**تجهيزات أحلى عرايس في مصر الجزء 129 **

redflowerlovey;9455116:
حلوين أوي بس انا ليا سؤال أنا وشي مدور و مش رفيع و الاسبانش مش بتليق إلا على الوش الطويل شوية و ميكنش مليان ياريت يا بنات لو حد عنده لفات تنفع ينزلي صورها

انا كمان الاسبانش مش بيليق على وشى ياريت تنزلو لفات طرح كامله

cantona18;9455320:
ادعولى يا بنات كتير ربنا يكرمكوا يارب خطوبتى بتتفركش دلوقتى بسبب حماتى واختها حسبى الله ونعم الوكيل فيهم مش عارفة اعمل ايه ادعولى ربنا يهيالى اللى فيه الخير ليا
وعشان المخالفة اية احسن الالوميتال ولا الخشمونيوم؟

ربنا يصلح الحال ويزيل عنك الهم ويسعدك ياااارب يا قمر ويهدى لك حماتك انا وانتى وكل بنات .المسلمين.. هو الورد المجفف اشتريه منين

ياجماعة اية حكاية التل الجليتر للى بيتحط فى النيش لو حد عندة صور ياريت ينزلهاضرورى او يحاول يوصفى ازاى تتحط

زوربا ماشاء الله علي ورك انا اتفرجت عليها والافكار جميله اوي بس ممكن اعرف هو المصور ده فين وكمان الميكب بتاعك تحفه ربنا يهنيكي

بنات انا نزلت سوق غزه من يومين وجبت شوية حاجات حلوه من هناك منزلين بيجامات ستان وقمصان بالارواب بتاعتها تحفه والاسعار حلوه اوي

السلام عليكم ورحمه الله

بنات استحلفكم باله سبحانه تدعولي من قلبكم انه ربنا يقومني بالسلامه الصبح داخله اعمل عمليه وربي العالم هخرج ولا لاأ مرعووبه وعندي احساس رهيب اني همووت ومش هفرح انا اسفه مقصدش انكد عليكوا سمحوني وبالله عليكو تدعولي

سؤال عشان المخالفه اجيب منين مفارش لنيش والمطبخ افرش فيه مفارش برضوه ولا ايه
ولو عيشت ولبست فستان الفرح وكان اوف وايت ونفسي البس تاج هيكون شكله عامل ازاي معلش سمحوني وانا بحبكم كلكم في الله والله وربنا يسعدكم جميعا

شيكو انا بعتلك تفاصيل الشقه على الخاااص وصلك ولا لا؟؟؟؟


كتكووووتى بقولك ايه زى ما قولتيلى بقى هاااااا اللى بالى بالك كله ههههه ربنا يارب يتمملك بخييييييييييير وتتهنى انتى وميدوووو انا عاوزه منك تكتبيلى بلييييييييييز يا روحى الباكدج كامل بتاع الشانزليزيه

وادعولى يا بنات ربنا يسرلى حالى واحجز القاعه بقى انا تعبت اووووووووووووى

قطه اخر الليل ربنا يقومك بالسلامه يارب وخلى عندك امل فى ربا بس انتى استغفرى كتييييييييييير واقرى قران وانتى هترتاحى ان شاء الله ربنا يرجعلك لينا بالسلامه يارب وابقى طمنينا عليكى ياقطه
والمطبخ حطى فيه المفارش البلاستيكبتتجاب بالمتر ياسكر والتاج ياقمر رجع موضه تانى هيبقى حلو ان شاء الله

لكل عروسة لوزام التطريز والخياطة
القاهرة:

شارع الموسكي وهو بمنطقة العتبة بالقاهرة , به مجموعة من المعروضات وبه محلات للكلف الخاصه بالخياطه وكل مستلزمات الخياطه وكذلك الخيوط الخاصة بها وبأعمال التطريز المختلفه وتباع بالجملة في محلات وبالقطاع في محلات أخري بنفس الشارع وكذلك به جميع مستلزمات أعمال الشك والتطريز من خيوط وخرز وترتر ( برق علي ما أعتقد عندكم).

