تجمع الحوامل اللواتي يلدن بشهر تشرين الثاني(نوفمبر 11) 2009 ( الجزء الثانى)

عبلة;9736148:
انا في 3 ولادات كنت لحالي بس الله ويايي:tears:


المرة الأولى كان باقي على موعد الولادة شهر رحت المستشفى لأن كان نازل علي دم بدون الم قالوا لزوجي ولادة انا قلت له لا ماعليك منهم ما بولد انت روح البيت راح البيت وكلن على اتصال وياي وقبل لا يجيني العصر رجعته من الشغل انا ولدت الظهر ....

الولادة الثانية والثالثة ولدت بطلق صناعي كنت في نص العاشر وكنت راقدة في المستشفى
ويجون اهلي يزوروني والطلق كان بارد فيقولون مطولة الأخت ييأسون ويروحون البيت وعقب يسمعون اني ولدت..

واتوقع هالمرة نفس الشي ما بيكون احد معاي في غرفة الولادة لأن المستشفى اللي بولد فيه ان شاء الله ممنوع يدخل اي احد معاج ...

وانا عندي بروحي احسن علشان الخصوصية ولني اعرف نفسي ساعتها بهلوس وبقول كلام

وبسوي حركات يمكن تخلي اللي داخل معاي يضحك بدل ما يشجعني ويواسيني...:21_186:

الله يساعدك .. كيف قدرتني تكوني بروحج .. :rolleyes: اخت رجااال << مو مثلي جبانة من الحين خايفه من الولاده

ههههههههه يعني كلام مثل شنو
اهم شي تذكرين الله بهذي اللحظات و تتوسلين ان يسهل الولاده

كيفكم كروشات ان شالله بخير
صحيح ان الحامل المفروض ماتاكل شي حار يعني فلفل كثير
شغالتي اندوسيه تقولي انها تضعف نضر البيبي صحيح ولا خرافات

بنت القمر وأحلى قمر;9729746:
سلااااااااااااااااااام حبيبات قلبي كيييفكم؟؟


بنات انا امس كنت عند نفاس وقلتلها انه البيبي مابان بالسونار قالتلي اللي مايبان بسرعه يكون عنده بنت والحركه اذا كانت بطيئه ومتأخره تكون بنت ايش رايكم؟؟من جد كلامها ولا مو شرط



مجنونة دوللي لا حبيبتي الدكتوره بعيادات الفتح مو الكافي

الحمدالله انتي كيفك حبيبتي
وين هذا الفاتح
وانتي وين تتابعي حملك الى الان وانا ادور تعبت ابى اغير دكتورتي

بنت القمر وأحلى قمر;9738263:
ههههههههه انشاء الله تكوني ثابته على كلامك لييين يوم الولاده وانشاء الله ربي بيسهلها يارب :D:D:D


بلو صح كلامك المفرووض نبدا ونقضي للبيبي وحده وحده ونخلص
ايش رايكم اللي تشتري شي للبيبي تورينا ياه وبكده نفيد ونستفيد:D:D:D(y)

المفروض نبدأمن دحين بس احس نفسي ضايعه وبالذات اني بكريه
والان في تخفيضات في سنتر بوينت وعندهم اشياء حلوه
ان شالله انزلكم صوره اللبسين الي اشتريتها
ادعولي القى دكتوره كويسه واعرف نوع الجنين تعبت

ميره المرزوقي;9738021:
انا بدخل غرفة الولادة برووحي

لاني شجاعه:D

هاه شو راايكم؟؟

ههههه لا صدك شجاعه .. بطله

:D

مااتوقع يوم الولاده اخلي زوجي يشوف اشياء زي كده
سمعت قصص كثيره ان الزوج يقرف من زوجته بعدين وانا اصلا استحي ")

هلا حبيبتي الدكتوره مكانها بعيادات الفتح بكيلو 2 جمب صيدلسة النهدي وهذاك المكان كله قطع غيار سيارات اكيييد زوجك حيعرف الوصف وانا بكره حرسلك الرقم عالخاص لانه عند امي الدكتوره الحين مسافره مدري رجعت او لا بس هي مررررررررررررررررررررررررررررررررررررررررررررررررررره ممتاااازه وطيووووبه اننننصحك فيها

