محتاره ومش عارفه هتجوز فين واحجز القاعه فيييين؟؟

كان ودي اساعدج

اسمحي لي ما فهمت

بس اللي فهمته موضوع شقه تسكنين فيها عقب العرس، اي شي لين الله يسهلها لج وتسافرين السعوديه

موفقه

شويه الموضوع معقد لانه اذا سكنتي في شقه خطيبك اللي في بيت اهله اعتقد بعدها حتصير هي شقتكم لانه هيطلعون حجه انه الفرش يتكسر والنقل وصعب وحتضطرين تسكنين مع اهله وفي الاجازه حتنزلون بيها طبعا وممكن بدل ميوضب الشقه في بيت باباه خليه يوضب شقتكم نفسها مدام الاثنين مو متشطبين وحاولي تقللين من المصاريف بحيث تشطبون شقتكم وتتزوجون بيها وخلص والله يتمم زواجكم على خير

حاليا دام بس بتقعدون اسبوعين وبتسافرون اجروا شقه او فندقوولما تسافرون خلي اي حد من اهلج او اهل زوجج يجهز لكم شقتكم اللي للحين ماجهزت بالفرش اللي جهزتيه

يا جميل براحة كدة بباكي لية مايوافقش انكوا تأجلروا شقة .......طب بلاش أقعدوا في فندق اصل ظروفك كدة هتعملي اية
يعني أنا ظروفي مثلا اني هسافر مع جوزي من غير مانوضب الشقة اللي هنا
بس بلاش موضوع انك تقعدي في الشقة اللي في بيتهم دي عيلة و بتاع و مشاكل

ام اتوني;9333598:
شويه الموضوع معقد لانه اذا سكنتي في شقه خطيبك اللي في بيت اهله اعتقد بعدها حتصير هي شقتكم لانه هيطلعون حجه انه الفرش يتكسر والنقل وصعب وحتضطرين تسكنين مع اهله وفي الاجازه حتنزلون بيها طبعا وممكن بدل ميوضب الشقه في بيت باباه خليه يوضب شقتكم نفسها مدام الاثنين مو متشطبين وحاولي تقللين من المصاريف بحيث تشطبون شقتكم وتتزوجون بيها وخلص والله يتمم زواجكم على خير

انا فعلا ده الموضوع ده خااايفه منه وخايفه يكسل يوضب شقتنا الاساسيه وهتبقى الشقه بتاعته اللى مع اهله اتوضبت وفيها الفرش وكده اعمل اييييييييييه ؟؟؟:confused::confused:

وحكايه شقه ايجار مفروشه اشو فندق اعتقد مش هيوافق ولا اهله كمان انه يكون عندنا فرشنا وعنده شقتين ويروح يتجوز فى ايجار مفروش :eek::ss::ss::confused:

خاصه انه هننشغل بالسفر برا وهنيجى اجازه بسسس مش عارفه اعملللل ايييه بجد

اختتتي سكني اول شي اب بيت عمج كلللللللش عادي وشوي شوي جمعو لفلوووس او بتضضبط المور ونتقلو للشقة الجديدة ..او لا تاتين لفلوووس تتدبر بس اهم شي انتي لا تصرفين كثيير وربي يوفقج

بلاش تروحي شبين...هاتبعدي عن اهلك كتير..اجري شقة في القاهرة وافرشيها بفرشك ..على ماتوضبوا شقتكو..وان شاء الله مفيش حاجة هتتكسر..انا عامله كده أجرت شقة على مانوضب شقتنا..ربنا يعينك..
وبخصوص القاعه والله انا بدورلك ومش ناسياكي...

والله يا حبيبة مادو الموضوع بجد يحير

يعنى انتو مفيش اى مجال تتشطب الشقة خال صولو حتى بيضا وش واحد؟؟

اى حاجة تقدرو تدخلو بيها وتاخرى الفرح شوي

بجد حرام يكون عندك ملكك وتروحى تفرشى برة وتدخلى برة

وخايفة فعلا زى مابتقولى يلاقوكوقعدتوببيت عيلت ة وانتم علطول برة مسافرين فيكنسلو على موضوع الشقة بتاعتك ويطلعوها بدماغ خطيبك انة يوفر فلوسها دام شقتة ببيت عيلتة موجودةوهما عينهم هتكون على الفرش بغيابكم

فانت صلى استخارة وشوفى اية الحلول الى تقدر تكون مناسبة معك

بس مينفعش ابدا يكون عندك ملكك وتاجرى برة او تسكنى بفندق

ويارب تكتبى لنا قريب ان المشكلة تحلت

انا من راي تعملي الاتي
تخلي بابكي من دلوقتي يروح للراجل اللي ساكن عنده ويستاذنة يمشي بدري شويه بسب ظروف جوازك وهو كدا كدا ماشي مش هتفرق بقي شهر 11 و 8 حتي دا لو في مقابل ان بابكي يحاول مثثلا يشوف معاه شقة تانية كدا يعني
وتقنعي خطيبك ان الشقة دي هتوفرلك مصاريف التوضيب اللي هتعمليها في الشقة التانية اللي هي البياض والسرايك والحاجات دي وكده كده شقة بابكي متوضبة يعني يوم ماتعملي فيها حاجة يدوب هيبقي وش نضافة تمام؟
وبعدين كل لما يكون معاكم فلوس تعالي اعملي حاجة في شقتك او ابعتي الفلوس لبابكي يعملها
وبعدين قوليلة ننزل في شقة في القاهرة علشان نكون جنب شقتنا نتابع الشغل فيها والحاجات دي وبعدين هما يعني كل الناس اللي بتسافر شققهم بتتسرق لاطبعا مدام في امن للعمارة واتصاحبي علي الجيران وخلي حد من عندك يروح كل شوية وكدا يعني
وربنا معاكي يا قمر

طب ماتحاولى تاجلى الجواز كام شهر كده على ماتوضبى شقتك افضل اصلك هتقعدى تاجرى هنا وتحطى عفشك وتدفعى ايجار وكمان شقة باباكى فرضا انوا عاوز يااجرها وبعدين احتمال كبير والله واعلم انهم لو وضبوا شقة شبين وقعدتى فيها ممكن يقلولك خلاص دى شقتك وياخدوا الشقة التانية ليهم بس ربنا اعلم برضة بس انا راى خليكى فى شقتك افضل والله ماليكى غيرها ضبطى انتى امورك وحاولى تاجلى جوازك كام شهر على ماتخلصى من الشقة وعشان بالك يكون مرتاح وتحطى عفشك فى مكانة ولا تقعدى تنقلى ولا تودى وكمان عشان لما تنزلى اجازات تنزلى على مكانك لاتقعدى تروحى هنا ولا هنا وعشان تحسى بفرحة جوازك وشقتك ا ماشى تاجى شقة لو كنتى انتى اصلا هتقعدى هنا ومش هتسافرى لكن انتى مسافرة ليه بقى تاجرى مكان تانى وتدفعيلة ايجار هيبقى حرام فكرى بس كده براحة واتفقى مع خطيبك وان شاء الله كل الامور هتتحل وعلى فكرة ان زيك برضه هتجو واسافر والحمدا لله بالى مرتاح ان عفشى هيكون فى شقتى انا وخطيبى ولا هيبقى هنا ولا هنا وكمان احساسى براحة موجود انى لما انزل زيارات هنزل فى شقتى واحس فعلا ان عندى بيتى ومملكتى واحس بفرحتى بجوازى فعلا وربنا يارب يقدملك الخير

حبيبتي بسم الله ناشاء الله عندك شقتين ومحتاره تتجوزي فين
لو عايزه رايي انا لو مكانك والظروف مش سامحه اني اوضب شقتي دلوقتي هوضب الشقه اللي فبيت اهل جوزي وافرش فيها حاجتي وكل اللي هتعديه فيها اسبوعين تلاته بالكتيييييييييييييييييير اوي يعني مش هيلحق حد يتدخل فحياتك اصلا
ولما تنزلي توضبيي شقتك التانيه براحتك وعلي زوقك ومزاجك انتي وجوزك
وكمان هيكون معاكي وتحتاروا كل حاجه مش هتعمليها لوحدك اتكلي علي الله وادخلي فالشقه اللي فشبين دي لحد ربتا ماييسر امورك وترجعي وتبتدي توضبي شقتك التانيه
ده رايي وطبعا انتي حره فالاخر
ربنا يوفقك ويتمملك علي خير ان شاء الله