محل الكاشف وهو في ميدان الجامع بمصر الجديدة وهو أيضا ملم باحتياجات الخياطه والتطريز والسيرما وعنده باترونات جاهزه لها وممكن علي ما أعتقد شراء جاهز بالطلب من عنده وكذلك الليسيه من مفارش صغيرة وكبيرة للسفرة والأ سرة فتوجد عنده مستلزماتها وكذلك أعتقد ممكن التوصيه بعمل معين عنده كما السيرما ....
هذا وله فرع في الموسكي ويقوم بنفس الخدمات مع طبعا كل محل له طابعه ومعروضاته ...
وللعلم الموسكي يعتبر منطقه شعبيه ......

محل بوبجيان بقصر النيل وعنده مستلزمات الخياطه والتريكو والسيرما (خيوط) ...

خان الخليلي وطبعا معروف هو أكثر شيء به الأنتيكات وأعمال يدويه بالنحاس والفضه وهناك محلات تبيع تابلوهات سيرما وهو يقع في منطقة الحسين ..........

مكتبة سمير وعلي وهي في شارع شريف وتجدي فيها الألوان الخاصه بالرسم عامة والفرش والكتالوجات التي تحتاجيها كما بالحرير وغيره ,,,,,,

لوازم الكروشيه والتطريز المختلفة:
• وسط البلد
• الازهر وبالذات فى التربيعة
• محل باباجيان فى شارع 26 يوليو وله فرع اخر فى شارع قصر النيل بوسط البلد وايضا فرع ثالث فى شارع فؤاد (أو ) شارع شريف
• محل كل شئ وفروعه في مدينة نصر – ميدان الجامع
• محل كستيلا مدينة نصر – عباس العقاد
• المهندسين والمعادي
• داخل سوق الجيزه شارع فيه محلات بيع الخيوط فيه محل العقاد واش اش وما شاء الله
• محلات سلامة اللى تحت جراج الاوبرا يبيع بالجملة

والمجلات الفنية و الكاتلوجات :
• سوق الكتب القديم لبيع الكاتلوجات
• المحلات الموجوده في سور الازبكيه اول 3 او4 محلات علي اليمين عندهم مجلات جميله جدا (تركبي المترو وتنزلي محطه العتبه واول ما تطلعي من السلم تلاقي سورالازبكيه علطول)
• فى اول شارع سليمان عند مخبز كريستال وانتى رايحه قصر النيل من التحرير على الناصيه عم عبده يبيع البوردا لجميع السنوات .

وعموما الأزهر كله محلات مناسبة لشراء لوازم الأشغال الفنية
وهذه خريطة الأزهر شرح الاخت (omyoussef) جزاها الله خيرا:
انتي عندك شارع طويل اوي اوي بتاع الازهر والحسين ماشي الشارع ده اوله كوبري للعربيات واخره مستشفى الحسين فيه طريقين لو معاكي عربيه
يا اما تطلعي الكوبري بالعربيه وده هاينزلك قرب اخر الشارع
يا اما تلفي من تحت الكوبري وده هايخليكي تمشي في كل الشارع من اوله لاخره
خلينا من الطريق التاني واشرحلكوا هتلاقوا ايه كل ما تمشوا
اوك يعني احنا دلوقتي ماشيين من تحت الكوبري
هتلاقوا في الاول محلات اجهزه كهربائيه وتليفونات كتير على اليمين والشمال وبعدين تفضلوا ماشيين هتلاقوا محلات لشنط السفر عل اليمين وعلى الشمال وبعدين هاتفضلو ماشيين لحد ما تلاقوا مفترق طرق والطريق قدامكوا بقي 4 يعني يا اما تمشي على طول او تدخلي يمين او تدخلي شمال
ندخل يمين الاول هتلاقي محلات على الناصيه بتبيع شوية اكسسوارات للستاير وكمان الفوم بتاع المخدات والالحفه والناحيه التانيه شركة الهلال والنجمه بتاعة البلاستيك وجنبيها بأه كل انواع البويه اللي ممكن تتخيليها وباسعار مختلفه تماما عن المحلات
ماشي ده لو دخلنا يمين
طيب لو دخلنا شمال هتلاقي كوبري
ماشي الشمال ده بأه شارع كبير اوي
على اليمين هتلاقي شارع ضيق جدا اسمه جوهر القائد
الشارع ده مليان ادوات مكتبيه وهدايا ومستلزمات المكاتب وكله بسعر الجمله
والشارع ده اخره ........ بيوصل على الصاغه والحسين .
الشارع ده لما تمشي فيه هتلاقي فتحه على ايدك اليمين قدام شويه الفتحه دي توديكي على حمام التلات حمام التلات ده مليان للعرايس اللي بيجهزوا كل حاجة المطبخ وبرضه بأسعار حلوه اوي بس لازم تفاصلي طبعا

اما بقى لو دخلتي اول شمال
حاره صغيره جدا جدا جدااسمها حارة اليهود
دي بأه فيها العجب كل ديكورات البيت
حاجات كنت بالقيها في الفا ماركت بمبلغ وقدره هتلاقيها هناك بنص السعر بس امشي فيه شويه وانتي هتلاقي حاجات كتير جدا وبراويز وساعات وكل حاجه
خلاص كده خلصنا شارع جوهر القائد
المهم ده لو كنا دخلنا يمين

اما لو دخلنا شمال وعلشان تتدخلي شمال لازم تعدي من تحت الكوبري علشان الشارع اللي في النص مقفول بسور....هتلاقي الموسكي
على اول الناصيه هتلاقي شركة اسمها الوفاء والامل او النور والامل حاجه كده... دي عندها خيوط مصر البيضا وخيوط كروشيه وتطريز وعيشه بس كله بالجمله وزراير كمان وبعدين لما تدخلوا يمين هتلاقوا كل مستلزمات الخياطه من سوست لخيوط لكل حاجه وقدام شويه في النمرسي بس اسعاره غير بتاع المهندسين
المهم كده يبقى خلصنا يمين شارع الازهر وشمال شارع الازهر
نيجي بأه لو مشينا على طول
استنوا متمشوش بسرعه لان يعد ما تمشوا قدام شويه كده هتلاقوا شارع ضيق على ايديكو اليمين الشارع ده مليان اقمشة تنجيد وكمان قماش ملايات ولو دعبستو كده وخرمتو شويه كمان او سالتوا فين الاقمشه الحريمي هتلاقي كده حارات صغيره شويه مليانه اقمشه حريمي ورجالي وبسعر الجمله برضه ارخص من الوكاله وكمان هتلاقوا اقمشه رجالي كويسه هتلاقوا الصوف اللي بيتباع المتر في عمر افندي ب70 وب 80 جنيه هتلاقوه هناك ب 30 جنيه
المكان ده هو التربيعه وهو مكان اكتر من رائع وكمان ارخص حته فى مصر للقماش
ماشي
المهم نطلع بره تاني على الشارع وافضلو ماشيين هتلاقوا على الشمال ناس كده بتبيع الحفه وستاير وفيه فتحه هناك بتدخلك على حمام التلات تاني
افضلو ماشيين لحد ما هتلاقوا على ايديكو اليمين حته اسمها الغوريه
عندها كوبري بتاع مشاه
لو انتي على اليمين وعديتي الكوبري ده ونزلتي الناحيه التانيه اول ما تنزلي
هتلاقي محل كبير بتاع خرز وترتر
مليان خرز وترتر كل الاشكال والالوان والأسعار بالجمله تحفه وكمان عنده خيط حرير و أحيانا بيكون عنده خيط مصر البيضا

