تجمع بنات مصر فى ركن العناية بالشعر الجزء (8)

roseario;9546994:

السلام عليكم يا بنات

انا من اسكندرية و كنت عاوزة أسأل على Babyliss pro 230 لانى لقيتها فى كارفور ب 250 :mad: جنية و كمان خلصت و مستنيين تجيلهم تانى

مين يا حلوين اشتراها من اسكندرية ؟؟ و بكام ؟؟

ديم جابتها تقريبا من بي تك بس مش فاكره بكام
وانا شفتها في بي تك اسكندريه وكمان سبينس عامل عليها عروض

amatalrahman237;9544220:
كل البنات اللي شعرها كان ناعم وجميل وهي صغيرة ودلوقتي بقى جاف وبيهيش
جبتلكم الخبر اليقين من واحدة من اشهر الدكاترة و استاذ في جامعة اسكندرية رحتلها النهاردة
قالتلي انه وارد ان الشعر نوعه يتغير بعد البلوغ وانا الفروة دهنية بس الشعرة جافة لكن ناعمة
بصوا من الاخر بقى، اهتموا بيه وبالحاجات اللي تنعمه ولازم تتقبلوه زي ما هو كدة بس طبعا مع الاهتمام
هي قالتلي استخدم شامبو وبلسم سالتها على الانواع قالتلي بانتين ودوف او هيربل ايسنسز ولما قلتلها بانتين ما جاش معايا قالتلي اخليني في الاتنين التانيين
وكتبتلي كريم طبي تاني اسمه لاستن ادهنه مرتين في الاسبوع
وانا بقى هعمل اللي قالتلي عليه ومش هقول غير الحمدلله واديني معاكم اهو وربنا يقدرنا كلنا على فعل الخير في شعرنا :(

طيب قولى الكريم ده تصيفيف ولا للعلاج؟ يعنى مكتوب ايه على العبوة بتاعته

gamalat__kofta;9544665:
السلام عليكم ... انا لفت نظرى العنوان جدا و انا عضوة جديدة اتمنى تقبلونى معاكم
و بالنسبة للشعر أحب اقولكم معلومة مهمة جدا ... كل واحدة لها طبيعة شعر مختلفة عن الأخرى .. و لو بنسبة بسيطة جداااااااا و مش شرط المنتج اللى تستعمليه ينفع مع غيرك ... بس الواحدة ممكن تعرف طبيعة شعرها عن طريق 3 حاجات
1- الماء
2- الجو
3- الأكل

تعرفى هو بيتأثر من الماء و لا لأ ... هل لما بيتغسل كتير بيبوظ و لا عادى ... لأن ماشاء الله فى بنات بتغسل شعرها كل يوم و بيكون عادى جدا و بالعكس بيكون أحلى يوم عن يوم
و كمان الجو فى بنات بتتأثر من التراب و ناس لأ و كمان الحرارة يعنى مثلا انا فى الحر شعرى بيكون ناعم شوييتن عن الشتاء بكتيييييييير ... آخر حاجة الأكل و دا مهم ... فى أكلات بتخلى الشعر مش حلو زى كتر أكل النشويات ممكن تنشف الشعر ... لان الغذا اللى فيها مش كفاية و فيتاميناتها لا تكفى الجسم ... و فى ناس شعرها بيتأثر من الأكل و ناس تانية لأ ... كل واحدة بتكون عارفة شعرها بيتأثر بإيه .... فأهم حاجة إنك تحسى بشعرك ... و الله دى حاجة مهمة جدا و حبيه زى ما هو كده و ربنا هيزيدك فيه و يخليهولك أجمل ...
و كمان فى نصيحة اللى عايزة تجرب وصفة جديدة ... تجربها على خصلة من الشعر و مش الشعر كله .. و لو كانت التجربة كويسة يكون جميل و لو كانت مش أد كده تكون الخسارة بسيطة ... و أحب أقولكو كمان على تجربة خاصة بيا فى شعرى .. لأن انا شعرى دا شاف أهواااااااااااااااااااااااااااااااااااااااااااال و الله لدرجة انه وقع تماما من الامام بقى زى شعر الولد ... و الحمد لله بالرضا و العلاج بقى جميل و حلو جدا الحمد لله ... فلا تيأسوا أبدا .. أما التجربة فهى عصير الجرجير ... و الله يا بنات الجرجير دا ممتاز جدا بس له عيوب كتير ... طريقة تحضيره بايخه و بيخلى الشعر ناشف لحد اما يتغسل .. يعنى لو حطيتى عصير الجرجير على فروة الرأس تسرحى شعرك بسرعة و تلميه بعد شوية هتحطى ايدك عليه هتلاقيه كأن محطوط عليه جيل ... بس لما بيتغسل بيكون ممتاز ... برده هقول تانى مش كل البنات بينفع معاها ... بس هو علاج لكل الناس و لأى حد شعره بيقع أو متساقط دا علاج سحرى فعلا و على ضمانتى بيطلع الشعر و انا جربته و اللى كان قايلى عليه دكتور امراض جلدية مشهور اسمه دكتور هنرى امين عوض .... مش عارفة تسمعوا عنه ولا لأ ... آسفة جدا طولت عليكوا بس حابة افيدكم و الله ... اللى عايزة تجرب الجرجير تعصر الجرجير و تضع العصير على فروة الرأس و تجرب على خصلة من شعرها الأول ... و اتمنى لكم كلكم شعر طويل و جميل و ناعم ... و آسفة على الإطالة
السلام عليكم

