**تجهيزات أحلى عرايس في مصر الجزء 129 **

patotus;9448801:
ممكن اعرف فين فى درب البرابره والاشكال ايه هناك وممكن اشترى 50 كارت بس

CuTie KaTkOoTa;9450005:
ليه كده يا مشمشتي، شغلي قرآن لازم واستهدي بالله كده، ده انتي لسه في شعر العسل ومكملتيش اسبوعين، ربنا ما يجيب مشاكل بينكم يارب، واستهدي بالله كده، وربنا يهدي النفوس يارب.


انا الحمدلله يا قمر كويسة ، لسه مخلصتش والله، امبارح حماتي واخت خطيبي وحمايا وخطيبي جم وقعدنا نرص المطبخ والبوفيه ونعلق البراويز والساعات واكسسوارات الحمام كلها، والنهاردة جبت شماعة للكرافتات والاحزمة وممكن بردو تنفع لبعض الطرحة الخفيفة عشان هي مساحتها مش عريضة اوي، بس كان فيه حجمين وانا جبت الكبيرة، وجبت صينية تقديم كبيرة استانلس ومعالق وشوك صغيرة للمطبخ عشان كانوا ناقصني، رحت بروفة الفستان الحمدلله وبجد جميل اوي، وقست كله بقي البادي والجيبونة والفستان والجزمة والطرحة وكله وجربت طلعت السلم ونزلت وقعدت ووقفت، ولسه هاروح بروفة كمان اخيرة يوم التلات ان شاء الله والاستلام علي الأربع، وبعدين طلعنا دفعنا باقي مبلغ القاعة، وبعدين رحت عملت الكيراتين اخيرا وانا مروحة بقي رحت جبت التل الجليتر للنيش وبعدين جبت شوية حاجات من تموين البيت بتاعي.

وبكرة ان شاء الله مفروض نكمل رص النيش واوضة النوم وباقي الحاجات بقي او اللي نقدر عليه يعني ان شاء الله.

بس حصل حاجة وحشة اوي ولسه عارفينها من ساعة بس، عمتي توفت فجأة ومش عارفين نعمل ايه لسه وكلنا مصدومين، بس بابا نداني وقعد ياخد رأيي في موضوع الفرح بتاعي، ولسه خطيبي ميعرفش لأنه نايم واحنا لسه بنفكر اننا ممكن نكتفي بكتب الكتاب بقي بس ويبقي هو ده جوازي ان شاء الله او هنشوف هنمشيها ازاي لسه بس بكرة بقي الصبح.

patotus;9449749:
ساعدونى بالله عليكم كل حاجه عندى بايظه ودماغى مقلوبه ومش عارفه انا لا انا ولا خطيبى الفلوس خلصت وفى شغل كتير لسه مفتوح فى الشقه
بنات اسكندريه بالله عليكم ساعدونى - 1 - ستوديو كورادو اسعار الباكيدج عنده ايه ولو حيجيلى القاعه حياخد كام - 2 - طارق الصغير لو طرحه وميكب ووماسك وبدكير حياخد كام لو جبلى حد القاعه حياخد كام
- 3 - اسعار النجف فى العطارين ووشوش الكهرباء والاكر بتاعه الباب تقريبا رنجها كام
- 4 - بالله عليكم تردوا عليه وربنا يتمملكم جميعا بخير ويسعدكم يارب
وحاجه كمان معلش هو الطرح بتاعه الفرح بخدها من الكوافير تبع الباكيدج ولا ليها سعر لوحدها
ومرايه الحمام لو متر فى متر تقريبا كام

rola_86;9453179:

حلوه منك علي قد سنك ماشي يامشمش هانم هانعديها عشان سي حلموس بس علي فكره حلوه اوي الرقاصه دي

بصي انا شفت فساتين حلوه اوي في مول عنابه اللي في روكسي ومدينه نصر الكام محل اللي قبل جنينه مول كان فيهم فساتين عسل اوي

بسبوسةميدو;9453180:
ازيكم يابناااات عاملين ايه انا بقالي كتييير مابدخلش فرحي فاضل عليه 10 ايام وملبوووخه:confused: ادعولي كل حاجه تتظبط احسن انا متوتره حتى كمان طلعلي هربس في شفايفي وشكلي متشلفط عالاخر ادعولي تخف قبل الفرح احسن بتاخد وقت:confused::confused:

هاخد رايكم في حاجه وياريت تردوا عليا رحت لمنجد يعملي مخده 180 وخدديتين قطن ومخدتين صغيرين مربعين كده بتوع المفرش يعملهم فايبر
راح قالي القطن والفيبر بالقماش والمصنعيه 120جنيه هو كده كتير ولا ايه مش عارفه ده؟؟

سؤال تاني معلش :o لو هجيب واحده تعملي سويت وحمام مغربي تاخد في حدود كام هي لسه ماقالتليش قولولي بسرعه علشان هكلمها النهارده ان شاء الله على العلم ان انا اللي هشتري كل المكونات يبقى هي تاخد كام بقى؟؟؟ معلش طولت عليكم مستنية ردكم:)

meshmesh_romio;9453287:
بوتى انا جايبه المكنسه الهيتاشى 1800 وات بس مش برميل كيس عشان انتى كنتى سالتينى وهى ماشاء الله حلوه اوى

Princess_miro;9452774:

جزاك الله خيرا بس مش عارفة بقى انا عايزة اعمل هاى تى اجيب منين؟ حاولت اقيمك قالى لسه شوية :) ربنا يكرمك يا جميلة

ساعدينى بقى فى موضوع الأكل ده

بنااااااااااااااااااااااااااااااات الطلب الحيلة اللى عمالة اطلبه بالله عليكم المشاركة اللى كان نازل فيها صور اليخت فالنتين ممكن حد يبعتهالى بلييييييييييز :( و كمان حد يقولى اعمل ايه فى موضوع الهاى تى؟ و كمان نادى الشرطة للتجديف حد يعرف تليفوناتهم و نظامهم كان من كام خمسين جزء كده مكتوب ان ليهم يخت يسع 30 فرد

hebahoba;9452023:
البقاء لله و ربنا يرحمها ان شاء الله و يدخلها فسيح جناته
و ربنا يقدملك اللى فيه الخير

هوا التل الجليتر بيتحط ازاى فى النيش؟

Princess_miro;9452774:

:D

بنااااااااااااااااااااااااااااااات الطلب الحيلة اللى عمالة اطلبه بالله عليكم المشاركة اللى كان نازل فيها صور اليخت فالنتين ممكن حد يبعتهالى بلييييييييييز :( و كمان حد يقولى اعمل ايه فى موضوع الهاى تى؟ و كمان نادى الشرطة للتجديف حد يعرف تليفوناتهم و نظامهم كان من كام خمسين جزء كده مكتوب ان ليهم يخت يسع 30 فرد

عرووس2008;9453038:

















بنات هو مش طالما ناوينا على حجاب يبقى حجاب صح و كامل ؟؟؟؟ الشكل ده اللى جزء من الشعر بيبان مش شفته من زمااااان كان منتشر اول ما العرايس بدأت تتحجب ايه الموضوع بقى ؟؟؟؟؟

Princess_miro;9448225:

دى صور الفساتين اللى كانت فى فيزا

فين الدعوات بقى و التقييمات؟

شيك SHIKO و;9453586:
هى ايه الدلكه دى وايه الخطوات اللى قبلها ؟؟؟:eek:





ما شاء الله الله اكبر تتهنى بيه يا ميرو ياااارب وتعملى فيه احلى اكل وتغسلى فيه انضف غسيل ههههههههههههه ومش صغير ولا حاجه ده احسن من مطابخ كتير قولى الحمد لله
والغساله شكلها جميل هى فيها شبه كبير من LG عشان كده الكل افتكرها LG وانا واحده منهم المهم قوليلنا هى صناعه ايه هى ضمان العبد عشان وايت ويل بس كنت عاوه اعرف صناعتها ايه وضمان اد ايه اه والبوتجاز كمان انتى قولتى انه تكنوجاز مش كده ؟

عاجبنى اوى انك عامله الضرف فوق زجاج مقلم شكلها روعه

نغمة القمر;9453629:
فين فيزا دة ياقمر ويعني اية كانت هي بح ولا اية