افتكرت حاجه كمان
عارفين جراج العتبه مش فيه تحتيه ناس بتبيع ساعات وموبايلات وكده
افضلي لفي مع الجراج هتلاقي محل بيبيع خيوط حرير لتطريز المكن وكمان قماش ايتامين وكمان مستلزمات الخياطه وكمان حاجات مستوره جاهزه للشغل خداديات وكلام من ده
,ولما تحبي تروحي بالتاكسي
فانتي هاتقوليله انا عايزه اروح الحسين وممكن تنزلي عند كوبري المشاه يعني تبداي من اخر الشارع لان في الغالب التاكسي مش هايرضى يمشي من تحت يعني هايطلع الكوبري وينزلك عند قدام كوبري المشاه ويبقى على يمينك الغوره وعلى شمالك الحسين تقومي لفه ومديه ظهرك للمستشفى بتاعة الحسين وتبقى الغوريه على شمالك والحسين على يمينك
وتعكسي الخريطه السابقة

منقول لعيونكم

[QUOTE=الحب هو الحياة;9455360]



ربنا يفد كربك ويصلحك الخال
الحشمونيوم افضل بيجمع بين الالوميتال والخشب بس هو اغلى من الالومينال

بنات اسكندرية الاقى فين شماعات الطرح المدورة اللى بتاخد اكتر من طرحة ؟




توته انا شفتها الاسبوع اللى فات ف المنشيه ف شارع فرنسا عند بتوع الدهب كده كانت ب20 او 15 مش فاكره اوى وكان فيه برده بتاعت الكرافتات


حبيبه مادو مش عاوزه تقوليلى عملتى ايه ف كتب الكتاب عاوزه افكار لو سمحتى معلش غلاسه انا مش عارفه المشاركه بتاعتك فين مش عارفه الاقيها

هاى يابنانيت انا اتصلت بايمى الكاشف وسالتها لو ماكييرة هتجيلى البيت تاخد كام قالتلى هتاخد 500 هو كدة غالى ولا معقول ولااية انا مش عارفة
ويابنات هو انتوا ضمنينها اصلى لو حسيت فعلا انا الماكيرات اللى عندها كويسة وشغلها حلو مش اشكال الفلوس بس تبقى محطوطة فى محلها يعنى اتكل على اللة واروح احجز عندها ولااية باللة عليكةا يابنات تردوا عليا لحسن انا مترددة جدا فى الموضوع دة عشان فى كتب كتابى استهونت وجبت اى حد وكانت مطلعانى وحشة جدا الناس قالتلى لو كنتى مكيجتى نفسك كان هيبقى احسن باللة عليكوا تردوا عليا :):)(f)

قطة اخر الليل;9456022:
السلام عليكم ورحمه الله

بنات استحلفكم باله سبحانه تدعولي من قلبكم انه ربنا يقومني بالسلامه الصبح داخله اعمل عمليه وربي العالم هخرج ولا لاأ مرعووبه وعندي احساس رهيب اني همووت ومش هفرح انا اسفه مقصدش انكد عليكوا سمحوني وبالله عليكو تدعولي

سؤال عشان المخالفه اجيب منين مفارش لنيش والمطبخ افرش فيه مفارش برضوه ولا ايه
ولو عيشت ولبست فستان الفرح وكان اوف وايت ونفسي البس تاج هيكون شكله عامل ازاي معلش سمحوني وانا بحبكم كلكم في الله والله وربنا يسعدكم جميعا

اسأل الله العظيم رب العرش العظيم ان يشفيكى
اسأل الله العظيم رب العرش العظيم ان يشفيكى
اسأل الله العظيم رب العرش العظيم ان يشفيكى
اسأل الله العظيم رب العرش العظيم ان يشفيكى
اسأل الله العظيم رب العرش العظيم ان يشفيكى
اسأل الله العظيم رب العرش العظيم ان يشفيكى
اسأل الله العظيم رب العرش العظيم ان يشفيكى
باذن الله تقومى بالسلامه بكره وضرورىىىىىىىىىىى تطمنينا عليكى

حبيبه مادو;9456216:
شيكو انا بعتلك تفاصيل الشقه على الخاااص وصلك ولا لا؟؟؟؟

لا موصلش حاجه :(

cantona18;9455320:
ادعولى يا بنات كتير ربنا يكرمكوا يارب خطوبتى بتتفركش دلوقتى بسبب حماتى واختها حسبى الله ونعم الوكيل فيهم مش عارفة اعمل ايه ادعولى ربنا يهيالى اللى فيه الخير ليا
وعشان المخالفة اية احسن الالوميتال ولا الخشمونيوم؟

