جد مضايقني الموضوع ........تناقشو معاي..

أختى العزيزة اسمحى لى أوضح لك كام نقطة :
بالنسبة لأخو زوجك إنتى قلتى بلسانك إنه بيضارب مع الكل يعنى مش متعمد يهينك إنتى بالذات واللى زى ده بيكون سبب مشاكل من صغره وأكيد أهله حاولوا يصلحوا منه بس ماقدروش وخلاص اتعودوا على سلوكه غير المحترم والكلام ده انا شايفاه بعينى فى ناس اعرفهم خلاص الأب اتعود على قلة أدب الإبن وبيحاول يفوت الموضوع لأن الأب بيبقى خايف إنه يقوم من غضبه ويعمل في الإبن جريمة.
تانى حاجة إنتى اعتقدتى إنهم ماخدوش منه موقف وإنهم ساهموا فى إهانتك بعدم رد إعتبارك بس عايزة أفهمك حاجة ممكن يكونوا هم اللى حسوا بقلة قيمتهم أمامك لما ابنهم أهانك ومايقدروش يعملوا له حاجة لأنهم عارفين إنه قليل الأدب وممكن يزيد فيها والموقف يزيد إحراجا لهم علشان كده الأب اكتفى بإنه قاله ياتسكت ياتخرج برى البيت ومعنى الجملة دى إنه معترض على قلة أدبه بس مش قادر يعمل حاجة .
تالت حاجة إنتى زدتى فى إحراجهم وإهانتهم لما قلتى إن البيت ده مافيهوش إحترام فطبعا كل مواقفهم بعد كده كانت بهدف إسترداد ماء وجههم الذى بدأ ابنهم بإراقته ثم أكملتى أنتى على البقية كان الواجب عليكى أن لا توجهى غضبك وحنقك للجميع بل إذا أردتى القصاص فأقتصى من الذى أهانك ولا تعممى رد الإهانة على الجميع .
رابعا يجب عليكى الآن أن يكون بدأ العلاقات المقطوعة من ناحيتك أنتى حتى ولو قام عمك بمعاتبتك تقبلى معاتبته بصدر رحب وانهى هذه المشكلة من غير قطيعة رحم.
ولكنك خرجتى من هذه التجربة المؤلمة بدرس قوى وهو عدم أمن الخبيث وذلك بتجنبك لأخو زوجك قدر المستطاع وتعلمى درس آخر عندما تغضبى من أحد لا تعممى غضبك على كل من حولك ولكن وجهى غضبك إلى من أغضبك فقط فهذا من العدل وربنا يصلح حالك ويتمم لك حملك على خير ويكفيكى شر أخو زوجك

الحين خالتي سارت العمره طبعا انا من ردودك قلت انا برد العلاقه او براضيهم
بس الشي اللي خايفه منه انه مثل ما قلتلكم عمي قبل هل المره صد عني السلام انو انا وزوجي ما قلنالو انه حاجزين فندق
هو كان يدخل في كل صغيره او كبيره او رمى الغلط عليا او قال ليش ما قلتولي
شو ليش ما قلتولي بقولك اني حاجزه فندق مفاجأه لزوجي او حيااك مثلا فوقفت الموضوع عند حده او خالتي قعدت تبكي لانه عارفه كيف اطباع بيتهم او زوجها المتسلط فانا دخلت جيت بسلم على عمي ولا يرفع يده يصد السلام
السلام لله مو له
المهم انا تغاضيت عن الموضوع عشان زوجي او امه كلموني هذا اول مره
بس الحين خوفي اروح اراضيهم او يعمل نفس الشي عمي او يصد السلام صراحه يعني شو ننتظر حنا كم مره بننهان
يعني لي صد السلام بقول برايه او مابروح بيتهم او بتكبر المشكله ؟!!

خالتي اللي هي ام زوجي يمكن تتجامل او تتقاضى عن الموضوع بكلمتين بس كيف عمي ماني عارفه

لو صرتي اجسن ومن طلعتي من المستشفى اتصلتي عليها وقلتيلها انا كنت تعبانه بالمستشفى وخذتي منها ليش كانت متصله ما كان صار اللي

كبري عقلج وتسامحي المسامح كريم وهو م نخلق الرسووووووول عليه الصلاة والسلام
المواضيع مافيها كرامه وغير كرامه

احتسبي الأجر

حبيبتي سيري ولا كأنه مستوي شي....طنشي وحاولي اتخلين دمج باااااااااااااارد ..... لا اتضايجين امعمرج ولا شياته انتي حامل واهتمي في النونو....باجر يوم بتربين بالسلامه بيشغلج النونو وحتى ما بتفكرين في تفاهات اهل ريلج....حتى انا اخت ريلي لسانها وايد فالت...تعبت من كثر ما زعلت وفي نفس الوقت ما اعرف شو اسوي فقررت اني ارد عليها مثل ما اترد علي..... ولا ادخل ريلي في الموضوع لاني ادري انه ما بيسوي شي عشان خاطر اخته الغاليه....

