أبي أتزوج من ديرة ثانيه .. لكن ؟؟؟؟؟

سلام اختي

شكلج انتي من البحرين واهوه سعودي المهم هاي الي استنتجته

خلهم يقولون انه جافج في مجمع ولحق وراج لحد البيت وسال

واهل الخير ما قصروا

والله يوفقج بس ماادري اختي الغربة صعبه واااايد

يعني بتستحملين تقعدين ابروحج في مكان مع ناس ما اتعرفين طبايعهم

وايد صعبة عمري

بس بعد الزواج قسمة ونصيب

والله يوفقكم وخليكم حق بعض اذا كنتوا صج تبون بعض

الله يوفقج حبوبه

السلام عليكم

عفوا بس حبيت اعلق ع كلام البنات ان اختلاف العادات والتقاليد بين الدول العربية او الخليجية ؟؟ مافيه اختلاف ابدا الا في اشياء بسيطة ومعدودة جدا يعني شبابنا يتزوجون من جنسيات مو عربية ومرتاحين مع زوجاتهم جيت علينا نحن البنات انني ما نقدر نتعايش مع الغير علشان هو من منطقة وانا من منطقة ثانية وبعدين مو لازم يكون يجذب عليها اذا يعرفها من النت اهو لو يكذب عليها ما خلاها تتعرف على اهله وتصير بينها وبين اهله علاقة اختي اسرار انتي مقدمة الفعل قبل ما يصير اي شيء يعني انتي تتوقعي ان اهلك راح يسون كذا وكذا هذا استنتاجك انتي من خلال معايشتك معاهم طبعا بس يمكن راح يكون ردة فعلهم مختلفة مو لازم يستفسرون من وين وليش ومع مين وكيف ؟؟ اذا انتي موظفة طبعا راح يكون الحمل عليك اقل قولي انه شافك في مكان عملك مثلا او مو لازم تبرري موقفك قولي ما اعرف وروحوا اسأله وطبعا هو مستحيل يحرجك قدام اهلك اكيد بيلاقي كلام عدل علشان يحسن صورته وصورتك قدام اهلك اختي حاول لا تكبري السالفة واتفقي معه انه امه ما توضح شيء قدام اهلك وربك كريم

قوليلهم ان شافني في مووووووول واخته يت عندي وقالتلي وين اهلج وقلتيهم ان اهلج مب معاج فطلبوا منج رقمهم وعطيتيهم ............... وبسسسسسس

ليش يعني عشان من النت ... ياما عرفنا ناااس عاشوا قصص حب وعمرواا بيوووت ..

اذا مجموعه من الشباب مو جادييين .. بنلاقي مجموعه ثانيه جاده

وهذا رايي ؟؟؟وجهة نظر؟؟؟ظ

امممم .. مادري شقوول لكم يا بنااات بس حبيت اووضح كم نقطه عشاان تفهمون الموضوع اكثرر

في بناات شجعوني وبناات حبطووني :(


اوولا انا من الامارات وهو سعودي ..

ثانيا .. الولد لو انه لعااب ومايبي يخطب كان ماقال هالشي من البداايه ولاتعنا وكلم اهله وخلاني اكلمهم ..

ثالثا .. الولد عنده اهل ف الامارات ونيته ينقل الامارات عندنا لانه هو وده هالشي من زمااان وكلم امه وقالت عادي ونحن بنلحقك لانه امه ودها تقعد اهني .. والحمدالله حالتهم الاجتماعيه وااييد ممتازه وولد ناس لهم اسمهم ومكانتهم في الديره ..

رابعا .. اللي تقوول حلات الثوب رقعته منه وفييه بصراااااااحه صح كلامج وانا فكرت بهالشي بس اللي يحب لاازم يضحي ومب اني اعرفه من شهر ولا شهريين بيننا عشره عمر فووق 3 سنيين ..


خاامسا .. شبااب النت بصراحه مامنهم امااان وصح كلامج بس اللي معدنه طيب يبين بافعااله وانا احمد ربي اني عرفت انساان يخاف الله ويخاف علي اكثر من نفسه والدلييل انه يبي يتقدم باسرع وقت ..




عااد الحين ابا راييكم !!!

مافي غير تصارحي الوالدة

اوعطية الرقم خلي اهلة يكلمو اهلك وهي بتجي بتسااهيل صدقيني اذا في نصيب


ونصيحة من القلب التعارف مامدحة لا من نت ولاغيرة والله يهدي شبابنا وبناتنا لكل خير

اولا حرام والدليل ماتبي اهلك يعرفو انك كلمتيةة كيف ترضي اهلك مايشوفو ويدرو والله شايف وعالم هذا الكلام للكل مو لك بس

ولاتزعلي مني بس صراحة زعلت الواحدة لازم تكون فيها غيرة ع بنات وشباب الاسلام

والله يكتب لك الي فية الخير



ومن ترك شيئا للة عوضة الله خيرا منة

شصار وياج فديتج ؟!

شوفي حبيبتي بقولج نصيحه وانتي عاد بكيفج


شوفي حب النت والله مايجيب الا المشاكل وخصوصا بهذا الزمن مافي شيء حب عن طريق النت..
وتره بهذا الزمن اذا شخص يسوي علاقه مع وحده ويسمعه كلام حلو ومدري ايش ويعلاقها فيه تره اذا مو جاد بهذه العلاقه .. بينا وبين نفسه ايقول هذه حبتني عن طريق النت يمكن لما اتزوجها يمكن تخوني من وراي جذي تفكيرهم الشباب هالايام..


وانتي بكيفج حبوبه والله نصيحه اخت حق اختهاا ..

مشكووورين بناات ع النصاايح ..


