ملف استفسارات بنات مصر للديكور

newlife;10903177:
ايوة يا حبيبتى ممكن زجاج مصنفر بس مش كل الضلف طبعا على حسب احتياجاتك يعنى مثلا لو عندك أطقم كاسات أو كوبيات شاى أو خشاف وغيره من الكريستالات تعرفى هم اد ايه ويبقى الزجاج فى الضلف اللى تظهر الحاجات دى بس والباقى مقفول
بالنسبة للضلفة اللى فوق التلاجة فعلا فكرة حلوة انك تعمليها ضلفة واحدة اللى هى بتتفتح من تحت لفوق عشان تطوليها وتبقى سهلة فى الفتح
بالنسبة للشيالات ممكن تجيبى الاسبتى الخوص حجمها متوسط كده وبعدين تخلى الراجل يعملك مكان فاضى بين الضلف السفلية وتقسميها رفوف كده أو ممكن لو عندك كورنر فى المطبخ مش مستغل ممكن تحطى فيه وحدة من الخشب بفريم أو اطاء خشب بس ورفوف وتجيبى الاسبته دى وتحطيها على الرفوف

بالنسبة للسفرة المودرن اعتقد تسيبيها كده من غير مفارش لو فيه جزء زجاج ومحفور تحته ممكن تحطى ورد مجفف أو كريستالات أو لو مفيش ممكن تحطى مفرش روش كده مش كبير ويتلف حولين طبق فاكهة او كاس كبير فيه برده كريستالات أو ورد مجفف

شكرا ياقمر هو غالبا كدا مش هيبقى فى كورنر المكان اللى فاضى هيبقى للأنبوبة بس انا عايز اعرف ايه الشكل الى هيبقى احسن بس انا مش فهمت قوى يعنى يخلى مكان فاضى بين الضرف ماشى بس اقسمه ارفف ازاى؟؟؟
اكيد مش هعمل المطبخ من فوق كله زجاج ممكن الجزء بتاع المطبقة و الجزء اللى هيبقى فيه باقى الأكروبال و الكاسات و هشوف ممكن طقم العشا كمان

ايوة يا سيما عامة فيه صورة لصاحبتنا هنا فى المنتدى اسمها منار عاملة الفكرة دى فى مطبخها حشوف الصورة وانزلهالك

newlife;10903881:
ايوة يا سيما عامة فيه صورة لصاحبتنا هنا فى المنتدى اسمها منار عاملة الفكرة دى فى مطبخها حشوف الصورة وانزلهالك

شكرا يا قمر

بصى يا سيما روحى صفحة 168 كده عشان تشوفى الصورة لانى مش عارفة انزلها معلش

واحة الحب..;10898884:
ممكن مساعدة يا بنات
عايزة صور لابواب غرف وباب شقة لاننا بنعمل شقه اخويا وانا نفسي اساعده بأفكار

وسؤال معلش هو السيراميك بيتعمل الاول وللا الابواب؟؟؟
شكرا ليكوا

حلوق الابواب تتركب و بعدين اليراميك و بعده يجى النجار تانى يركب الابواب و الشبابيك

lekaa139;10902901:



ازيك ياقمرايا عاملة اية مبروك عليكي سفرتك ياقمر

بصي انا كمان النوم اللي بيعجبني كلة اغلبة مودرن والليفينج برضة هيكون مودرن

مع ان ستايل الشقة هيكون نوعا ما كلاسيكي

شوفي الصالون دة











ولولا مشوفتيش اي قوضة سفرة شبة دي كدة

او اي بنت فيكم بجد اللي هتقولي على مكان بيبيع حجات زي الصالون والسفرة دي هدعيلة دعوة حلووووووة اووووي





ودفايات بالشكل دة

فين واسعارهم في رنج كم







بليز يابنات ساعدوني وقوليلي محلات تكون بتبيع الستايل دة عشان اشوفهم في اجازتي بلييييييييييييييز

