ما ادري ليش انقهر اذا اعرف وحدة تبي تضعف
واني امبي امتن طولي زين يمكن 160 بس وزني مابقول كم
بنات خففوا سوالفكم بخصوص الوزن
او فتحوا موضوع لحاله للوزن علشان نشارك وياكم
لوووول
أقولج بني آدم طماع
دائماً مب راضي بلي عنده
و غيره يقوله إلي عندك زين
إنتي تبين زيادة وزن
غيرج يقول أبي أخفف وزن
وأحس مسآلة الوزن .. صارت شي معقد مسبب للكل توتر
بس خلاص .. بنسد الموضوع
لأن مب حلوة نتكلم بأشياء جانبية
ما نبي مخلفات بموضوعنا
وسوري مرة ثانية ..,
/
\
حبوبة حلم العذارى شخبارش
واجد اتابع مواضيعش لانها حلوة
المهم انا معاج ان ما تسوي لها الاخت تمليس او اي شي لان فعلا ما يصلح الا للمجعد او الليف على قولتنا
انا صادني موقف احمد ربي عليه
خالتي مسوية تمليس والشعر مصبوغ وسيدة يغرش عدل الا انط اني واقول اني بعد ابي اسوي
والحمد لله اللي سوت لخالتي عندها ضمير صاحي وقالت ليي مستحيل اسوي لش تمليس واخرب شعرش
المهم قمت اصيح الا ابي وصحت وتعبت وزعلت
بس الحين احمد ربي ان ما سمعت كلامي ومشت ورا الفلوس الله يعطيها العافية على حسن نيتها وضميرها الصاحي
أهلين حبيبتي ..,
أنا بخير إنتي أخبارج ؟!
تسلمين والله
يسلم قلبج .. فديتج
والحمد لله خالتج ضميرها صاحي في شغلها
لو سوت لج وعلى عنادج محد بيتحسف غيرج
أنا آخر مرة رحت ( صالون لطيفة ) سويت رايبوند .. بس ( للجذور ) و قصيت الأطراف الميتة
ما شاء الله عليها
قالت لي مشاكل شعري
وعطتني العلاجات
وقالت لي تحملي فيه
حسيتها تشتغل من قلب وبضمير
ولأنها أساساً مالها شغل بتحديد السعر .. يعني ما همتها الفلوس
وكان الصالون فاااضي << رايحة من الصبح
وكملتي على روااااااق
ما أدري هالمرة أروح عندهم لو أغير ؟!..
أبي صالون متخصص بعد
وأفضل شغل البحرينية
لأن أحس المسلمة يدها فيها بركة في الشعر لا قصته وتعبثت فيه
عكس الغير مسلمات ..,
/
\
خساره !!
كان خاطري..
وانا عندي براون الفير التايلندي بس ما اعرف استخدمه .. غير ان اتملل !!
ياليت الي تعرف تعلمني عليه ..
بيييييه
عاد خيتو ..,
أسهل من فير براون ما في
أنا إذا مستعجلة وحدي حدي .. خلال ثلث ساعة تقريباً
أسوي شعري ويفي هاللون بالضبببببببببببط:
شلون ؟!..
أول شي ضبطي الحرارة
على شي ملائم لنوعية شعرج
وتقدرين تشوفين الكتيب الدرجات الملائمة لشعرج
أنا دوم أخليه بين 170 إلى 200 " هاي التوب "
زين ..,
أنا ستخدم على شعري سائل تصفيف بالحليب ( من لوريال ) ريحته حلوة و شعري يكون جاف يعطيه إنتعاش
زين حاولي قدر المستطاع تبدين بالشعر من الجذور
صعب ومب مثل السشوار
بس مع التعود بتضبطين الحركة
أنا أسوي شعري من فوق لفوق .. يعني ما أشتغل عليه كامل إلا لين كان عندي وقت أو إختي تساعدني
والويفي .. خذي الفير وحركيه على برى
بيصير شعرج بروحه
أنا أسويه وأحط أسبري خفيف من ( لوريال )
ويصير مثل هالصورة ..,
خطيبي يستانس عليه وكل يقولي فن
وصدقيني سهل!..
بس يبي له صبر وتعلم .. وأقري الكتيب
و بعدين خلال ربع إلى ثلث ساعة بتقدرين تشتغلين بسرعة
تعودي عليه ..,