~'*¤!||!¤`تجهيزات عرايس البحرين { الخامس والأربعين}*¤!||!¤*'~`

دلبين;9457995:
عن نفسي ما عجبني مكياجها وسمرتني واجد الا هي ميساء القلاف صح ناعم وما يغير الوجه بس ما يسوى السعر الي حاطتنه للمكيب

حبوبة 90;9466494:
بغيت اغرف اسعار استيديو سكووب
وأي افضل السلمانية أو البديع ؟!

خرساء;9466390:
ما عندكم ارقام حنايات له ,, متورطة يا ناس

وصايف;9467137:
هذيان عاشقة

فهمت من كلامج ان ام يقين احلى شئ من المصورات

طيب في الاستوديوهات من احلى شئ بنظرك

بصراحة احب افكارج وذوقج احس مثلي فابغي رايج

هذيان عاشقة;9467030:
البنات اللي تكلموا عن المصورات .. مع احترامي لكل الاذواق بقول لكم عن رايي حسب ماشفت ..

ام عباس رحت لها بحجز وشفت شغلها اللقطات حلوة بس الفينشنغ والشغل ما اعجبني ..

ام علاء جربناها لبنت خالتي وبنت اختي في ملجاتهم .. التصوير عندها فلبينية تصور حلو .. بس التصاميم ما اعجبتني .. الفلاتر ماحبيتها بنت اختي سمرا وزوجها ابيض من زود التفلتر مسويتها لونه وافتح بعد .. و الالوان واااجد قووية تعمي العين .. و مافيه ذاك التنسيق اللي ينقال عنه حلو و مميز .. شغل عادي .. وساعات الخلفيات مالها علاقة بالصور .. المهم يمشي الحال اذا كان هو الخيار الوحيد ..

صحاري اذا ما يشيلون ويحطون فالخلفيات يعني بس تفلتر عادي للصور .. الشوتات ممتازة خصوصا مدينة حمد .. اما اللعب في الخلفيات والديزاينات لا .. مب حلو الشغل لان حتى هوامش الصور ما تضبط معاهم ولا تقطيع الخلفيات يبين انه تركيب ..وتنسيق الالبوم قديم .. لو بحجز صحاري باشرط عليهم لا يغيرون الخلفيات ولايحطون لي اطارات و حركات مالت اول بين الصور .. مجرد تصوير وفلتر للوجه بشكل خفيف و بسسس ..

سكوووب الشغل حلو واعتبره على مستوى الاستوديوهات اللي شفت شغلهم مثل صحاري والمستقبل والمجال و الدانة الافضل ... وحتى افضل من شغل ام عباس و ام علاء بواااااااااااااااااااااااااااااااااااااااااااااااااااااجد..

اما التوووب عندي فالتصوير لحد الحين .. ام يقين .. من حيث اللقطات فيها ابداع و كلشي تصوره ما تفوت شي فالحفلة .. وعندها رؤية في التصوير ماشفتها عند غيرها لحد الحين .. البوماتها اللي 30 صورة والمجلة ميزتها البساطة في التصميم .. بسيط وراقي باختصار شغل مميز .. عيبها اسعارها ناااااااااااااااااااااااااااااااااااار ..

هذيان;9467205:
يعني لان اسمش مثل اسمي ف رايش مثل رايي؟:D
اشوف الكل يمدح في شغل المصورات
مع اقصد احرجهم او اقلل من شأنهم
بس كلش مستحيل اجازف اخذ لو في حنتي وحدة من المصورات
عندي اروح الاستوديو واغلى احسن لي:wink:

بحرينية*;9467443:
مرحبا عرايس...
حبيت انقل لعرايسنا هالموضوع ...شفته بمنتدى ثاني وحبيت افيدكم..
لا اكثر ولا ازيد.. مجرد ناقلة الموضوع ما اعرف اي شي عن صالون.. بس عجبني
مميزته وحبيت افيدكم:)


وهذا النقل من العضوه.. أم قمر بمنتدى(........)..

اليوم أكتشفت صالون جديد وحبيت أشاركم إكتشافي.. هذا صالون في شارع الجنبية العام ، اسمه صالون أللور .. هذا صالون حصلت فيه على كل شيء تمنيته وأكثر.. دلال ورقي في التعامل وكأني ملكة..
سويت عندهم شيء اسمه مجموعة كليوبترا.. هي عبارة عن مجموعة من الماسكات توضع على الجسم من الوجه وحتى تحت القدميين.. سألتهم إذا في ماسك بعد للشعر، قالو ولا يهمش، وحطولي بعد ماسك في شعري.. هذي الماسكات يحطونها في غرفة جميلة إضائتها خفيفه، مليئة بالشموع والموسيقى الهادئة إلى جانب الروائح الطيبه.. تقريبا ساعتين ونصف في هذه الغرفة، بعدها دخلوني في حمام جكوزي مليء بالورد، وإضائة شموع، وموسيقى هادئة.. خيال.. تمنيت عصير داخل نفسي، وإذا بعصير فراوله طازج أمام عيني.. والله ما صدقت نفسي.. بعدين سبحوني مثل الطفلة المدللة وعطوني الفوطة ولبسوني النعال ونشفوني وبعدين حطولي كريم .. دلال كامل.. تقريبا ثلاث ساعات.. لما طلعت ما كان ودي أطلع من هذا الصالون، نسيت همي كله.. قعت في مكان الانتظار أسأل عن خدمات الصالون الاخرى، وإذا بكوب من شاي الاعشاب اللذيذ أمام عيني.. شيء جميل هذا المكان .. توقعت إني بدفع مبلغ بنسيني جمال التجربه، بس كان أقل مما تصورت بكثير، ونتيجة الماسكات شيء مذهل.. كانت قدمي خشنه صارت أنعم بكثير، كان عندي بقعة سوداء فوق القدم قرب الجوزه، أصبحت ذكريات لا أخجل من ذكرها، ركبتي كانت تفشل، صارت لون واحد،وين بعد.. كوعي كان فضيحة، صار لون واحد.. شقول، مسحة نبي.. أنا مو مصدقه روحي.. ورجلي صارت تلمع.. وجهي صار لون واحد وأبيض.. والله هذا المكان كأنه شيء من الخيال، ما راح تصدقوني إلا إذا جربتونه، ساعتها بتفهمون شعوري.. إكتشاف هذا المكان والله إكتشاف..
عندهم خدمات وايد شكلها حلوه ، بقول لكم بس أجرب شيء غير..


سعر مجموعة كليوبترا 20 دينار
ماسك الشعر 5 دينار
الليفة 3 دينار

هذي كانت تجربه حلوة مع هذا الصالون حبيت أفيد فيها غيري..


ان شاء الله افدتكم(f)

Oriana;9460129:
تصدقون بعدي محتارة ما بين ميساء القلاف وما بين فاطمة اللبنانية!!

Oriana;9460129:

خاطري أشوف مكياج عروس إلى فاطمة اللبنانية.. أني شفت مرة بس منزمان وشفته على عروستين وثنتينهم سمر.. أبي أشوف على عرايس بيض لأني بيضة وأبي أضمن انها تضبطني مثل ما ابي