ربنا يصلح لك الحال يارب اكثرى من الدعاء والاستغفار والتوكل على الله قولى لا اله الا انت سبحانك انى كنت من الظالمين كتير وقولى الايه دى (وَرَدَّ ٱللَّهُ ٱلَّذِينَ كَفَرُواْ بِغَيْظِهِمْ لَمْ يَنَالُواْ خَيْراً وَكَفَى ٱللَّهُ ٱلْمُؤْمِنِينَ ٱلْقِتَالَ وَكَانَ ٱللَّهُ قَوِيّاً عَزِيزاً) صدق الله العظيم



يا بنات بليز ضرورى اجيب الشماعه بتاعه الطرح منيييييييييييييييين

قطة اخر الليل;9456022:
السلام عليكم ورحمه الله

بنات استحلفكم باله سبحانه تدعولي من قلبكم انه ربنا يقومني بالسلامه الصبح داخله اعمل عمليه وربي العالم هخرج ولا لاأ مرعووبه وعندي احساس رهيب اني همووت ومش هفرح انا اسفه مقصدش انكد عليكوا سمحوني وبالله عليكو تدعولي

سؤال عشان المخالفه اجيب منين مفارش لنيش والمطبخ افرش فيه مفارش برضوه ولا ايه
ولو عيشت ولبست فستان الفرح وكان اوف وايت ونفسي البس تاج هيكون شكله عامل ازاي معلش سمحوني وانا بحبكم كلكم في الله والله وربنا يسعدكم جميعا

ربنا يقومك بالسلامه يارب ربنا معاكي ويشفيمي يارب

افرشي بلاستك بالمطبخ والنيش انا مفرشتش مفارش

hebahoba;9454460:

يا بنات حد يعرف حنانه كويسه و بتعمل شوهات و اسعارها بتكون كام يا ريت يبعتلى رقمها و اسمها ضرورىىىىىىىىىىىىىى؟؟

هوبا في جروب علي الفيس بوك فيه واحده بتعمل شوهات
اسم الجروب 7ena bannat تقريبا .وكنت اتصبا بيها وقالت بتاخد 500 جنيه لو انتي من القاهره

بنات ممكن بليييييييييييييز ممكن تبعتولى تجهيزات العروسة من أ الى ي ضروووورى جدا يا بنات
:8875:

يعني هو ينفع افرش مفرش في النيش عادي وبعدين احط فوقة تل جليتر وارص معاة الكاسات كدة ممكن يبقا شكلة مش حلو ولا اية؟

danasam;9432092:
ازيكم يا بنات عروس يا حلوين



ميتسي
وحشتينا يا عروسه ومشاء الله تبارك الله على شقتك وعلى صورك يوم فرحك كنتي عسوله
قوليلي انتي روحتي كوافير عند مين يا جميل

وحشتينييييييييييييييييييييييييييييييييييييييييييي.....
انتي فين دلوقتي
معلش لسه شيفه مشاركتك حالا............
انا كنت عند الملكه...انتي حجزه عندها صح؟؟؟؟؟؟؟ ان شاء الله تطلعي زي القمر

نغمة القمر;9456538:
هو اود النوم الحديثة يابنات اللي طالعة موضة لازم التسريحه بتاعتها تبقا كبيرة ومرايتها عريضة كدة ولا مش شرط

اه ده الموضة الجديدة الى طالعة كده

yoyo butterfly;9456588:
بنات ممكن بليييييييييييييز ممكن تبعتولىتجهيزات العروسة من أ الى ي ضروووورى جدا يا بنات
:8875:

تجهيزات العروس من ( أ ) ل ( ى ) ... لكل العرايس

Princess_miro;9448171:

ربنا يبارك لكم يا بنات بجد كلكم عسلات اخر حاجة بس انا لسه عارفة الميعاد انهردة الحمدلله من شوية و لسه مش عملت اى حاجة و مش هعمل فرح انا هعمل بارتى كده فى البيت لأهلى و أهله أو اى مكان برا على اد العيلتين بس

انا كنت بفكر فى اليخت فالانتاين و هعمل ميكب اب لو ربنا اراد بإذن الله عند ايمى الكاشف بس هى مش بتروح البيت فلسة بفكر الحقيقة

حد بقى يبعت لى المشاركة اللى كان فيها تفاصيل اليخت فالنتين أو على الخاص حتى تفاصيل

ربنا يتمملك بالخير ويرزقك بالذريه الصالحه انتى و كل البناااااااااااااااااااااات

Princess_miro;9448225:

دى صور الفساتين اللى كانت فى فيزا

فين الدعوات بقى و التقييمات؟

Princess_miro;9448285:

miramiro;9449965:
ربنا يفك كربك يا مارشيمارو يااااااااااااااارب
و يهديلك زوجك و يسخره لكى يارب
ويبعد عنك كل سوء اللهم امين
و ان شاء الله تبقى كويسه و استعينى بالله

و علشان المخالفه
بنات اجيب شوز فرح فلات خالص منين؟

CuTie KaTkOoTa;9450005:
ليه كده يا مشمشتي، شغلي قرآن لازم واستهدي بالله كده، ده انتي لسه في شعر العسل ومكملتيش اسبوعين، ربنا ما يجيب مشاكل بينكم يارب، واستهدي بالله كده، وربنا يهدي النفوس يارب.


انا الحمدلله يا قمر كويسة ، لسه مخلصتش والله، امبارح حماتي واخت خطيبي وحمايا وخطيبي جم وقعدنا نرص المطبخ والبوفيه ونعلق البراويز والساعات واكسسوارات الحمام كلها، والنهاردة جبت شماعة للكرافتات والاحزمة وممكن بردو تنفع لبعض الطرحة الخفيفة عشان هي مساحتها مش عريضة اوي، بس كان فيه حجمين وانا جبت الكبيرة، وجبت صينية تقديم كبيرة استانلس ومعالق وشوك صغيرة للمطبخ عشان كانوا ناقصني، رحت بروفة الفستان الحمدلله وبجد جميل اوي، وقست كله بقي البادي والجيبونة والفستان والجزمة والطرحة وكله وجربت طلعت السلم ونزلت وقعدت ووقفت، ولسه هاروح بروفة كمان اخيرة يوم التلات ان شاء الله والاستلام علي الأربع، وبعدين طلعنا دفعنا باقي مبلغ القاعة، وبعدين رحت عملت الكيراتين اخيرا وانا مروحة بقي رحت جبت التل الجليتر للنيش وبعدين جبت شوية حاجات من تموين البيت بتاعي.

وبكرة ان شاء الله مفروض نكمل رص النيش واوضة النوم وباقي الحاجات بقي او اللي نقدر عليه يعني ان شاء الله.

بس حصل حاجة وحشة اوي ولسه عارفينها من ساعة بس، عمتي توفت فجأة ومش عارفين نعمل ايه لسه وكلنا مصدومين، بس بابا نداني وقعد ياخد رأيي في موضوع الفرح بتاعي، ولسه خطيبي ميعرفش لأنه نايم واحنا لسه بنفكر اننا ممكن نكتفي بكتب الكتاب بقي بس ويبقي هو ده جوازي ان شاء الله او هنشوف هنمشيها ازاي لسه بس بكرة بقي الصبح.

magda 1;9450125:
نفس السوال بالله عليكم ؟؟؟؟؟؟؟؟؟؟ انا بردو فرحى فى دار الدفاع وممش هحجز فى استاديو تانى وخاييفة اوى يكون تصوير الدار وحش ؟؟؟؟؟؟ياريت حد يفددنا

بنات بلييييز عاوزه منكم خدمه ضرورى عاوزه دكتوره جراجه كويسه فى القاهره عشان خالتى عاوزه تعمل عمليه الفتاء وهى منتقبه وعاوز دكتوره شاطره