أفضل مستشفيات الولادة في الامارات

انا طبعا في ولادتي الاولى كانت في مستشفى الكورنيش حتى كل خواتي

في ولادتي الاول كانت موجوده وياي القابله افريقيه ويوم تعسرت ولادتي شفت ثلاث ممرضات ودكتورين واستشاريه والحمدلله يوم يت الدكتوره ساعدتني وظهرت البيبي بفضل الله طبعا..

بس غرفهم زينه اما الحينه ايقولون غيروا الاداره و انا طبعا مضطره اولد في ابوظبي لانه ماما اهناك..

بس اللي تعرف مستشفى ثانيه في ابوظبي تخبرنا وشكرا ع الموضوع

miss dal3;9409512:
انا طبعا في ولادتي الاولى كانت في مستشفى الكورنيش حتى كل خواتي

في ولادتي الاول كانت موجوده وياي القابله افريقيه ويوم تعسرت ولادتي شفت ثلاث ممرضات ودكتورين واستشاريه والحمدلله يوم يت الدكتوره ساعدتني وظهرت البيبي بفضل الله طبعا..

بس غرفهم زينه اما الحينه ايقولون غيروا الاداره و انا طبعا مضطره اولد في ابوظبي لانه ماما اهناك..

بس اللي تعرف مستشفى ثانيه في ابوظبي تخبرنا وشكرا ع الموضوع

إن شاء الله تحصلين رد على سؤالج

دكتورة رباب تسير يومين دبي وباقي ايام الاسبوع في الشارجة

بنت_الشارقة;9409188:
وين عيادتها الدكتورة نجلاء ؟

عيادتها في الشارقة على البحيرة ، شوفتي وين بيتزا هت على البحيرة جبنه بناية تحتيها
باسكن روبنز يعني جنب بعض بنفس البناية هيه الطابق العاشر تفتح من 11 لين 1 الظهر ومن 6 لين 10 بالليل وكشفتيها 300 درهم

حبيبة بياع العلكة;9417794:
عيادتها في الشارقة على البحيرة ، شوفتي وين بيتزا هت على البحيرة جبنه بناية تحتيها
باسكن روبنز يعني جنب بعض بنفس البناية هيه الطابق العاشر تفتح من 11 لين 1 الظهر ومن 6 لين 10 بالليل وكشفتيها 300 درهم

مشكورة عالرد الغالية

miss dal3;9409512:
انا طبعا في ولادتي الاولى كانت في مستشفى الكورنيش حتى كل خواتي

في ولادتي الاول كانت موجوده وياي القابله افريقيه ويوم تعسرت ولادتي شفت ثلاث ممرضات ودكتورين واستشاريه والحمدلله يوم يت الدكتوره ساعدتني وظهرت البيبي بفضل الله طبعا..

بس غرفهم زينه اما الحينه ايقولون غيروا الاداره و انا طبعا مضطره اولد في ابوظبي لانه ماما اهناك..

بس اللي تعرف مستشفى ثانيه في ابوظبي تخبرنا وشكرا ع الموضوع

أختي الادارة بس اتغيرت مب الدكتورات .. وانا الحين الحين ع وشك ولادة.. وناوية أربي عندهم..ماقدر أروح اي مستشفى ثاني.

miss dal3;9409512:
انا طبعا في ولادتي الاولى كانت في مستشفى الكورنيش حتى كل خواتي

في ولادتي الاول كانت موجوده وياي القابله افريقيه ويوم تعسرت ولادتي شفت ثلاث ممرضات ودكتورين واستشاريه والحمدلله يوم يت الدكتوره ساعدتني وظهرت البيبي بفضل الله طبعا..

بس غرفهم زينه اما الحينه ايقولون غيروا الاداره و انا طبعا مضطره اولد في ابوظبي لانه ماما اهناك..

بس اللي تعرف مستشفى ثانيه في ابوظبي تخبرنا وشكرا ع الموضوع

أختي الادارة بس اتغيرت مب الدكتورات .. وانا الحين الحين ع وشك ولادة.. وناوية أربي عندهم..ماقدر أروح اي مستشفى ثاني.

