ملف استفسارات بنات مصر للديكور

بننننننننننات هوة النساجون لسه عامل سيل ولا لا وهيخلص امته . ومعلش سوال تانى مهم حد يعرف حد كويس بتاع صالونات شيك واسعارها معقوله فى القاهرة وياريت يقولى رنج الاسعار عنده كام بس حد يرد عليا ضرورى الله يخليكوا . سلالام

amatalrahman237;11389029:

وعلى فكرة انا عندي حاليا نفس الحالة بتاعتك دي رغم اني المفروض بحب خطيبي اوووووووي بس بجد بفكر في حاجات سودة اليومين دول
ربنا يرحمنا ويعدي الحالة دي على خير

amatalrahman237;11389047:
بنات استشارة تانية معلش، انا عاملة الدهانات رصاصي فاتح اووووووووووووووووووووووووي زي مايكون ابيض
وعاملة ركنة هتكون حجرة الليفنج واستقبال الضيوف كمان عشان مساحة الشقة صغنونة

عايزة اقتراحاتكم لالوان القماش بتاع الركنة وياريت ميكونش فاتح عشان البهدلة

semsem83;11387835:
السلام عليكم معلش كان عنيد استفسار انا شقتي صغيره وكنت عايزه اعملها كلها مودرن فهجيب كنبه كورنر جراي خدادياتها احمر واصفر واورانج كنت عايزه اعرف ايه انسب لون حيطه وراها ولا ادهنها ابيض واحط تابلوهات الوان؟وياريت كمان تتديني الوان لاحشن ستاره مودرن معاها من حيث اللون وانا عايزه اعمل كنبه شبه دي كدا


او دي


ياريت اكون قربتلكو الصوره شويه بجد محتاره في الحيطه الي وراها وحاسه الاورانج هيقفلها هستنى ردودكو

الصورة الاولي مش ظاهرة يا قمر، بس التانية حلوة ماشاء الله
انا زيك بالظبط وعاملة الحيطان كلها لون جراي فاتح اوي جاي عالابيض، بيقولوا عليه تلجي
وعملت الشقة كله لون واحد لاني حسيت ان دة هيديها وسع اكتر وقلت هلعب بالالوان والديكور
فانا رايي تعمليها اللون اللي بقولك عليه دة او الابيض هيليقوا مع كل حاجة ان شاء الله
بلنسبة للستاير، الرصاصي بيليق عليه الفوشيا اوي زي الخداديات دة والاخضر التفاحي والموف البتنجاني كمان بيكون تحفة

اشرى;11389090:

يااااااااااااااااااا

مش اسود من الافكار بتاعتى خاااااااااااالص
والله جيتى على الجرح افكار سودة سودة

بصى ممكن تعمل رمادى غامق فى موف او فوشيا او تركواز او بستاج كلها الوان جامدة موووت

ممكن الرمادي في موف دة، ومعلش بقى انا اسود هههههههههه
انا كاروها، اسود في اسود غامق، بس بجد مش عارفة اعمل ايه، انا قلباها نكد عالواد، هو صحيح يستاهل بس انا مش مبسوط :066:

ياجماعة عندى سوال
اية الاماكان الى ممكن يتجاب منها سيراميك اشكالة حلوة بس رخيص مش غالى
لان شقتى دلوقتى موقتة اوى حتجوز فيها و بعد سنتين بالكتير ولا حاجة حغيرها
و مش عاوزة اصرف عليها كتير مجرد اتجوز فيها و خلاص

فعاوزة سيراميك للحماما و المطبخ و الارضيات سعرة مش غالى بس موديل حلو برضوا


سوال تانى هو السيراميك الى على شكل خشب باركية غالى ولا رخيص
لانى كان نفسى اعمل باركية و مش عاوزة اكلف الشقة دلوقتى جامد فحاعمل سبيراميك بنقشة و لون الباركية

amatalrahman237;11389194:
ممكن الرمادي في موف دة، ومعلش بقى انا اسود هههههههههه
انا كاروها، اسود في اسود غامق، بس بجد مش عارفة اعمل ايه، انا قلباها نكد عالواد، هو صحيح يستاهل بس انا مش مبسوط :066:

seymaa;11385665:



