تجمع الحوامل اللواتي يلدن بشهر تشرين الاول ( اكتوبر10) 2009 الجزء الثالث.

والله يا نار الجليد انا قبل ما احمل بشهر حضرت ولاده مرت اخوي
وقاعده اشوف عليها واقول يا ربي الله يهون عليها بس صدق احسها لحظات صعبه
يوم تنظرين البيبي يطلع وما تعرفين متى تخلصين
هي فديتها راحت من ست الصبح ما ولدت الا ست المغرب

مرحباا باليميييييييييع


شحالكن ؟؟ ان شاء الله الكل بخير ؟؟؟

الله يهون علينا ويسهل ان شالله ..........

انا قاعد اشوف المواضيع حقت تجهيز البيبي وتحمست شكلي بجهز من الحين ههههههه

دلوعه ريلها شحالج حبيبتي طمنينا عليج ان شاء الله نفسيتج احسن؟

عقد لولو اهم شي لا تسنين تشترين اسفنجه السباحه الكبيره
من ثلاث شهور كانت اوت اوف ستوك
انا قلت لو لقيت باخذلي اثنين منها
وحده لبيتي ووحده لبيت اهلي

هلا والله دلوعة ريلها شخبارج انتي ان شاء الله بخير الحين

عقد انا من بداية الرابع وانا اجهز الحين تقريبا عندي كم نوع اطقم

دلوعة _ريلي;9580523:
مرحباا باليميييييييييع


شحالكن ؟؟ ان شاء الله الكل بخير ؟؟؟

بخير ربي يسلمك

اخبارك دلوعه .........

هلا والله عروس مسقط ... وفراوله


انا الحمد لله احس بالراحه لاني عند هلي الحين ... بس البارحه سرت اييب اغراض من بيتي واول ما دشيت حجرتيه يلست اصييييح يتني الضيقه مره ثانيه .. وريلي شافني وقالي يالله شلي اغراضج بنسير عند هلج

ما اعرف شو فيا ... حطيت ايديا ع قلبي ويلست اقرا سورة لايلاف قريش وعند آخر آيه عدها 3 مرات اللذي اطعمهم من جوع وآمنهم من خوف عشااان هالضيقه تخوز عني ...


انتن علووووووووووومكن ؟؟؟ شو اليديد ؟؟؟؟

فراوله ملكية;9580562:


عقد انا من بداية الرابع وانا اجهز الحين تقريبا عندي كم نوع اطقم

ان شالله اقنع زوجي لانه يقول اذا دخلتي السادس :eek:....

فراوله انا بعد اشتريت لي كمن طقم
بس ابي اسوي طلبيه للمهاد لانه قالولي ياخذ
ثلاث شهور
يعني هو مش انه شكله غريب عجيب
بس شكله كلاسيك وانيق وانج تختارينه له القماش الي تبينه

عقد انا قالولي نطري السادس انا اقول بعدين بيجي رمضان ومابيصير وقت حق كل الاشياء

عروس انا قلت ان شاء الله اخذ الطلبيات اواخر السادس ان شاء الله عشان ما ادخل الثامن إلا هم جاهزين

عرووس من وييين طلبتيهم ؟؟

واشكالهم حلوه والا لا ؟؟؟

بنااااااااااات جفت قماطات وحده اتييبهن من برع


والله اشكالهم حلوه ... غريبه يعني


بحاااول انزلهم الحين عشان تشوفونهم


.......

عقد اللولو

انا بخير فديتج

انتي شحااااااااااالج ؟؟؟

دلوعه ريلها
هني في مسقط ذاك اليوم سرت معرض وحصلت حرمه متخصصه في هالشي صراحه واايد عيبني شغلها
تسوي لج المهاد مع شنطه خاصه تلقينها للبامبرز و ادوات البيبي مالت السباحه و غطا الكلينكس و مفارش للغرف
وطبعا كله يعتمد على الالوان والاغراض الي تبينها اذا تبين اكثر من الي تسويه ولا اقل
وسعره وااااااااااااااايد معقول كل ها بتقريبا 1400-2000 درهم
طبعا لو عندنا في دبي جان صك ال9000
انا ابي اسوي لون محايد عشان ان شاء الله اذا ربي رزقني بالحمل مره ثانيه اقدر اخذهم المصبغه واستخدمهم مره ثانيه
خاطري اسوي مثل اول الي يسون لج شي كلاسيك و متوارث بين الاجيال

هي فديتج دلوعه ريلها اذا رمتي نزلي هم

هيه والله سعره واااااايد اوووكي


تدرين لا تسويين ازرق سوي لووون ثاني

نحن عندنا وحده جي تسوييي فبوظبي .... وقلت بسيرلها ان شاء الله عقب

الحين بنزلهم ولا يهمج .. من عنوني ^_^

مساء الخير
عروس مسقط وبنت ناس الشر ما يجيكم

ما شاء الله من الصبح للحين هذرتوا في اشاياء وايد ما اذكر كل شي

ام زينة: انتي تراجعين في الامل يعني؟؟؟

وعن الطلق اني بولادتي ببنتي ما كنت خايفة لاني ما اعرف ولا ولا شي داخله على عماي حتى الممرضة تقول بفحصج ما كنت ادري يعني شنو بس هالمرة اكثر شي خايفة منه هو الولادة كل ما تذكر احسن بموت من الخوف...........

وعن التجهيز اني ميتة ابغى اجهز اليوم قبل باجر وزوجي يقول لا لا تجهزين قبل السابع بس عاد ما اقدر اصبر بروح من وراه وبشتري بعض الاشياء وخصوصا ان موسم التخفيضات على الابواب بس خاطري اعرف شنو فيني بالضبط عشان اشتري على هالاساس...........

http://go.3roos.com/wkuWSlKzgTB


شو راااايكم ؟؟؟

دلوعه ريلها لا ما ابي ازرق
انا افكر يا ابيض يا بيج
بشوف ترا بغير حجرتي في بيت اهلي وابي مهاد يناسبه
بعدين هالالوان موضتها ما تروح

المشكله يا اكبر قلب في حالتنا كلنا اننا في السابع والثامن نكون برمضان
وصدق الواحد ماله خلق اسواق
غير جذيه ماشاء الله نحن عندنا عرسين بعد العيد على طوول وغير جهاز العيد
الوحده كم بتلحق