مضايقة كلي الم وحززن اليوم عرفت جنس النونو وطلعت من عند الدكتورة وانا اصيييييييح!!!

الله يسهل عالجمييييييييييييييع إن شاء الله

كلها أرزاق من رب العالمين

وما تعرفين منو بينفعج البنت ولا الولد

كلهم حلوين

حبيبتي بقولج قصة حدثت في زمان نبينا موسى كليم الله جاءت له امراة وقالت له ادعو الله لي ان يعطيني الذرية فدعا ربه ورد عليه الله سبحانه وتعالى اني كتبتها عقيم وبعد كذا عادت لنبينا موسى تطلب نفس الطلب ودعا ربه ورد عليه الله عز وجل اني كتبتها عقيم وبعد سنوات عادت هذه المراة وفي يدها طفل فسألها النبي موسى ابن من هذا فخبرته انه ابنها فسأل ربه عن ذلك فقال له كلما قلت عقيم قالت يارحيم كلما قلت عقيم قالت يارحيم فسبقت رحمتى قدرتي،،،،،،،

فلا يرد القضاء الا الدعاء والاستغفار وانا في ابني الاخير كذا دكتورة اكدت لي انه بنت وكان عندي ولدين المفروض افرح ولكن كنت اكبت الفرحة واقول يمكن خطأ فعلا جبت ولد وما اعترضت على نعمة رب العالمين والحين عندي ثلاث اولاد الله يخليهم لي وما عندي بنت وسمعت كلام يعور القلب من الناس بس راضية بقدري واعرف انه صلاح لي في النهاية والحين انا حامل للمرة الرابعة انشاء بنت، البنت رحمة و الولد نعمة وانتي الله عطاج الاثنين الحمدلله.

السلام عليكم / ما ابغى اكثر عليك الكلام ، البنات ما قصروا الله يجزاهم خير

لكن بطلب منك طلب، زوري قسم المتأخرات في الحمل ، اللي منهم مريضات واللي مهددة بالطلاق، واللي زوجها بيتزوج عليها
وانا وحدة منهم ، خمس سنوات بدون اطفال، كم سنة وادخل الثلاثين!!

اعرفي نعمة ربك عليك واحمديه واشكريه ، والاطفال رزقهم يجي معهم

معلومة ثانية ، كثرة الأولاد ، دليل ان الدنيا بخير الحمد لله ، لان كثرة البنات من علامات يوم القيامة الله يتوب علينا ان شاء الله وجعلنا ما نعيش الى هاليوم .

ادعي دائما في السجود اللهم اصلح ذرياتي وذريات المسلمين ، بإذن الله عيالك يطلعون صالحين بارين والكل يشهد لهم بالخير

الله يسهل عليش حبيبتي
الله ما كتب لش تحملين بهالولد إلا أكيد فيه صلاح لش
ما بتشوفين هالشئ احين
لما يكبر يكون لكم عون و سند و يمكن يكون من الصالحين اللي الكل راح يفتخر به و يحترمه


أفرحي حبوية و لا تزعلين هذي نعمة ناس تدفع فلوس عشان تحصلها
و احلا عشان بنتش تصير دلوعة و وحيدتكم :D

أني عندي أربع أخوان و أني البنت الوحيدة لأمي و أبوي
أمي دبحت روحها عشان بنت ثانية بس الله ما كتب

كان الوالد شغله بسيط و على قده مو فقير بس راتبه كان حده بده لأن ما كان يقصر علينا

أحين أكو أخواني ما شاءالله كل واحد منصب مهندس في شركة كبيرة و مدرس و مدير شركة وواحد مساعد وكيل وزارة

و شايلين الوالد و الوالدة على كفوف الراحة و كلهم الحمدلله بارين و زوجاتهم مثل خواتي شحلاتهم

و أني عندي ثلاث اولادي جبتهم ورا بعض
وقفت تسع سنوات و احين مستانسة بحملي أتمنى من الله بنت
لكن ان جاء ولد فالحمد و الشكر لله ... اهم شئ طفل سليم و لا اعتراض على مشيئته

ادعي الله يجيبه و يكون من الصالحين

مو شرط تفكرين في الخامس

و فوضي أمرش للخالق القهار

حبيبتي ما باقولج هالكلام عشان ابين ان انتي معترضة على الله لا سمح الله او شي.. وادري ان صعب تحطين ببالج شي وتتمنينه وما يصير لج خصوصا ان انتي من اساس مو مخططة للحمل، ويوم تقبلتيه بعد ما صار نفس الجنس اللي تبينه..