هلا بنات خرعتوني

انا مسجله عند الدكتوره اندريا في الدولي حد سمع عنها شي؟
هذي اول ولاده لي
والمشكله اني ساكنه في مسقط وبربي عند اهلي في دبي
فتحت ملف في الحكومه بس الله واعلم بيمديني اسير الموعد ولا لا

وما سمعتو شي عن مستشفى مدكير؟

عروس مسقط;9447023:
هلا بنات خرعتوني

انا مسجله عند الدكتوره اندريا في الدولي حد سمع عنها شي؟
هذي اول ولاده لي
والمشكله اني ساكنه في مسقط وبربي عند اهلي في دبي
فتحت ملف في الحكومه بس الله واعلم بيمديني اسير الموعد ولا لا

وما سمعتو شي عن مستشفى مدكير؟

نفس الأسئلة .. وأتمنى من البنات يتجاوبون معانا

بنت_الشارقة;9349523:
بنات محد عندها خلفية عن المستشفى الكندي بدبي ؟ أو المستشفى الملكي بالشارجة ؟

هلا بنت الشارجة، ربيعتي ربت فالكندي من 3 شهور تقريبا، الحمدالله مااشتكت من شي،كل شي كان تمام..

معقوله ولا وحده ذكرت مستشفى الوصل !!!! معقوله يكون مب زين؟؟؟ مع انه هو مستشفى متخصص للولاده وانا تقريبا اكثر الناس الي اعرفهم ولدوا هناك ويمدحونه ....... الي تعرف اي شي عن مستشفى الوصل اتمنى تفيدني

camberlight;9453956:
معقوله ولا وحده ذكرت مستشفى الوصل !!!! معقوله يكون مب زين؟؟؟ مع انه هو مستشفى متخصص للولاده وانا تقريبا اكثر الناس الي اعرفهم ولدوا هناك ويمدحونه ....... الي تعرف اي شي عن مستشفى الوصل اتمنى تفيدني

حبيبتي مستشفى الوصل وايد يمدحونه وتعرفين لكل قاعده شواذ بعض الناس مرات يشتكون
بس الغالب يمدحونه والافضل لو خذتي جناج في اي بي اذا ناويه طويلين او زوارج كثار هناك ياخذون البيبي عنج اما الغرف العاديه لا ما ياخذونه

موضوع حلو ...

اول شي انا افضل المستشفى الحكومي ..مع ان زوجي يحن عليه هذي المره اني اربي في مستشفى خاص و انا مب راضيه ابدا


.لاسباب ...اول شي خبرتهم تكون اكثر لان حالات الولاده تكون عندهم اكثر ...فالممرضات كلهم متعودين و صارت عندهم خبره كبيره

و السبب الثاني و الاهم ان المستشفى الحكومي مجهز و مستعد للحالات الطارئه او في حالت صار اي شي اثناء الولاده و خاصه للطفل ...و هذي اهم نقطه لان المستشفيات الخاصه مب مجهزه لهذي الحالات ... و غالبا يحولون الطفل من لحظه ولادته لاقرب مستشفى حكومي ...و طبعا كل تاخيره ما تكون مب في صالح الطفل


و اعرف وحده صار لها هذا الشي و حولوا الطفل بالهيلكبتر لمستشفى الوصل ...و هي ربت قيصريه في مستشفى خاص ...ما تقدر تطلع من المستشفى و هي مسويه عمليه ...و تخيلوا تمت هي في مستشفى و ولدها في مستشفى ثاني تخيلوا شو حالتها و هي ما تعرف شو استوى فيه

و السبب الثالث ...احس ان المستشفيات الخاصه ترجع الجانب المادي اول شي على سلامه او مصلحه المريض

بعد سمعت عن وحده كانت تراجع في مستشفى خاص ..و دكتورتها قالت لها الياهل كبير مستحيل تربين طبيعي الى لازم نولدج قيصري .و هي خافت و خبرت اهلها و تدخلت اختها و من الكلام ويا الدكتوره اخر شي قالت كيفج انا بسافر و اذا صار لج اي شي وقت الولاده انا محد (( ففهموا انها تبي تولدها قبل الموعد قيصريه علشان تاخذ بيزاتها قبل لا تطلع اجازاتها علشان ما يطوفها شي ))