خليهم يولون وانتي خلج رسميه وياهم......

الله يساعدج

حبيبتي انتي ليش تتناقشين معاه اذا هو جذي

بعدين اعذريني قلبي بس انتي غلطانه بخصوص ام زوجج وابوه !

اهم شكو بالسالفه

يعني تبينها تقوم تطقه وهو شكبره ! المسكينه عارفه ولدها وماتقدر تكلمه وقالتلج اخاف منه

وعمج ماشاء الله عليه سوا اللي يقدر عليه مهما كان هذا ولده زين منه سكته !!

والله ياقلبي الناس باين محشمينج بس الله بلاهم بهالولد

اتصلي او روحي لهم بوقت يكون هو بداومه واعتذري منهم او لو اتصال وسلام

مهما كان هذولا بيكونون اجداد عيالج ولا ماتبين عيالج يتعودون عليهم !

خليج انتي الاحسن والطيبه

والله بتكبرين بعينهم : )

اقولكم شو صار
انا خذيت بشوركم
شوفو نفس اللي توقعته من عمي صار من عند خالتي لأسف
هي راحت العمره 3 ايام او رجعت انا تخوفت اروح المطار او اسلم عليها رده فعلها تكون قويه علي او ازعل
المهم
رجعت من العمره او قلت لزوجي اتصل عليها اتحمد لها بالسلامه
اتصل كلمتها شو قالتلي عطينني (فلان) ولدي اللي هو زوجي
الحين انا اكلمك تقوليلي انزين عطيني ولدي
طبعا تضايقت حيل مره ثانيه او تعبت او قلت خلااااااااااااااااص ماراح اكلمهم
او قلت لزوجي الحين تتصل عليها تقولها ليش كلمتي جذي انا بس حبيت اتحمد لها بالسلامه
لاني ما سويت شي او مثل ما قلتو خالتي او عمي مالهم خص
بس رده فعلهم معروووفه لانه طلع بيتهم كله قله ادبهم فوووق بالعالي
المهم اتصل عليها او قالها البنت تسلم عليج تقوليلها عطيني فلان ليش ماكلمتيها
تقول لا عادي من قالي انا كلمتها عادي انتي لا تشغل بالك مافي شي لا تشغل بالك
هي ما تبى تتبين له انه في شي
او لي اليوم مااتصلت ولا اتصلت
صراحه احس بعطييييهم طاااف صج ما يستحون :((((((((((((((((((

او امس بليل اتصلت عمته تسلم علي او كانت تبي احجز لها تذاكر عن طريق النت او كانت خالتي او عمي هناك
عمته زوجي قالت لخالتي هذي زوجت ولدج ما تبين تكلمينهم مادري شو قالت المهم ما كلمتني
او بس حجزت التذاكر او عمي او خالتي كانو موجودين عنده عمه زوجي المتصله علي او خفت انه يكونو متكلمين بشي بس ماعرفت
او بس تضايقت ليش خالتي ما كلمتني عدل

انا برأيي لاتروحي بيتهم ولا تعاتبي امه بشي لانك رح تكوني خسرانه حتى لو الحق الك وحاولي تتجنبي كل شي ولكن اذا اجو عبيتك لازم تحترميهم وتقدريهم وقابليهم عادي

هديل حماد;9512116:
انا برأيي لاتروحي بيتهم ولا تعاتبي امه بشي لانك رح تكوني خسرانه حتى لو الحق الك وحاولي تتجنبي كل شي ولكن اذا اجو عبيتك لازم تحترميهم وتقدريهم وقابليهم عادي

هذا اللي انا بسويه بعد ما شفته منهم
او رده فعل خالتي :(
انا بعد احاول ما اضغط على زوجي لانه هو ما يحب اكلمه بالمشاكل بشكل عام سواء من بيتهم او من بيتنا فاتجنب بس لمين افضفض او القى حل ماني عارفه مابي اخزن بداخلي راح اتعب:(

حبيبتي لو تسمعين كلامي

الزم عليك صحتك والبيبي وبعد ماتولدين لكل شي حل

Chanel 2009;9464197:
أختي و نور عيني أسمحيلي إن كان دري قاسي عليك


الرسول صلى الله عليه و سلم يقول:( الحمو الموت)
ليش تجلسين مع رجال مو من محارمك
لو انتي حفظتي حدودك مع ربك كان ربي حفظك من هالرجال اللي طول لسانة عليك (( أحفظ الله يحفظك ))