الاستايل الكلاسيك الامريكان دا موجود فى امريكان فرنتشر فى مدينة نصر
و هابيتات اللى فى اركديا
و طارق تريد فى شهاب و جمب جنينه مول
لو افتكرت اماكن تانى حقولك بس دول اكيد فيهم الاستايل دا
بس الاسعار عالية طبعا:mad:
بس بصراحة ذوق راقى و انا بحبه جدا بس خطيبى مش بيحب كده و بيحب المودرن فانا حعمل مودرن ان شاء الله
اعمليه يا لقاء و ابقى اعزمينى عندك :D:D

مكرووونة;10904020:



الاستايل الكلاسيك الامريكان دا موجود فى امريكان فرنتشر فى مدينة نصر
و هابيتات اللى فى اركديا
و طارق تريد فى شهاب و جمب جنينه مول
لو افتكرت اماكن تانى حقولك بس دول اكيد فيهم الاستايل دا
بس الاسعار عالية طبعا:mad:
بس بصراحة ذوق راقى و انا بحبه جدا بس خطيبى مش بيحب كده و بيحب المودرن فانا حعمل مودرن ان شاء الله
اعمليه يا لقاء و ابقى اعزمينى عندك :D:D

مش عارفة ادعيلك واقولك اية اطلبي بس ميرسي اوي ياحبيبتي بجد

والاسعار طيب رنجات كم تقريبا

ويسلام تنوريني وتشرفيني والله العظيم

:)

بس ادعيلي كل شيء يطلع زي اللي في بالي

newlife;10904011:
بصى يا سيما روحى صفحة 168 كده عشان تشوفى الصورة لانى مش عارفة انزلها معلش

انا شوفته بس مش بيأخذ كتير و متهيئلى كدات الحاجة ممكن تكمكم صح؟؟ هو كويس ان كل حاجة تبقى مدارية بس مش عارفه هفكر كدا و اشوف
ربنا يخليكى يا قمر على مساعدة يا ريت لو ترجعى 3 او 4 صفح و تشوفى الصور اللى انا وضعتها للأنترية و الركن و السفر علشان بأختار ما بنهم هو كدا المطبخ سيبها بقى للنجار و النوم الحمد الله تم الأتفاق عليها مش عارفه انتى شوفتها و لا؟؟ علشان احنا هنقول للنجار يبدأ و الألوان مش دلوقتى

ازيكوا يابنات عاملين ايه يارب تكونوا كلكم كويسين انا كنت عايزة اسأل الكرانيش السقف اللي زي الصورة دي
تنفع مع المودرن؟ ولاايه


وفي دهانات مودرن مخصوص للمودرن ولا ايه ياريت تفيدوني عشان خلاص هنبدء دهانات
والاسبونش يمشي مع المودرن ولاايه وهتكون حيطة واحدة لو عملت اسبونش
وكنت عايزة صور لدهانت الحوائط يكون لونها بيج بليزززززز

هبه الجندى;10902155:
ازيكو يا قمرات يا رب ننجوز بقاعشان نخلص من هم الشقه والعفش كنت عايزو اخد رايكو فى حاجه انا عندى اوضه الانتريه مفتوح على الصالهيعنى الاوضه مربعه ناقصه ضلع والضلع اللى ناقص دا قباله فى الوش شباك كبير . فهدن الشقه بيج فاتح فعيزة اعمل حيطه تكون لون غامق مش عارفه اعملها انهى حيطه لان عندى كمان ستارة ومش عارفه برده اعملها ايه وعلى فكرة الانتريه لونين نبيتى فى لمنى والنبيتى اللى كتير 0 يا رب تكونو فاهمين كلامى وتفيدونى وعايزة افكار تنزل على زى المطر :D