شكلهم شيك يا كلاسيك يا جميلة بس ياريت بقى تقولى كل تصميم ينفع يبقى فين يعنى الأخيرة دى متهيئلى تبقى كويسة للنوم صح؟؟

دى شكلها جامدة موت كنتى شايفة فى كارفور اللى فين؟؟؟
صحيح يا بنات تنفع دى اضعها فى الطرقة اللى فى الرسبشن انا هضع فيه ركنة و ان شاء الله السفرة و اجيب الستارة بتاعت الشبك من نفس الخامة

ما شاء الله تتهمنى بيهم و ربنا يكرمك و الولادة تبقى سهلة

بصى يا قمر الرصاصي ف رمادي دي نفسي انا اعملها لغرفه النوم علشان ناعمه

الباقي ممكن للريسبشن لأن قماشهم فخم شوية

اللى فيها تول دي للأطفال

واخر واحده برضه ممكن للأطفال بس تعملي القماش فى دباديب او كده

amatalrahman237;11389047:
بنات استشارة تانية معلش، انا عاملة الدهانات رصاصي فاتح اووووووووووووووووووووووووي زي مايكون ابيض
وعاملة ركنة هتكون حجرة الليفنج واستقبال الضيوف كمان عشان مساحة الشقة صغنونة

عايزة اقتراحاتكم لالوان القماش بتاع الركنة وياريت ميكونش فاتح عشان البهدلة

ممكن يبقى لموني غامق او فوشيا غامق برضه

مادام عايزة حاجة غامقة شوية وممكن كمان موف

والعب ف الوان المخدات بقى




مورو


ماشاء الله يا قمر شقتك حلوة اوى

مع انها كلاسيك بس بسيطه وشيك تتهني بيها يارب

وعقبال ما تقوميلنا بالسلامة :)

اشرى;11389623:

ربنا يارب يصلحلنا الحال انا وانتى ياااااااااااااااااااااااااااااااااااااااارب

انتى هتتجوزى امتى يا اوختى؟؟
وعلى فكرة انا بفكر اسرق اللون بتاعك الى هو رمادى دة او اجدد من الاوف وايت انا عفشى كلة بنى مط اية رايك هيبق حلو؟؟؟؟؟؟؟؟؟؟؟؟؟
وبردو هعمل الشقة كلها لون واحد ماعدا حيطة واحدة فى الريسبشن هعملها اورنج عشان نفسى فية اووووووى (( على رائ خطيبى بيقولى بتتوحمى علية )) ظريف صح يستاهل الى انا بعملة فية

المهم بقا انى ان شاء الله هعمل اللون دة وهجيب سجادة فيهااورنج وديكورات اورنج وعندى السيراميك بتاعى زيتى فحاسة انة ان شاء الله هيبق حلو بأذن الله

ان شاء الله يكون حلو ااوي، انا عندي راي ان اللون الرمادي والرصاصي الوان محايدة زي الاسود والابيض بيليقوا على كل حاجة ان شاء الله
وبعدين ماله يعني لما تتوحمي عالاورانج، يستاهل هو كمان :01: انا عاملة انقلاب عالرجالة حاليا
بجد والله مش عارفة اللي انا فيه دة ليه، انا فرحي يوم 14\5 ان شاء الله وبجد ربنا يستر، انا فعلا خايفة ابوظ الدنيا في لحظة جنون:039::039:

يا بنات حد يقولى لو هفرش شقتى غرفه فيها ركنه والصاله انتريه وسفره ونيش بدون بوفيه وغرفه نوم وغرفه اطفال وتكون حجات حلوة وكويسه يتكلف كام العفش ده لو سعر معقول يعنى مش غالى قوى ولا رخيص ارجوكم ساعدونى..