اما عن تجربتي

ربيت في مستشفى دبي قيصريه ....والممرضات طيبات ... و وحده منهم تمت عندي ما خلتني ... و انا ماسكه فيها تقولون امي ...و حتى قلت لها تعالي وياي غرفه العمليات ...و تمت ويايه وقت البنج ...و انا خذت بنتج نصفي ....و شفتها تكلم الدكتوره و تقول لها هذا اول ياهل و هي خايفه (( توصي الدكتوره عليه بعد ))..و دخلت وياي غرفه العمليات و واقفه على راسي...و اول وحده شلت البيبي ...و اول وحده يابته تراويني

و بعد الولاده بعد كانوا زينات ...فليل كانوا يشلون الياهل عندي و انا مسويه عمليه و ما اروم اتحرك ..

و الغرفه طبعا الكل يعرفها صغيره ...و ولادتي هذي كانت قبل زمن الفي اي بي

و بعد هذي المره ان شاء الله بربي عندهم ...و هذي المره باخذ لي غرفه في اي بي ...لاني شفت الغرف بعد التعدين و زينه

بالنسبه لمستشفى الوصل ...من تجارب اهلي و الي حولي ما يعيبني شي عندهم ...ان واااااااااااايد زحمه و الحجر ما تكفي ...يعني عادي تنامين في غرفه جماعيه ويا الناس لين تلقين غرفه خاصه فاضيه ..

بس ملاحظه او استفسار

انا ما جربت الولاده الطبيعيه ...لكن دايما اسمع جمله الخياطه زينه او بهدلتني الخياطه ...

فمب ممكن يكون سبب ان وحده خياطتها زينه و وحده تعبت منها ان قابليه جسمها على ان يخلي الحرج يلتام بسرعه ...يعني مب ممكن الي تكون خياطتها زينه ان يكون جسمها يخلي الجرح التام بسرعه فما تعبت وقت اطول في حين الى تعبت كان جسمها ما يساعد الجرح ان يلحم ؟؟؟


يعني مثلا جرح القيصريه عندي ...للحين و بعد مرور 4 سنوات ما زال مكان العمليه واضح عندي في حين ربيعتي مربيه من سنه لكن ما يبين عندها الجرح مثل ما يبين عندي..عندي انا تحسينه خط بارز ....و السبب ان جسمي حساس و يلحم الجروح بشكل مختلف عن جسمها...يعني مب عيب في الدكتوره الي سوت لي العمليه و لا بطريقتها في خياطه جرح العمليه

FLoOoOoOoNA;9452334:

1- شو أفضل مستشفى ولادة في نظرك ؟

مستشفى الزهرة فالشارجة

2- ما اسم الدكتورة الي تراجعين عندها ؟
أراجع عند د. آن ماثيو في عيادة خاصة اسمها مركز الحياة الجديدة الطبي، بس ولدتني الدكتورة نفيسة الصيرفي فالزهرة

3- كيف كانت الخياطة ؟
ماعليها كلام ماشالله

4- شو مستوى عنايتهم ونظافتهم واهتمامهم فيج وفي البيبي ؟
عنايتهم ممتازة، يخصصولج ممرضة اتم معاج من تدخلين غرفة الولادة لين ماتربين واتسيرين الغرفة الخاصة فيج.

5- إذا مستشفى خاص وعندج تأمين شو نوع التأمين وكم نسبة الدفع ؟

عندي تأمين آدنك، نسبة الدفع 500 درهم للولادة

FLoOoOoOoNA مشكورة على ذكر تجربتج وفعلاً مستشفى الزهراء ما عليها كلام أغلبية الدكاترة فيب منتهى الروعة وخياطتهم معروفة بعد

FLoOoOoOoNA;9452382:
هلا بنت الشارجة، ربيعتي ربت فالكندي من 3 شهور تقريبا، الحمدالله مااشتكت من شي،كل شي كان تمام..

