مضايقة كلي الم وحززن اليوم عرفت جنس النونو وطلعت من عند الدكتورة وانا اصيييييييح!!!

حبوبة ... اولا استغفري ربج كثر ما تقدرين
انا عارفه بتقولين هالكلام معيود عليج
بس والله ياما ناس اعرفهم يتمنون الخلفه وازعاج الاطفال ... وانتي الله رازقج بالسهالات وتقولين هالكلام
هاي ظعف ايمان حبيبتي

وبعدين كل طفل يجي ويجيب معاه رزقه ... يعني لا تحاتين وان شالله ربج بيسهل امورج وماتدرين هالولد يمكن يطلع احسن عيالج وتقولين ياليت ماقلت ذاك الحجي

حبوبة .... في ناس سوو مثلج وطاح الياهل وانجرموا من الانجاب نهائيا بعيد عنج وعن السامعين وكان عقاب من رب العالمين لانهم ماحمدوا ربهم وتذمروا على نعمه كبيرة

لا تفتحين على نفسج ابواب ابليس وتسمحين له يخربط على راسج

ادري نفسيتج تعبانه والله ادري .....
وفاهمه شتقولين ... بس خلني اقولج سالفه بنت عمتي

تزوجت واحد عليه ديووون ومايصفى من راتبه غير 1700 ريال ... وحملت وجابت بنت وسبحان الله زاد راتب زوجها وصار يصفى لهم حول ال4000 ومرت السنين كل ما تجيب ياهل يزيد راتب ريلها واخر اثنين جابتهم هي اشتغلت وبراتب قوي

سبحان الله والله ماجذب عليج ... هاي صج صار وجدام عيني ...

ومافي حد يموت من الجوع ...

انتي استانسي وفكري ان بيكون عندج بيبي تتسلين معاه

وعقب هالياهل ... اخذي احتياطاطج ...واستخدموا مانع عدل ...باشراف دكتور

عرفتي حبوبة ... يالله افرجيها واظحكي
وانظمي للتجمع للشهر اللي بتولدين فيه
بتعيشين معاهم سوالف ومواقف تظحك وبتجوفين

الله يثبته لج يارب

والله يهون عليج

حمدي ربج يا اختي ان عندج عيال حمدي ربج انا اعرف ناس يصيرون لي 30 سنه ماعندهم بنت ولا ولد يتمنون طفل واحد وانتي تصيحين لان ماعندج بنيه وحده
حمدي ربج وقولي يارب لك الحمد ولك الشكر
انتي تسوين فروحج جذي
اللي ماعندهم ضنى شيقولون

دفء الجليد;9537314:
حبوبة ... اولا استغفري ربج كثر ما تقدرين
انا عارفه بتقولين هالكلام معيود عليج
بس والله ياما ناس اعرفهم يتمنون الخلفه وازعاج الاطفال ... وانتي الله رازقج بالسهالات وتقولين هالكلام
هاي ظعف ايمان حبيبتي

وبعدين كل طفل يجي ويجيب معاه رزقه ... يعني لا تحاتين وان شالله ربج بيسهل امورج وماتدرين هالولد يمكن يطلع احسن عيالج وتقولين ياليت ماقلت ذاك الحجي

حبوبة .... في ناس سوو مثلج وطاح الياهل وانجرموا من الانجاب نهائيا بعيد عنج وعن السامعين وكان عقاب من رب العالمين لانهم ماحمدوا ربهم وتذمروا على نعمه كبيرة

لا تفتحين على نفسج ابواب ابليس وتسمحين له يخربط على راسج

ادري نفسيتج تعبانه والله ادري .....
وفاهمه شتقولين ... بس خلني اقولج سالفه بنت عمتي

تزوجت واحد عليه ديووون ومايصفى من راتبه غير 1700 ريال ... وحملت وجابت بنت وسبحان الله زاد راتب زوجها وصار يصفى لهم حول ال4000 ومرت السنين كل ما تجيب ياهل يزيد راتب ريلها واخر اثنين جابتهم هي اشتغلت وبراتب قوي

سبحان الله والله ماجذب عليج ... هاي صج صار وجدام عيني ...

ومافي حد يموت من الجوع ...

