جد مضايقني الموضوع ........تناقشو معاي..

الحين خالتي مسافره او زوجي قالي انها تسلم عليكي بس انا شاكه انه هو اللي قالها بس جي يعني هي ما قالت سلم على فلانه
المهم انا قلت الله يسلمها
بس ماراح اكلمها لانه المره اللي فاتت كلمتها او طنشتني تقول عطيني ولدي هل المره شو بتسوي

Unlimited Love;9521285:
كلامك صحيح
بس بالغتي كثير وتطاولتي عليها ..واتهمتيها..معنى الحديث واضح انها ماتختلي ولا تتمادى في العلاقه
ايش لو حافظه حدودك مع ربك
انتي عارفه وضعنا في الخليج
البنت تسكن مع اهل زوجها في غرفه وتضطر انها تسكن معهم
فاهمه شلون يعني
لازم بتقعد معاهم وبتكلمهم
انا ضد حتى اني امر يمهم والا حتى اقعد واتكلم
بس تخيلي لو اقول ماابي
والله لايحشرون زوجي لين يطلقني
كلن تصير سيرتي على كل لسان
اني ابي افرق العيله
شلون اسكن معهم واتكبر عليهم
والا اهم شنو مسوين لي


في الخليج هذي غلطتنا صار الحما شي عادي
انا يفور دمي اذا تجمعوا بس ايش اسوي ساكنه بنفس البيت
فيه شي اكبر منا يصير ...مو قادرين نقول حتى نستحي نكلمهم
احنا الزوجات مهضموم حقنا

والاخت اللي هنا اخو زوجها تمادى وغلط عليها
وكلكم تردون ان هي الغلطانه لانها ردت

الادب مع قليل الادب قله ادب
لازم حد لكل متمرد
نشتري خاطرهم على عيني وراسي
بس لايتعدون حدودهم
كلكم ماترضون
بس لما احد يشتكي تلبسون عبايه المثاليه
لو احد يتكلم عليكم والله ماتعدونها بس الناس مايخالف ينغلط عليهم


واختي فطامي رد فعلك طبيعي مره وانا مجربه وضعك بس انا ..اهم يتخانقون قدام الكل ولا يحترمون بعض لدرجه اخاف واقوم وتظل اعصابي مشدوده
شلون انتي غلطان في حقك

واهم شي انتي ماقلتي شي غلط وانتي مابديتي

والرضا بالهون يجي
شوي شوي بترجع العلاقه
تحياتي

اعذريني اختي اي ظروف واي خليج ..ماشرع الكتاب والسنه حكم من احكامهم وتشريع من تشريعاتهم الا للمصلحه ومناسبتها لكل زمان ومكان .. لكن ماحدث هو اننا ندعي صعوبة هذا الشيء

وش الزوج اللي يرضى اني اقعد مع اخوه الله لايرده لاهو ولا اهله انا والله الشاهد حتى السلام وهو سلام ماارميه عليهم .. لأنه يمنع من المرأه التي ترجى فتنتها .. والاخت مالبست لباس المثاليه ولو اكتفت بالحديث عن الرسول كان افضل ...

حتى لو كنت ساكنه معاهم هل هذا سبب يخليني اقعد مع شخص مب محرم لي او حتى امر قدامه ... لا والف لا ..

اللي تبي السعاده تلتزم بالكتاب والسنه فقط لااااااااااااغير .. مب متغيرات الحياه ورضا الزوج والناس محد بينفع احد ماينفع غير العمل الصالح ورضا الله.. والناس لو قطعتي قطعه من قلبك لإضاؤهم ماارضيتيهم ..

... اما بخصوص مشكلتك اختي الشيخه فطامي ....

فأنا اقولك تجنبيه .. الحمو الموت ..
اما ابوه وامه ... انا اقولك اذا انتي ماجبتيهم اكيد البيبي لاجاء بيجيبهم ان شاء الله .. وبما انك مب مقصره احتسبي عند الله ...
واهتمي بحملك وبزوجك وكفى ..

[FRAME="4 70"]
حبيبتي محبيتش ادخل وما اردش عليك
ربنا يهديلك حالك وتعدي الامور على مايرام
بس انت لا تاخدي كل شئ على اعصابك
وان شاء الله زعلة وبتروح لحالها اول ماتقومي بالسلامة
حتلاقي الجميع حواليك بيهنو ويباركو انتم في الآخر اسرة واحدة
الله يسعدك ويسعد ايامك مع زوجك ان شاء الله
[/FRAME]

حبايبي بخصوص اللي ردو على اساس اني جالسه مع حماي ( اخو زوجي بدون محرم)
اصلا احنا ما كنا يالسين بروحنا خالتي او عمي كانو متواجدين بنفس المكان الحديث كان مع خالتي او هو
او عمي اللي هو ابوه يجي او يروح لانه كان يصلي فييي شوي يسمع السوالف او يروح يعني مو لحالي انا معاه لاااااااا