لكن بقولج عني باختصار والله لا يبلاج..
انا تزوجت وكنت مقررة انا وزوجي نأجل الحمل 6 شهور ع الاقل نرتب امورنا المادية وبعدين نفكر بالحمل، بس الله كتب وما صار شهرين الا وانا حامل واستانست وسويت مفاجأة لزوجي وبعد شهرين ونص طرحت..

تضايقت وقلت ما بحمل الا بعد ست شهور او سنة.. واستخدمنا مانع طبيعي وباتفاق وما صار شهرين ونص الا وانا حامل..
تضايقت وصحت وتهاوشت مع زوجي، بعد فترة بسيطة تقبلت واستانست وكنت ادعي يارب ترزقني بنت يارب ابي بنت انا ما عندي الا اخت وحدة.. ولما رحت الاشعة قالو لي ولد، شووي بس تضايقت لكن قلت هو ضناي واللي يجيني بحبه وبموت فيه.. وبديت اشوف شغلات الاولاد وادور فيها..
وقبل لا اكمل الشهر السادس صادتني ولادة مبكرة.. وجبت ولدي في 25 اسبوع، قريب بيكمل شهرين في الحضانة وهو بين الحياة والموت،، ودمعتي ما توقف من على خدي وانا اشوفه واتخيل وش مستقبله ووش مستقبلي ووين فرحتي اللي انكسرت من اولها ..

الحمد لله على كل حال.. والله يرزقج باللي فيه صلاحج سالم ومعافى وكامل الخلقة ويعطيج العافية والصبر وطولة البال لتربيته يارب..

طولت عليج بس اتمنى اكون خففت عليج ضيقج لو شوي بس

و عسى أن تكرهوا شيئا و هو خير لكم

اذكري شي واحد اختي .. ان الاشياء دائما اتصير في مصلحة العبد
حتى لو ما جفنا الخير و الصلاح احين

و مثل ما قلتي يمكن يكون اصلح اولادج

ربي يهدي سرج و يسهل عليج ولادتج و يرزقج من حيث لا تعلمين

أمووورة حبيبتي


لا تضايقي بعمرك .. انتي قلتي انك مؤمنة بالله .. بس المؤمن .. يتوكل على ربه

وما يخاف من الجاي .. لأنه يدري انه الله ما يكتبله الا الخير حتى لو كان ظاهره مو خير

فهو في النهاية خير



وحده من خواتي اول طفل عندها كان بنوته وبعدها ولد بدون راحة .. وبعد كذا ماشاءالله لا قوة الا بالله

4 بنات ورا بعض بدون راحة ... كلهم فوق بعض .. مسكينة خاطرها بولد ثاني عشان ولدها

جاي وسط بنات .. بس صابرة .. شي مو بيدها ... ليش تقهر نفسها !!


شوفي مصيبة غيرك تهون عليك مصيبتك


ما بالك انه هذي مو مصيبة هذا رزق .. آلاف النساء يتمنينه .. وانتي تملكينه ..

