ملف استفسارات بنات مصر للديكور

اولا مليووووووووووووووون الف مرسى لكل بنوته قمرايه ردت عليا وادتنى رايها وبما انى خلاص بقى بقيت طماعه وهنضم لجروب البنات اللى هيتحدف وراهم قله و زير وفى مقدمتهم سيما طبعا هههههههه فباقى اسالتى بقى
1- عاوزه صور صالونات مودرن وسفره مودرن برضوا بس يبقى حاجات مش تقليديه(شحات وبيتامر هههه)
2- عاوزه صور تربيزات تليفزيون lcd مودرن

وبس كده كفايه عليكوا كده دلوقتى معليش بتعبكوا معايا قوووووووووووووووووى



بالنسبه للبنات اللى عاوزه تفاصيل النجار انا مش نسياكوا والله بس هخد رقموا من خطيبى وهسالوا على العنوان بالظبط علشان انا معرفش عنوانوا بس هو قريب من محطه المترو بتاعت سانت تريز لو حد يعرفها وبان الله هبعتلكوا التفاصيل قريب على الخاص انا عنيا ليكوا يا قمرات

tota.batoot;11567281:

ازيك ياقمر..انا عاملة زى اوضة النوم دى بالظبط ولونها بيج فاتح فى بنى بس هى محتاجة اوضة نوم واسعة يعنى لازم النجار يعرف مقاسات الاوضة ويقولك ينفع ولا لا او يروح يشوفها افضل انا عملت كدة.. والدولاب بتاعها انا عملته جرار علشان كنت حابة اعمله جرار والدولاب والتسريحة والعسكرى دخلت فيهم اللون البيج زى السرير

والركنة دى جميلة جدااا

توتا ياا قمر مرسى على ردك قووووى هو النجار بان الله هيجى علشان ياخد المقسات علشان يعمل عليها بس يااااااارب تطلع حلوه زى الصوره بس ممكن لو ينفع يعنى تصوريللى اوضه النوم بتاعتك على الطبيعه ولو مش ينفع عادى والله ياقمر

ازيكو يا بنات اخباركو ايه؟
فاكريني؟. انا هدير
فرحي كان 16/10 وحبيت انزلكو صور شقتي يارب تفيدكو
وتعجبكو.. ازيك يا توتي فرحك قرب والا لسه؟

دي اوضه نومي

ده الليفنج







ده الحمام

*حبيبة حبيبي*

حلوة اوى ياحبيبتى تتهنى بيها يارب

معلش في مواعين :01:















كده يبقي المطبخ خلص الحمدلله
باقي الريسبشن

واوضه حمبوزو :08:

ده الركن اللي كان محيرني عملته جزامه شبه النيش وحطيت عليه اباجوره وشويه جاجات وفوقيه تابلوه للبحر عشان هو ده ركن البحر عندي في البيت لاني بحب البحر جداااااااااااااا

هدييييييييييير
ماشاء الله ياسكر حاجتك عسل اوي وادوتك جميلة
ازيك وازي حمبوزو

شقتك جميله ياقمر وفى انتظار الباقى
بس انا لفت نظرى حاجه الفوط القطيفه اللى فى الحمام
عندى احواتهم بالظبط
ده انا قولت ده انا الوحيده اللى عندى منهم لان ماما كانت جايبهم وانا صغيره ومش عجبنى خالص اقولها فى عينك ساعه مااشترتيهم
تقولى اتنيلى هو حد يعرف يجيبهم دلوقتى
دول مش عند حد
اقولها فعلا وهو مين بيجيب الاشكال دي هههههههههههههههههههه
تتهنى يارب يحاجاتك يارب امين

دي اخر اوضه خلاص






يارب يكون عجبكم
وميرسي يا اميره تسلمي

كيتي ازيك يا قمر واحشاني اوي والله دعيتلك ربنا يكرمك ويباركلك عشان نصيحتك نفعتني بجد يوم زفافي

حمبوزو حلو وبيسلم عليكي اهو

رشروش انا كمان الفوط دي كانت عندي من زمااااااااااااااااااااان بس هما حلوين والله يلا بصره بقي انا وانتي في الفوط هي حلوه اوي بس الوش القطيفه مش بينشف الا بعد كام غسله