الحيطة المختلفة اى واحدة من الاضلاع التلاتة سواء حتكون وراء الانتريه او الصالون

seymaa;10902556:
[
معلش يا بنات اصل تعبانة مش هعرف اعمل رد متعدد
المهم البنوته اللى كانت بتسأل على اسعار السيراميك بتحدد كمان على حسب الفرز يعنى الفرز الأول بيبقى ارخص من التانى فى التركيب
اللى كانت بتسأل على الأبواب حلو الأبواب اللى بيبقى فيها زجاج مسنفر
اما بقى البنوتة اللى كانت عايزة تساعدنى فى اختيار تصميم المطبخ للأسف انا مش اخترت حاجة النجار هيعمله خشب و هيقفل لى كل حاجة داخل المطبخ يعنى الثلاجة و البوتاجاز و الحوض و الغسالة انا قولت لخطيبى بقى قوله طيب يخليه روش يعنى هبقى عايزة الأضرف اللى فوق تبقى زجاج مصنفر ايه رأيك؟؟؟؟
وكمان حاجة الضرفة اللى فوق التلاجة يعملها ضرفة واحدة باب واحدة و لا ضرفتين انا كنت بقوله ضرفيتن بس فكرت دولوقتى تبقى ضرفة واحدة علشان لو عندى طبق كبير و لا حاجة اضعه فيه
ياريت برده تقولى لى ايه رايك؟؟؟
في حاجة كمان دا مش هيبقى فى مكان للشيالة هو ينفع اخلى الشيالة بتاعت البصل و التوم د اخل ضرفة فى المطبخ و لا اقوله و يسيب ليها مكان ايهما اشيك؟؟؟؟؟
كمان كنت عايزة اسأل هى السفرة المودرن اجيب ليها مفرش كبير و لا المفارش الصغيرة و اللى تتلف كدا تحت طبق الفاكهة؟؟؟؟؟؟؟؟ظ

الضرفة اللى فوق التلاجة تكون باب واحد
بالنسبة للشيالة ممكن تقوليله يعملك ارفف وانتى تجيبى سباته مخصصة ليهم او تعملى ارفف وتققفليها باب كانها دولاب عادى
الموردان الاشيك المفارش الصغيرة

ريومة228;10905698:



ازيكوا يابنات عاملين ايه يارب تكونوا كلكم كويسين انا كنت عايزة اسأل الكرانيش السقف اللي زي الصورة دي
تنفع مع المودرن؟ ولاايه


وفي دهانات مودرن مخصوص للمودرن ولا ايه ياريت تفيدوني عشان خلاص هنبدء دهانات
والاسبونش يمشي مع المودرن ولاايه وهتكون حيطة واحدة لو عملت اسبونش
وكنت عايزة صور لدهانت الحوائط يكون لونها بيج بليزززززز

الكرانيش لا كلاسيك الافضل تعملى الاسقف اللى فيها الاسبوتس
الدهانات المودرن بتكون الوان مطرقعة وجرئية شوية وطبعا ممكن تعملى الدهان كديور مع الموبيليا وممكن تحطى ورق حائط فى حيطة واحدة كانها مختلفة عن الباقى
طبعا الاستيكرات اللى بتتلزق مودرن جدا
الاسبونش اعتقد على حسب نقشاته

البيج هنا ارضيات وحوائط والمفرش جميل اوى وشيك


البيج هنا فى السقف







الارضيه هنا بيج




دى الاوصة مودرن والشغل فى البروايز والخدوايات

وانا بعمل بحث لقيت صور لشقق فيها افكار حلوة قولت تستفيدوا منهم زى ما استفدت اتفضلوا

يارب تعجبكم الصور واللى يستفيد يدعيلى ربنا يييسرلى امورى

seymaa;10905182:
انا شوفته بس مش بيأخذ كتير و متهيئلى كدات الحاجة ممكن تكمكم صح؟؟ هو كويس ان كل حاجة تبقى مدارية بس مش عارفه هفكر كدا و اشوف
ربنا يخليكى يا قمر على مساعدة يا ريت لو ترجعى 3 او 4 صفح و تشوفى الصور اللى انا وضعتها للأنترية و الركن و السفر علشان بأختار ما بنهم هو كدا المطبخ سيبها بقى للنجار و النوم الحمد الله تم الأتفاق عليها مش عارفه انتى شوفتها و لا؟؟ علشان احنا هنقول للنجار يبدأ و الألوان مش دلوقتى

