تجمع بنات مصر فى ركن العناية بالشعر الجزء (8)

soma_200772;9537926:
طيب ايه الفرق ياقمر بين الاتنين فى واحد مكتوب عليه تغذيه مكثفه لشعر قوى من الجذور (وهو ده على كده بيتحط على فروة الراس لانه مكتوب عليه لشعر قوى من الجذور ؟؟؟) والتانى مكتوب عليه ترطيب عميق لشعر ناعم ولامع
وانهى احسن فيهم وانتى استعملتى انهى نوع وناسب شعرك وطبيعة شعرك ايه جاف ولا دهنى .........
وفاشكول اللى انتى جربتيه ده كنتى جايباه من هنا من مصر ولا من السعوديه

معلش ياقمر طولت عليكى

هلا بنات جمعتكم حلوة بس ممكن اسالكم سؤال ؟؟؟
زيت دابر أملا الذهبي يغمق لون الشعر ؟؟؟ لان انا لون شعري بني غامق وما ابغيه يصير غامق ؟

ثانيا شرايكم في كريم دابر آملا الجديد لتصفيف الشعر
ما اقصد دابر فاتيكا لا اقصد دابر أملا الي مسوية دعايته رزان مغربي وفيه منه 4 انواع

وشكرا .....

الدهبي اساسا معمول للشعر الفاتح عشان مش يغمق اما الكريم معرفش عنه حاجه

mennat;9536806:
ازيكم بنوتات فى كريم شعر الظاهر مش على الخريطه مع انو ممتازاعن تجربه تلات سنين كريم شعر مغذى فيانسيه مزيج زيوت اللوز حبة البركه الجزر الزيتون جوز الهند الجرجير ممتازجدا وسعره سبعه جنيه وحجمه ml 350

هو ظريف يا منه أنا كنت بستعمله زمان من أربع أو خمس سنين تقريبا بس كان عادي
مش عارفه دلوقتي ايه اخباره
وايفا بالعسل دلوقتي مريحني فمبفكرش أغير
انتي فكرتيني أنا ممكن لما يخلص ايفا أجربه
بس قوليلي حسيتي انه عمل ايه في شعرك يعني طوله تقلهه ولا ايه

انا كمان كنت جايبة من السعودية كريم فاشكول بالثوم بس فعلا مطلعش واو يعني مش اوي عادي معايا بس انا ان شاء الله حجرب فاتيكا بس كنت عايزة اعرف هو في اصلي ومغشوش والاصلي صناعة اية
بنات كنت عايزة اخد رايكم انا اشتريت انهاردة زيت الجدايل حد يعرف عنة حاجة سمعت انة حلو بس في حد استخدمة منكم هو بتاع بعد الصمد القرشي وعامل زي البخاخ كدة انا جبت للتساقط اللي استخدمة يوقللي اية اخبارة

بنات قوللي اعمل اية انا تعبت من شعري جدا اتغيير وبقي من دهني لعادي مائل للجاف وطبعا مبقاش ناعم زي الاول بشوف صوري وانا طفلة بتحسسسسسسسسسسسسسسر كانة باروكة يلا بقي حكم السن المهم بقي ضغيف جدااااااااااااااا وبيتساقط بهبل انا جبت الجدايل اجيب اية تاني بقي ممكن يعدلة او اعمل اية قوللي انا خلاص بجد
نصيحة يا بنات محدش يستخدم تاني حبوب الرواكوتان لعلاج الحبوب لانها بتعالج حاجةوبتبوظ حاجات انا شعري وبشرة وشي وجسمي بقوا ناشفين جداااااااااااااااااا
اهههههههههههههئئئئئئئئئئئ

كل البنات اللي شعرها كان ناعم وجميل وهي صغيرة ودلوقتي بقى جاف وبيهيش
جبتلكم الخبر اليقين من واحدة من اشهر الدكاترة و استاذ في جامعة اسكندرية رحتلها النهاردة
قالتلي انه وارد ان الشعر نوعه يتغير بعد البلوغ وانا الفروة دهنية بس الشعرة جافة لكن ناعمة
بصوا من الاخر بقى، اهتموا بيه وبالحاجات اللي تنعمه ولازم تتقبلوه زي ما هو كدة بس طبعا مع الاهتمام
هي قالتلي استخدم شامبو وبلسم سالتها على الانواع قالتلي بانتين ودوف او هيربل ايسنسز ولما قلتلها بانتين ما جاش معايا قالتلي اخليني في الاتنين التانيين
وكتبتلي كريم طبي تاني اسمه لاستن ادهنه مرتين في الاسبوع
وانا بقى هعمل اللي قالتلي عليه ومش هقول غير الحمدلله واديني معاكم اهو وربنا يقدرنا كلنا على فعل الخير في شعرنا :(

قولولي بقى على حمام كريم يكون حلو للشعر الجاف اللي بيهيش دة

حكاية غرام;9542576:
هلا بنات جمعتكم حلوة بس ممكن اسالكم سؤال ؟؟؟
زيت دابر أملا الذهبي يغمق لون الشعر ؟؟؟ لان انا لون شعري بني غامق وما ابغيه يصير غامق ؟

ثانيا شرايكم في كريم دابر آملا الجديد لتصفيف الشعر
ما اقصد دابر فاتيكا لا اقصد دابر أملا الي مسوية دعايته رزان مغربي وفيه منه 4 انواع

وشكرا .....

