~'*¤!||!¤`تجهيزات عرايس البحرين { الخامس والأربعين}*¤!||!¤*'~`

Stylish Girl;9464096:
بنات مادام تسلفون عن التصوير

انا خذيت سكوب

لان في خطوبتي خذيت صحاري وقلت بغير؟

يعني تصويرهم حلو ولا لا؟؟

ردو علي بسرعه

بصيص أمل;9464308:

انا حفلتي بسويها في الفلة تبعنا لانها واسعة وشرحة بس مكن تنصوحوني شنو اضافات اسوي هل يحاج اسوي شي في خديقة الفلا شغلة شي او ممكن مسرح لأن اعتقد انه ديكور الفلا كفاية بس ما ادري ممكن تعطوني رايكم

الشيخة;9464466:
باللنسبة لي سكوب التوب ما زال بصراحه
الصورة انظف وانقى (y)
وترتيب الصور فيها عناية ودقة ونعوومة

لانه الشغل الي انعرض لام علاء -مع احترام لجميع الاذواق-
ما عجبني كلش
المسألة مش مسألة تركيب صور بشكل دقيق وبس .. المسألة تتعلق بالابداع في التصميم والخلفيات والذوق .. واحسها مب عارفة شتخلي في الصورة شنو تبقي! وااااااااايد زحمة الصور وخلفيات مدموجة تطالعين وانتي تايهة :ss:.. يعني حتى النظر غير مريح للصور

اتكلم من باب اني درست في هالمجال عدل :) واعرف كل جزئية في هذا العمل
بس ما لي حظ ما فتحت لي مشرووع هههههههه :D
ان شاء الله قريب بدعواتكم


والسموحة ولا حد يزعل مني
بس ابديت رأي:o:o
واكيد في ناس تحب شغلها .. والمسألة اذواق (f)

الشيخة;9464490:
اي حبيبتي حلوة الحفلات الي بالبيت احبها :cool:

عموما حتى لو المكان حلو .. بس حلو يظهر عليه زينة العرس
لكان القاعات ليش تتزين والجدران يطلونها بالالوان فرحة :wink:

تقدرين تغلفين المكان بشيفوونات حلوووة
وتوزعين بكل ركن باقات ورد
وتخلين ركن خاص للكعكة
واكيد ستيج خاص للكوشة
وتعديل الطاولات وتزيينها
وتعلقين اضاءات منتشرة على المكان
بالاضافة الي زينة البيت (ليتات العرس)


وتحطين منظر حلوو من نافورة كبيرة .. تلقينها عند الانصاري

عموما لو طلبتي هالشغله كلها من الانصاري راح يبدع لش (y)

حبيبة عزوزي;9464555:


بصيص امل وايد حلو اليت اهم شي اهتمي بالكوشه ووزعي ورد كل مكان ووممكن تغلفين الكراصي بالابيض بيطلع واو مثل الاجانب

بصيص أمل;9464612:

كلامج عين العقل الناس أذواق اللي بيعرف يتقن هذا النوع من التنسيق والابداع وهذا النوع من تنسيق الصور ما أعتقد انه تصعب علي الصور اللي قلتي عنها عند سكوب وانا بنفسي شفت شغلات عنذها تختلف قالت لي أم علاء الناس مو وحدة ناس تبي زاهي ناس تبي 100 صورة الألبوم ومشحون لقطات وناس تبيه اسود وابيض وبني وناس تبي حدها كم لقطة في الصفحة

يعني يعتمد على ذوق العروس في النهاية بالنسبة لي انا أكيد بطلب اللي ابيه منها وحسب اللي يعجبني

بالنسبة لسكوب احنا ضاربين عليه اكس من زمان لأن الشغلة لو صايرة عندنا مرة وحدة ماعلي بس صارت لأختي وولد خالتي اثنينهم ما عطوهم الفيديو بالمرة ناهيك عن التأخير والمعاملة وكانو حاجزين تبع مرمريز

مشكورة يالشيخة بس ممكن اعرف وين ايكون الانصاري اذا في صور عندكم ممكن ترفقونها

بصيص أمل;9464679:

الله يسلمك - ممكن اعرف من ممكن ايسويه غير الأنصاري لان أختي الشيخة ما شاء الله عليها نصحتني فيه بس لا تنسونا بالأرقام ..... بتعبكم شوي اذا ما عليكم امر اذا في صور عن الأفكار اللي قلتوها لا تبخلو علي

الشيخة;9464466:
باللنسبة لي سكوب التوب ما زال بصراحه
الصورة انظف وانقى (y)
وترتيب الصور فيها عناية ودقة ونعوومة

لانه الشغل الي انعرض لام علاء -مع احترام لجميع الاذواق-
ما عجبني كلش
المسألة مش مسألة تركيب صور بشكل دقيق وبس .. المسألة تتعلق بالابداع في التصميم والخلفيات والذوق .. واحسها مب عارفة شتخلي في الصورة شنو تبقي! وااااااااايد زحمة الصور وخلفيات مدموجة تطالعين وانتي تايهة :ss:.. يعني حتى النظر غير مريح للصور

اتكلم من باب اني درست في هالمجال عدل :) واعرف كل جزئية في هذا العمل
بس ما لي حظ ما فتحت لي مشرووع هههههههه :D
ان شاء الله قريب بدعواتكم


والسموحة ولا حد يزعل مني
بس ابديت رأي:o:o
واكيد في ناس تحب شغلها .. والمسألة اذواق (f)

قمر طالع;9461612:
بنات الي صورت عند ام عباس ابي اشوف شغلها بليييييييييز
الي عندها تحط جم صوره ابي اشوف شغلها او طرشولي على الخاص جزاكم الله خير.