اهلا بيكى معانا بس اسمك ضحكنى اوى جمالات كفته هههه شكلك عسولة
وبجد نصايحك جميلة منورة التجمع

زهره بريه;9545476:
يابنات عايزه اعمل خلطه زيوت تتقل شعرى وتطوله
لانه خفيف ومش واثقه فى زيوت العطارين بحس انها تقيله ومش حلوه طيب مفيش طريقه تانيه احسن من الزيوت ؟؟

انتى اعملى خلطة احسن زيت خروع وسمسم وزيتون وجرجير وزيت لوز

roseario;9546994:

السلام عليكم يا بنات

انا من اسكندرية و كنت عاوزة أسأل على Babyliss pro 230 لانى لقيتها فى كارفور ب 250 :mad: جنية و كمان خلصت و مستنيين تجيلهم تانى

مين يا حلوين اشتراها من اسكندرية ؟؟ و بكام ؟؟

فيه بنوتة فى تجمع التجهيزات جابتها من محل اسمه نانى نانى فى شارع النبى دانيال ب 220

قالت عليها ايه ياقمر البنت بتعت التجهزات ؟؟؟؟

ساره افندي;9549494:
قالت عليها ايه ياقمر البنت بتعت التجهزات ؟؟؟؟

قالت انها جابتها من المحل ده فى شار ع النبى دانيال ده والموديل نزلته صورته زى بتاع ديدم

الحب هو الحياة;9549797:
قالت انها جابتها من المحل ده فى شار ع النبى دانيال ده والموديل نزلته صورته زى بتاع ديدم

لا انطباعها عليها وتجربتها

يا بنات حد يعرف زيت دابر أملا المستورد بيتباع فين ويا سلام لو القديم ؟؟؟؟؟؟؟؟؟

المرواني ................مش عنده

العزبي وسيف وعلي وعلي ......................زمش عنده

علي فكرة انا قريت تجارب كتير ان الزيت ده بيطولالشعر في مده قصيرة ولكن عيبه مع بعض الناس انه بينشف الشعر وبيعالجوا ده بحمام الكريم بعده

بنات انا صابغة شعرى بقالى خمس شهور تقريبا واللون لسة فيه..
عايزة اعمل حنة تغذية ومش عايزة اغير اللون ولا حاجة بس عايزة حاجة جاهزة زى ايفا مثلا.. ممكن حد يقولى ينفع اعمل الحنة دى دلوقتى ولا لأ؟؟؟ واستخدم نوع ايه وازاى؟؟؟؟؟؟

الحب هو الحياة;9524549:
شعرك ضعيف جيبى لوسيون هيلتى هير بتاع ايفا وامشى على التعليمات اللى على العلبة
واعملى حمام زيت متكون من زيت خروع وزيت زيتون وزيت سمسم وربنا يسهل وشعرك يبقى قوى تانى باذن الله

بلاش اعملي زيوت حمامات كريم الحنه ممكن تلاقي شعرك ظرب اورنج خليكي في المضمون

بنات هو شامبو دوف ده كويس للشعر الجاف ولا لا

Rose Miera;9552519:

هو اسمه هيلتى ولا هيلثى وبكام ياقمر لحسن شعرى خلاااااااااااااااااص طهقنى من التقصيف
وكمان عايزه يطول اعمل ايه اصلى قصيته كتير علشان التقصيف ده

Healthy hair
انا لما كنت بستعمل كريم بالمرز وكنت بدلك بيه فروة راسى كان بيطول كويس..
دلكى شعرك وغذيه كويس..

ساره افندي;9552520:
بلاش اعملي زيوت حمامات كريم الحنه ممكن تلاقي شعرك ظرب اورنج خليكي في المضمون

ماشى يا سارة علم وينفذ :D جزاكى الله خيرًا

soma_200772;9552529:
بنات هو شامبو دوف ده كويس للشعر الجاف ولا لا

اه انا بستعمل اللبنى (اول واحد من على الشمال) بتاعه حلو .. أحسن نوع ماشى معايا حتىا لآن الحمد لله...







بس حد جرب الازرق التانى من اليمين ده؟؟؟

مكتوب عنه كلام كويس فى السايت بتاعهم:
Suitable for hair with severe, accumulated damage, prone to breakage and split ends.
The Dove Intensive Damage Therapy System:


- Contains Advanced Repairing Serum with millions of micro particles repairs severe, accumulated damage by penetrating into the finest lines and breaks of the cuticle of every hair strand for intense conditioning
- Strengthens each hair strand reducing hair breakage and split ends
- Leaves hair looking healthy and strong from root to tip

قصة كبيرة;9552462:
بنات انا صابغة شعرى بقالى خمس شهور تقريبا واللون لسة فيه..
عايزة اعمل حنة تغذية ومش عايزة اغير اللون ولا حاجة بس عايزة حاجة جاهزة زى ايفا مثلا.. ممكن حد يقولى ينفع اعمل الحنة دى دلوقتى ولا لأ؟؟؟ واستخدم نوع ايه وازاى؟؟؟؟؟؟

ساره افندي;9552520:
بلاش اعملي زيوت حمامات كريم الحنه ممكن تلاقي شعرك ظرب اورنج خليكي في المضمون

زي ماساره قالتلك كده شعرك هيضرب اورانج
والاسوأ انه هينشف نشفان غير طبيعي ...هتلاقيه واقف كأنه بعد الشر عليكي ...محروق :ss:

بنااااااااات ازيكم انا عايزة اعمل شعري
صبغة لون بني شوكولاتة دة اللي بيلمع اوي
عند مين ممكن يطلع مظبوط بس ف اسكندرية؟
ويا ترى اجيب انا الصبغة ولا من عندهم احسن؟

قصة كبيرة;9552536:
Healthy hair
انا لما كنت بستعمل كريم بالمرز وكنت بدلك بيه فروة راسى كان بيطول كويس..
دلكى شعرك وغذيه كويس..

ساره افندي;9550253:
لا انطباعها عليها وتجربتها

للاسف مكتبتش لانها بتجيب تجهيزاتها ومشترياتها فقط

Rose Miera;9551836:

يابنات شعرى مقصف اوووووووووووووووى كل شهر بقصه وبرضه مقصف اعمله ايه بقى تعبنى ومع ذلك هو ناعم بس عند التقصيف فى اخر شعرى لا طبعا

وعايزة اعرف حمام كريم حلو

القص استمرى عليه والاهم رطبى شعرك دائما جبيبى ايفا بالعسل او مينك اودابرفاتيكا
حمام كريم بوناويل وداابر فاتيكا

Rose Miera;9552519:

هو اسمه هيلتى ولا هيلثى وبكام ياقمر لحسن شعرى خلاااااااااااااااااص طهقنى من التقصيف

وكمان عايزه يطول اعمل ايه اصلى قصيته كتير علشان التقصيف ده

هيلثى هير ياقمر ب 12 من اى صدلية بيتحط مرتين فى الاسبوع على الفروة لمدة شهرين
تتطويل الشعر حمام زيوت طبعا

قصة كبيرة;9552462:
بنات انا صابغة شعرى بقالى خمس شهور تقريبا واللون لسة فيه..
عايزة اعمل حنة تغذية ومش عايزة اغير اللون ولا حاجة بس عايزة حاجة جاهزة زى ايفا مثلا.. ممكن حد يقولى ينفع اعمل الحنة دى دلوقتى ولا لأ؟؟؟ واستخدم نوع ايه وازاى؟؟؟؟؟؟

حنة مع صبغة زى سمك ولبن ما يمشوش مع بعض اول لما الصبغة تختفى من شعرك ابقى اعملى حنة التغدية واعملى حمام زيوت دائما وجبيبى لوسيون لو عايزة حل للتغذية