تجمع الحوامل اللواتي يلدن بشهر تشرين الاول ( اكتوبر10) 2009 الجزء الثالث.

good morning

صباح الخير على احلى كروشات

حبوبات حبيت تشوفون معاي الثياب اللي شريتهم حق البيبي ولأن انا ما هرفت جنس البيبي لسة قلت اشتري الوان محايده

وهاي طقم رقم 1







وهاي طقم رقم 2







وهاي الطقمين معا بعض


وان شاء الله اول ما كمل الاعراض راح افتح موضوع في تجهزات الولاده عن كل التجهيزات ان شاء الله

سحر وسمر وقمر;9586168:
مرحباا

بناات انا محتاااره ودي اجهز للبيبي بس لس ما عرفت شنو فيني:(

احساسي يقول ان بنت

مدري اجهز لبنت ؟

شفت فساتين حلووين مررره و صار خاطري اشتريهم

انا بحملي ببنتي كنت حاسة مليون بالمية انها بنت مع ان السونار ماقدروا يعرفون ، لكن مشيت على احساسي صج اشتريت ملابس محايدة بس من اشوف ملابس البنوتات اموت عليهم وخذيت كم قطعة ، اذكر اختي تقولي ليش تشترين ملابس بنوتة وانتي ماتدرين شفيه بطنج ؟ قلتها لها لاتحاتين احساسي مايكذب :D ...
انتي اخذي لج كم قطعة عن خاطرج واذا طلع ولد خليهم للحمل الجاي او خليهم هدية لوحدة جابت بنوتة ..

هلا والله نار الجليد اخبارك ان شاء الله تمام

انا بعد يوم شافتها الدكتورة قالت يمكن بنت بس انا اشتري الألوان المحايده احسن عشان ما توهق بعدين هههه

حلوة تجهيزاتج فراوله بس ليش معلقة على اللون الاصفر :D ، بالنسبة للطقم رقم 2 اللي جاي كامل ومسكر كله لا تكثرين منه لان البيبي يكبر بسرعة واذا لبستيه كامل حرام يضغط على رجوله ومايقدر يمدهم بسهولة ، اما الطقم الاول اوكي حلو طويل بس من عند رجوله مفتوح ولبسيه دلاغات عشان يدفى ، وتقدرين تستخدمينه فترة حتى لو كبر البيبي ..

الطقم الأول حق الشتا ان شاء الله لأن من صفر إلى 3 شهور وعاد يمكن البيبي يطلع صغنون الحين والدكتوره تقولي صغير هههههههههه تسلمين حبوبة

صباح الخير يا حلوات كيفكم

فراوله حلوه تجهيزاتج حبيبتي
وانا افكر اقول اخذ شتوي ! بس اذا صيفنا السنه حر ما ادري شتانا كيف بكون

سحر كيفك وينك يا بنتي مالج حس من كم يوم

هلا والله عروس حياج الله حبوبة

اي والله شتانا ما ينعرف له يا حر وبرد انا قلت ما باخذ شنوي وايد يعني لما اخلص النفاس يكون تو بادي الشتا يعني اقدر اروح اشتري ان شاء الله وفي البين بيكون البيبي عليه مهاد يعني ما بيحس بالبرد إذا صار برد

ماشالله تجهيزاتك مره حلوين فراوله.....

حلوه ملاحظتك نارجين ماكنت منتبهه لها ....

اتوقع ان شهر9- 10-11 الجو ان شالله بيكون معتدل

12 -1-2- يمكن يكون برد ......

هلا والله عقد لولو تسلمين والله كلج ذوق

مساء الخير للجميع اخباركم ان شاالله تمام .........

عروس مسقط طمنينا عليك ......ان شالله تكوني بخير

هلا عقد لولو ايوه الحمد الله احس احسن
بس مرات الالم يروح ويرجع بس الحمد الله

مرررررررررررررررررررررررررحبا

كيف كروشات تجمعنا اليوم
انا اليوم اسناني معذبتني مررررررره
الله يعينا على الاسنان يارب

هلا اريج كيفك حبيبتي

انا الحمد لله
انتي كيفك اليوم ياعروس

الحمد الله
اليوم مشغوله شوي تقريبا بره كل الصباح كان عندي شغل
والحين معزومه بصلي المغرب واطلع
اشوفكم بعدين يا حلوات

ويييييييييه بنات اشدعوه عاااد
انا طلعت ورجعت وانعزمت ورجعت
ومحد فيكم دخل عساكم بخير

لا انا هون عروس كيفك