محتاره ومش عارفه هتجوز فين واحجز القاعه فيييين؟؟

حبيبة مادو طب مدام باباه هو اللى هيوضب الشقة اللى فى شبين طب ماتخليوا يوضب شقة جسر السويس

ولو باباه هيوضب شقة شبين..يبقى الاولى انه يوضب شقتك الاساسية..خلي مادو يقترح كده عل باباه


ْْْحبيبة مادو طب مدام باباه هو اللى هيوضب الشقة اللى فى شبين طب ماتخليوا يوضب شقة جسر السويس


ده اللى انا قولته له قبل كده وقالى انا مش هقول لبابا روح وضب شقه تانيه
يعنى لان الشقه دى بتاعه بابا وكده اما الشقه التانيه دى هو اللى اشتراها كلهاا بفلوسه هو وبس باباه مش ساعده فى الشقه التانيه دى خالص
وتقريبا مش هينفع انه يوضب شقتنا الاساسيه ومش عارفه لييه مع انى انا فعلا قولت نفس الكلمه دى قولت اولى نوضب شقتنا بقى الاساسيه ومش رد عليا والظاهر انه باباه مزاجه ان كان هيوضب يوضب شقته اللى فى بيت اهله وانه اى حاجه فى الشقه التانيه دى جوزى هو اللى يعملها ملهمش دخل فيها
انا اتخانقت معاه انهارده والله بالسبب ده والقاعات مش عارفه نحجز فييين اصلا ده لو لاقيت حجز وقالى خلاص نتجوز لما نلاقى بقى قاعه ونوضب الشقه وطبعا زعلان منى اوى وانا كمان واتخانقنا سوا ادعوووولى وشوفولى حل مش عارفه اعمل ايه انا مش عارفه ايه العين والحسد اللى نااازل علينا بجد على ايه كل ده مش عارفه اقول ايه كل ما اطلع من مشكله واحلها الاقى حاجه تانيه تطلع حتى قبل كتب ك تابنا كان فى مشكله على القايمه والمؤخر والكلام ده وهو كلم اهله وعملوا اللى هو قال عليه ومش اتكلموا فيها خالص وبعدين طلعلى موضوع الشقه وحجز القاعه كل الموضوع انا مش عارفه اقوله ايه على موضوع شقه بابا انه مش هينفع نتجوز فيها ؟؟ وكمان الحاجه التانيه انى مش واثقه انى لو وافت واتجوزت فى شقته التانيه انه انقل علطول السنه الجيه اول ما اجى وتكون اتوضبت خااااايفه يقولوا مثلا لما ترجع بقى من السعوديه وتستقر فى شغلك فى القاهره تبقى تنقل واهو انت مش بتيجى غير شهر فى السنه ده اللى انا خايفه يحصل لو اتنازلت واتجوزت فيها
لا اله الا انت سبحانك انى كنت من الظالمين
ادعووولى نتصالح سوا ونلاقى حل ونحجز القاعه ونحدد هنتجوز فين

مش عارفة انت شايلة كل ده لوحدك ازاي...المفروض هو او اهله ع الاقل يساعدوك...
مش ممكن طيب باباه يوضبلك شقتك...ولما مادو ربنا يكرمه يبقى يوضب شقة شبين؟؟؟

ياحبيبه ماد و انتى محيره نفسك ليه انتى كدة كدة مش هتقعدى فى مصر غير شهر كل سنه ظبطى الشقه الى فى بيت خطيبك وقضى فيها الشهر دة وان شاء الله لما تسافرى على رواقه ابداى ظبطى شقتك على مزاجك و لما تستقرى فى مصر ان شاء الله انقلى فرشك فيها وخلاص

أحلى دنيا;9346329:
مش عارفة انت شايلة كل ده لوحدك ازاي...المفروض هو او اهله ع الاقل يساعدوك...
مش ممكن طيب باباه يوضبلك شقتك...ولما مادو ربنا يكرمه يبقى يوضب شقة شبين؟؟؟

حلو اقتراح شوشو ده خدية واعرضية على مادو ويقول لباباة انا مسئول انى ارجعلك الفلوس اللى هاخدها منك
وربنا يقدملك الخير