ما شاء الله تبارك الله
افكار اوضه النوم عنك حلوه اوى
وكمان فكره النيش اللى فيه بوفيه مع بعض جميله خالص
ربنا يبارلك فى حاجتك وبيتك

قوليلنا كيتى نصحتك بايه؟
يمكن نحتاج نصيحتها

ماشاء الله شقتك جميله
ربنا يسعدك ويهنيكى
ويجيب حمبوزو بالسلامة ان شاء الله

يارب اللهم امين

الحقيقه انا البيريود كانت هتجيلي يوم زفافي
كيتي نصحتني بنوع معين من الدوا اخده قبل الفرح بمده معينه
هيخلي البيريود تيجي وتخلص قبل المعاد الطبيعي بتاعها
والحمدلله توكلت علي الله وعملت بنصيحتها وفعلا البيريود جت وخلصت بدري
ويوم فرحي عدي علي خير الحمدلله كمان الحمدلله رب العالمين الموضوع ما اثرش عليا انا الحمدلله رب العالمين حامل في الشهر التالت
هو بس لحد ما البيريود التانيه بتنزل بتحسي جسمك كأنه مليان ميه او مزند بس كده

ماشاء الله تتهني بيها يارب

بس متنسيش تغسلي المواعين هههههههههههههه

ماشاء الله اللهم بارك شقتك زى الفل ويارب يطرح فيها البركه ويشرف حمبوزو ويمليهالك شقاوة ههههههه

حبيبة حبيبي شقتك حلوة اوووي ما شاء الله:065:

medowawa;11568751:
ميرسييييي يا قمرررررره:083:
طب يا بنات اللي عاملاه تقولي اتخربش منها على طول ولا ايه؟؟؟؟

انا عندي ياجميل بورسلين الجوهره وهو كويس اوي
والخدش مش ممكن يتخدش الابعد عمر طويل وده لو جريتي عليه حاجات تقيله
يعني ممكن بعد 11 سنه كدى,,مش عارفه ايشمعنى 11 ههههههه
انا اقصد بس ان لو حصل كدى بعد سنين من الاستعمال والهري
لكن انا بتاعي اسود فمطلع عيني فلو حتجيبي هاتي ,,الوان تانيه غير الاسود

ميرسيييييييييي يا قمر بجد:016:

قوليلى يا قمر السيراميك دا نوعه ايه والحوض عملاله تقفيلى ولا شارياه كدااااااااااااا

الف مبروك يا حبيبة على الزواج و على النونو إن شاء الله ينور دنيتك على خير يارب

شقتك جميلة و الافكار فيها حلوة ماشاء الله ربنا يجعلها عتبه الخير ليكم

قوليلي بقى الكومود اللي في الصور دا فكرة حلوة بجد و أقتصادية انا شفته على النت و عايزة اعرف جيباه منين و بكام ؟ وياترى عملي و بيستحمل ولا ايه لاني عايزة واحد زيه

البنوته اللي مصوره شقتها
عوزا اقلك انا بعد مشفت شقتك ارتحت جدااااااااااااااااااااا جميله وبسيطه ومش فيها بهرجه كتير بجد مريحه وحسستني اني مش هغلب لما اجي اعمل شقتي لاني بتعاد من الديكورات المبالغ فيها اللي بشوفها كتير عالنت وخصوصا ان شقتي ايجار ف صعب اني اعمل زييها حسيت ان في ناس زيي حاجاتهم هتكون بسيطه وهتبقي جميله برده
ربنا يريح بالك يارب زي ماريحتي بالي

sa7ar66;11578485:
الف مبروك يا حبيبة على الزواج و على النونو إن شاء الله ينور دنيتك على خير يارب

شقتك جميلة و الافكار فيها حلوة ماشاء الله ربنا يجعلها عتبه الخير ليكم

قوليلي بقى الكومود اللي في الصور دا فكرة حلوة بجد و أقتصادية انا شفته على النت و عايزة اعرف جيباه منين و بكام ؟ وياترى عملي و بيستحمل ولا ايه لاني عايزة واحد زيه

اسمحيلي ارد عنها
الكومودينو دا بيكون تقربا من الهلال والنجمه 195 وفعلا شكلو ظريف خصوصا كمان لو فكرتي تلزقي عليه شرايط ستان علي حسب ديكور الاوضه الدهان يعني بيبقي شكلو متناسق وكمان سعره هين وبالتوفيق لينا كلنا يا بنات