زيت دابر الذهبي حلو ومش بيغمق خالص ...هو اساسا لو تلاحظي عليه صوره بنت شعرها بني
وبنات كتير صابغه شعرها جربته ومش عمل حاجه
الكريم مش هاقدر افيدك فيه لاني مش جربته...انا اسفه

amatalrahman237;9544220:
كل البنات اللي شعرها كان ناعم وجميل وهي صغيرة ودلوقتي بقى جاف وبيهيش
جبتلكم الخبر اليقين من واحدة من اشهر الدكاترة و استاذ في جامعة اسكندرية رحتلها النهاردة
قالتلي انه وارد ان الشعر نوعه يتغير بعد البلوغ وانا الفروة دهنية بس الشعرة جافة لكن ناعمة
بصوا من الاخر بقى، اهتموا بيه وبالحاجات اللي تنعمه ولازم تتقبلوه زي ما هو كدة بس طبعا مع الاهتمام
هي قالتلي استخدم شامبو وبلسم سالتها على الانواع قالتلي بانتين ودوف او هيربل ايسنسز ولما قلتلها بانتين ما جاش معايا قالتلي اخليني في الاتنين التانيين
وكتبتلي كريم طبي تاني اسمه لاستن ادهنه مرتين في الاسبوع
وانا بقى هعمل اللي قالتلي عليه ومش هقول غير الحمدلله واديني معاكم اهو وربنا يقدرنا كلنا على فعل الخير في شعرنا :(

اول مره اشوف دكتوره بتكتب على شامبو بانتين او دوف او هيربل
دول الدكاتره الجلديه صعب اوي يقولوا على الشامبوهات دي

amatalrahman237;9544226:
قولولي بقى على حمام كريم يكون حلو للشعر الجاف اللي بيهيش دة

استخدمي بانتين بديل الزيت كحمام كريم ...هاتي اللى لونه من بره اخضر ممتاز جدا للشعر الجاف والهايش

على فكرة يا رورو انا كمان جبت كريم ايفا بالعسل لما لقيت البنات بتشكر فيه بس بصراحة نشفلى شعرى جامد برضه و كان شكله عامل زى الليفة لدرجة ان زوجى اتخض منى و بقيت انا ف نص هدومى ههههههه
بس انا حاليا بستعمل بانتين بديل الزيت الاخضر و بخلطه مع حبة صغيرين من زيت فاتيكا باللوز
و الحمد لله جايين مع شعرى كويس

السلام عليكم ... انا لفت نظرى العنوان جدا و انا عضوة جديدة اتمنى تقبلونى معاكم
و بالنسبة للشعر أحب اقولكم معلومة مهمة جدا ... كل واحدة لها طبيعة شعر مختلفة عن الأخرى .. و لو بنسبة بسيطة جداااااااا و مش شرط المنتج اللى تستعمليه ينفع مع غيرك ... بس الواحدة ممكن تعرف طبيعة شعرها عن طريق 3 حاجات
1- الماء
2- الجو
3- الأكل