اميره نفسى;11390355:
يا بنات حد يقولى لو هفرش شقتى غرفه فيها ركنه والصاله انتريه وسفره ونيش بدون بوفيه وغرفه نوم وغرفه اطفال وتكون حجات حلوة وكويسه يتكلف كام العفش ده لو سعر معقول يعنى مش غالى قوى ولا رخيص ارجوكم ساعدونى..

ممكن يبقى في حدود 35 او 40 الف ياجميل

ان شاء الله حوالي 40

اشرى;11388872:

بقولكوا يا بنات انا روحت امبار شفت السفرة بتاعتى وهى بتتعمل التربيزة معجبتنيش خاالص وحاساها صغيرة اوووووى هى مربعة مفهاش حاجة و160 سم بجد اضايقت لما شفتها حاساها صغيرة جداااااااااااااااااااا

انتوااية رايكم 160 صغيرة ولا متهيالى ؟؟
الراجل كان قالى 160 او 180 انا اختارت 160 عشان متبقاش كبيرة اوى وتاكل من الريسبشن بس لما عملهها 160 حستها بقت صغيرة اوووى
وخليتة يغيرها بدل ما تبق سادة يعملى جواها مربعات كدة مفرغة تبان من تحت الازاز عارفنها الحركة دى انا شفتها كتييير
كدة بقا انا مش هحط مفرش وهملى المربعات دى حاجات وافتكاسات

عايزة بقا افكار للمربعات غير الورد المجفف والكريستالات بلييييييييييييييييييييييييييييييييييز

انا شوفت صور حاطين زي احجار كده زلط شوفيتها؟؟ولا احطلك صوره

ريري_84;11373392:
يابنات هو ايه ده اللي ورى الكنبة ده زجاج ملون ولا مرايات ولا تابلوه هم اللي مصممه؟؟ شكلها جامد اوي وتنفع في اللفنج روم

لا ده تابلوه وده صور رسومات جواها بس شكلها تحفة

nonastar;11374258:




ميرسى على ايه يا حبيبتى كلنا هنا موجودين علشان نساعد بعض ومن عنيا حاضر هبعتلك اللينك بتاع الجروب بتاعه حالا





ايوه هو ليه جروب على الفيس انا هبعتهولك حالا وانا لما اتكلمت معاه فهمت كده انه بيصمم بس عنده اللى بينفذ يعنى زى نقاش نجار لكن هو عفشه كله شاريه جاهز

وانا لما اتكلمت معاه كنت عايزه اعرف بس سعر البراويز كام وحاجه عامله زى المكتبه صغيره كده واتفقت معاه انه هيعملهوملى ان شاء الله بس لما احدد الوان الشقه

وكان قالى على البراويز 500 والتانيه 500 لكن مش اتكلمت معاه فى حاجه تانى لانى دول بس اللى محتاجاهم

وده شكل تانى للبراويز وبرده فى شقته




ودى اللى انا بقولك عليها






انا لما سالته قالى انها براويز خشب والصور اللى جواها هو اللى بيصممها ويقطعها ويلزقها على البروايز الخشب فهمانى؟؟؟؟

نونا بليز عايزة الجروب
وبجد دى شكلها تحفة

DR.smsema;11377002:
معلش يا بنات هتعبكم
دلوئتي انا السفرة عايزة اعملها دهبي هي والنيش طبعا وهى كلاسيك
القماش لون نبيتى الغامق زي لون الانتريه وهحطهم في مكان واحد او نص الانتريه بس
المهم المكان اللى هحطهم فيه فيه 2 طرقة وشباك
شباك وطرقة على حيطة واحدة
وطرقة تانية لوحدها
محتارة في الستاير كان نفسي اعملها على نبيتى بس كدة هيكون المكن كاااتم اوىىى
وكان نفسي اعمل حيطة نبيتى بس برده حسيت انه هيغمق اوى معايا
ايه اقتراحاتكم للستاير والدهان
وممكن استخدم ستارة خرز في الطرقة البعيدة
؟؟؟؟؟