حبيبتي


استغفري استغفري استغفري


اللي سويتيه مو شوية .. وحرام انك تقتلي نفس بغير حق


أدري انك ندمانه ونفسيتك تعبانه الحين


وما بي أثقل عليك



بس احمدي ربك على نعمه




وقولي


أعوذ بالله من زوال نعمتك .. وفجاءة نقمتك .. وتحول عافيتك .. وجميع سخطك


اللهم آمين




الله يسهل عليك ويوفقك


^_^

أكثرى من الاستغفار فأن الاستغفار يزيل الهم و الحزن و أن شاء الله يتم عليكى بخير ويجى الخير على ايد البيبى

حبيبتي اموووره البحرين هذي الحين انتي امورتنه في البحرين وتصيحين ماعاش حبيبتي اللي يصيحج واتكلي على ربج هذي نعمه من رب العالمين شوفي في ناس يتمنون ويسوون المستحيل علشان يحملون لكن ربج مايعطيهم وانتي الحمد لله ربي ماعطج احسن واحلى نعمه في الدنيا ويله عاد ماابي اشوف حزنج ولادمعتج البيبي ماله ذنب خليه يحس بالفرح وانتي بعد تفرحين معاه وشوفي انه قصتي بعد مثل قصتج انه بنتي البكر عمرها 6 سنوات وبعدها بخمس سنوات حملت وكنت حدي مستانسه لاني كنت ابي وكنت استخدم حبوب منع الحمل وهديت الحبوب والحمد لله حملت وانه في الشهر الخامس من الحمل توفى البيبي وماتتصورين الحاله النفسيه اللي مريت فيها لكن نزلوا البيبي وسوا لي تنظيف والحمد لله بعد 3 شهور رديت حملت وكان حملي ضعيف وايد تخيلي كنت استخدم حبوب وابر تثبيت للشهر السادس والحمد لله ربي خلاها ويبت بنت والحين عمرها سنه واسبوعين والحين بعد حملت وفي الشهر الثاني وطبعا كانت غلطه وصاحيت وفكرة اني اطيحه بس بعدين تعوذت من بليس والحمد لله قالي زوجي باييب لج خدامه وارتاحت نفسيتي شوي وشوفي علشان ربي يمكن عاقبني لما فكره اني اطيحه ربي رزقني بتوأم بس واحد خلاص وقف نموه والثاني الحمد لله تمام وفي احسن حال ويله ربي يتمم عليج ويسهل حملج وولادتج ويقومج بالسلامه ونفرح فيح حبيبتي

استغفري ربك حبيبتي

الله بيسهل الامور وبتنسى التعب والله يرزقكم من فضله

ناااس يدفعوا ملايين عشان اليهااال

اكثري من الصلاة وقراءة القران الله يسهل عليج يااارب

يا حبيتبى ماتزعلين روحك ناس كتير تمننون الولد ومايطلونه
وانتى ماشاء الله ربى رزقك ب3 اولاد
الله اكبر
وان شاء الله يكون ولد بار يشيلك ويرعاكى عند الكبر

لاحول ولاقوة الا بالله العلي العظيم

الله يفرجها يااختي عليج ويبعد بليس عنج اللهم امين

انا هذا الحمل ما بلتعته بالمرة اولا لأني تعبانة مع اطفالي وثانيا ميزانيتنا ما تسمح

قال تعالى( نحن نرزقكم وإياهم)

رزقنا ورزق العيال بيد الله وانا صار معي زيك تماما بس استحيت من الله اسوي مثلك استغفري ربك
وصدقيني راح تحبينه اكثر واحد وتقولين هتون قالت.

حبيبتي اموره فوضي امرش لله ((عسى ان تكرهو شيئا وهو خيرا لكم )) تدرين ان كل مولود يجي برزقه

ويفتح لامه وابوه باب جديد من ابواب السعاده وكل ما جبتي راح تحبين الي بتجيبنه اكثر واكثر لان احساس

الامومه راح ينمو فيج اكثر صدقيني

والله ان الاطفال يجننون بالرغم اني عصبيه بس اموت فيهم عندي ولد جبته في السابع بعد ارقاد شهرين في

المستشفى على ظهري وعقب ما ولدت على طول حملت وجبت الولد الثاني الله يخليهم وربيتهم مع بعض

لين ما صار لي ثلاث سنوات بديت احن للبيبي الصغير والله كتب وحملت من غير تخطيط واستانست

حددددددي وما افكر بجنس البيبي اصلا ولد حياه الله وبنت على عيني اهم شي بيبي صغير يملي حياتي

بهجه وفرحه

ونسيت اقولج ان انا يوم حملت بولدي الاول زوجي فنش من شغله وتضايقت وايد ان شلون بندبر امورنا

والحين بعد امور مشرف في الطريج وسبحان ربي يوم الي ولدت الله يسر ليه بشغله وايد زينه احسن من

الاوليه ويوم ولدت بالثاني حصل ترقيه من غير سابق انذار صدقيني سبحان مقسم الارزاق احنه نحسب

شي والله يحسبها غير وترى كل حركه تسوينها لعيالج لج اجر عليها وفي ميزان حسناتج ما في شي ضايع...

شكرا لكم خففتوا علي وايد الله يجعله في ميزان حسناتكم


انتو اكثركم مفكر اني احاتي المادة انا هذا سبب فرعي وادري ان الله هو الرزاق


يعني ما عندي ادنى شك انا اللي سويته كانت لحظة ضعف من الشيطان الله يلعنه مليون لعنة


بس انا لأني مؤمنة الحمدلله سرعان ما تراجعت وفي نفس اليوم قمت استغفر وعقب


ما استمر الحمل خايفة ايصير له شىء واتندم ندم طول عمري.



بس انا بصارحكم بشىء انا قبل لا احمل بثاني ولد دعيت ربي اني احمل بسرعة



على بنتي واجيب بنت حملت لكن الله اراد لي الولد وفرحت فيه بس الثالث ما خططت له



الله رزقني فيه والحمدلله تضايقت شوي لكن حبيته لكن عقب ما صار عمره سنة كل مااشوف



بيبي بنت اموت عليها في داخلي واقول يارب اجيب مثلها يارب بس مو الحين



عقب حتى في صلاتي ادعي ان الله يعطيني بنت سبحان الله من بداية مادعيت



حملت بدون تخطيط بسرعة بمجرد ما دعيت ربي وكأن حسيت ان الله فاءلني بالبنت



لأني على طول حملت وماكنت اقصد بالدعاء الحين اقصد عقب انا احسااااسي قووي بأنه


بنت لازال مستمر هالاحساس وعندي احساس ان الدكتورة تكون غلطانة


لأن هي ما أكدت حتى حسيت من كلامها مو صادقة يمكن لأن مستشفى حكومي


وانا تجريت وسألتها حتى ندمت لما سالتها وما طولت في الاشعة على طول قالت


يعني ما حسيتها دققت والله اعلم وانا ماابي اتعب روحي اسوي اشعة الحمدلله


مثل ما تقبلت القمرين اللي عندي بتقبل لثالث ان شاء الله

اختي خلاص لاتسووين اشعه وادعي بصلاتج وصلي قيام الليل ان اللي في بطنج بنت وربي ماراح يخيب ظنج والحي بدعاء وبصدقات والاستغفار وان شاءالله توولدين ويقولون لج احلى بنت بالعالم

شكرا كوكبة على ردج ويارب يرضيني باللي يقسمه لي واكيد خلاص توضح الجنس ومابيتغير شىء



وان شاء الله تكون الدكتورة غلطانة لأن دكتورات الحكومي مو شاطرين مثل الخاص

استغفري ربك حبيبتي - وان شالله يرزقك بالطفل المعافى - في ناس تتمنى الحمل ولاصار واللي اصعب من كذا اللي عندهم 7 او8 بعد بنات ويتمنون الولد اللي يرفع اسمهم انتهي اهون بكثير من غيرج

الطفل ما يجي الا ورزقه وياه
والحمدلله رب العالمين

اختي تفائلي بالخير الحمدلله على كل حال .......... انا حامل وخاطري اناا وزوجي بولد وطول الاربع شهور الاولى وهم يقولون ولد ويراووووني اعضاااااااااءه ....... وسبحان الله من دخلت السادس طلع عندي بنت
وبنت خالي لين التاسع وهم يقولون ولد والله العظيم ان توزيعاتها من لندن كلهااااا للولد ويووووووم الولااااااااده جابت بنت ............

ان شاءالله اللي في بطنج بنت ...................