انا بغيت تقولون لي كيف امهد الساالفه لاهلي مب اللي اسويه صح ولا غلط !!


اتمنى اي وحده ترد تنصحني بالطريقة اللي تخلي اهلي يقتنعووون .. اما وحده بتي تقولي اتركيه وكلام النت وخراابيط وغيره اتمنى انها مااترد واتوقع كل شي واضح ف الموضوع .. الحين بيننا 4 سنيين والحمدالله واثقه فيه وواثق فيني تبوني اخليه جذي !! الولد اصلا شو بيقوول عني علقتني 4 سنين والحين تبي تخليني ؟؟



بروونزيه .. لاحبيبتي بعده ماصاار شي .. بس انا حطيته قدام الامر الوااقع عشاان اجوف شو بيسوووي

ان شاءالله من امشي ف الدراسه شووي ويحصل له وظيفه بالامارات بيتقدم لي ..

الله ايوفقج ويسر امورج

انا من البحرين وخطيبي اماراتي بس امي ربيعه امه فماعرف شاقول حق هلي لو انحطيت في موقفك
بس بعض حلول البنات زينه
ممكن اتقولين حق هلج انك شفتي اخته في السوق كانوا يايين سياحه وخذت رقمج عشان تسألك عن محلات
واخوها شافك وعجبتيه
ان شاء الله اتكون فعلا نيته زينه ويجمعكم بالحلال

اني اقول اذا رحتين عرس وحده من صديقاتك ارجعي واقعدي مع امك

وقولي لها ماما اليوم استانسنا في العرس وكان العروس عندها اهل من السعودية

ماشاء الله عليهم طيبين في وحده منهم قالت لي طالعة حلوة قلت لها مشكورة سألتني انتي صديفة العروس

قلت لها اي قالت شنو اسمك قلت لها القلوب أسرار قالت لي انتي صديقة العروس قلت لها اي

قالت لي عطيني رقم امج بالصراحة نبي نخطبج حق ولدنا قولي حق امج اني استحيت ومشيت ماعرفت ارد

ولا اعطيها الرقم..

بعد يومين قولي حق امج صديقتي اتصلت وقالت لي ان اللي تبي تخطبني حق ولدهم تسأل عني وتبي تزورج

واني عطيتها رقمج حق تتفاهم معاج ؟؟؟!!

سوي روحج بريئة خخخخخخخخ

بعدين خلي امه تتصل في امج وتقول لها انها تبي تزورها مااظن ان امج بترفض ضيوفها

وبجدي تكونين تخلصتي من هالسالفة :)

بالتوفيق والله اتمنى لك كل الخير

عن طريق خالتك

عن طريق الجيران ..........قولي جيرانكم دلوهم عليك
لانه ولد جيرانكم يعرف هالولد اللي يريد يخطبك

اولا :الله يوفقك ويجعله من نصيبك باذن الله..
عندي لكي طريقتين..

اما ..تتفاهمي مع الوالده اذا علاقتك بها قويه وتصاريحها بكل شئ وهي تدبر تقول لاهلك من وين جا العريس..

او ..انت ذكرتي بكلامك ثالثا .. الولد عنده اهل ف الامارات ونيته ينقل الامارات عندنا لانه هو وده هالشي من زمااان وكلم امه وقالت عادي ونحن بنلحقك لانه امه ودها تقعد اهني .. والحمدالله حالتهم الاجتماعيه وااييد ممتازه وولد ناس لهم اسمهم ومكانتهم في الديره ..

ليش ماتقولين لاهلك انه عن طريق اهله اللي بالامارات شافوك وعجبتيهم ..

اتمنى اكون افدتك ولاتنسي تبشرينا بخبر خطبتك ان شاء الله..

خلي أمه تكلم أمح وتقوووول إنها شافتج في عرس في الأمارات وسألت عنج وجابت معلومات .. ولو سألت أمج من عرسه...!!؟

تقول أمه عرس ( فلان ) أي عرس أنتي حضرتيه فعلاً ورقصتي أو كنتي كاشخه ولافته النظر ..

وبس .... وبالتوووووووووووفيق

ولو تزوجتوا وجاء يوم وعاااايرج إنج تعرفتي عليه عن طريق النت!! .. قولي له لو أنا بنت مو زينه ليش تعرفني وتقربني لأهلك ..!!!

وماظن شخص يقرب بنت لأهله إذا هي طايحه من عينه ( وجهة نظر ) ..

بس أهم شي ( إستخيري )

امممم والله مااعرف ياختي انا افكر بهالشي اني بغترب عن هلي وعيالي مابيكونون اماراتيين بس ان شاءالله ربي مايغير عليينا واذا كان من نصيبي ان شاءالله باخذه والله ييسر علينا الاموووور ..

المشكله اني احبه وااايد قلبي متعلق فييه .. لو خليته وخذت غيره باالي بيتم معااه ومابقدر احب زوجي كثر ماحبيته وبتم اقارنه فييه وبتصير حيااتي صعبه :(

سلام

انه راي انج تقولين الى امج اول بأول و تقولين ليها الصج لانه ااذ كذبتين عليها بترفضه امج لازم تقولين ليها الصج

اقول روحي الى امج و اهي مزاجها رايق و كلميها و قولي ليها بيني و بينج و قولي لها انه اهو من السعودية و بدها ينقل الامارات و اهو ما بجي يخطبني الا اذا كون نفسه و حصل له شغلة و قولي لها ااذ تبين تكلمين اهله بعطيج الرقم و كلميهم و سئلي عنهم و جذي اهي راح تتقبل

وبس حبوبة و الله يوفقج دنيا و اخرة