انتي استانسي وفكري ان بيكون عندج بيبي تتسلين معاه

وعقب هالياهل ... اخذي احتياطاطج ...واستخدموا مانع عدل ...باشراف دكتور

عرفتي حبوبة ... يالله افرجيها واظحكي
وانظمي للتجمع للشهر اللي بتولدين فيه
بتعيشين معاهم سوالف ومواقف تظحك وبتجوفين

الله يثبته لج يارب

والله يهون عليج

قلت لكم من البداية اني الحمدلله مؤمنة حتى لما عرفت الحمل


تضايقت اي بس ما نتفت روحي وقلت يمكن هذا الحمل اللي جى بدون تخطيط يكتبه لي


بنت لكن مع الوقت وتعبي مع اطفالي وهم متعبين وعفيسين وكل مراكض وراهم


خصوصا الصغار سنتين وسنة يتعبوني وايد تصوري ويجي لهم اخو انا خلاص بنهار



لكن حمدت ربي الف مرة وحتى في صلاتي ادعي ان الله يعطيني الصبر الصبر الصبر



والعافية لكن لما وصلت الشهر الثالث شفت ان معاناتي قاعدة تزيد ومريت بلحظة من لحظات



الضعف فوق هذا وعصبيتي مع الأطفال ومع زوجي اذا تهاوشت معاه



وفكرت اني اسوي جدي لكن والله عقب الشىء اللي صار تندمت واستحيت من ربي



ولأني الحمدلله ملازمة الصلوات على محمد والاستغفار على طول وان شاء الله بيسامحني



لأن من تاب الى الله توبة نصوحة الله يتقبل توبته واللي مريت فيه امتحان منه سبحانه وتعالى



وجايز بعد الدكتورة غلطت عشان الله يشوفني شلون لو جاني ولد والحمدلله



اني سألتها ولا اضل اتعلق بأمل البنت وفي الولادة ايخيب ظني ودائما اكرر الحمد لله



ويارب ترضيني باللي تقسمه لي وتجعله صالح .



شكرا لكم اخواتي وايد خففتوا علي ورفعتوا عني الضيق

بحرينيه عسل;9527642:
حبيبتي بقولج قصة حدثت في زمان نبينا موسى كليم الله جاءت له امراة وقالت له ادعو الله لي ان يعطيني الذرية فدعا ربه ورد عليه الله سبحانه وتعالى اني كتبتها عقيم وبعد كذا عادت لنبينا موسى تطلب نفس الطلب ودعا ربه ورد عليه الله عز وجل اني كتبتها عقيم وبعد سنوات عادت هذه المراة وفي يدها طفل فسألها النبي موسى ابن من هذا فخبرته انه ابنها فسأل ربه عن ذلك فقال له كلما قلت عقيم قالت يارحيم كلما قلت عقيم قالت يارحيم فسبقت رحمتى قدرتي،،،،،،،

فلا يرد القضاء الا الدعاء والاستغفار وانا في ابني الاخير كذا دكتورة اكدت لي انه بنت وكان عندي ولدين المفروض افرح ولكن كنت اكبت الفرحة واقول يمكن خطأ فعلا جبت ولد وما اعترضت على نعمة رب العالمين والحين عندي ثلاث اولاد الله يخليهم لي وما عندي بنت وسمعت كلام يعور القلب من الناس بس راضية بقدري واعرف انه صلاح لي في النهاية والحين انا حامل للمرة الرابعة انشاء بنت، البنت رحمة و الولد نعمة وانتي الله عطاج الاثنين الحمدلله.

القصة مؤثرة اذكر اني قريتها بس نسيت شكرا لك والله يخلي اولادك ويعطيك البنت

بنية زينة الله يفرج عنه ويشفيه ويرجع لاحضانك ان شاء الله



صحيب الله يرزقك انتي ومن يتنظرون الحمل ياارب



وكل البنات اللي ردوا علي الله يجزيكم كل الخير

اختي مافي احد ارحم بعباده من الله وربي مايكتب شئ لعبده الا فيه الخير وسبحان الله ما تدرين خالتي ما شاء الله عندها بنت وعقبهم ثلاث اولاد وهي حامل في البيبي رقم خمسة كانت متأزمة وخايفة تجيب ولد لأن الدكتورة قالتلها ولد وسبحان الله يوم دخلت في الشهر التاسع الا ولدها الثاني صدمته سيارة هو مكتوب بس الانسان لازم يحمد الله على كل شي و ما يتذمر و يوم ولدت جابت احلى بنوته الله يحفظهم ويخليهم لها يارب ولكل ام

انا مع كلام الاخوات


اذكري ربك ولايضيق صدرك وهذا من الشيطان


الله يهون عليك وعلى المسلمات يارب

حرام علييييييييييييج كل الي سويتي وتبيني اتكلم بكلام زين عشان مااضياقج
والطفل الي عذبتيه شذنبه والاشياء الي سويتيها بحالج مو شويه استغفري ربج
ناس تتمنى ظفر ياهل وانتي تبين تموتينه حرام علييج عسى الله يغفرج وبتصرفج هذا ماراح تشمين ريحة
البنت
ترى انا بعد عندي اولاد ويالي الولد الثالث والله فرحت فيه كانه ماعندي اولاد كفايه انه عطيو ربي لي
وربي اختاري الخير اكييييييييييييد وولو اييب الولد العاشر ياربي راضيه بحكمتت وقدرك

