك للخير,,عليك بالدعاااااااااااااااااااء الدعااااااااااااااااااء فإنه عجيب..

بشرينا باللي يصير لا تنسين

فديتج انا نفس مشكلتج بالضبط اذا لقيتي حل ونفع معاج بلغيني يالغالية

سلاممممممممممممممممممي

قولي لأمك وهي تضبطك :)

ممكن تقولين لأمج انه تعرفتي على و حده من السعوديه و قالت انه تبا تخطبج لأخوها و جوفي شو بتقوول الوالده .. و بث ~
.
.
و يارب تتسهل ~

fate88;9738922:
اني اقول اذا رحتين عرس وحده من صديقاتك ارجعي واقعدي مع امك

وقولي لها ماما اليوم استانسنا في العرس وكان العروس عندها اهل من السعودية

ماشاء الله عليهم طيبين في وحده منهم قالت لي طالعة حلوة قلت لها مشكورة سألتني انتي صديفة العروس

قلت لها اي قالت شنو اسمك قلت لها القلوب أسرار قالت لي انتي صديقة العروس قلت لها اي

قالت لي عطيني رقم امج بالصراحة نبي نخطبج حق ولدنا قولي حق امج اني استحيت ومشيت ماعرفت ارد

ولا اعطيها الرقم..

بعد يومين قولي حق امج صديقتي اتصلت وقالت لي ان اللي تبي تخطبني حق ولدهم تسأل عني وتبي تزورج

واني عطيتها رقمج حق تتفاهم معاج ؟؟؟!!

سوي روحج بريئة خخخخخخخخ

بعدين خلي امه تتصل في امج وتقول لها انها تبي تزورها مااظن ان امج بترفض ضيوفها

وبجدي تكونين تخلصتي من هالسالفة :)

بالتوفيق والله اتمنى لك كل الخير