seymaa;11913797:
ينات انا بقالى فترة مش بدخل كان فى شوية مشاكل كدا يارب الدنيا تضبط اصلى على الاخر
المهم ان النقاش جيه علشان بشتغل فى الشقة انما مش كنت جبت قماش التنجيد لسه علشان اعرف الوان الفرش ايه فياريت تتخيلوا معى الدهان يبقى ايه علشان ان مخى وقف
هو غالبا الأنترية هيبقى على جراى
و الركنة اللى تبقى فى اللفينج هتبقى فوشيا موف او ليمونى
السفرة هتبقى فى غرفة لوحدها و هى بنى محروق مط
غرفة النوم ظهر السرير تركواز دى تقريبا اللى ممكن اقول ان لونها هيبقى اوف وايت بس انتى ايه رايكم هتبقى كلها لون واحد و جيب براوير فوق ظهر السرير و تبقى الستارة فيها لون ينظق الغرفة
وفى طرقة للمطبخ و حمام و غرفة النوم
الانتريه يبقى كل الحيطان اوف وايت وحيطة بس واحدة اخضر او فوشيا او موف حسب لون الخداديات اللى حتطيها على الانتريه
الليفينج اعملى كل الحيطان لمونى وحيطة واحدة موف او فوشيا
السفرة بقى اوف وايت او بيج لكل الحيطان وحيطة واحدة بس نبيتى
غرفة النوم اوف وايت وممكن تحطى استيكرات ونسقيها فوق السرير او تابلوهات باللون التركواز والابيض والبنى وظبطى الستاير والسجاد شرحه
i muslmah;11913973:
بنات عايزة افكار لدهان ورا السرير
غير سبونش ومقلم وورق حيطة
كلها مش عاجبة زوجي
وكمان ايه رايكم احط لونين لغرفة البنات ايه ؟
ونفسي اعمل فيها حركة مش طفولية اوي يعني تنفع للبنات لما يكبرو
هي لونها استر فكرت في ليموني مع روز بس ما نفعش
محتاجة مساعدة عشان النقاش شغال
بننات اسكندرية اجيب منين وزرة يوتن ؟ والفلفليت اشوفه فين ؟
صح هو الفلفيت احسن اختيار ليكى
غرفة البنات ممكن اللون الموف مع البينك وبينهم وزرة وعلى فكرة الالوان دى مش طفوليه خالص لا دى مبهجة وترفع المعنويات وكمان اللون الاورانج والمونى وكمان اللون الاورانج والاصفر
حنان نصر الدين;11915410:
كنت عايزه اسال انتريه الليفنج عايزه اعمله زيتى وادخل معاه لون تانى ممكن يكون ايه و لون الستائر ايه
دخلى معاه اللون الاورانج والبيج واللمونى
ام عمر افندى;11916804:
ازيكم يا قمرااااات ما شاء الله عليكوا كلكم بجد خبره وذووووق
انا بتابع معاكم بس من بعيد لبعيد لانى معنديش اى خبره فى اى حاجه
و لسه مش هعمل حاجه فى الشقه السنه دى وهيه على المحاره بس عاوزة بقا كل واحده فيكوا تعصر خلاصه تجربتها فى التشطيب وايه اللى المفروض اعمله بالترتيب واحده واحده كده والاسبوتات وكله كله
اه وفى حاجه كماان عاوزة اخد رايكم فيها اول ما تدخلى من الباب هتلاقى الريسبشن علطوول مستطيل وفى الحيطه الموازيه للباب بلكونه بفكر ادخلها مع الريسبشن عشان تدى وسع واعمل بدلها شباك كبير محترم ايه رايكم
وانا ينفع عندى افتح المطبخ على الريسبشن حاسه هيبقا شكله حلو اووى ايه رايكم والمطبخ كمان فى بلكونه كبييره برضوا بفكر ادخلها مع المطبخ عشان تدينى وسع وتظبط شكل المطبخ لانه ملوش شكل محدد يعنى مش مربع ولا مستطيل هوا شبه المثلث والله بجد بس لما ادخل البلكونه ممكن يبقا شكله نص دايره فاهمين شرحى بس واحب اقولكم انى اتجوزت وسافرت علطوول وهشطب فى الشقه براحتى
معلش يا بنات انا دخلت عليكوا سخنه بس بجد تعاونكم مع بعض وذوقكم الرقيق وكمان انكم بتقلوا رايكم بصراحه شجعنى جداااا انى اسالوكوا
طبعا بلا شك افتحى البلكونات لانك عندك بلكونةنتين تانيين فكفاية جدا
والمطبخ متهيالى افضل لو كان مقفول مش مفتوح على الريسبشن وممكن تفتحى فتحة بس شكلها نص دايرة مناولة من المطبخ على الريسبشن
اعملى الومينتال طبعا كبير مش صغير عشان الاضاءة واعملى فيه زجاج منغمش مش بيبن ولا جوه ولا بره حيدخل ضوء كويس واعملى ستاير بلاك اوت عشان لو حبيتى تضلمى المكان شوية
kitty_kity;11917822:
اميرة
700 جنيه للجدار كتير جدا
انا ماكلفنيش اكتر من 100 جنيه
وكمان ماعملتش الفيلفت العادي المنتشر الي هو فضي او دهبي
بالعكس رحت وركبت لون ودرجة الي انا عايزاها
بس الراجل بتاع الدهانات بتاعي كان امين الحقيقة
قالي الجدار يحتاج ربع كيلو بالكتير
وفعلا
لكن بتاع الدهانات كان قايلي نص كيلو على الاقل للجدار
والاسطمبة ب25
مش اكتر من كدا :)
بصراحة معلومة جميلة جزاكى الله خيرا والطريقة بتاعة اوضة النوم ان شاء الله تطلع حلوة