ربنا يتمم لك على خير حبيبتي
نصيحتي بلاش شقة اهله لانه هتكون زي تدبيسة مش هتعرفي تخرجي منها بسهولة وممكن تعمل مشاكل بعد كده
ومادام هتسافروا بعد الزواج باسبوعين بس يبقى تقضيهم في اي مكان
زي العرسان يعني فندق او حتى تسافروا تتفسحوا عادي يعني
وخلي جهازك زي ماهو على ماتجهزوا شقتكم براحتكم
واكيد عندك حد تثقي فيه يتابع الشغل في الشقة وتتابعوا انتو من عندكم زي باباكي مثلا
ولما تيجي أجازة تفرشيها براحتك والفرش مش هياخد وقت للدرجة دي
بس تكون جاهزة ومتشطبة
بالتوفيق ياقمر

اهلا يا حبيبة مادو يا عسل
فعلا يا جميل مووضوعك محير
بس من رأيي اذا ينفع تأجروا اعملوا كده
هتقوليلي انه ممكن يرفض هو واهله صح دا وارد
بس ممكن تجيبهاله انك عاوزه تسافري انتي هو في اي مكان
اسكندريه او كده
وان المده اللي هتقعدوها في القاهره هتبقى قصيره لحد ما تسافروا سوا
وان المده دي مش مستاهله انكم توضبوا الشقه اللي في شبين
يعني تتفادوا بالمصاريف اللي هتتصرف في توضيب شقتكم دي
دا اقتراح ويارب تكوني فهمتيني


حل تاني ان لو ينفع تضبي شقتك بتكاليف قليله
يعني مش لازم تجهزيها على سنجة عشره وتتجوزا فيها
ويارب يوفقك يا جميل

انا فى رأييين
1-اما تنزلى فى اى فندق بعد الفرح تعدوا مثلا 3 ايام والباقى سافرى اى حتة شهر العسل
2-اجرى شقة ايجار جديد شهر مثلا وانقلى حاجتك وبعد ما تسافرى اهللك يرجعو العفش تانى

اعمل ايه بجد انا مش عارفه انا عاوزه اتجوز وافرش حاجتى وللاسف تاجيل الفرح مش هيوافق عليه لانه كمان مرتبط باجازته من الشغل
شقه والدى واضح مع الاسف مش هينفع ولو شقه ايجار مش مفروش وافرش فيها الامر كده هيكون صعب وجوزى مش هيوافق

شقتى الاساسيه اللى بجسر السويس للاسف شكلى مش هعرف اوضبها لانها محتاجه كتير لانها على الطوب الاحمر ودفعنا فيها كل الفلوس ومش باقى غير فلوس تجهيزات الفرح وتذاكر السفر والاستقدام والسكن هناك

شقه اهله باباه تقريبا هو اللى هيوضبها لكن انا خايفه حاجتى هتكون فيها واتوضبت واحنا هنسافر مده لسه هننقل لشقتى الاساسيه امتى ؟؟؟؟

انا حزييينه ومش قادره افكر فى حاااجه وبعيط

مش ممكن تستلفو فلوس توضبو شقتكو...؟؟؟؟؟هو الفرح امتى المفروض؟؟؟نفسي تشوفو حل وتشطبو شقتكو...وتعملو الفرح في كايرو..بلاش شبين..

ولو باباه هيوضب شقة شبين..يبقى الاولى انه يوضب شقتك الاساسية..خلي مادو يقترح كده عل باباه

وضبى شقتك لان شقة اهله تعمل مشكلة وربنا يصلح الحال كلمى جوزك وهو يتصرف فى املوضوع ده بس بهدوء واتجوزى فى شقة ايجار جديد