الله يهديك و يهدي سرك


تحياتي

كلامك صحيح
بس بالغتي كثير وتطاولتي عليها ..واتهمتيها..معنى الحديث واضح انها ماتختلي ولا تتمادى في العلاقه
ايش لو حافظه حدودك مع ربك
انتي عارفه وضعنا في الخليج
البنت تسكن مع اهل زوجها في غرفه وتضطر انها تسكن معهم
فاهمه شلون يعني
لازم بتقعد معاهم وبتكلمهم
انا ضد حتى اني امر يمهم والا حتى اقعد واتكلم
بس تخيلي لو اقول ماابي
والله لايحشرون زوجي لين يطلقني
كلن تصير سيرتي على كل لسان
اني ابي افرق العيله
شلون اسكن معهم واتكبر عليهم
والا اهم شنو مسوين لي


في الخليج هذي غلطتنا صار الحما شي عادي
انا يفور دمي اذا تجمعوا بس ايش اسوي ساكنه بنفس البيت
فيه شي اكبر منا يصير ...مو قادرين نقول حتى نستحي نكلمهم
احنا الزوجات مهضموم حقنا

والاخت اللي هنا اخو زوجها تمادى وغلط عليها
وكلكم تردون ان هي الغلطانه لانها ردت

الادب مع قليل الادب قله ادب
لازم حد لكل متمرد
نشتري خاطرهم على عيني وراسي
بس لايتعدون حدودهم
كلكم ماترضون
بس لما احد يشتكي تلبسون عبايه المثاليه
لو احد يتكلم عليكم والله ماتعدونها بس الناس مايخالف ينغلط عليهم


واختي فطامي رد فعلك طبيعي مره وانا مجربه وضعك بس انا ..اهم يتخانقون قدام الكل ولا يحترمون بعض لدرجه اخاف واقوم وتظل اعصابي مشدوده
شلون انتي غلطان في حقك

واهم شي انتي ماقلتي شي غلط وانتي مابديتي

والرضا بالهون يجي
شوي شوي بترجع العلاقه
تحياتي

خالتج مالها ذنب.. ليش هي طولت لسانها عليج؟؟ غلطت عليج؟؟؟

هاذا ذنب ولدها .. هي ما يخصها.. وشكلها ما تبا تسوي مشاكل..

أنصحج.. ردي لبيت ريلج بس ابعدي عن اخوه ولا تسويله سالفه.. و ردي مع خالتج وريلها مثل قبل " ما عليج من حد" شوفي هي لو ما تحبج جان ما اتصلت وتبي ترد الموضوع عادي.. وما استبعد انها ما تدري انج زعلتي.. اسمعي الكلام.. لا تقولين أهلي و أهلي.. ريلج ثم ريلج ثم ريلج.. ودامه يحبج لا تضيعينه من ايديج على هالتافه اخوه و أسباب سخيفه

المشكله انتي فاهمه كل شي بس تعاندين نفسج و تكابرين..

نوفه الجميله;9521385:
خالتج مالها ذنب.. ليش هي طولت لسانها عليج؟؟ غلطت عليج؟؟؟

هاذا ذنب ولدها .. هي ما يخصها.. وشكلها ما تبا تسوي مشاكل..

أنصحج.. ردي لبيت ريلج بس ابعدي عن اخوه ولا تسويله سالفه.. و ردي مع خالتج وريلها مثل قبل " ما عليج من حد" شوفي هي لو ما تحبج جان ما اتصلت وتبي ترد الموضوع عادي.. وما استبعد انها ما تدري انج زعلتي.. اسمعي الكلام.. لا تقولين أهلي و أهلي.. ريلج ثم ريلج ثم ريلج.. ودامه يحبج لا تضيعينه من ايديج على هالتافه اخوه و أسباب سخيفه

المشكله انتي فاهمه كل شي بس تعاندين نفسج و تكابرين..

الحين انا اتصلت عليها او سوييت اللي قلتو عليه بس رده فعلها كانت قاسيه علي او هي ولا كأنها مسويه شي تقول لولدها لا تحط ببالك لا تحاتي ما فينه شي او هي جارحتني بالكلام اقصد اني سلمت عليها قالتي انزين انزين عطيني ولدي اكلمه يعني شتبين تكلميني
عاد انا كم مره بدق او كم مره بسمع كلام منها حتى لو البعض يقول انا غلطانه معنه الموقف واضح
انا اكبر منه او هو غلط على زوجي بعدين تمادى شوي او محد من امه او ابوه كلموه لانهم يخافون منه هي قالت بعظمه لسانها انها تخاااااااااف منه
امس ززوجي يقولي انها متصله عليه ( على اخو زوجي) تقوله تعال اخذني من بيت امي او ودن يالبيت قالها اوكي بس اخذ شور تقول انها نطرت ساعه عقب تتصل عليه ما يرد
فاضطرت انها ترد مشي بالحر والله كسرت خاطري حتى قلت لزوجي ليش مااتصلت عليك
او اخر شي ما قالت له شي ولا عصبت عليه اي مو غلط ليش هل التمادي ما يصير جذي.....

