ملف استفسارات بنات مصر للديكور

ra_tamima;11548759:
باركولى يا بناااااااااااااااااااااااات انا خلاص روحت واتفقت مع النجار على اوضه النوم واوضه الاطفال والنيش بجد النجار ده طلع تحفه وشغله كمان نازل معرض القاهره تخيلو بقى ال وانا ايه واخده معايا الصور بتاعت الاوض من ع النت على اساس انى اوريهاله طلع عنده الكتالوج كله وكان شغال فى 2 اوضه نوم واللى اكدلى اكتر انه بروفشنال انه ورانى شقه واخدها على المفتاح طلعت شوفت كل الشغل اللى هو عمله طلع تحفه والفينش بتاعه جااااااااااامد اخر حاجه وبيعمل اى تصميم انتى عااايزاه بركولى بقى وعقبال كل بنوته ترسى على عفشها انشالله وعقبال ما يخلصو بقى واشوفهم فى الشقه انشالله
اه نسيت انا كمان هاخليه يدخلى فى الانتريه والسفره اصله بصراحه دخل دمااغى اوى :040::093::093:

kitty_kity;11552816:
انا نفسي اعمله الوميتال
او فورمايكا
بمناسبة الفورمايكا ههههههه الفورمايكا ده خشب يايارا بس واخد طبقة ملونة بتندهن اي لون
يعني ف بيت مامتي ماما عاملاه من 25 سنة لونه لموني هههههههههه

lololo766;11555544:

السلام عليكم

انا صورت اوضة النوم أخيــــراً ومنتظرة رايكم فيها

ومنتظرة تخمينكم علي السعر؟:01:

اول حاجه دا الدولاب :029:

ودا السرير

ودا الكوميدنو بالسرير

ودى التسريحه:066:ومعاها الكرسي بتاعها والعسكري

كلمة حب;11541543:

هي فعلا حيييييييرة
انا نفسي متحيرة قوي مع اني جربت الاتنين في بيت بابا
في الشقة القديمة كان الوميتال، والجديدة خشب
والاتنين احلى من بعض بصراحة، وده يرجع للراجل الكويس اللي بيعمل شغله
بس في غلطة في الالوميتال اننا عملنا الدرف اللي تحت جرار مع الوقت اخشنت وبقت تزيق ههههههههههه فمش تعملي الحركة دي

بصي انا هارفعلك دلوقتي شوية صور مطابخ اللي باذن الله ناوية اعمل التصميم بتاعهم يتماشى مع مساحة مطبخي برضه
والألوان بقى انتي وذوقك

الكورن هاعمله كده لان بالضببببببببط عندي الحوض على يمين الباب والبوتاجاز ان شاء الله هيكون في الوش يعني نفس الشكل كده فهاعمل الكورنر كده عشان احط في الدرفة الرفيعة دي الانبوبة


والدرف القزاز دي شيك قوووي القزاز، حتى لو مطبخ خشب برضه نفس التصميم حلو


بصي ده صغير بس مليان منافع كتيرة، غيري انتي بقى في اللون واختاري المنافع اللي تناسبك


بصي ده شيك قوي لو عملتي خشب
بس خلي بالك لو المطبخ صغير فالبومبيه اللي في الدرفة الحركة البيضاوية دي يعني هتضيق مساحة المطبخ
الا لو تعمليها بس متكونش مرتفعة يعني الدوران بسيط


بصي ده تصميم الدرف اللي في الحيط واللي تحت جميل ممكن خشب زي كده او الوميتال عادي بس يكون من غير تعرجات حتة واحدة مودرن خااالص يعني




ده بقى تحفة وعاجبني قووووووي
وكاسر اللون النبيتي والبيج بالازرق منطقه


وتصميمات الالوميتال تنفع خشب عادي والعكس
الفرق في النقش اللي هيتعمل على الخشب واللون
وبالنسبة للالوميتال الفرق اللون ولو عايزة القوائم السلفر (الهيكل يعني) متعرج ولا حتة واحدة، والحواف حادة ولا معكوفة متنية كده مش عارفة بتتقال ايه :094:

يارب اكون قدرت افيدك ولو بحاجة بسيطة

وانا عن نفسي بعد الحييييييييرة انا كنت مصممة على الوميتال وهاستقر برضه عليه لان بجد تحفة في التنضيف وبيلمع كده وبيبرق في المطبخ بعكس الخشب هو حلو وجميل وبيدي دفئ كده للمطبخ بس مع الوقت لونه بيطفى
الا لو بيتدهن لاكيه او قشرة بتلمع دي بتفرق

وربنا يهنيكي يارب

* كلاسيك *;11562240:
هههههههههههههههه

اولاً ولا يهمك بالنسبة للتقييم

ثانياً بصى يا قمر انتى تعملى اللى ف دماغك وخلاص

يعني هقولك انا اول ما اتخطبت قولت لا لا لا انا هاعمل النوم والصالون بس كلاسيك

وبعدين قولت لأ النوم كمان وبعدين قولت ولا صالون

بس ده اولاً لأنى بحب البساطة والحمد لله دي حاجة بتميز شخصيتي

مش شكر بس نعمة نحمد الله عليها

تانى حاجة انى بحب التميز يعني ف عيلتنا لسه محدش عمل المودرن ده خالص

هيكون حاجة جديدة يمكن مش يفهموها بس انا بفرح اوى لما بلاقيهم متغاظين

من تفكيري ههههههههه شريرة انا

بس ف نفس الوقت مش هاعمل حاجات مطرقعه اوى بحيث انها تنفع لكل زمن

يعني هاعمل انتريه عادى شيك بس بسيط يمشى الاتنين

واوضة النوم سيمبل خالص والسفرة كذلك

يعني من غير حركات وحبشتكنات يعني اشيك وارق وتمشي مع كل وقت

وانتى عليكي يا ستي بالألوان والأكسسوارات والحركات بقى

واى يا خدمة يا ستي انا موجوووووووووده

ربنا يتمملك بخير يا يارب ويفرح قلبك انتى وكل البنات

عايزة بس دعوة حلوة بتعجيل زواجي ولا تقييم ولا يحزنون :)

yoyo butterfly;11556008:



بليييييييز محتاجهمنكوا شويه استفسارات اولا صور لصالونات واوض سفره ضروووووووووووووووورى جدا بس ياريت لو كانت حاجات غيربه شويه لانى مش بحب الحاجات التقليديه بالنسبه للصالونات ممكن يبقى سيمى مودرن فيها شكل شويه مش شبه الانتريهات يعنى والسفره بقى انا كنت من فتره فى معرض القوات المسلحه وكانت هناك سفره مودن فيها شغل حفر كده وعجبتى قوووى حد عندوا صور لحاجات كده لانى للاسف مش صورتها

ثانيا انا اخترت السرير ده لاوضه النوم حلو ولا ايييييييييه ممكن التسريحه والدولاب بتوعه يبقى شكلهم ايييييييه ومكن ايه الوان الحيطان اللى تمشى فى اوض النوم لذيذه وكمان عاوزه اقتراحات لالوان ليفنج حلوه برضوا وجديده مع العلم ان السراميك عندى ابيض وهعمل الريسبشن ابيض مع احمر الوان دهانات

وكمان ايه رايكوا فى ستايل الركنه دى


سورى لانى طولت عليكوا بس محتاجه ردودكوا ضرورى لانى المفروض اقرر بسرعه لان النجار جاى ياخد المقسات بكره ادعولى بليييز ربنا يسهلى ويباركلى اليومين دول واختار حاجات كويسه والنجار يعرف يعملها زى ما انا عاوزه

yoyo butterfly;11563467:
‏morey, ‏Dr.Flowers, ‏lololo766, ‏eng.tasbe7, ‏el noo
ايه رايكوا يا بنات فى المشاركه دى

mariam87;11560650:
بنااااااااااااات هو البورسلين ده قولتله بيلمع جامد و كده حلو للريسبشن
طب سؤااال هو بيتخرش او يتجرح بسرعه ؟؟؟اصل خطيبي خايف من كده و سمع حد قاله كده

* كلاسيك *;11561979:
بنات ده رد كنت كتباه ف موقع تانى

نقلتلكم السؤال والرد إذ ربما حد يستفيد يعني

ويدعيلي دعوة حلوة بتعجيل زواجي :)