لا شكر على واجب وان شاء تعمليه أحسن حاجة وتبقى بقى تورينا صورته ان شاء الله بعد ما يخلص ، بس انتى بتقولى ان الانبوبة حتحطيها فى ركن ليه هومش حتقفلى جنب البوتاجاز عشان الانبوبة المفروض كله يدارى شوفى كده الراجل حيعملك ايه
بالنسبة للانترية والركن حشوف واقلك ان شاء الرحمن

هم دول يا سيما اللى عجبونى :)وشوفى انتى بقى وفكرة النيش أبو ضلفتين حلو ويوفر فى المساحة بردك

ما شاء الله لا قوة إلا بالله ايه الحاجات الجميلة جدا دى يا حب اتحفتينا والله وبجد فيها أفكار جميلة وأكيد البناوويت حيستفيدوا

newlife;10910455:
لا شكر على واجب وان شاء تعمليه أحسن حاجة وتبقى بقى تورينا صورته ان شاء الله بعد ما يخلص ، بس انتى بتقولى ان الانبوبة حتحطيها فى ركن ليه هومش حتقفلى جنب البوتاجاز عشان الانبوبة المفروض كله يدارى شوفى كده الراجل حيعملك ايه
بالنسبة للانترية والركن حشوف واقلك ان شاء الرحمن

لا هيقفلى جانب البوتاجاز بس انتوا بقى عارفين لما الرجالة هم اللى بيتفقوا فى المطبخ مش بيبقوا فاهمين قوى فاخر ما زهق خطيبى قالى روحى انتى للنجار علشان المطبخ شوفى انتى عايزة ايه و قولى له عليها هو النجار قال انه هيقفل كله بس اللى منت بسأل هو دا كدا مش مضر يعنى لو الأنبوبة داخل الخشب أو كمان البصل و التوم مش ممكن يبوظ من انه داخل المطبخ نفسه و لا ايه؟؟؟

newlife;10910508:








هم دول يا سيما اللى عجبونى :)وشوفى انتى بقى وفكرة النيش أبو ضلفتين حلو ويوفر فى المساحة بردك

انا عجبنى السفرة دى برده اللى هى التانية بس انهاردة النجار قال يا اما النيش يا البوفيه كنت بفكر اعمل بوفيه صغير و نيش صغير و لا اعمل حاجة مكس بس مش هينفع مع المودرن صح؟؟؟
ادعولى بقى اصل الحاجات دى دأت تأثر على أعصابى
على العموم شكرا يا قمر لو عندك حاجة احسن من دول ابعتيهم فى على طول هو نجار ابتدا فى غرفة النوم

newlife;10910533:
ما شاء الله لا قوة إلا بالله ايه الحاجات الجميلة جدا دى يا حب اتحفتينا والله وبجد فيها أفكار جميلة وأكيد البناوويت حيستفيدوا

انا معاكى انا كمان شكرااااااااااااااااا و هل من ما زيد

بنات انا فتحت السايت بتاع طارق تريد

http://go.3roos.com/aRrTk9oZost

وامريكان

http://go.3roos.com/hLs2Gq45iZi

مش لاقية برقة الحجات بتاعة هنا

حتى الصالونات اللي عندهم ترابيزتهم فيها اويمة :( كتير اوي

هوة هل كل مستوى الامريكان ستايل اللي في مصر بالشكل دة (

بليز ردوا علية ضروري ربنا يخليكم

عاشقة الرحمن دينا;10878988:
انا ان شاء الله هسكن في هضبه الاهرام (حدائق الاهرام) منطقة (ح)
بعيده اوي و لسه صحرا بس لحد ما نتجوز هيكون في عمار ان شاء الله



انا عملت كرانيش لسه من شهر كده
المتر ب 20 الجر
و 20 الصب فورمه
بس انا عمات ب 25 علشان عملت كورنرز فيها نور و بيت ستاره

ايه هو بيت الستاره؟
ياريت لوعندك صوره نوضحه