حبيبتي انا من رايي انك ترجع تكلميهم من اجل زوجك و بعدين خلي العلاقة بينكم سطجية و سلام سلام و بس
و اذا موعد ولادتك قرب استني شوية لانهم اكيد رح يجوا وقتها

و الله يوفقك ويهنيك

عيل خلي علاقتج معاهم سطحيه

خلاص.. لين شوي شوي تتحسن الأمور و تتعدل

ما عليج ربج كريم..بس الصبر زين

انتي الصراحه انفعالج في البدايه ماكان له لازم

لو انج سكتي وزعلتي بيكون الحق لج وكلن بيجيج وبيراضيج

لكن لانج تميتي تقولين هالبيت مافيه احترام ومادري وشو جدام اهل البيت قامو خذو منج موقف واكيد بيعتبرونج غلطانه فالنهايه هذا ولدهم مهما قال مالهم بد منه لو انج ساكته من اول كان احسن

aNa QaTaRia;9551020:
انتي الصراحه انفعالج في البدايه ماكان له لازم

لو انج سكتي وزعلتي بيكون الحق لج وكلن بيجيج وبيراضيج

لكن لانج تميتي تقولين هالبيت مافيه احترام ومادري وشو جدام اهل البيت قامو خذو منج موقف واكيد بيعتبرونج غلطانه فالنهايه هذا ولدهم مهما قال مالهم بد منه لو انج ساكته من اول كان احسن

كلاااااااامج في محله او صح انا عارفه انهم راح يحطون الغلط علي بس انا في نفس الوقت قلتلهم لين متى بسكت هذا مو اول موقف اول موقف سكت عشان خالتي اللي هي ام زوجي بس الحين ماراح اسكت هذا اللي قلتلهم ياه لانه الموقف تكرر اول مره سكت او بجيت او ماقلت لاحد
بس هل المره قلتلهم ماراح اسكت بس كان مجرد كلام لاني ماقلت لاحد من اهلي او كل هذا عشان زوجي
بس الحمدلله على كل حال
انا عارفه انهم راح يحطون الغلط عليا خصوصا عمي راح يقول قليتي ادبج بس بقوله شو عاجبك كلام ولدك اللي قاله عساس تقول اني غلطانه
انا لين الحين مااتصلت او كل يوم زوجي يروح شوي بيتهم او يطلع او امه تسأله ليش ما تييون يلا تعالو بكره على الغدى ولا كأنه صاير شي ما تعاتب
انا قلت صراحه بادرت او كلمتها او سلمت عليها او قست رده فعلها مو حلوه بس يعني كم مره اروح او اسلم مافي كرامه بيقولون اي هذي عادي اي شي نسوي لها ما تقول شي
انا ببين لهم انه في شي اسمه احترام او انا لي شخصيه .............

هذا طبعهم وش بتسوين اذا على قولتك ما حترم امه و ابوه واعمامه تبينه يحترمك....انتي خلك مثل ما قالوا البنات علاقتك رسمية معاه هو واخوه سلام وبس

لحد الحين مافي تطورات جديده ولا صار شي .....

الشيخه فطامي;9551882:

انا قلت صراحه بادرت او كلمتها او سلمت عليها او قست رده فعلها مو حلوه بس يعني كم مره اروح او اسلم مافي كرامه بيقولون اي هذي عادي اي شي نسوي لها ما تقول شي
انا ببين لهم انه في شي اسمه احترام او انا لي شخصيه .............

معاك حق

الحين بياخدوها عادي ويسوونها مرة تانية ولا يخافون
لانهم عارفين ردة فعلك

الزم ماعلى الانسان كرامته يا حبيبتي

ولازم تتناقشين مع زوجك بهالموضوع ولا يمر كانه شي عادي

وخليه يعرف انك زعلانة منهم

واخوه اللي قل ادبه عليك هذا لازم يتربى

بنات الناس مو مهزئة يطلع فيهم حرته

بس اهم شي شصحتك وكرامتك وتكوني متنفاهمة مع زوجك

وربي يهدي النفوس

انا رأيي عاملي أهل زوجك و حبيهم مثل أهلك.. لو أخوك سوى فيك نفس الحركة ( و أقول لو حتى لو هالشي مستحيل) بتقاطعي أمك و أبوك؟؟؟
أكيد لا ... لا تقاطعي أهل زوجك حبيبتي ... و اذا رحتي لهم انتي بتصيري كبيره فعيونهم و عيون زوجك ..
الله يصفي النفوس