مشكووووووره حبيبتي :)

ميره المرزوقي;9738021:
انا بدخل غرفة الولادة برووحي

لاني شجاعه:D

هاه شو راايكم؟؟

لين اخر عهدي في مستشفيات بلادنا ان اصلا ما يدخلون حد غرفه الولاده ..لكن ما اعرف اذا غيروا قانونهم او لا

بنت القمر وأحلى قمر;9738263:
ههههههههه انشاء الله تكوني ثابته على كلامك لييين يوم الولاده وانشاء الله ربي بيسهلها يارب :D:D:D


بلو صح كلامك المفرووض نبدا ونقضي للبيبي وحده وحده ونخلص
ايش رايكم اللي تشتري شي للبيبي تورينا ياه وبكده نفيد ونستفيد:D:D:D(y)

فكره حلوه ...و الموضوع يستوي فيه حماسه و تشجيع

اليوم قال لي زوجي بوديك تشترين اغراض للبيبي ...لكنه رقد و ما قام لين سكرت كل الاسواق :(

. حنين الايام .;9739126:
انا كنت اتمنى امي تدخل معاي لغرفة الولاده .. بس هي مسافره و اطول لحتى ترجع:confused:

يمكن لان اول حمل لي احسها صعبه ادخل بروحي
لازم احد معاي ..
زوجي يخاف يدخل هههههههههه يقولي ما احب اشوفك تتألمين قدامي
بس اقنعه و اخليه غصب يدخل معاي
و اختي الكبيره الله يخليها لي .. >> زوجي يقولها انتي الدايه هههه لان كلشي بتعرف عن الحمل
ان شاء الله تدخل معاي
و الله كريم ليومها كلشي يتغير يمكن ادخل بروحي الله العالم :D

ربي ييسر لك و ييسر للجميع ...و الموضوع باقي عليه وايد انسيه و لين وقته يصير خير ...الحينه خلينا ننتظر الموعد الاتراسوند و نشوف نوع البيبي و بعدين نلتهي بشراء الاغراض و خلي وقت الولاده لوقت الولاده

. حنين الايام .;9739164:
الله يساعدك .. كيف قدرتني تكوني بروحج .. :rolleyes: اخت رجااال << مو مثلي جبانة من الحين خايفه من الولاده

ههههههههه يعني كلام مثل شنو
اهم شي تذكرين الله بهذي اللحظات و تتوسلين ان يسهل الولاده

خخخخخخخخخخ آخر ولادة جننت الممرضة كانوا عاطيني اكسجين مثبت في الجدار بس شفت نفسي اتألم وااااااااااايد قلت لها هذا مو زين عطيني من ذاك السلندر الطويل اللي صوب الباب قامت تبتسم وتقول نفس الشي قلت لها لا مو نفس الشي هذا مو زين ياللا بسرعة روحي جيبيه لكنها ما اهتمت في كلامي حقرتني وطلعت لأني عورت راسها من كثر ما احن ...:sm179:


ومرة بغيت اعض القابلة يعني لو احد من اهلي صوبي جان العضة بتصير من نصيبه ...:sm2441:

وبعدين قالوا لي لا تدفعين ترى البيبي ما بيطلع الحين باقي له وقت قلت لهم مو على كيفكم

اولد الحين يعني اولد الحين واذا مو عاجبنكم طلعوا عني وخلوني بروحي ....:21_133:


يختي الوحدة في هالوضع ماتدري شتقول ولاهي في وعيها اصلا الله يعين بس ...

السلام عليكم جميييييييييييييعا شخباركم يا حوامل يا عسولات

عبلة

صدقج يا عبله أحس الوحده أتم بروحها فغرفة الولاده أحسن

لأن ممكن بنقول أشياء وبنسوي أشياء مب لازم الكل يعرفها وأتم في ذاكرتهم الخالده خخخخخخ

بلوووو

إمبارحه سرت عند الدكتوره والحمدلله كول شي تمام ^_^

وسألتها عن الجماع

قالتلي إذا كان كل شي تمام وما كنت أتحسين بآلام من أي نوع وما في نزف ولا هم يحزنون خذي راحتج

بس يفضل مرتين ثلاث مرات فالأسبوع يعني مب كل يوم ولا فاليوم كمن مره لأنه ممكن يأثر بشكل سلبي ولا يسوي تحريض شو قصدها ما أدري تحريض للولاده يعني ^_^

إن شاء الله أكون أفدتج

^_^

عبلة;9740455:
خخخخخخخخخخ آخر ولادة جننت الممرضة كانوا عاطيني اكسجين مثبت في الجدار بس شفت نفسي اتألم وااااااااااايد قلت لها هذا مو زين عطيني من ذاك السلندر الطويل اللي صوب الباب قامت تبتسم وتقول نفس الشي قلت لها لا مو نفس الشي هذا مو زين ياللا بسرعة روحي جيبيه لكنها ما اهتمت في كلامي حقرتني وطلعت لأني عورت راسها من كثر ما احن ...:sm179:


ومرة بغيت اعض القابلة يعني لو احد من اهلي صوبي جان العضة بتصير من نصيبه ...:sm2441:

وبعدين قالوا لي لا تدفعين ترى البيبي ما بيطلع الحين باقي له وقت قلت لهم مو على كيفكم

اولد الحين يعني اولد الحين واذا مو عاجبنكم طلعوا عني وخلوني بروحي ....:21_133:


يختي الوحدة في هالوضع ماتدري شتقول ولاهي في وعيها اصلا الله يعين بس ...

:21_131::21_133::21_133: خخخخخخخخخ يحليلج يا عبله يعني جي الولاده ما كنت أدري

:21_195:

أحلى شي سالفة السلندر خخخخخخخخ

صباح الخير أخواتي الحلوات :D

بس لفت نظري نقطه مهمه...و قلت أفضل أنبهكم لها...

كلكم ما شاء الله مهتمّين بجنس الجنين...و تعدّوا الأيام علشان ييجي ميعاد الدكتورة و تعرفوا نوع البيبي...

إن شاء الله ربي يرزق كل واحده اللي تتمناه يا رب...

طيب أخواتي لما شفتوا صورة البيبي في السونار ما خطر على بالكم شيء معيّن غير جنس الجنين ؟

يعني أكيد كلكم شفتوا هذه الصورة تقريبا:









شايفين الجمجمه ؟

شايفين الهيكل العظمي ؟

شايفين عظام الفك و الوجه ؟

شايفين عظام اليدين و الرجلين ؟

ما سألتوا نفسكم من وين تكونوا ؟

أخواتي....هذه العظام عباره عن كالسيوم...كله تم سحبه من مخزون الكالسيوم عندك !

يعني إن شاء الله لما تجيبي البيبي بالسلامه...و تمسكيه بيدك...شوفي كم مقدار الكالسيوم اللي سحبه من جسمك !

و مع ذلك أغلبكم يهمل في موضوع شرب الحليب و أكل الزبادي و مشتقات الحليب من جبن و لبنه و غيره...

و تعتمدوا في أغلب الأوقات على حبوب الكالسيوم فقط...

هي صحيح تنفع و أحسن من مافي أبدا...

لكن الطبيعي يظل غير...و يوصل للطفل مباشرة...



عارفين متى ستحسوا بمأساة إنه جسمك ما عاد فيه كالسيوم ؟

في ثاني حمل إن شاء الله...

ليه ؟

أول حمل...مثلا عمرك 25 سنه...يعني جسمك يخزن كالسيوم و معادن من 25 سنه...و أخذ منها البيبي الحمد لله...لذلك ما راح تحسي كتير بالفرق...

ثاني حمل...بينه و بين أول حمل مثلا سنتين...يعني جسمك ما لحق يعمل مخزون أبدا في هالسنتين...و البيبي راح يسحب منك في كل الأحوال...

و من هنا تلاقي عظمك صار مجوّف...و الله أخواتي مجوّف...










إذا قمتي أو قعدتي أو تحركتي...يصير عظمك يطلّع أصوات طرقعه غريبه...

