ملف استفسارات بنات مصر للديكور

seymaa;10923578:
وشوفوا كدا المطابخ دى و قولوا لى ايهما احسن فى اللون و انا مطبخى بيج فى بنى بس البنى مش كتير

la jolie;10924430:
لا يا بطه انا اخويا اتجوز السنه اللى فاتت وجايب من هناك وانا كمان بأذن الله هجيب بردو والخشب جمييييييييل ماشاء الله :072:

baata;10930691:

بجد يا جولي ربنا يطمن قلبك يا قرب و ممكن تقوليلي طيب ايه احسن الشركات هناك برضه؟

مريم ءادم;10931333:
بنات ازيكم كلكم عاملين ايه؟
معلش مش بدخل كتير ببقى محتاسه فى الشغل كنت عايزه اجابه لكام سؤال كده وطبعا قولت مافيش غير بنات عروس العسل هما الى هيقلولى
بصوا بقى السؤال الاول انا عايزه ان شاء الله اعمل تربيزه سفره صغيره جدا اعملها مثلا 120سم فى عرض 60 سم واعملها 6 كراسى صغيرين قولولى بقى هو مقاس الكرسى بيبقى قد ايه والترابيزه كده هتبقى معقوله ولا ايه؟ وياريت حد يقولى تتكلف كام؟ولو تعرفوا نجار فى اسكندريه

تانى سؤال بقى عايزه اعرف برضه لو عملت ركنه عموله ومكتبه يتكلفوا كام؟ وقلولى هى الركنه بتبقى كام×كام
ولو مثلا عملتها 2.5×1.5 تقريبا تعمل كام

ربنا يكرمكم يا بنات جابوا عليه لحسان انا محتاسه

RAINBOW2000;10931584:
بصى انا حاسة ان ترابيزة عرض 60 دى هتبقى قليلة اوى و عمزماكده عمرها ما هتاخد 6 كراسى انا عندى السفرة صغنونة خالص و هى عرض 90 و واخدة 6 كراسى بالعافية يعنى
الركنة بصراحة مش قادرة افيدك لانى معرفش حد فى اسكندرية بس انا رايى اشتريها احسن و بلاش تفصيلهها لان الركنات دى كتير و فى حاجات اسعارها معقولة

مريم ءادم;10931633:
تسلمى على الرد يا قمر ربنا يكرمك
طيب معلش انت طول التربيزه عندك كام؟ومقاس الكراسى عندك قد ايه؟ عشان انت فعلا خلتينى اخد بالى من موضوع العرض بتاع الترابيزه ده ممكن ميدخلش جواه الكراسى وعلى فكره انا ممكن احط كرسيين على راس التربيزه يعنى 2 من ناحيه و2 من ناحيه وواحد من راس المائده وواحد من الراس التانيه:02:

RAINBOW2000;10931745:
بس لاحظى ان ان الكراسى مش هينفع تقل عن حجم معين علشان الناس تعرف تقعد يعنى حجم الترابيزة مش مشكلة ممكن التغيير فيه انما الكراسى بيبقى صعب و بعدين وضع الكراسى اللى بتقولى علية ده مش هيفرق فى حاجة لان المهم العمق من جوة ما هو كده كده هياخدوا نفس الحيز سواء اتحطوا بالطول او بالعرض فاهمانى

lekaa139;10902901:



ازيك ياقمرايا عاملة اية مبروك عليكي سفرتك ياقمر

بصي انا كمان النوم اللي بيعجبني كلة اغلبة مودرن والليفينج برضة هيكون مودرن

مع ان ستايل الشقة هيكون نوعا ما كلاسيكي

شوفي الصالون دة











ولولا مشوفتيش اي قوضة سفرة شبة دي كدة

او اي بنت فيكم بجد اللي هتقولي على مكان بيبيع حجات زي الصالون والسفرة دي هدعيلة دعوة حلووووووة اووووي





ودفايات بالشكل دة

فين واسعارهم في رنج كم







بليز يابنات ساعدوني وقوليلي محلات تكون بتبيع الستايل دة عشان اشوفهم في اجازتي بلييييييييييييييز

مريم ءادم;10931333:
بنات ازيكم كلكم عاملين ايه؟
معلش مش بدخل كتير ببقى محتاسه فى الشغل كنت عايزه اجابه لكام سؤال كده وطبعا قولت مافيش غير بنات عروس العسل هما الى هيقلولى
بصوا بقى السؤال الاول انا عايزه ان شاء الله اعمل تربيزه سفره صغيره جدا اعملها مثلا 120سم فى عرض 60 سم واعملها 6 كراسى صغيرين قولولى بقى هو مقاس الكرسى بيبقى قد ايه والترابيزه كده هتبقى معقوله ولا ايه؟ وياريت حد يقولى تتكلف كام؟ولو تعرفوا نجار فى اسكندريه

تانى سؤال بقى عايزه اعرف برضه لو عملت ركنه عموله ومكتبه يتكلفوا كام؟ وقلولى هى الركنه بتبقى كام×كام
ولو مثلا عملتها 2.5×1.5 تقريبا تعمل كام

ربنا يكرمكم يا بنات جابوا عليه لحسان انا محتاسه

seymaa;10932534:
ب\يا بنات هو انا ممكن بدل ما اضع مرايا على البوفيه اضع تليفزيون بلازما؟؟؟

الانسة مكتوب كتابها;10934589:

السلام عليكم ورحمة الله وبركاته

انا معجبه بيكم اوي بنات وبتعاونكم مع بعض وكنت دايما نفسي اكون معاكم،وكل ماوحده تنزل صور شقتها بفرح اوي كإنها شقتي،والحمد لله بعد سنتين كتب كتاب اخيرا حنبدأ في توضيب الشقه
والاول محتاجه استقر على الوان الحيطان مع العلم اني مش بحب الازرقات ولا سن الفيل،وعندي الريسبشن ياخد 3 قطع او4 وبفكر اعمل حيطتين نبيتي غامق اواحمربس مش عارفه اعمل باقي للحيطان ايه.
وحعمل الصالون إن شاء الله ذهبي في نبيتي،والسفره بفكر اعملها ذهبي ولسه مستقرتش على الانتريه.والسيراميك لونه بيج
الله يكرمكم همتكم معايا انا مش عندي تصور واضح واخواتي بيتريؤا علياوبيقولولي النبيتي انتشر اوي ومش عارفه اعمل ايه،وخايفه اضطر اعمل حاجه مش داخله دماغي وبعدهااندم
وممكن تقولولي مارو عشان ده اسهل

مستنياكم عشان بجد نفسيتي حتبدا تتعب خلاص