بصى انتى لو حتعملى ستارة فى الطرقة حتكون نفس ستارة الريبيشن بس سيمبل اكتر فى الشكل
بلنسبة للحيطان الاوق وايت او الجملى حلوين جدا وممكن تعملى حيطة مقلمة نبتى فى ذهبى او جملى او تعملى حيطة مختلفة نبتى سادة او ذهبى او اوكسيديه
الستارة تقدرى تدخلى النبتى فى البراقع وتدخلى لون الذهبى او الاوف وايت او البيج الفاتح فى باقية الستارة

amatalrahman237;11380008:
بنات انا عندي المطبخ ممكن يكون مكشوف للي داخل وكدة
فمش عارفة ازاي اداريه، انا كنت شفت ستاير بامبو في سنتر بوينت بتترفع لفوق ولما بتنزل بتكون قافلة الباب خالص
ايه رايكم اعملها، انا عاملة مودرن فمش هتشوه المنظر

ايوة شوفتها تحفة وكمان هوم سنتر فيه حاجات روعة افتكاسات جامدة
رايى اعمليها وكمان لو مطبخك خشب حتبقى تحفة معاه

اشرى;11381154:

موجودة فى العتبة بالظبط ادام سنترال العتبة فى محلات كتير اوى بتبيع اكسسوارات المطباخ انا جبت من عندهم بس مجبتش بتاعة الكاسات جبت اكسسوارات تانية بس سالت على بتاعة الكاسات دى فى منها مجوز ومنها مفرد المفرد المتر25 ج والمجوز بحاجة واربعين
اى سؤال تانى انا موجودة

كان فى بنوتة باين بتسال على الوراقة الى هى بتاعة المناديل انا جبت بتاعتى من العتبة بردة استالس ب 25 ج

اشرى قوليلى هيه الاستاند الكاسات دى بتركب ازاى ؟

وروقى ياسكر مع خطيبك واستعذي من الشيطان لانه الفترة دى بيلعب فيها جامد والمشاكل بتكتر من الضغط ولو فيه حاجة مزعلكى منه مفيش احسن من الصراحة اتكلمى معاه واتصالحوا وقربه من بعض وربنا يتمملك بخير ياقمر

ناني فيبس;11381886:
مرسي يا حبيبتي ربنا يخليكي

طيب ممكن اعرف عنوان الراجل دة لو سمحتي



حبيبتي انا عايزة افهم هو سنتر بوينت دة في مصر عبارة عن ايه ومكانه فين عشان انا متلخبطة اوي لان عندي هنا سنتر بوينت مختلف عن اللى انتوا بتقولوا عليه


وااو شيك اوي واختيارك للالوان حلو اوي ومتناسق عجبني اوي

سنتر بوينت اليكس هو مجموعة محلات بس فى مكان واحد ومفتوح على بعضه
فيه جزء ملابس رجالى وحريمى واحذية رجالى و حريمى جزء ملابس بيت ولانجيرى
جزء للاطفال من الابره للصاروخ بالنسبة للاطفال جزء للديكور فيه حاجات تحفة جزء كمان للعب الاطفال
هوم سنتر دى بقى تحفة اليكس كبير جدا فيه استايلات كتير جميله واكتره مودرن فيه
اوض نوم انتريهات ركنات سفرات مودرن اوض اطفال عربيات الشاى اشكال والوان ديكورات خداديات ستاير مودرن فازات كريستالات ورود صناعى للتزيين وحاجات كتير بس الزهايمر

الحب هو الحياة;11391291:
اشرى قوليلى هيه الاستاند الكاسات دى بتركب ازاى ؟

وروقى ياسكر مع خطيبك واستعذي من الشيطان لانه الفترة دى بيلعب فيها جامد والمشاكل بتكتر من الضغط ولو فيه حاجة مزعلكى منه مفيش احسن من الصراحة اتكلمى معاه واتصالحوا وقربه من بعض وربنا يتمملك بخير ياقمر