قمر طالع;9461549:
على البركه حبيبتي
بس بغيت اسالج بجم اهي تصور الالبوم كامل؟ يعني انتي بجم طلع عليج؟

الشيخة;9464713:
أهم شيئ ما تزعلين من رأي يا العرس :o
ودامها تعطيكم حرية تنسيق صوركم واختيار عدد الصورة في الصورة الوحدة هذي ميزة حلوة

عموما الانصاري تلقينه عند دوار سند .. تعدين على وزار الإعلام وبعدين يجيش دوار بكون يمينش وزارة المعلومات .. تلفين علي الدوار يسار وكأنش رايح على جد علي .. من تلفين يسار انتبهي للقهوة والمحلات الي على يدش اليمين راح تلقينه هناك محل مكركب وحالته حاله خخخخخخخخخخ

بس يطلع منه ابداع (y)
اي وقاصصية في السعر بعد :wink:

الشيخة;9464746:
ههههههههه
في واحد بعد اسمه القااااسم
اتوقع يوسف القاااسم

شغله مررره روووعة
وتعاملت معاه الاخت "دهن العود"
ان شاء الله بس تدخل تخبرش عنه .. لانه راوتني له مسارح وتعديلات مرره كشخة :wink:

ملكة الغروب;9464763:
شووووووواخه ترى صور اللى معروضه تختلف تماااااااااما عن شغلها على العرايس

من حيث الاضاءه والمكيب والفلتر للصور وترى ان الصور كذا صوووور ولقطه صح

بس الصور اللى شفتها كانوا حلووووين وغيررر كلللللش ,,, وانى كنت افضل ان

بالصوره لقطه كبيره و2 صورتين صغار مثلا ,,, يعني كثره الصور توه العين وغير

مريحه بالنظر بس كتصوير وحركات والواااااان لوووووول

رووووعه عجبني بس مثل ما قلت

ان صور الملجه ماعجبوني لان كان ويه العروس مدهن وهنا فكرت قلت ممكن لان الجو

حار ممكن لان البورده اصلا مش اوووكى ,,, من جذي فكرت ما اروح للملجه اى صالون

وبس من جذي ثبت على صفيه شويطر ويااااااااارب اكوووون حلووووه

او بالمستوى المطلوب ياااااااااارب :):)

بصيص أمل;9464881:
الشيخة - الله لا يجيب الزعل وبحترم رايك

بس لأننا كنا مثل الناس قبل ما شين ويا الموجة على سكوب بعد الموقفين اللي صار معاهم هي مو مشكلة المبلغ اختي احنا بخير والحمدلله كانت اختى دافعة على بكج زيادة غير اللي في مرمريز - اللي صاير حتى صور اختي وصور ولد خالتي خلفياتها مكررة لقطاتها مكررة - تعرفين اختي نظام اوقف ورا خلفية مالت أول ومليون وحدة مصورة وراها احس انه ما في شي جديد

تعرفين اختي يالشيخة هذي احلى ليلة كل وحدة تنتظرها تخيلي ما يعطونج الصور أو الفيديو شنو بسوين وقتها - بالنسبة لي ما أقدر اغامر مع سكوب يعني لو مخربين فيديو ناس مو من الأهل بقول سامعة الا اختي وولد خالتي بدون فيديو تخيليها

بالنسبة للأنصاري عجبتني كلمة مكركب - بس يوضع سره في اضعف خلقه وهذا اللي قلتيه انشاء الله تكون ام علاء اضعف خلقه بعد وادعي لي - مشكورة يالشيخة

الشيخة;9465250:
فاهمتك والله وهذا اي يدوش الراس الوحدة ما تعرف تركز وين تبي تصوير وين تبي تتمكيج وتتزهب .. معذورين واحس في الوقت الي انتوا فيه لانى انا كنت قبل في موقفكم وحسيت فعلاً

بس عن الكلام الي قلتيه إذا سكووب مسووي فيكم هالحركة :rolleyes: وما عطاكم الفيديو .. حرررررام
كنتوا المفروض تحاسبونه
شغلكم الحين استلمتوه ولا لسه؟؟

العفوا حبيبتي
بس رقم يوسف قاسم .. ما عندي اياه بس تجي عووودي اخليها تدزة لش :wink:

بصيص أمل;9463444:

بالنسبة لي انا جيكت عروض صحاري و حتى سكوب عروضهم كلهم على 5×7 أو 6×8 انا مايعجبني النظام القديم والشغل ما حسيته مثل هذا الشغل لاني اقولها من باب ان عندي بعض الخبرة في التصميم بس ما أجيد مثل الجودة الحق يقال يعني اللي عندهها خبرة في التصميم ممكن يلاحظ تركب الخلفيات وتنسيق ابعاد الصور يعني لو بتلاحظين البنت اللي مركبة على الدرج مو اي واحد يتقنها ويتقن ابعادها أو حتى وقفة الولد عند الدرج او تجليسهم على شغلات أو حتى قص الشعر والخصلات

مع احترامي لجميع الاذواق