تجهيزات احلي عرايس في الدنيا الجزء 131 عرايس مصر القمرات و يا رب نتهني كلنا أميييييين

Princess_miro;9519687:

أنا بموت فيكى ربنا يبارك فيكى يارب و بحبك فى الله

بنات حد يقولى اجيب ارواب صيفى منين مش ارواب لانجيرى لأ ارواب و لتكن قطن مثلا

بنات عملتلكم موضوع عن البوليروهات ياريت يعجبكم

http://forums.3roos.com/t457096.html

عايزة اشوف احلى تقييم و دعوات

رشروش84;9520453:

مبررررررروك على الجزء الجديد يا بناووووووويت
عقبال ما نتخطب كلنا يااااااااااااااااااااااااااارب

يا منال عايزة وصف تفصيلى لمحل أكس أكس بيوتى ده
يعنى ايه جنب 13 شارع شهاب :rolleyes: ده
أنتى غريبة موت ينتى اوصفى
اوصفى فى حاجة مميزة عنده قبله بعده كده يا حاجة :D
والمحل الغالى موت ده أسمه أيه مش فاهمة حاجة
وغالى لحد ايه يعنى لو بنطلون او جيب بكام يعنى يا منولتى (a)
وبعدين يأم لسان طويل:tongue: الشال لونه أزرق زهرى ألبس تحتيه أيه بقة لازم أبيض وبدى أبيض أمال البس ايه :confused:
طب قوليلى الوان انتى كده:wink: هو أزرق لون الظهرة الزرقا بالظبط بالظبط
وبعدين بابتى ومامتى لاززززززززززم يروحوا يودونى كل حتة أصلى البنوتة الوحيدة وماليش أخوات بنات أروح معاهم وأصحابى أتجوزو :confused::confused:

حنين86;9522796:
ههههههههه انتى سكر اوى يا رشا اول مرة اشوف واحده ظروفها زييي انا كمان بنوتة وحيدة اخواتى صبيان و اصحابي كلهم يا اما اتجوزو و خلفو يا اماا بيشتغلو و مليش قرايب بنات فى سنى :confused::confused::confused::confused:و انا كمان مليانة:wink:
و عشان المخالفة هو اجيب كام بشكير 2 و لا 4

crazy ananas;9521353:
بصى انا عملت عندها فى فرحى وكان معاد خروجى الساعه 5 وروحت هناك من 12
بصى اولا الوقت انتى مش بتحسى بيه اصلا وبيعدى بسرعه متعرفيش ازاى
بس لان هناك مفيش غير ميكب وطرحه بس فكل اللى رايح بيعمل كدا وليه معاد برضو قصدى العرايس التانين اللى معاكى مينفعش تيجى قبل فرحك مثلا ب ساعه تعملى وتمشى لان بالدور اللى هتخرج الاول هتمعل الاول ميكب وتستنى نص ساعه كدا وبعد كدا الطرحه ولو فى حد قابلك هتستنيه
والميكب لوحده بياخد تقريبا نص ساعه والطرحه برضو بس مش بتعملى كله ورا بعض
انا مثلا روحت على 12 وكان معادى 12ونص بس كدا اريحلى نفسيا بدل متاخر يعنى
المهم لابست البادى بس الساعه ا ونص وعملت الميكب انا كنت اول واحده
وخد تقريبا نص ساعه او اكتر لاننا بنتكلم فى الميكب اللى عوزاه والالوان
وبعدين خلصت الميكب على 2 وشويه وبعدين قعت تقريبا نص ساعه صليت فيها العصر وبعدين لابست الفستان ودخلت اعمل الطرحه كان الساعه 3 وحاجه وكنت مخلصه كله 4 وشويه لانى برضو بجرب كذا لفه وبختار اللى عجبانى فالاخر وخلصت كله الساعه 4وشويه وكنت متوضيه والمغرب اذن صليت وكان خطيبى سابقا وجوزى حاليا وصل وخرجت قبل معادى ب نص ساعه
وعلى فكره بجد مش بتحسى بالوقت خالص وخصوصا ان المكان هادى ومنفصل عن العالم الخارجى خالص وبتاخدى وقتك فى الميكب والطرحه برحتك ومفيش كروته وفى نظام
يمكن عشان كدا بيخليكى تيجى بدرى عشان تاخدى وقتك فى كل حاجه وتخلصى فى معادك بالظبط والميكب مش بيتاثر خالص بالوقت وبيثبت للاخر اليوم
وعلى فكره انا اول ماجيت دخلت عالمكان اللى بنلبس فيه وحطيت حاجاتى وصليت الضهر وقعت احط مناكير لنفسى لان مفيش هناك حد بيحط مناكير



ايه يا بنات ايه اللى خوفكم مالجواز كدا
بصوا مش هكتر فالكلام اولا واخيرا صوبعك مش زى بعضها وكل واحده غير التانيه وظروفها غير التانيه خالص ومفيش حد شبه حد
واهم نصيحه ياريت تحطوها فى ودانكم متسمعووووووووووووووووووش اى كلام من اى حد قبل فرحكم لان ده بياثر نفسيا على الواحده وبيخليها متفرحش كويس بفرحها وتقلق وتتوتر زياده عن اللزوم وتندم انها كانت كدا لما تفكتر نفسها يوم فرحها
وافتكروا اننا فى سنه 2009 يعنى فى مليارات البنات اتجوزا قبلكم وان الموضوع مش صعب كدا واهم حاجه فيه الهدوء والتفاهم والموده مش هقول حب لان الموده والتفاهم بعد الجواز اهم من الحب او معنى اصح هما اولا ثم الحب لان منغيرهم الحب مش هيطول

وبجد يابنات بلاش تسمعوا اى حاجه من حد لو عوزين تكونوا هادين ومتتوتروش زياده
وكل واحده عارفه نفسها يعنى لو بتقلقى وبتتوترى بسرعه بلاش تسمع اى حاجه من حد لان والله الموضوع ده وحش جدا قبل الجواز انا شفت بنات قبل فرحهم بشهر مرعوبين وقلقانين من كتر الكلام اللى سمعوه زى المفروض تعملى كذا وتعملى كذا ومتعمليش كذا ولزم كذا واوعى تعملى كذا ولما تخلصى كذا اعملى كذا ومليون كذا لحد مالبنت كانت هتفرقع من كتر القلق وففرحها كانت متوتره وشكلها باين عليه

اما انا الحمد لله الحمد لله مسمحتش لحد خالص انه يفتح بقك فى اى كلام من اى نوع والحمد لله كله كان مستغربنى قوى يوم الفرح لانى كنت بضحك ومبسوطه ومش قلقانه وله اى حاجه الحمد لله لانى مشغلتش بالى بالكلام اللى قبل الجواز ده
الطقوس اللى لزم نعملها لما نتجوز اللى كلنا عارفنها
وفعلا اهم حاجه التفاهم وحوار فى اى حاجه بينك وبين جوزك فقط لاغير لان هو ده الوحيد اللى هتطمنى وانتى بتتكلمى معاه مش طنط وله بنت خالتك وله اى حد وعلى فكره هو كمان لما تتكلموا مع بعض فى كل حاجه عشان تسعدوا بعض بيفرح وبيقدر ده قوى

انا رغيت كتير قوى بس كل هدفى انكم
متسمعوووووووووووووووووووووش كلام حددددددددد قبل الفرح
وخصوصا البنت مدام مادووووووو ههههههههههههه عشان مش نقصه توتر ههههههههههه
مبروك يابنتى عالحجز باين كدا انتك حجزتى القاعه انا مش متبعه معلش مبروك وعقبال الفرح

بنات للعلم انا حجزت لخطيبه اخويا عند ايمى الكاشف الاسبوع اللى فات والاسعار هى الماكييرا ب 400 وايمى ب 600 ولو سواريه عادى ب 200
وانا حجتلها قبل الفرح ب اسبوعين عادى يعنى متقلقوش لو اتاخرتم فالحجز [/CENTER]

Nody.Mom;9522109:
حبيبه ماااادووو مسيو عبده ليه فرع فى مصر الجديده ده الفرع بتاع العرايس فرع مدينه مصر مش بيخرج عرايس

*عيون القمر*;9522178:
دبلتى و التوينز (التوينز دهب ابيض) قولولى رايكم

hebahoba;9522238:
الراجل بتاع الستاير قالى ستارة الصالون هتكلف 4000 جنيه بالقماش بالتفصيل بالتركيب بالبراقع بكل حاجه
هل سعرها كده مناسب ولا كتير لأنى معرفش فى الأسعار؟؟

nonastar;9522700:
شوفى ده كمان بقى يا دندونه بكمله الحوسه اللى انتى محتاساها هههههههههههه
يا بنات فى جروب على الفيس بوك منزل العرض ده

● بمناسبة إفتتاح الجروب مكياج فرحك ببلاش

● خصم خاص 50 % على دورات تعليم المكياج


هذا العرض ساري لفترة محدودة

حتى نهاية شهر 6 / يونيو 2009م

وصور الميكب تحفه بجد
اللى عايزه تشوف باقى الصور تقولى علشان هنا ممنوع احط اللينك
















يارب يعجبوكم وانتى بالاخص يا دندونه

nonastar;9522700:
شوفى ده كمان بقى يا دندونه بكمله الحوسه اللى انتى محتاساها هههههههههههه
يا بنات فى جروب على الفيس بوك منزل العرض ده

● بمناسبة إفتتاح الجروب مكياج فرحك ببلاش

● خصم خاص 50 % على دورات تعليم المكياج


هذا العرض ساري لفترة محدودة

حتى نهاية شهر 6 / يونيو 2009م

وصور الميكب تحفه بجد
اللى عايزه تشوف باقى الصور تقولى علشان هنا ممنوع احط اللينك
















يارب يعجبوكم وانتى بالاخص يا دندونه

kitty_kity;9522634:
تسلم ايدك على الموضوع الجميل
وانا بردو كنت منزلة موضوع عن فساتين المحجبات ومافيهاش ولا واحد متقفل ببدي
بس باينكم زي القرع هههههههههههههههههههههههههههه
اللينك اهو يابنانيت
تشكيلة رائعة من فساتين الأفراح للمحجبااااات

بنات ...حد شاف الصواني التيفال الي ف فتح الله...هي تقريبا صناعتها صيني ومنها اشكال كتييييير ومميزة اوي
قولولي رايكم فيها

اه وعلى فكرة انا اشتريت صينية سيلكون من هناك بس كانت لصاحبتي وعملنا فيها كيكة وطلعت رووووووعه وشكلها جميل ومميز اوي

اه وعلى فكرة كمان انا حطيت صورة شقتي هنا ومستنية ارااااااائكم ياهوانم ماتطنشوووووووووش
http://forums.3roos.com/t424628-81.html

paradise rose;9516938:
ممكن تبعتيلى الجروب
وصلى استخاره كتيييييير على موضوع الكوافير دا ومتتوتريش نفسك حددى اتنين بس وقارنى بينهم


البسى لبس خروج يبقى شيك جيب كدا لذيذه وعليها حاجه سيمبل رقيقه هيبقى اشيك فستان سواريه صعب اوى

طيب انا عايزه اعرف
اللبس الدلع نجيب اد ايه
كام جيبه جينز قصيره
كام جيبه قصيره عاديه
كام بودى
كام برمودا
كام بانتاكور


انا كنت عايزه اعرف هوا فى اباليك ممكن تتحط فى الطرقه الكهربائى عامل مكانين لاباليك فى الطرقه معرفش ليه
ينفع اجيبلهم حاجه تتحط ولا مش حلوه
ولو مينفعش ادريهم بايه

zainona;9517251:
ازيكم يا اجمل عرايس عاملين ايه

انا دخلت على جروب الماكييرة ياسمين محسن وشفت شغلها بجد حلو اوي
ممتااااااازة وسعرها كمان مناسب
هي بتاخد 700 وبتجيلك
هي جت على قناة البدر مع مروة سلام وجت قبل كدة على القناة الاولى

الي عايزة لينك الجروب عشان تشوف شغلها تبعتلي على الخاص

zainona;9517267:
مبرووووووووووووووك علينا الجزء الجديد

ويارب يتمملنا كلنا على خير يارب يا بنات

ويارب كل البنات تتخطب وتتجوز

ممكن تحطوني في الليستة

انا فرحي 8-8-2009

danasam;9517293:
ازيك يا عروسه
بصي يا حبيبتي انتي عامله زيي انا لسه واصله السعوديه من يومين وهنزل على فرحي ان شاء الله في شهر 7
بصي هو كل حاجه في السعوديه حلوه
يعني انا جايبه اغلب حاجتي من هنا وجايه اكمل بقيت حاجتي من هنا
زي اللبس
المكياج العطور
رفايع كتيييير
شوفي ايه ناقصك وظبطيه من هنا
وكويس اني لقيت بنت زيي هتسافر على فرحها

shining.rose;9517294:

ايمي فى فساتين عادية مش سهرة ممكن تفصلي واحد او تشترى واحد لونه فاتح كده وتلبسيه لما اهلك ييجو لو ستات طبعا او باباكي واخواتك وكده

زي ده مثلا

بنت عمتى كانت عاملة حاجة شبيهه للفستان ده كده بس لونه بينك بجد كانت زي القمر وشكلها عروسة فعلا :D بس طبعا ده قدام اهلك
لكن اهل جوزك او اى حد تانى البسي لبس خروج يكون بسيط ومرتاحه فيه مش شرط سهرة لانى بصراحه حاسة السهرة اوفر شوية والموضوع اراء عموما ياقمر :) وربنا يهنيكي يارب

[/CENTER]

DodyCat;9519097:
بتحطيه فى البانيو للأسترخاء وغسول للمنطقة الحساسه وممكن تعملى بيه سكرب للجسم

manafola;9519335:
[QUOTE=mira2005m;9519319]

يعني دي تنفع لو الاوضه مش مودرن ؟

dr_emili;9519517:

سارة العروسة
كنت بتسألي على التوينز السوليتير
أنا اشتريته من داماس
بصي يا جميل أولا الماس لازم تشتريه من حته مضمونه جدا و يديكي شهاده بوزن الماس و درجة نقاءه و ال cut بتاعه
ميزة داماس غير الشهادة انه كاتب على الفاتوره انه لو جيتي تبيعي الخاتم بيخصم 10% من تمنه لكل سنه من تاريخ الشراء بحد اقصى 25 % يعني عمرك ما هتخسري أكتر من ربع تمن الخاتم و دا بالنسبة للسوليتير نسبة معقولة جدا
طيب انا جبتمن داماس الى في حسنين هيكل سهل جدا توصليله انا شفت في داماس الي في سيتي ستارز المحلين مش عجبني فيهم حاجة اما اللي في حسنين هيكل ففيه أكبر تشكيله
اما بالنسبه للأسعار فانتي ممكن تظبطي الخاتم على ال budget اللي معاكي
لو فيه أي استفسار تاني أنا في الخدمة يا قمر

مريم ءادم;9519576:
بنات اقترحم عليه لون سيراميك للصاله يكون فاتح عشان يدى وسع وفى نفس الوقت يليق على الاستايل المودرن

miss_law2010;9520077:
بنات باركوووووووولى

الحمد لله حجزت الفستان جميل بسم الله ما شاء الله ب800 جنيه مطلعش غير مرة واحدة بس يعنى هبقى تانى لابسة بس ادعو محدش يحجزو قبلى تانى
وكمان انا حاجزة الكوافير الحمد لله
يبقى خلاص ادعولى بقى ربنا يوفقنى فى الامتحانات امتحاناتى اخر الشهر


عايزة اعرف اسعار النجف الكلاسيك ايه الكريستال يعنى مقاس 6 تعمل كام ومقاس 10 تعمل كام؟

دلوعه رعد;9514582:
مبروك الجزء الجديد انا اول واحده هيييييييييييييييييييييييه

يارب تردوا عليه انا اختارت سيراميك الحمام موف فاتح في غامق

ياريت تردوا عليه للمره المليون التواليت والبانيو حيكون لونهم ايه

emyy_ae;9516793:
مبروك يابنات لجزء الجديد يارب كل كلنا نفرح ويبعد عننا الاحزان
وحشتوني جدا بس مشغولة الايام دي لسة باقي علي الفرح 5 ايام اهوا ومشغولة جدا
بالله عليكوا ادعولي ربنا يتمملي علي خير خايفة ومرعوبة جدااااااااا
وادعولي يوم الفرح ربنا ينصفني وابقي كويسة
ويارب ييسر الزواج لكل البنات اللهم امين
سوالي بقي يابنات البس اية يوم الصباحية لما اهلي يجولي البس عباية ولا البس احسن فستان سوارية
اصلي مش بحب البس العبايات وبحسها بتكبر السن انتوا اية رايكوا؟؟؟؟؟

zainona;9517267:
مبرووووووووووووووك علينا الجزء الجديد

ويارب يتمملنا كلنا على خير يارب يا بنات

ويارب كل البنات تتخطب وتتجوز

ممكن تحطوني في الليستة

انا فرحي 8-8-2009

ghodghod;9520362:
ياااااااااااااااااااا بنات هو المفروض اجيب فووووظ اد ايهههههههههههههههههههههههههههههه ؟
اانا عندى 2 حمام

huda_mm;9522416:
السلام عليكم ورحمة الله
انا عايزة اشكر كل واحدة حاولت تفيدنا باي معلومة وربنا يجعله في ميزان حسناتها يارب
انا اول مرة بشارك معاكو مع ان فرحي خلاص قرب قوي بس كل ده كنت بدور علي الجزء اللي شغال
انا عايزة اشتري براون سيلكابيل من مكان موثوق فيه وحسه ان بي تك اغلي كتير من شارع عبد العزيز وحمام التلات
فيه بنوته قالت انها جابتها قريب مبروك عليها يارب
ياريت تفيدني جبتيها منين او اي حد يقولي علي كان ثقة ومش غالي
ربنا يكرمكم جميعا

thering;9523587:

انا عاوزه محل تأجير سوريهات حلوه لان فرح اخو خطيبي في أول 6 وحماتي النهارده ادتني كلمتين فيهم الشفا وقالتلي انا عاوزاكي تكوني منوره في الفرح عشان هاتعرفني بعيلتهم وكمان خطيبي مسافر :confused::confused::confused: وهابقي لوحدي في الفرح فاياريت تقولولي علي اتليهات بتأجر وتكون فيها فساتين حلوه وفي نفس الوقت يكون سعرها كويس ياريت تسعدوني عشان بجد انا معرفش محلات وكمان تكسبوا فيا ثواب

اه نسيت اقولكم انا سكنا قريب من حدايق القبه عشان تقوليلي علي اماكن قريبه مني وكمان انا كنت عاوزه انزل شارع شبرا هو فيه محلات تأجير حلوه ولا ايه رأيكم

ويارب بقي نتجوز كلنا

pussy22;9523726:
فى محل نانسى فيه فساتين حلوة هو فى مصر الجديده فى فرع قدام الحريه مول بس فى فرع تانى احلى فى مصر الجديده بردو معرفش فين بالظبط بس تقريبا فى بطرس غالى

.* اميرة *.;9523906:
ياريت يابنات اللى جربت حاجة من بودى شوب او نكتار او ناتشورال لوك او بادى سبلاش فيكتوريا سيكرت تقولى جابت ايه وعجبها ولالا

mira2005m;9524081:
بجرب منها مجموعة الورد والفروالة تحفة




وفي محل في جنينة مول الدور التالت حاجاة حلوة اوى بس ناسية اسمة


بس غالية جدااا

.* اميرة *.;9523906:
ياريت يابنات اللى جربت حاجة من بودى شوب او نكتار او ناتشورال لوك او بادى سبلاش فيكتوريا سيكرت تقولى جابت ايه وعجبها ولالا

وياريت بلاش تطنيش عشان انتوا ماتتحيلوش الثواب اللى بتحرمى نفسك منه لما تبقى عارفة حاجة وتكسلى تكتبيها
بجد لازم نساعد بعض

حنين86;9523094:
اولا بلاش اى حاجة صينى كل الناس بتتكلم دلوقتى ان اى حاجة صيني مضرة جدا عشان هم بيستخدمو مواد رديئة اوى و اخر حاجه قالو ان الصين منزلة شباشب فرو بتجيب سرطان و الحكومة عايزة تلمها من السوق و انا كنت شارية 3 :confused:لقيت الواحد ب 10 جنية فى محل حلو كده فالتحرير اشتريت
ثانيا يعنى ايه صينيه سيليكون انا اول مرة اسمع عنها ردى عليا بليز