هلا اختي ،، تعرفين اسم ا لدكتورة الي راجعت عندها وكيف كانت خياطتهم ؟

camberlight;9453956:
معقوله ولا وحده ذكرت مستشفى الوصل !!!! معقوله يكون مب زين؟؟؟ مع انه هو مستشفى متخصص للولاده وانا تقريبا اكثر الناس الي اعرفهم ولدوا هناك ويمدحونه ....... الي تعرف اي شي عن مستشفى الوصل اتمنى تفيدني

الغالية مستشفى الوصل معروف إنه وايد اوكي وعنايتهم زينة وما عليهم كلام ،، وأنا أعرف مديرات ومسؤولات معروفات ما يولدن الا في الوصل وما يروحون مستشفيات خاصة والأغلبية يرتاحون فيها

بس أنا في ولادتي الأولى حولوني على مستشفى دبي لأني من الشارجة ما أدري ليش ،، ما كان لي نصين أولد عندهم

[QUOTE=BlueLily;9454958]موضوع حلو ...

و السبب الثاني و الاهم ان المستشفى الحكومي مجهز و مستعد للحالات الطارئه او في حالت صار اي شي اثناء الولاده و خاصه للطفل ...و هذي اهم نقطه لان المستشفيات الخاصه مب مجهزه لهذي الحالات ... و غالبا يحولون الطفل من لحظه ولادته لاقرب مستشفى حكومي ...و طبعا كل تاخيره ما تكون مب في صالح الطفل




أنا معاج في هالكلام فعلا المستشفيات الحكومية أفضل من ناحية الطوارئ ، وعناية السيسترات وايد روعة مستشفى دبي فيهم حنان ويصبرون عليج وايد

الله ايسرلج أمورج ويفرج على كل حامل

BlueLily;9455102:
بس ملاحظه او استفسار

انا ما جربت الولاده الطبيعيه ...لكن دايما اسمع جمله الخياطه زينه او بهدلتني الخياطه ...

فمب ممكن يكون سبب ان وحده خياطتها زينه و وحده تعبت منها ان قابليه جسمها على ان يخلي الحرج يلتام بسرعه ...يعني مب ممكن الي تكون خياطتها زينه ان يكون جسمها يخلي الجرح التام بسرعه فما تعبت وقت اطول في حين الى تعبت كان جسمها ما يساعد الجرح ان يلحم ؟؟؟


يعني مثلا جرح القيصريه عندي ...للحين و بعد مرور 4 سنوات ما زال مكان العمليه واضح عندي في حين ربيعتي مربيه من سنه لكن ما يبين عندها الجرح مثل ما يبين عندي..عندي انا تحسينه خط بارز ....و السبب ان جسمي حساس و يلحم الجروح بشكل مختلف عن جسمها...يعني مب عيب في الدكتوره الي سوت لي العمليه و لا بطريقتها في خياطه جرح العمليه

اختي بوضح لج شي بالنسبة للخياطة إذا ما كنت مجربتها ،، وإن شاء الله إذا جربتيها ما تعانين
وقت الولادة اذا كان راس الطفل كبير أو الحوض صغير يضطرون إنهم يشقون من المنطقة الخلفية ( منطقة العجان ، وأحيانا يكون الشق كبير وموب سيدة يكون مايل ، وبعد الولادة لازم تتخيط هالمنطقة أولاً خياطة داخلية لجدار الرحم وبعدين خياطة خارجية لمنطقة العجان انتي وحظج على حسب كم غرزة تحتاجين ،، وفي بعض الدكاترة الله يهديهم يخيطونها أي كلام فتصير المنطقة كاملة شكلها مايل وموب سيدة وبعضهم يخيطونها بس ما يزرون عليها وبعضهم يشدون من منطقة ويرخون من منطقة ثانية وهذا الي صار معاي وسببلي التهابات ،، وماشاء الله بعض البنات طاحوا في دكاترة فنانين في الخياطة يضبطونها من كل النواحي وهذا الي اندوره

وبالنسبة للقيصرية الغالية انتي كان لازم تريحين عمرج وحاولي ما تجهدين نفسج بالحركة ويمكن فتحة العملية كانت كبيرة ،،أنا اختي صار معاها نفس الشي

عالعموم الله يعينا ويصبرنا ويسخر لنا دكاترة ييفهمون