تعرفى هو بيتأثر من الماء و لا لأ ... هل لما بيتغسل كتير بيبوظ و لا عادى ... لأن ماشاء الله فى بنات بتغسل شعرها كل يوم و بيكون عادى جدا و بالعكس بيكون أحلى يوم عن يوم
و كمان الجو فى بنات بتتأثر من التراب و ناس لأ و كمان الحرارة يعنى مثلا انا فى الحر شعرى بيكون ناعم شوييتن عن الشتاء بكتيييييييير ... آخر حاجة الأكل و دا مهم ... فى أكلات بتخلى الشعر مش حلو زى كتر أكل النشويات ممكن تنشف الشعر ... لان الغذا اللى فيها مش كفاية و فيتاميناتها لا تكفى الجسم ... و فى ناس شعرها بيتأثر من الأكل و ناس تانية لأ ... كل واحدة بتكون عارفة شعرها بيتأثر بإيه .... فأهم حاجة إنك تحسى بشعرك ... و الله دى حاجة مهمة جدا و حبيه زى ما هو كده و ربنا هيزيدك فيه و يخليهولك أجمل ...
و كمان فى نصيحة اللى عايزة تجرب وصفة جديدة ... تجربها على خصلة من الشعر و مش الشعر كله .. و لو كانت التجربة كويسة يكون جميل و لو كانت مش أد كده تكون الخسارة بسيطة ... و أحب أقولكو كمان على تجربة خاصة بيا فى شعرى .. لأن انا شعرى دا شاف أهواااااااااااااااااااااااااااااااااااااااااااال و الله لدرجة انه وقع تماما من الامام بقى زى شعر الولد ... و الحمد لله بالرضا و العلاج بقى جميل و حلو جدا الحمد لله ... فلا تيأسوا أبدا .. أما التجربة فهى عصير الجرجير ... و الله يا بنات الجرجير دا ممتاز جدا بس له عيوب كتير ... طريقة تحضيره بايخه و بيخلى الشعر ناشف لحد اما يتغسل .. يعنى لو حطيتى عصير الجرجير على فروة الرأس تسرحى شعرك بسرعة و تلميه بعد شوية هتحطى ايدك عليه هتلاقيه كأن محطوط عليه جيل ... بس لما بيتغسل بيكون ممتاز ... برده هقول تانى مش كل البنات بينفع معاها ... بس هو علاج لكل الناس و لأى حد شعره بيقع أو متساقط دا علاج سحرى فعلا و على ضمانتى بيطلع الشعر و انا جربته و اللى كان قايلى عليه دكتور امراض جلدية مشهور اسمه دكتور هنرى امين عوض .... مش عارفة تسمعوا عنه ولا لأ ... آسفة جدا طولت عليكوا بس حابة افيدكم و الله ... اللى عايزة تجرب الجرجير تعصر الجرجير و تضع العصير على فروة الرأس و تجرب على خصلة من شعرها الأول ... و اتمنى لكم كلكم شعر طويل و جميل و ناعم ... و آسفة على الإطالة
السلام عليكم

يابنات عايزه اعمل خلطه زيوت تتقل شعرى وتطوله
لانه خفيف ومش واثقه فى زيوت العطارين بحس انها تقيله ومش حلوه طيب مفيش طريقه تانيه احسن من الزيوت ؟؟

Didem;9534301:
هاتيه طبعا
ممتاز جدا
وجبت دابر فاتيكا برضه حلو اوى بس مش بحلاوه ايفا بالعسل ...بقالى اكتر من سنه بستخدمه ومبستغناش عنه الصراحه
حتى اخر مره دهنت فاتيكا ايدي اكتلنى وخلطت معاه ايفا بالعسل وشعري بعد مانشف كانه كان مكوي :)









دي علبه ايفا الوسط ب6 جنيه
والفتيكا دي بالصبار وزيت الزيتون وكانت ب7 جنيه ونص
والاتنين من كارفور

الف شكر يا didem وان شاء الله اجربه قريب وادعيلك يا قمر

الجزء السادس لسه مفتوح ولخبطني ليه متقفلش
ياريت stacy تقفله

زهره بريه;9545476:
يابنات عايزه اعمل خلطه زيوت تتقل شعرى وتطوله
لانه خفيف ومش واثقه فى زيوت العطارين بحس انها تقيله ومش حلوه طيب مفيش طريقه تانيه احسن من الزيوت ؟؟

شوفي موضوعي دا هيفيدك جدا http://forums.3roos.com/t450108.html
ولو عايزة حاجه تتقل الشعر فعلا مفيش أحلى من الجرجير بس استمري عليه هتلاقي شعرك كله زرع شعر صغير واتملى أي فراغ في راسك وشعرك هيتقل جدا
وكمان الزيت اللي أنا كاتبه عنه دا بيتقل الشعر جدا ومفيد

بنات محدش رد عليا حد جرب زيت الجدايل يقوللي علي نتايجة من فضلكم

السلام عليكم
الأخت Didem حبيت افيدك و اقولك عن تجربة ان شامبو و بلسم دوف الأزرق الغامق روعة جداااااااااااااااااااااا فعلا حلو جدا ... و برده جربى الأول ... يمكن يطلع حلو معاكى ... جربى على خصلة شعر الأول ... بس ان شاء الله يكون حلو و خاصة المستورد بتاعة ... و موجود فى الصيدليات الكبيرة.
و اتمنى لك شعر قوى و صحى و رائع يااااااارب

زهره بريه;9547286:

الف شكر يا ساندى وصفاتك دايما حلوه

بس انا مش عايزه اعمل حنه حاليا فى شعرى ولا فى عندنا سنامكى وشعرى مش بيجى على زيت الزيتون من اصله
كنت بفكر اجيب جرجير واعمله بس انا كسلااااااااااااانه موووت ولو داومت يوم يبقى اللى بعده مش هداوم

طيب لو عايزه اعمل شعرى كيرياتين قبل الجواز اعمله قبلها بقد ايه ؟؟

تسلمي يا قمره
ووالله حبيبتي أنا حوار الكيراتين دا مليش فيه ولا بحبه أساسا لإني بخاف على شعري قوي من الحاجات دي لإن العملية مش ناقصة تجربه أنا مصدقت انه مبيقعش
ان شاء الله البنات يساعدوكي

gamalat__kofta هو دة اللي بالسيرم وهو سعرة كام وفي منة لانواع الشعر ولا هو واحد