والله انا اشوف انه ام زوجك وابوه مالهم ذنب الذنب كله ذنب اخو زوجه هم مايقدرون عليه

اتوقع من الافضل انك تعاملينهم عادي جدا بس اخو زوجك لاتعطينه وجه ابد

وحطي دايم في راسك ان الرد على السفيه مذله يعني اش مايقول سوي نفسك ماتسمعين

وعسى الله يكون في عونك

معاج حق تزعلين

بس المفروض لما ام زوجج اتصلت فيج تردين عليها مهما كان هاذي مره كبيرة

الله يعينج

elegant_QR;9630729:
معاج حق تزعلين

بس المفروض لما ام زوجج اتصلت فيج تردين عليها مهما كان هاذي مره كبيرة

هذي الغلطه اللي انا سويتها او هي ماسكتها عليا تقول انا اتصلت هي ما ردت
بس انا كنت في المستشفى او تعبانه في قمه الغضب ماابغي اعطيهم وجه عساس جي مارديت بس صار اللي صار

الحين صار لها كم يوم تقول لزوجي ليش ما تجي ليش ما تجييبها عندنا هي زوجه ولدنا الوحيده حنا مب يهال تعاملنا جي لازم تيي مافي شي صار عادي

انا قلت لزوجي قولها انا ماعندي مانع ايي طبعا عشان خاطرك بروح
بس اروح او ابوك اسلم عليه يصد
ولا مابيرد علي عدل انا راح اتضايق او اتعب فليش اروح من الاساس
اذا يتكلمون عدل او لين اسلم يردون لانه السلام لله بروح
انا وحده تعبانه او مافيني ادخل المستشفى او يحطون لي كمام على تفاهات او ضغطي ينزل

بس لحد الحين مافي شي بشوف شو بيقولون

بعد المعاناه ولله الحمد اليوم رن التلفون ولا ام زوجي بس طبعا الاخت تتشره انا كنت متضايق من زوجي
او كنت اصيييح بحرقه
فقالت انا مب دااقه اقولج ليش ما دقيتي ولا اترجاك انا داقه اعاتبك انا طبعا ولا كلمه بس اصيح لاني متزاعله مع زوجي فصراحه من اسبوع مااطيق احد
سبحان الله ما اتصلت الا بالوقت اللي انا متضايقه فيه من ولدها يعني بيييييتهم كله ما طقته
طبعا تقولي تعالي او اذا سلمتي على عمك اللي هو ابو زوجي او مارد عليكي عدل عادي لا تضايقيين
شو فيهم السلام لله مو لهم
انا طبعا ما تكلمت ولا كلمه
بس قلت انشاءالله اذا هديت شوي لاني تعبانه او ريحت بروح بس بقول حق زوجي قبل لا ادخل يكلم ابوه انه ما يتجاهلني ولين اجي اسلم يسلم عدل لانه السلام مو له او بصراحه تعبت من الاهانات او من كثر المشااكل
يااا الله
يااارب
مالي غيرك
بس مابهدم بيتي او بتجمل واصبر
او اشكركم حبااايبي والله انو مرووركم كان يسعدني حتى لو كان رد بسيط او مجرد كلمه
بشوف شو بيصير مع اخرالتطورات او اقولكم
بس امانه ابي دعاااااااااااااااااااااء منكم يسهل علي يااااااااااارب

بصراحه حبيبتي أنا أشوف انه ولدهم غلط عليك وعلى أخوه

لكن انتي غلطتي على الوالد والوالده

هم مالهم دخل .. ليش تعصبين عليهم

كفايه الوالد طرد ولده وقاله أسكت

هم بمقام والدك ووالدتك لازم تحترمينهم على الأقل عشان خاطر زوجك اللي تحبيه

هذا رأيي ياغاليه وأتمنى ماتزعلين مني

وأشوف انك تعتذرين للوالده والوالد لانك عصبتي عليهم وهم مالهم ذنب ولا هم اللي غلطوا عليك

وفوق هذا الوالده اتصلت عليك .. ماتدرين يمكن حبت تطيب خاطرك بس انتي عطيتي الشيطان فرصه يدخل بينكم

ترا إذا راعيتيهم وحبوك والله حياتك كلها بتزين وبيصيرون هم يدافعون عنك إذا أحد غلط عليك حتى لو كان زوجك

وإذا راعيتيهم وأحترمتيهم وحبوك حتى زوجك والله بتكبرين بعينه وبيحطك فوق راسه

وفي النهايه بتلقينه عند الله أجر عظيم وبيقعد لك بعيالك والله صدقيني

الله يصلح أحوالك ياعسل