أي نزلة برد تصيبك تلاقي جسمك كله متكسّر...

و كل شوية تشتكي من ألم عظمك و ألم الظهر و الرقبه...و ندخل في مشاكل الديسك و الغضاريف...

واللا أسنانك...و الله تتفتّت...يعني تسقط في فمك صدقوني أخواتي...و ألم مستمر لو شربتي حار أو بارد

و ما ينطبق على الكالسيوم...ينطبق على غيره من المعادن و الفيتامينات و الحديد في الدم...


و كل هذا إنتي المسؤوله عنه...

لذلك أخواتي...أنصحكم هذه النصيحه...إهتمي بالتغذيه...إهتمي بالتغذيه...إهتمي بالتغذيه...

بلاش البنت اللي تقعد تقول ما أشتهي و ما أحب و أعمل ريجيم و ما أريد أسمن...هذا كله دلع...و ما حد بينفعك بعدين صدقيني...

يعني معقول راح تحبي شكلك بعدين و إنتي ظهرك منحني و لازم أحد يسندك في مشيتك ؟



و عارفين إيش هي المصيبه الأكبر ؟

إنه الجنين مرّات ما يلاقي أي كالسيوم عندك...أو حديد أو فيتامينات أو معادن...

و اللي يصير إنه ينزل بيبي ضعيف و هزيل...و يظل طول عمره ضعيف و هزيل...و أول واحد تصيبه الأمراض المختلفه...و ما عنده مناعه أبدا...و تقعدي تتحسّري وقتها على طفلك...و خلاص ما عاد بيدك شيء تعمليه...



على كلام دكتوري الإستشاري...لازم لازم تزيدي كيلو و نص في الشهر...

مرة رحت له زايده كيلو واحد بس في الشهر...قلب الدنيا علي...و قال لي أقل من كيلو و نص في الشهر يعرضك لمخاطر الولاده المبكره...و الجنين يطلع غير مكتمل و فيه مشاكل...ليش تدخلينا في متاهات...!!!


لذلك ركزوا أخواتي على الأشياء المفيده و الخضار و الفاكهه و اللحوم...

و أي سؤال أنا حاضره...

جزززززززززززززززززاج الله الف خير يا مرمووم


وان شاءالله ما بنهمل اعماارنا




واهم شي صحتنا

عشان صحة البيبي

اذا كانت صحتنا قوويه واووكيه

البيبي بيكوون باذن الله بخير


الله يقوويناا
وويرززقنا بولادده سهله يااارب

وما قصرتي على التووضيح:)

BlueLily;9739889:
لين اخر عهدي في مستشفيات بلادنا ان اصلا ما يدخلون حد غرفه الولاده ..لكن ما اعرف اذا غيروا قانونهم او لا

في مستشفى دبي

حرمة اخوويه دخلت يدتهااا

عااد ييدخلووون

تقريبا هيه مربيه من اقل من سنه

مرموم
جزاك الله خير والله يعينا ويسهل علينا

كيفكم يابنات اعذروني لي فتره مادخل بس وربي نفسيا تعبانه وربي يعين ادعوا ان ربي يفرج همي وهم جميع المسلمين

الله يفرج هممج وهمنا وهم كل المسلمين يااااارب

وعاادي يتجلب المزااج في الحمل

حااولي دووورين على شي يخلليج ررريلكس

ووفكرري في اول ما بتشووفين وللدج
ياارب يييبهم على الف خير يارب

ميره المرزوقي;9742598:
الله يفرج هممج وهمنا وهم كل المسلمين يااااارب

وعاادي يتجلب المزااج في الحمل

حااولي دووورين على شي يخلليج ررريلكس

ووفكرري في اول ما بتشووفين وللدج
ياارب يييبهم على الف خير يارب

تسلمي بس مشكلتي افكر كثير واشيل هم وماحد يفهمني

بارك الله فيك اختي مرموم كلامك صحيح انا بدات عندي مشاكل نقص الكالسيوم من الولادة الثانية اكثر شئ تاثر هي اسناني لكن ماذا نفعل للوحم اللي ما يخليك تشتهي شئ الله يعينا