ميرسي اوووووووووووووووووي يا بنات على كل ردودكم وان شاء الله كدة انا هعملها على الباب وارفعها علطول الا لو كان في ضيوف
كان في بنوتة بتقولي انها ممكن تتعمل بالريموت، تعرفي تكلفتها تكون كام، عشان بصراحة عايزة الم نفسي بقى
ra_tamima;11380468:
ميرسى لردك يا قمر وعلى كده بقى كان فى اشال كتير ومقاسات ولا ايه؟؟؟؟؟
اه كان في كذا شكل
totytwety;11380713:
هى الستاير البامبو ديه بتتلم لفوق ولا ايه ولو حد عنده صوره ليها وهى ملمومه ياريت يوريهالى
اه يا حبيبتي بتتلم لفوق والبنات وروكي صورها
mariam87;11381044:
بصي انا فكرت في الموضوع ده في شقتي ان اعمل ايه في المطبخ
انا عندي الصاله عادي و في نصها الطرقه و اول حاجه في الطرقه المطبخ
و باب الشقه عندي مش كاشف الطرقه عشان هو جنبه حيطه
المهم اللي هيكشف المطبخ عندي اللي هيعدي يروح الاوض او الحمام بسس و اللي بيعدي ده لو مش من اهل البيت بيعدي بسرعه مش بيلف و يبص و يقف
فقولت اعمل باب ليه و اخنق نفسي و انا قفلاه و يقشر مع الزمن و عوامل المطبخ قولت هعمل ستاره خرز او بلاستيك كده نازل منها فراشات يعني او قلوب و تكون كتير جنب بعض عشان متبينش اللي جوا اووي لو حد معدي بس تبين حد واقف بس مياخودش باله لابس ايه
و تتلم على جنب
و عندي اللي قاعده على السفره مش بيشوف المطبخ خاااالص و اللي قاعد في الانتريه مش بيشوف معادا كرسي واحد بس اللي قاعد في هيكشف المطبخ الكرسي ده هخلي خطيبي يقعد فيه زي ما بنعمل هنا في بيتنا لما حد بيجي الكنبه اللي في وش المطبخ محدش بيقعد عليها من الضيوف
من الاخر:094:قصدي لو انتي بيتك زيي كده مش مكشوف المطبخ الا لكرسي او كم كرسي فوكك من الستاره هتخنقك و كلام ده و تكتم الهوا طول ماانتي واقفه مش هتعدي تنزليها و تطلعها كل شويه
معلش طولت عليكي بس حبيت قصدي يبان اصل لسه مفكره في الموضوع امبارح بعد ما خطيبي جاب الحلوق و جاب حلوق للمطبخ كمان عشان كنت هعمل باب بس مش مشكله بقى
انا للاسف المكان هيكون مكشوف خالص
اشرى;11381154:
انتى بتقولى ممكن يكون مكشوف ياريت توضحى اكتر شوية مكشوف ولا لا؟؟ لو عندك صور ياريت يبق افضل عشان نتخيل معاكى انا مطبخى فية شباك كبير مفتوح على الريسبش
انا جبتلك كام صورة كدة انا فكرت اعملهم شبة الفكرة الى انتى بتقولى عليها دى
كان فى صورة عندى على الستاير دى روسومات وكدة بس مش لقياها دلوقتى
ادعيلى بقا انى احدد فرحى وان ربنا يتمملى على خير
لحسن انا اليومين دول مش متقبلة فكرة الجواز اطلاقااااااااااا وبعامل خطيبى معاملة باردة اووووووى وهو ملاااااحظ كدة وزعلااااااااااااان منى جداااااااااااااااا (( فى حد حصلة كدة قبل كدة))؟؟؟
بصي هو باب الشقة ادامه صالة صغيرة اوي هحط فيها كورنر صغير وبعدين باب المطبخ علطول، يعني كله هيكون باين، فبفكر اعملها وزي ما انتي بتقولي هشوف اللي فيهم صور ورسومات ةكدة عشان تدي منظر شيك
وعلى فكرة انا عندي حاليا نفس الحالة بتاعتك دي رغم اني المفروض بحب خطيبي اوووووووي بس بجد بفكر في حاجات سودة اليومين دول
ربنا يرحمنا ويعدي الحالة دي على خير
ناني فيبس;11381886:
حبيبتي انا عايزة افهم هو سنتر بوينت دة في مصر عبارة عن ايه ومكانه فين عشان انا متلخبطة اوي لان عندي هنا سنتر بوينت مختلف عن اللى انتوا بتقولوا عليه
احنا اللي عندنا محل كبييييييييييييييييييير اوي جوة كارفور وفيه كذا سكشن واحد للهدوم والعطور والشوزات وملابس الاطفال ولتحف والشمع وكل حاجة
وجنبه في محل البنات قالوا انه ملحق بيه اسمه هوم سنتر وفيه كل الحاجات بتاعة الديكور والعفش المودرن، انا شفت الستاير فيه
على فكرة انا شفتها في كارفور اسكندرية