طيب ده ميوقعش الكاسات

هو حلو جداً بس الواحد يخاف يحطه ههههههه

amatalrahman237;11389047:
بنات استشارة تانية معلش، انا عاملة الدهانات رصاصي فاتح اووووووووووووووووووووووووي زي مايكون ابيض
وعاملة ركنة هتكون حجرة الليفنج واستقبال الضيوف كمان عشان مساحة الشقة صغنونة

عايزة اقتراحاتكم لالوان القماش بتاع الركنة وياريت ميكونش فاتح عشان البهدلة

الرمادي يااااه ده هايليق مع الوان كتيرة بالهبل وكلهم احلي من بعض وهايبقي روش جدا وموضة وحلو اوي ما شاء الله، زي ما البنات قالولك، بتنجاني ، فوشيا ، اخضر تفاحي ، اورانج، رمادي غامق في موف، حاجات كتيرة اووووووي.

* كلاسيك *;11381846:
ماشاء الله يا قمر تتهني بيها

ناني فيبس;11381886:
وااو شيك اوي واختيارك للالوان حلو اوي ومتناسق عجبني اوي

Eng. BoB;11381990:
كتكوتة السفرة جميلة ما شاء الله ربنا يباركلك :)

seymaa;11385665:
ما شاء الله تتهمنى بيهم و ربنا يكرمك و الولادة تبقى سهلة

ربنا يخليكم يا بنات تسلموا يارب.

اشرى;11391950:

انا جبتلك كام صورة للاستاند بتاع الكاسات اول صورة دى بتاعة مطبخ اختى حاطة استاند مجوز جمب الحوض بصراحة نافعها جدااااااااااا [/CENTER]

اشري هو الرخامة واسعة علي الحلة بتاعة الحوض؟؟؟
بس شكله حلو اوي المطبخ ربنا يهينها به يارب.

* كلاسيك *;11392028:
طيب ده ميوقعش الكاسات

هو حلو جداً بس الواحد يخاف يحطه ههههههه

لا مش يوقعها ولا حاجة، بيبقي معمول حساب المقاس بتاع قاعدة الكاس من تحت انها بالعرض الفلاني، وهو بيبقي المجري بتاعه اقل منها عشان تتسند عليه كويس ومش تقع، وفي اوله بس المجري بيبقي اوسع عشان تعرفي تدخليهم فيه، مرات اخويا كانت جايبة نيش في اول الجواز فيه كمان الاوبشن ده وكان لذيذ جدا، بس مش كله طبعا جزء منه، يعني بصراحة الارفف بتاعته كانت متنوعة وكانت راصة بقي الكاسات بأشكال مختلفة كانت تحفة.

تعرفي يا كتكوته انا والله فكرت ف الفكرة دي

قولت ليه النيش ميبقاش كده وكمان ارفف المطبخ

للكاسات اللى هتبقى موجوده ف المطبخ

يعني تفتكري لو نفذتها ف رف واحد ف النيش مثلاً هتبقى حلوة ؟؟؟

اشرى;11391950:

ربنا يخليكى يا حب يااااااارب ويكملك بعقلك يا عاقلة يا راسية انا والله ببق ناوية انى ابق عاقلة واستحمل والجو دة بس ساعة الجد بعيد عنك بتحوووووووووووووووول:039::039::039:
يلااااااا الحمد للله الى عايزة ربنا هيكون وهيحصل
انا جبتلك كام صورة للاستاند بتاع الكاسات اول صورة دى بتاعة مطبخ اختى حاطة استاند مجوز جمب الحوض بصراحة نافعها جدااااااااااا

وتانى صورة دى من النت دة استاند بالمتر

بس بصراحة مشفتش زية فى العتبة كلة زى الى فى اول صورة مجوز او مفرد ولو عايزاة كبير شوية بيحطوة كذا واحد جمب بعض

تسلم ايدك فكره تحفه وانشالله هاعملها وفعلا فكره النيش دى فكره جديده :072::072: