أفضل مستشفيات الولادة في الامارات

هلا اختي.. موضوعج حلو وان شالله الكل يستفيد منه.. انا بكريه و ماعندي خبرة عن نفسي ... بس بقول لج خبرات اللي حواليه من اهل وصديقات وعلى اساسها انا قررت وين بربي..


1- شو أفضل مستشفى ولادة في نظرك ؟

ان ام سي .. اللي في القصيص - دبي .. تقريبا ورا صحارى


2- ما اسم الدكتورة الي تراجعين عندها ؟

في ان ام سي دكتورة بارافينا ممتازة وكل اللي ولدوا عندها يمدحونها .. وعندي من صديقاتي اللي ربوا اكثر من مره ويوم جربوها حسوا بخبرتها غير...

كنت خلال حملي اراجع عند ماريا كونيفا اللي في عيادة ميسون القيسي - حمر عين .. وهي بعد ممتازة بس ما تولد الا في ويلكير وانا ماحب هالمستشفى .. فاضطريت ادور مستشفى ثاني زين واستقريت على ان ام سي الحمدلله..


3- كيف كانت الخياطة ؟

ان شالله ما احتاج خياطه ..


4- شو مستوى عنايتهم ونظافتهم واهتمامهم فيج وفي البيبي ؟

الحلو في ان ام سي انه مب زحمة مثل المستشفيات الثانية.. حتى الامريكي الحين يوم اسير اشوف الزحمة تقولين مستشفى حكومي.. فبالتالي العناية تتركز عليج وانتي في غرفة الولادة .. ان شالله يكون حظي جذي وما يكون حد يالس يربي في نفس وقتي هههه





5- إذا مستشفى خاص وعندج تأمين شو نوع التأمين وكم نسبة الدفع ؟

ان ام سي الولادة الطبيعية 7000 درهم .. والحمدلله تأميني يغطيها .. بس بدفع زيادة حق الغرفة لأني باخذ الفي اي بي رووم.. وان شالله خير..



الله ايسر اموري و امورج .. :)

الزهراء بعد ممتاز فالشارجة .. والامريكي اللي يربن فيه يقولون انه اوكي بس دايما يغيرون الطبيبات فما اقدر انصحج بوحده معينه.. (f)

مفتون

مشكورة يالغالية على تجاوبج وتجربتج

عاد انا استغربت عن رايج في مستشفى ويلكير ....... أسمع وايدات يمدحونه
وإن إم سي سمعت إنه أوكي بعد
يزاج الله خير وما قصرتي

بنت_الشارقة;9343687:

1- شو أفضل مستشفى ولادة في نظرك ؟
انا جربت لايفلاين فبوظبي واااااااااااااايد زين بس مشكله صار زحمه

2- ما اسم الدكتورة الي تراجعين عندها ؟
دكتوره عقيله باكستانيه وللامانه رهيبه وتريحج فالمعامله وماتروح إلا لين اتربين وحتى لو فليل اييبونها من البيت

3- كيف كانت الخياطة ؟
الحمد الله الخياطه اوكي بكل شي ماحسيت بألم والحين بعد الولاده ماحسيت شي تغير علي احس مثل قبل والحمد الله

4- شو مستوى عنايتهم ونظافتهم واهتمامهم فيج وفي البيبي ؟
الحمد الله عنايتهم كلها اوك بس ياخذون منج البامبرز عشان ايبدلون لولدج وكل شي بس ايخلونج تعتمدين ع نفسج بكل شي واكرهه شي ان لازم تطلعين بعد يومين اما عمليه مادري

5- إذا مستشفى خاص وعندج تأمين شو نوع التأمين وكم نسبة الدفع ؟
مستشفى خاص وانا كنت ع بطاقه ثقه ومادفعت شي ابدا بس الحين بعد تعديلات ثقه صار نص بالنص 50%

أخواتي العرايس بالامارات
سمعت ان الولادة الطبيعية في مستشفى الكونيش بأبوظبي صارت بعشر الاف درهم و القيصرية ب 15 الف

هل هالكلام صحيح ؟؟

والله ماعرف شو وضعه بالنسبة للولادة بس انا يوم اسير الطوارئ لأنه قريب منا تلوع جبدي من كثر الناس ما تقولين مستشفى خاص .. لأنه استوا يقبل كل بطايق التأمين فالشركات يخلون تأمين موظفينهم عليه .. عشان جذيه يزدحم ..


والغرف مب لين هناك .. مادري هذا رايي الشخصي

Um Abood;9346323:
أخواتي العرايس بالامارات
سمعت ان الولادة الطبيعية في مستشفى الكونيش بأبوظبي صارت بعشر الاف درهم و القيصرية ب 15 الف

هل هالكلام صحيح ؟؟

باالنسبة للي عندهم ثقة ببلاش... واللي ماعندهم بفلووووووس بس ماعرف كم

روح النرجس

مشكورة يالغالية على تجاوبج وتجربتج
أول مرة أسمع بهالمستشفى إن شاء بنات بوظبي يستفيدون

أم دانة _ بوظبي

مشكورة عالتفاعل الغالية

بنات محد عندها خلفية عن المستشفى الكندي بدبي ؟ أو المستشفى الملكي بالشارجة ؟

انا ولدت بالزهرا قيصري عند نفيسه


وكان ممتاز من ناحيه النظافه والاهتمام والخياطه

أنا الحين حامل وبصراحة براجع عند دكتورة رباب هيه مبينة وايد شاطرة بس ما جربتها بعد في الولادة وانشاء الله ناوية اولد في الزهراء لان شكلها نظيفة وما أعرف اذا في مستشفى أحسن منها في دبي ولا لا؟

ام دانية;9349666:
انا ولدت بالزهرا قيصري عند نفيسه


وكان ممتاز من ناحيه النظافه والاهتمام والخياطه

الزهراء معروفة بنظافتها والدكتورة نفيسة ما عليها كلام ،، أنا أعرف وحدة ولدة عندها توم بنات وما شاء الله ولدتها طبيعي

وخياطتهم معروفة إنها اوكي

بس المشكلة إن بطاقة ثقة للتأمين ما تغطي مستشفى الزهراء والولادة عندهم غالية نوعا ما

عالعموم مشكورة الغالية على مشاركتج

ladan;9349749:
أنا الحين حامل وبصراحة براجع عند دكتورة رباب هيه مبينة وايد شاطرة بس ما جربتها بعد في الولادة وانشاء الله ناوية اولد في الزهراء لان شكلها نظيفة وما أعرف اذا في مستشفى أحسن منها في دبي ولا لا؟

وين عيادتها الدكتورة رباب ؟

وإن شاء الله ربي يسهل علينا وعليج الولادة يا رب ، مشكورة يا لدان عالمشاركة

السلام عليكم خووواتي ..

ثاني حمل لي ...

اراجع عند الدكتوره نهله في دبي عيادة اميمه في ديره برج الدوحه ورا الاتصالات الطابق الخامس 505

كانت تولد في ول كير وبوالهول .. بس الحين تولد في بالهول اللي عند حياة ريجنسي ومستشفى دبي ..

الكل يمدح خياطتها عشان جي اخترتها ...

تولد ب4000 درهم تاخذ 2000 كاااش و2000 على التأمين .. التأمين اللي عندي يغطي الولاده كامله بس اتصل عشان انشد عن الغرف اذا كبيره او صغيره وانا ازيد !!! ماعرف الله يسهل الامووور

بس عمري ما زرت حد مربي في بالهوول اتمنى اللي عندها فكره ان تدلو بدلوها ...


مشكووووره يا بنت الشارجه عالموضوووع الفناااان

- شو أفضل مستشفى ولادة في نظرك ؟

مستشفى دبي


2- ما اسم الدكتورة الي تراجعين عندها ؟

ما اعرف كل ولاده دكتورة غير عن الثانيه بس بشكل عام كلهم كانوا شطار

3- كيف كانت الخياطة ؟

ممتازه والحمدلله ما تلعوزت


4- شو مستوى عنايتهم ونظافتهم واهتمامهم فيج وفي البيبي ؟

والحمدلله تمام بس سالت عن مستشفى الول قالولي ما عندهم حضانه يسبحون البيبي في حمام غرفة الام


5- إذا مستشفى خاص وعندج تأمين شو نوع التأمين وكم نسبة الدفع ؟

اول شي ما عندي تامين وثاني شي ما افم=كراولد في مستشفى خا لانهم احيانا ما يتحملون المسالوليه ويحولونج وانتي تعبانه على مستشفى حكومي والدليل من يوومين واحد اتل البث المباشر يشتكي من مستشفى nmc الي فالقصيص ياها الطلق فالسابع وهي تعبانه سارتلهم قالولها سيري مستشفى حكومه ما نتحمل المسالوية وما عندنا اجهزه لهاي الظروف قالهم زوجها اوكي ودوها بالاسعاف قالوله لا ركبوها سيارة الزوج فالمقعد الخلفي وربت فالسيارة وهم يحطونها ردوا دخلوهل المستشفى وحسبولها الفاتورة على انهم هم الي ولدوها والمسكينه روحها ولدت بدون مساعدات والمولوده موجوده في مستشفى دبي في حاله خطرة عندها نزيف فالمخ وعوبة فالتنفس ..

ووايد شكاوي اتي على المستشفيات الخاصه




انا بالنسبه لي الصراحه ولاداتي كلها في مستشفى دبي والصراحه ما عليهم كلام .. من اهتمام ونظافه ونظام ..



MaYoOoMaH

الغاليه مرت اخوي تولد في بالهول والحين ان شا الله بشهرها وبعد بتولد هناك غرفهم حلوه وكل شي بالرمود تقفلين وتفتحين الباب بالرمودوغرفهم ممتازه من ناحية الحجم وعلى كلامها خدماتهم ممممتازه جدا

والي تولدها الدكتورة عزه الكيلاني

MaYoOoMaH;9350213:
السلام عليكم خووواتي ..

ثاني حمل لي ...

اراجع عند الدكتوره نهله في دبي عيادة اميمه في ديره برج الدوحه ورا الاتصالات الطابق الخامس 505

كانت تولد في ول كير وبوالهول .. بس الحين تولد في بالهول اللي عند حياة ريجنسي ومستشفى دبي ..

الكل يمدح خياطتها عشان جي اخترتها ...

تولد ب4000 درهم تاخذ 2000 كاااش و2000 على التأمين .. التأمين اللي عندي يغطي الولاده كامله بس اتصل عشان انشد عن الغرف اذا كبيره او صغيره وانا ازيد !!! ماعرف الله يسهل الامووور

بس عمري ما زرت حد مربي في بالهوول اتمنى اللي عندها فكره ان تدلو بدلوها ...


مشكووووره يا بنت الشارجه عالموضوووع الفناااان

انا بعد سمعت عن الدكتورة نهلة وايد وبصراحة أفكر أولد في مستشفى بالهول انا عندي تأمين ويغطي هالمستشفى ، وبصراحة سمعت وايدات يمدحونها

يزاج الله خير على مشاركتج الغالية

bj3a;9350298:
- شو أفضل مستشفى ولادة في نظرك ؟

مستشفى دبي


2- ما اسم الدكتورة الي تراجعين عندها ؟

ما اعرف كل ولاده دكتورة غير عن الثانيه بس بشكل عام كلهم كانوا شطار

3- كيف كانت الخياطة ؟

ممتازه والحمدلله ما تلعوزت


4- شو مستوى عنايتهم ونظافتهم واهتمامهم فيج وفي البيبي ؟

والحمدلله تمام بس سالت عن مستشفى الول قالولي ما عندهم حضانه يسبحون البيبي في حمام غرفة الام


5- إذا مستشفى خاص وعندج تأمين شو نوع التأمين وكم نسبة الدفع ؟

اول شي ما عندي تامين وثاني شي ما افم=كراولد في مستشفى خا لانهم احيانا ما يتحملون المسالوليه ويحولونج وانتي تعبانه على مستشفى حكومي والدليل من يوومين واحد اتل البث المباشر يشتكي من مستشفى nmc الي فالقصيص ياها الطلق فالسابع وهي تعبانه سارتلهم قالولها سيري مستشفى حكومه ما نتحمل المسالوية وما عندنا اجهزه لهاي الظروف قالهم زوجها اوكي ودوها بالاسعاف قالوله لا ركبوها سيارة الزوج فالمقعد الخلفي وربت فالسيارة وهم يحطونها ردوا دخلوهل المستشفى وحسبولها الفاتورة على انهم هم الي ولدوها والمسكينه روحها ولدت بدون مساعدات والمولوده موجوده في مستشفى دبي في حاله خطرة عندها نزيف فالمخ وعوبة فالتنفس ..

ووايد شكاوي اتي على المستشفيات الخاصه




انا بالنسبه لي الصراحه ولاداتي كلها في مستشفى دبي والصراحه ما عليهم كلام .. من اهتمام ونظافه ونظام ..



MaYoOoMaH

الغاليه مرت اخوي تولد في بالهول والحين ان شا الله بشهرها وبعد بتولد هناك غرفهم حلوه وكل شي بالرمود تقفلين وتفتحين الباب بالرمودوغرفهم ممتازه من ناحية الحجم وعلى كلامها خدماتهم ممممتازه جدا

والي تولدها الدكتورة عزه الكيلاني

انا بعد ربيت في مستشفى دبي من ناحية النظافة والعناية اوكي ،، بس الخياطة لعوزتني وااااااااايد وسببتلي التهابات وعينج ما تشوف الا النور من جذا اتعقدت منهم بس كانت ولادة تمام وكانوا صريحين معاي ومتعاونين بس مشكلتهم الخياطة

مشكورة الغالية

الله يبشركم بالخير
ياريت بنات ابوظبي يفيدونا اكثر عن مستشفى الكورنيش
والمستشفيات الخاصه ..
لاني اول حمل لي وقررت اني اراجع واولد في الكورنيش
بحكم خبرتهم الطويله والعنايه ..

بس المشكله الغرف يحطونج ويا وحده ونادرا مايخلونج بروحج اهئ اهئ