انا عايز اعرف ايه الالوان الجديده والموضع السنادي 2010

عايز شويه افكار .. للالوان والحوائط .. والوان الابواب واشكالها .. ان كانت ابواب الغرف او باب الشقه او باب الحمام

مع الوان الحوائط والسقف

yoyo butterfly;11563430:
"][اولا مرسى قووووووووى لكل اللى رد على مشاركتى وادانى رايه وكمان انا محتاجه منكوا صور كتييييير على قد ما تقدروا بليييييييز انا عارفه انى طماعه قووووى بس انوا كرمه ومش هتبخلوا عليا اكيييييييييييد
‏
اولا الركنه بما ان فى اجماع انها كويسه وانا باذن الله هطولها واعملها على مقاس الاوضه عندى وايه رايكوا فى السرير واقترحوا عليا اشكال للدولاب والتسريحه تمشى معاه وايه الالوان الدهانت اللى تقترحوها عليا وعاوزه صور للسفره وصالونات بلييييييييييييييز

وكمان انا معرفتش راى نانى فيس وكلاسيك وصوت العيون والحب هو الحياه وسيما وكل مهندسات الديكووووووووور اللى هنا


اشرى مرسى قووووى يا قمرايه على الصور تسلميلى يارب ولو انك زعلتينى لما قولتيلى ان السرير مش عجبك طب قوليلى ايه اللى مش عاجبك فيه
د\ فلاور مرسى قوى يا قمر على ردك تسلميلى انا هحاول مش اعرض الركنه قوى علشان مش تضيق المساحه بس ياااااريت لو تقدرى ممكن تصورى الانتريه بتاعك اللى انتى عامله زى الركنه
لولو ماشاء الله اوضتك لذيذه وشيك يااااااااارب تتهنى بيها يا قمر
‏eng.tasbe7 ايوه يا قمر الراجل ممكن يعملك الحاجه بعد 3 شهور هاخد من خطيبى رقمه وابقى ابعتهولك على الخاص بس برضوا مش قولتيلى رايك؟؟

yoyo butterfly;11563467:

‏ايه رايكوا يا بنات فى المشاركه دى

الحب هو الحياة;11563736:
البورسلين فعلا حساس اكتر من السيراميك ممكن يتجرح بس هو شيك جدا

ربنا يعجل زوجك وزوجى ههههههههه
تسلمى ياقمر واظرفينا دايما من الاسئلة دى
حابعت كوبى للشاب اللى عندى عشان يتفرج ويحبط :085:

yoyo butterfly;11556008:



كده يا بناويييييييييت محدش يرد عليا غير symma بسسسسسسسسسسس(ومرسى قووووى يا سمسمه يا قمر ربنا يخليكى ليا وتجبر بخاطرى كده دايما ههههههه) بليييييييز محتاجهمنكوا شويه استفسارات اولا صور لصالونات واوض سفره ضروووووووووووووووورى جدا بس ياريت لو كانت حاجات غيربه شويه لانى مش بحب الحاجات التقليديه بالنسبه للصالونات ممكن يبقى سيمى مودرن فيها شكل شويه مش شبه الانتريهات يعنى والسفره بقى انا كنت من فتره فى معرض القوات المسلحه وكانت هناك سفره مودن فيها شغل حفر كده وعجبتى قوووى حد عندوا صور لحاجات كده لانى للاسف مش صورتها

ثانيا انا اخترت السرير ده لاوضه النوم حلو ولا ايييييييييه ممكن التسريحه والدولاب بتوعه يبقى شكلهم ايييييييه ومكن ايه الوان الحيطان اللى تمشى فى اوض النوم لذيذه وكمان عاوزه اقتراحات لالوان ليفنج حلوه برضوا وجديده مع العلم ان السراميك عندى ابيض وهعمل الريسبشن ابيض مع احمر الوان دهانات

وكمان ايه رايكوا فى ستايل الركنه دى


سورى لانى طولت عليكوا بس محتاجه ردودكوا ضرورى لانى المفروض اقرر بسرعه لان النجار جاى ياخد المقسات بكره ادعولى بليييز ربنا يسهلى ويباركلى اليومين دول واختار حاجات كويسه والنجار يعرف يعملها زى ما انا عاوزه