تجهيزات احلي عرايس في الدنيا الجزء 131 عرايس مصر القمرات و يا رب نتهني كلنا أميييييين

مريم ادم بصى ممكن تجيبى سيراميك اوف وايت او فى سيراميكا بتكون سكرى كدا و ليها ضى زى الصدف برضه هيكون حلو و حاولى متجبيش حجم السيراميكا كبير اوى يعنى هاتى مقاس وسط علشان تبان المساحه اكبر كمان يا بنات فى فى كليوباترا سيراميك اسمه قطع ليزر دا بيكون سيراميك بس شكل البورسلين و ارخص من البورسلين كنت شفته عند صحبتى و قلت اقولكم عليه
سؤالى بقى متعرفوش مكان اجيب منه روب اسود قصير ستان او شيفون غير جويا لان ملقتش عنده اللى عايزه و برضه رسميه مشفتش عنده لون اسود ياريت اللى تعرف ترد عليا ضرورى كمان عايزة اشترى هوت شورت حلو بس مش عارفه القى فين كل ما القى القى المقاس صغير اوى انا عايزة مقاس 32 او 34

miss_law2010;9520077:
بنات باركوووووووولى

الحمد لله حجزت الفستان جميل بسم الله ما شاء الله ب800 جنيه مطلعش غير مرة واحدة بس يعنى هبقى تانى لابسة بس ادعو محدش يحجزو قبلى تانى
وكمان انا حاجزة الكوافير الحمد لله
يبقى خلاص ادعولى بقى ربنا يوفقنى فى الامتحانات امتحاناتى اخر الشهر


عايزة اعرف اسعار النجف الكلاسيك ايه الكريستال يعنى مقاس 6 تعمل كام ومقاس 10 تعمل كام؟

الف الف مبروك يا ميس لو ربنا يتمملك بخير
وعشان المخالفه ياريت تقولولى يا بنات المطبخ الخشب لو عملته عند النجار على قد المساحات الفاضه الى عندى يعمل كام المتر وانا عايزاه عادى خالص مفهوش اى شغل

حبيبه مادو الكوافير اللى دندونه قالت عليه فى شارع موازى لشارع عباس العقاد فى مدينه نصر فانتى لو المكان عاجبك و مرتحاله روحى عادى و خالى اللى يسوق بيكوا للقاعه ياخد بعد كدا الطريق الدائرى ان شاء الله توصلى بسرعه و تكونى احلى عروسه
معلش يا بنات سؤال تانى هو تفتكروا لبس الدلع المفروض نجيبلوا صنادل او سابوهات زى بتاعت الخروج و لا ممكن نلبس شباشب البيت اللى شبه اللى بننزل بيهم على البلاج مش عارفه عارفين قصدى و لا لا

ميرو77;9520133:
مريم ادم بصى ممكن تجيبى سيراميك اوف وايت او فى سيراميكا بتكون سكرى كدا و ليها ضى زى الصدف برضه هيكون حلو و حاولى متجبيش حجم السيراميكا كبير اوى يعنى هاتى مقاس وسط علشان تبان المساحه اكبر كمان يا بنات فى فى كليوباترا سيراميك اسمه قطع ليزر دا بيكون سيراميك بس شكل البورسلين و ارخص من البورسلين كنت شفته عند صحبتى و قلت اقولكم عليه
سؤالى بقى متعرفوش مكان اجيب منه روب اسود قصير ستان او شيفون غير جويا لان ملقتش عنده اللى عايزه و برضه رسميه مشفتش عنده لون اسود ياريت اللى تعرف ترد عليا ضرورى كمان عايزة اشترى هوت شورت حلو بس مش عارفه القى فين كل ما القى القى المقاس صغير اوى انا عايزة مقاس 32 او 34

شكرا يا ميرو يا قمر على المعلومات دى يعنى لما يبقى حجم السيراميك صغير يدى وسع والله المعلومه دى حلوه قوى يارب تتجوزى:D طيب متعرفيش سيراميك قطع ليزر ده بكام؟

جيبى هوت شورت بتوع كارينا حلوين قوى وانا كمان قولولى على مكان ارواب بس فى اسكندريه

مريم ءادم;9520163:
الف الف مبروك يا ميس لو ربنا يتمملك بخير
وعشان المخالفه ياريت تقولولى يا بنات المطبخ الخشب لو عملته عند النجار على قد المساحات الفاضه الى عندى يعمل كام المتر وانا عايزاه عادى خالص مفهوش اى شغل

يعنى هيبقى كام متر مثلا

انا عاملة فوق وتحت متر وعشرين تحت ومتر وعشرين فوق ومقفلة على الشفاط فوق البوتجاز وضرف بس وشوش تحت الحوض ب3500 عند نجار فى دمياط اللى غلاه كمان الدهان عشان عاملهولى وداهنهولى كأنو دولاب اوضة نوم

miss_law2010;9520216:
يعنى هيبقى كام متر مثلا

انا عاملة فوق وتحت متر وعشرين تحت ومتر وعشرين فوق ومقفلة على الشفاط فوق البوتجاز وضرف بس وشوش تحت الحوض ب3500 عند نجار فى دمياط اللى غلاه كمان الدهان عشان عاملهولى وداهنهولى كأنو دولاب اوضة نوم

امممم ماشاء الله تتهنى بيه
والله انت بنوته زى العسل شكرا ليكى يا حبى

قولولى بقى انا عرض مطبخى 2 متر ينفع اقفله شمال ويمين ولا هيضيق قوى اقفل ناحيه واحده والناحيه التانيه اسبها اتمشى فيها:D

ياااااااااااااااااااا بنات هو المفروض اجيب فووووظ اد ايهههههههههههههههههههههههههههههه ؟
اانا عندى 2 حمام

انا فرحى فى اخر 7 ولسة ماجيبتش مفرش السفرة والسرير واللانجيرى ومش عارفة اجيبهم منين وتكون حاجات اسعارها معقولة وشيك.وكمان لو حد يعرف واحدة بتحط ميكب كويس وهادى وممكن تيجى البيت ياريت يفيدنى انا كمان عاوزة اعرف اسعار النجف اية دلوقتى فى الرويعى الكبير والمتوسط.

ghodghod;9520362:
ياااااااااااااااااااا بنات هو المفروض اجيب فووووظ اد ايهههههههههههههههههههههههههههههه ؟
اانا عندى 2 حمام

غود غود احنا بنجيب الفوط على قد الحمامات :D يتيهالى هاتى عادى
انا شخصيا مبحبش اجيب بالاعداد شوفى استدخدامك انت بتغسلى فوطتك كل كام يوم واحسبى ليكى ولجوزك والضيوف

Princess_miro;9519272:

السلام عليكم أحلى بنات

مبروك الجزء الجديد

بنات ممكن تقولولى لو حد لقى اكسسوار من ده للستاير؟ و فين بالظبط

انا شفت في العربي اللى في العتبه وفي ميدان الجامع اكسسوار ومواسير ستاير بجد وههمممممممممم واحلى من كده كمان روحى شوفي اكيد هيعجبك حاجات كتير ان شاء الله يا قمر(f)

[QUOTE=miss_law2010;9520077]بنات باركوووووووولى

الحمد لله حجزت الفستان جميل بسم الله ما شاء الله ب800 جنيه مطلعش غير مرة واحدة بس يعنى هبقى تانى لابسة بس ادعو محدش يحجزو قبلى تانى
وكمان انا حاجزة الكوافير الحمد لله
يبقى خلاص ادعولى بقى ربنا يوفقنى فى الامتحانات امتحاناتى اخر الشهر


عايزة اعرف اسعار النجف الكلاسيك ايه الكريستال يعنى مقاس 6 تعمل كام ومقاس 10 تعمل كام؟

الف مليون مبارك عليكى يا قمر يااااااااارب تبقى احلى عروسه
حجزتى عند كوافير مين؟؟
والفستان من اى اتيليه جاوبينى بسرعه اصلى مستعجله اوى :D

اما بقى عن النجف انا جبت نجفه تمشى مودرن وكلاسيك وكان فيها قطع كريستال بسيطه اوى كانت 780 جنيه ولاقيتها فى محل فى مصر الجديده فى صلاح الدين سعرها 1300

mogmog;9520420:
انا فرحى فى اخر 7 ولسة ماجيبتش مفرش السفرة والسرير واللانجيرى ومش عارفة اجيبهم منين وتكون حاجات اسعارها معقولة وشيك.وكمان لو حد يعرف واحدة بتحط ميكب كويس وهادى وممكن تيجى البيت ياريت يفيدنى انا كمان عاوزة اعرف اسعار النجف اية دلوقتى فى الرويعى الكبير والمتوسط.

انا كمان ولله فرحى ان شاء الله 15/7 ولسه مجبتش مفرش سرير ولا السفرة ومش عارفه اجيب منين ولله معرفش فيه معرض سوري هيتعمل ف ارض المعارض ف القاهرة ولا لا كان فيه بنات بيقولو ان فيه محل في مكرم عبيد وانتى ريحة على اول عباس اسمة المعرض السوري فيه حاجات كويسه بس معرفش انا نظامة ايه مرحتوش قبل كده ياريت لو حد اتعامل معاه يقولنا
صحيح يابنات انا امبارح جبت مفرش هندى لتربيزة الانتريه هو حلو وجميل ما شاء الله جبته من محل في اول عباس جنب كنتاكى اسمة انتيك هو فاتح جديد عنده حاجات حلوة بس غاليه انا جبت ده مش كبير ب 300 :eek:وكمان عنده مفارش سرير حلوة اوى بس ب 2500 بس بجد تحححححححفه
وزعلانة منكوا محدش قالي البوتاجاز التكنوجاز عرضه كام سم

مريم ءادم;9520266:
امممم ماشاء الله تتهنى بيه
والله انت بنوته زى العسل شكرا ليكى يا حبى

قولولى بقى انا عرض مطبخى 2 متر ينفع اقفله شمال ويمين ولا هيضيق قوى اقفل ناحيه واحده والناحيه التانيه اسبها اتمشى فيها:D

مطبخي زي بتاعك بالزبط بس احنا حنحتاج دواليب نشيل فيها الهم اللي احنا جايبينه فممكن نقفل الناحيتين بس عرض الواليب يصغر شويه عشان نلاقي حته نقف:mad: مش نتمشى

السلام عليكم ورحمة الله وبركاته..

أولاً أحب أنصحكم بحاجة.. :o
أى واحدة فيكم ميعاد فرحها قرب وعنده التهابات (افرازات - حرقان - ريحة) ياريت ياريت تروح للدكتورة عشان تديها دوا.. لأن الالتهابات بتعمل مشاكل عند ال.... ودى مشكلة معظم الناس فى أول جوازهم.. ماتخافوش وماتقلقةش الدكتورة مش هتكشف عليكى طالما انتى آنسة هى هتسمع منك بس.. والدوا بيبقى كبسولات وممكن تديكى مطهر تستعمليه مرتين فى الأسبوع..

مريم ءادم;9520266:

قولولى بقى انا عرض مطبخى 2 متر ينفع اقفله شمال ويمين ولا هيضيق قوى اقفل ناحيه واحده والناحيه التانيه اسبها اتمشى فيها:D

انا مطبخى كده برضه بس مقفلة الناحيتين عادى ومازنقش زى مانتى متخيلة... عمق الضلفة حوالى 45 سم يعنى الاتنين ماكملوش متر.. ماتقلقيش يعنى..

ميرو77;9520205:
حبيبه مادو الكوافير اللى دندونه قالت عليه فى شارع موازى لشارع عباس العقاد فى مدينه نصر فانتى لو المكان عاجبك و مرتحاله روحى عادى و خالى اللى يسوق بيكوا للقاعه ياخد بعد كدا الطريق الدائرى ان شاء الله توصلى بسرعه و تكونى احلى عروسه
معلش يا بنات سؤال تانى هو تفتكروا لبس الدلع المفروض نجيبلوا صنادل او سابوهات زى بتاعت الخروج و لا ممكن نلبس شباشب البيت اللى شبه اللى بننزل بيهم على البلاج مش عارفه عارفين قصدى و لا لا

البسى سابوهات االخروج بتاعتك فى البيت.. وممكن تجيبى 2 أ, 3 من الرخاص.. ماتستغليش فيهم يعنى لأنك غالبا مش هتلبسيهم وهتلبسى شباشب البيت لأانهم اسهل فى الحركة :D

دودى كات انا نفسي اشوف السفرة السمى مودرن بتاعتك شكلها ايه ممكن تبعتيهالى يا قمر معلش بتقل عليكى
وبجد فيه حاجة مضيقانى اوى ف السوق فيه حالة ركوووووووووود في السووق الايام دى ومفيش بجد اي حاجة حلوة خااااااااااااااااالص ولله السنة اللى فاتت الحاجات كانت احلى بكتييييير ولله مش عارفه اجيب حاجة خالص طب انا دلوقتى عايزة اشتري قمصان نوم ولانجيري كويس واسعارة معقوله اجيب منين بقى حتى لبس البيت القطن ولبس الدلع ده مش لاقيه اى حاجة حلوة ولله معرفش فيه ايه واللانجيري لاسو وجويا بقالهم كام سنة منزلوش حاجة جديده ومافيش حاجة حلوة اصلا ولله بجد مش عارفه اشتري اعمل ايه بقى

يا بنات اللى عايز مفارش سواء للسرير او السفره
انزلوا الغوريه او الازهر او سوق التلات حتلاقوا مفارش اللى بتتعرض فى المعرض السورى

والله العظيم انا نزلت المعرض السورى اللى فى ارض المعارض وعجبنى مفرش سرير وكان ب 750 جنيه
ومكنش معايا فلوس ساعتها المهم فى يوم تانى جبت الفلوس معايا وكنت حجيبه وكان اخر يوم فى المعرض لاقيت البائع بيقول يلا المفرش ب 400 جنيه عايزين نسافر ونروح طبعاً بدون تردد اشتريته وكنت فرحانه بيه اوى ... وبعدين نزلت حمام التلات عشان اجيب الصينى والله لاقيت مفارش احلى من اللى جبته وفى محل لاقيته عارض المفرش اللى اشتريته سألته هو بكام قالى ب 380 جنيه اه والله

انا رغيت كتير بس حبيت اقولكم تجربتى

redflowerlovey;9520514:
مطبخي زي بتاعك بالزبط بس احنا حنحتاج دواليب نشيل فيها الهم اللي احنا جايبينه فممكن نقفل الناحيتين بس عرض الواليب يصغر شويه عشان نلاقي حته نقف:mad: مش نتمشى

طيب يا قصه كبيره ويا ريد فلور
انا فعلا برضه عندى حاجات كتير فعلا ومحتاجه كل التقفيلات الممكنه فى المطبخ
دلوقتى بقى مهندس الديكور بتاعى الى هوه السباك:D:D وده يا جماعه مش قادره اقولكم هو بيعمل كل حاجه على مزاجه كانها شقته والله ده ربنا ستر وانقذت ما يمكن انقاذه عمل ايه بقى
عمل وصله الغساله فى اليمين هيبقى قصادها البوتجاز يعنى اليمين والشمال هيتاخد منهم بتاع 60 سم فى كل جهه اقفل بقى جمبهم 45 سم عادى ولا اعمل ايه ولا اشحت المطبخ ده وخلاص مش نافع وارمى الشقه عشان انا بتعصب بسرعه:D وابتديت احس بتوتر

[

قصة كبيرة;9520572:
السلام عليكم ورحمة الله وبركاته..

أولاً أحب أنصحكم بحاجة.. :o
أى واحدة فيكم ميعاد فرحها قرب وعنده التهابات (افرازات - حرقان - ريحة) ياريت ياريت تروح للدكتورة عشان تديها دوا.. لأن الالتهابات بتعمل مشاكل عند ال.... ودى مشكلة معظم الناس فى أول جوازهم.. ماتخافوش وماتقلقةش الدكتورة مش هتكشف عليكى طالما انتى آنسة هى هتسمع منك بس.. والدوا بيبقى كبسولات وممكن تديكى مطهر تستعمليه مرتين فى الأسبوع..
(y)(y)
انا لسه متجوزتش صحيح ويارب اتجوز قريب يارب :)بس ازاى حد يهمل فى المواضيع دى


البسى سابوهات االخروج بتاعتك فى البيت.. وممكن تجيبى 2 أ, 3 من الرخاص.. ماتستغليش فيهم يعنى لأنك غالبا مش هتلبسيهم وهتلبسى شباشب البيت لأانهم اسهل فى الحركة :D

(y)(y)(y)
صح كده يا ميرو البسى سابوهات الخروج وممكن كمان جزم الخروج الى بكعب عالى دى بتعمل منظر والجزم السواريه الى بنلبسها كل سنه مره

مريم ءادم;9520266:
امممم ماشاء الله تتهنى بيه
والله انت بنوته زى العسل شكرا ليكى يا حبى

قولولى بقى انا عرض مطبخى 2 متر ينفع اقفله شمال ويمين ولا هيضيق قوى اقفل ناحيه واحده والناحيه التانيه اسبها اتمشى فيها:D

ربنا يخليكى يا قمر انتى اللى عسل

بصى المطبخ بيبقى اربع حوائط اتنين على اليمين والحيطة اللى فى الوش وحيطة اللى بيبقى فيها بابا المطبخ
انا عاملة الجزء اليمين ده حاطة تلاجه وجمبها الغسالة والحيطة اللى فى الوش حوض وجمبه البوتجاز والحيطة اللى على الشمال دى اللى اخدة اكبر دولاب فوق وتحت

فانتى متستغليش المطبخ كلو تقفيل عشان ميضقش عليكى بكتير 3 حوائط وتسيبى واحدة فاهمانى