بطه مشمشه;11929354:
الاوده المقفوله دي صالون كنبه و6 كراسي عشان الاوده كبيره شويه انا كتبت فوتيه واقصد كرسي معلهش
والمفتوحه علي السفره دي انتريه امريكاني كنبه واربع فوتيهات
سؤالي ازاي ادي روح للشقه كده وتنطق معايا كل الناس شايفنها حلوه جدا الا انا وجوزي
اه يا بنات عاوزه اعمل زي قعده ارضي كده في بلكونه اوده النوم واعملها تنده ايطالي وسجاده بسيطه لاننا بنحب نقعد فيها اوي وهيا واسعه تفتكرو هتبقي حلوه :confused:
فهماكي يا حبيبتي
بصي اول حاجة الدهانات لو هتقدري تغير الدهانات يبقى حلو اوى
يعيني اعملي ف الصالون لون يمشي معاه وحيطه فلفيت مثلاً
الانتريه الاميريكاني لو لونه هادي اعمليله لون مطرقع او حتى لو
لونه فاقع اعملي حيطه فاقعه والباقى لون يمشي معاه بس هادي اوي
غرفه السفره اعمليلها لون مريح ويفتح النفس
غرفه النوم اعمليها لون هادي او زي اللي كيتي عملاه
مضلع وورا السرير فلفيت برضه بس مطفي مش فيه لمعه
وغرفه الاطفال اعمليها الوان برضه فاقعه شوية والزقي فيها استيكرز
كل الحاجات دي هتتعمل ف شهر اقصى حاجة ان شاء الله
وان شاء الله متكلفكيش كتير
الأركان بقى عليكي وعلى الفازات الكبيرة اللى فيها الزرع اللى بيكون ملولو ده
او شجره صناعيه طبعاً او ارفف عليها اى انتيكس او تابلوهات
واشتغلي على الاستيكرز بقى ف اى ركن فاضي حساه ناقصه حاجة
ومش هيمشي معاه اى فكرة من اللى فوق دول
والموضوع ده هتلاقي حلول للأركان ان شاء الله يعجبك
http://forums.3roos.com/showthread.php?t=490001
ودي برضه شوية صور تانية ممكن تفيدك او تفيد اي بنوتة ان شاء الله
ف اى ركن سواء غرفه معيشة او اطفال او ريسبشن
بالنسبة للفكرة اللى بتقولي عليها انا شايفاها حلوة اوى
وبصي دي صورتين بتوريكي الشكل وانا كمان نفسي اعملها جداً
لو لقيت ليها مكان عندي والامكانيات سمحت بأمر الله
وزي ما بقول دايماً اعملي اللى نفسك فيه ملكيش دعوة بحد
وكمان مش عايزاكي تزحمي الدنيا يعني اجمل حاجة البساطه
انتى اختاري لمسة جديدة ف كل غرفه وطبقيها وان شاء الله بتطلع
حلوة مادام بسيطه ومتنفذه صح :)
lolomody;11929881:
بنات انا دى اول مشاركه ليا فى القسم ده
انا سيراميك شقتى نبيتى فى روز عايزه رايكو فى الدهانات للريسبشن واوده النوم واوده الاطفال
وبس خلاص
اهلاً بيكي يا حبيبتي منورانا
الريسبشن ممكن تعمليه نبيتي ف بيج وتعملي فيه فلفيت حيطه واحده
واوضه النوم ممكن تعمليه على روز او اى درجة من درجاته
زي البينك الغامق وتدخلى اوف وايت فيه
غرفه الاطفال ممكن تعمليها احمر مثلاً او فوشيا
مش عارفه حاولي تجيبي درجتين للون علشان يبقى التخيل اوقع F:
totytwety;11929808:
يا بنات عايزه اخد رايكو انهى انتريه فى دول احلى مع العلم انى هعمله الانتريه الرئيسى بتاع الضيوف لان الشقه مودرن كلها ومش هيبقو جلد يعنى اى موديل هختاره هيبقى قماش
بصي هو في احلى بس اللى سبته ده احلاهم من وجهة نظري
ان شاء الله هدورلك واحاول اجيبلك حاجات مختلفه
انتى عايزاه مودرن عادي و لا مرطقع ولا ايه يعني ايه الفكرة اللى فيه ؟؟؟
kitty_kity;11929828:
مالو كدا كانت اتحلت ياقمر ههههههه
الفكرة اني هحط الوول يونيت ف مكان والمكتبة ف مكان
التليفزيون خطيي عايز نحطه ف الريسبشن مش ف الليفنج
ومصمم ههههههههه
والمكتبة ف الليفنج
انا عايزة مكتبة ينفع احط فيه اتليفزيون بعد كدا عشان غالبا شكلي كدا هشتري تليفزيون تاني وخلاص
بس مش عايزاها يكون فيها مكان مخصص للتليفزيون بحيث اني لو ماجبتوش مايبانش ان ناقصها حاجه
فاهماني؟
هو طلب صعب بصراحة لأن التلفزيون مكانه لازم يكون كبير
انتى كده لازم هتتقيدي ان يكون في جزء تحت كقاعده
وبرضه ارفف فوق علشان لو التلفزيون موجود او لأ
يعني كده كده مكتبتك هتبقى تحت مش فوق معلقه
انا هوريكي كام تصميم وانتى ممكن تعدلي فيه
بصي دي حلوة اوي اللى ف الجمب دي ممكن توسعي مكان
ف النص للتلفزيون ولو مش موجود تحطي فازة او مجموعة فازات
عاجبني بصراحة
انا عارفه انهم زحمة شوية بس انتى طلبك صعب او الشاب هو اللى طلبه صعب :mad:
فانتى ممكن تشوفي اى تصميم وتعدلي انتى فيه