*جمال الروح*;9539409:
حرام علييييييييييييج كل الي سويتي وتبيني اتكلم بكلام زين عشان مااضياقج
والطفل الي عذبتيه شذنبه والاشياء الي سويتيها بحالج مو شويه استغفري ربج
ناس تتمنى ظفر ياهل وانتي تبين تموتينه حرام علييج عسى الله يغفرج وبتصرفج هذا ماراح تشمين ريحة
البنت
ترى انا بعد عندي اولاد ويالي الولد الثالث والله فرحت فيه كانه ماعندي اولاد كفايه انه عطيو ربي لي
وربي اختاري الخير اكييييييييييييد وولو اييب الولد العاشر ياربي راضيه بحكمتت وقدرك

انا مو محتاجة يااختي لناس تغثني وقلت لكم اللي ما يعجبها


لا ترد ولاتزيد همي لأنك ماقعدتي في مكاني وشفتي الحالة النفسية اللي مريت بها


ما ذقتي اللي ذقته انا تواجهني اشياء صعبة صعبة زيادة عن اللي ذكرتها لكني الحمدلله



صابرة ولو قريتي كل رد لي بتلاقيني اني راجعة بتوبتي ومو انتي ولا غيرك اللي يصفح ويسامح



الله سبحانه وتعالى هو مقدرني ان شاء الله وهو بيغفر لي لأن الله لا يخيب من التجأ اليه


وانتي قلتي عساه لو الولد العاشر يالله جربي حملي وراء بعض حمل ورا الثاني ولا عوين


ولا مساعد بس انتي بروحك شوفي شلون حالتك النفسية بتصير وفوق كل هذا الحمل


الي عليهم اتحداج تصبرين ولو ذرة من صبري الحمدلله رب العالمين


نصيحة :اذا ماعجبج اي موضوع اخذيها من البداية ولا تردين اني يكفيييييييييييييييي


اللي فيييني فعلا انتي انسانة قاسية!!!!

اختي احمدي ربج على هالنعمه




امي الله يحفظها جابتنا كلنا بنات

وتعرفين بهالمجتمع وشلون انه الوحده لازم تجيب ولد عشان يحمل اسم العايله وهالسوالف

بس مااتتخيلينها شلون كانت فرحانه لما جابت اخر العنقود اختيي

وكانت ملكه جمال الصلاه ع النبي

وحتىى النرسات يوم تولد جابووها لابووي وكان مستانس ,, استغربوو وبطلوو عيونهم

يقولون احنا شفنا بلاوي اذا الوحده تجيب بنتين ورا بعض يكسر الدنيا



انه يلي ابيج تعرفينه الواحد بأيده يقلب حياته جنه وبايده يقلب حياته جحيم

من طريقه تفكيره

وترى كل مااصار خاطرج في شي وحطيته في بالج واصريتيي انه يصيير

الله سبحانه وتعالى يعلمج درس انه هوو القادر على كل شي

ولا بيدج ولا بأيد اي احد في الدنيااا

احمدي ربج واستغفريي

انتي ماتسمعين عن قصص يلي تأخروو عن الحمال

وماتوو ولا جابوو عيال


والله ادرى بصلاحج

يمكن تجيبيي بنت وماتكون باره فيج ولا فيي ابوهاا
شنوو استفدتيي من هالخاطر يلي ذبحتي روحج عليه


ولا تخلين الشيطان يسيطير عليج بعد اكثر

الله يهديج يارب

اختي لا تحزني ولا شىء الله ما يسوي الشىء الاوفيه الصلاح للعبد


كررري الحمدلله الحمدلله (ولئن شكرتم لأزيدنكم )


واللي عطاج الأولاد بيعطيج البنات انا عندي بنت تقريبا قد بنتج


وعقبها توأم اولاد اعمارهم سنة وخمسة اشهر لكن على شقاوتهم مونسيني



والحين انا دخلت السادس لا الحين ماعرفت شنو فيني ومو ضروري اعرف



اولا ما فيي تشوق ثانيا عندي الجنسين الحمدلله ولو جاني ولد ثالث


بشكر الله وبحمده اهم شىء انه سليم معافى عندي بالدنيا كلها


والله يسهل امورج وتولدين بالسلامة

السلام عليكم ورحمة الله وبركاته اختي العزيزة قرات قولا اعجبني احببت ان انقله لك لاني احسست بتعبك النفسي وضغوط الحياة المتكالبة عليك القول هو ( لا تقولي يارب عندي هم كبير ..بل قولي يا هم عندي رب كبير )
وان شاء الله يا اختي يكون هالولد هو سبب الفرج ويكون قدمه خير عليكم وتتحسن احوالكم ومثل ما قلتي لعله يكون احسن اخوانه واحنهم عليكم .. صبري واحتسبي واكثري الاستغفار علشان توسعين صدرك .. والهدية هدية الرحمن ان شكرت ما اعطاك ولم تشترطي اعطاك ما تتمنينه من دون ان تطلبي فهو كريم حليم عطوف رؤوف بعباده
وحبيبتي انت اللي لازم ما تتضايقين من الكلام لانك ما تقدرين تمنعين الناس من ابداء ارائهم بس تقدرين تقوين نفسك بالالتجاء لله والاحتساب والرضا وبانك ما تهتمين للمزعج من الكلام ( (i)مع انني ارى انهم لا يقصدون ايذائك بل التخفيف عنك )

الله يتمم لك على خير ويرزقك بالطفل المعافى السليم ويكرمك باللي بخاطرك ويجبر كسرك ويقيل عثرتك ويكرمك بكرمه الجزيل ويحفظلك زوجك وعيالك ويجعلكم من سعداء الدارين

تقبلي مروري وسامحيني على كثرة كلامي وسامحيني ان ازعجتك (f)

(و لا تقتلوا أولادكم خشية إملاق نحن نرزقهم و إياكم، إن قتلهم كان خطئا كبيرا)

حبيبتي اول شي تعوذي من ابليس

تراه اهو اللي يخليك تسوي هالاشياء عشان تشيلين اورزار وسيئات

بعدين عمري تعالى اقولك والله انا اعرف وحدة قريبتي 14 سنة وبعدها نا حملت ومشتاقة ريحة البيبي

وانتي الله عاطيك نعمة الابناء لان يعرف انك تستاهلين

وبتربينهم احسن تربية ان شاء الله

وماتدري يمكن هالولد اللي ماتبيه الله كتبله يعيش عشان يبرك ويسعدك

ويشيلك تحجين بيت الله والعمرة ويزهيك ويحن عليك

ويحفظ القران ويلبسك انتي وابوه تاج الوقار في الاخرة والدنيا ياااااااااااااااارب

قولي اااااااااااااااامين

ويساعدك ويجيبلك كل اللي خاطرك فيه

يلا يا حبوبة بلا الاكتئاب والحركات الدلع

ابيك تستانسي وتفرحي

وان شاء الله اتحطيلنا شريط الحمل عشان نتابع معك كلنا عمر النونو

الله يحفظه لك يارب

اختي امورة البحرين
ان شاء الله تحسنت احوالش وتعدلت نفسيتش اليوم
البنت والولد مابينهم اختلاف هالايام
احمدي ربش على العطية، والله يقومش بالسلامة ويسلم لش البيبي
بس حبيت اقول لش سالفة وحدة من اهلنا، تزوجت في سن صغير بس الله مااراد يعطيها الضنا
كانت اذا تشوف الجهال اللي في التلفزيون مال افريقيا تقول "يالله... حتى لو ولد مثله ابغيه"
والحين كملت اكثر من 20 سنة من زواجها وماجربت الامومة ولا الحمل حتى
الله يساعدش يااختي امورة البحرين
الشي مو بيدش، هذا الشيطان يوز في مخش
بس تعوذي منه واذكري ربش وصلي على النبي
بتلاقين نفسش مرتاحة
والله يسهل امورش

الله يهون عليك

شوفي انا عندي ثلاث اولاد وبنت ..
طبعا انا جبت البنت وراها ولدين وتصيح بنتي تبي بنت زيها تلعب معاها وحملت بدون تخطيط ولدي كان صغير وكنت اتمنى من كل قلبي تصير بنت اكثر شئ علشان بنتي المسكينة لكن امس السونار طلع ولد والله تحطمت بالبداية بس كلهم خير وصح الاولاد حركتهك كثيرة وتقهرك بس لا تنسي انوا كثير يتمنوا الولد وبيسوا خرابيط علشان يجيبوا الولد يعني هذي ارزق من الله واحنا مومنين مانعترض على حكم الله ..والله بلنقى عقاب من الله على اللي نسويه...

حبيبتي تعوذي من بليس وهذي نعمة مو نقمة ان الواحد تكون لة ذرية والله يسهل عليج يارب وتقومين بالسلامة وتيبين احلى كتكوت:)