بصراحة مشكلتك محيرة .. و كان عايزلها تخطيط من البداية .. عشان ما تتزنقوش الزنقة دي .. بس الحمد لله قدر الله و ما شاء فعل و محدش عارف الخير حيبقى فين هو لوحده اللي مسبب الأسباب يا حبيبة و كمان تأكدي ان اللي ربنا مقدره هو اللي حيمشي و أكيد حيكون خير حتى لو انت شايفاه عكس كدا..
اهدي كدا عشان تعرفي تفكري و تلاقي حل..
أنا شايفة ان البنات قالوا كل الاقتراحات الممكنة..
أنا عايزاكي تمسكي اقتراح اقتراح و ادرسيه بهدوء مع خطيبك و تحاولوا توصلوا لحل .. يناسبكم انتوا الاتنين .. و قبل دا تصلي استخارة او قولي دعاء الاستخارة انه ربنا يوفقكوا و يهديكوا للي فيه الخير..
ططيب الحلول اللي ادامك هي..
1-خطيبك يأجل اجازته و يخليها في شهر 11 تكون شقة بباكي فضيت و تتجوزوا فيها ان شاءالله
و ان كان عشان بتقولي ان اجازة خطيبك على العيد الصغير .. انا مش عارفة هو بيشتغل ايه بس شوفي ينفع يأجل اجازته و يضم ايام العيد لرصيد اجازاته وللا لأ...
2_تتوكلي على الله و توافقي تتجوزي في بيت خطيبك .. و اهو كدا كدا انت مسافرة مش حتختلطي بيهم .. و اذا كان على نقل حاجتكم .. فانت كدا كدا برده مش حتضمني انك السنة الجاية تبقي في شقتك ان شاءالله .. يعني مش مشكلة اوي لو نقلتي بعد سنة او اتنين او تلاتة.. و ايه اللي حيخليكوا تكسلوا تنقلوا .. اذا كان خطيبك صارف على الشقة اللي اشتريتوها .. هو يعني كان تعب و حوش و اشتراها عشان يكسل ينقل ليها ..و طالما متفقين عليها و هو انسان كويس يبقى ان شاءالله مش حيختلف الاتفاق ده بعدين ..

3_تأجروا شقة في القاهرة و تنقلوا حاجتكم فيها و تحافظوا على ايجارها لحد ما شقة بباكي تفضى في شهر 11 و بعدين ينقلوا عفشك فيها لحد ما ترجعي بالسلامة و توضبوا شقتكم ..
4-تأجروا شقة مفروشة و تتجوزوا فيها ...او تقضي شهر العسل في اي حتة لحد معاد سفرك..
5-أسوأ الأحوال لا قدر الله انكوا تأجلوا الفرح لحد ما توضبوا شقنكم..

بصي ماحدش بيقدر يحصل على كل حاجة هو عايزها بنسبة 100% لا ممكن تاخدي 80 او 57 %
فانت ادرسي الحلول المقترحة كلها و ان كانت كلها مش عاجباكي بس حتلاقي حاجة حتضحي فيها بحاجات عن التانية .. فاهماني.. يعني رتبي أولوياتك كدا و شوفي ايه اللي تقدري تستغني عنه في سبيل حصولك على حاجة أهم عندك.. و افتكري انك بتدوري على حل لشهر واحد بس و بعدها السنة كلها حتكوني في السعةدية و حتنسي ككككككلل وجع الدماغ اللي انت فيه دلوقتي ده .. و يمكن تستغربي انت ازاي شيلتي هم الدنيا كله على دماغك للدرجة دي...

اهم حاجة اهدي عشان تعرفي تفكري..انت حتختاري أحلى الوحشين .. يعني انسب حاجة في الحلول اللي عندك و ان كانوا كلهم سيئين اختاري احسن السيئين
صلي استخارة
تشاوري مع خطيبك .. انت و خطيبك بس اتشاوروا و اوصلوا لقرار يرضيكم انتوا الاتنين و اتناقشوا عشان توصلوا لحل مش عشان تتخانقوا ....
توكلي على الله ...
و ربنا يسعدك بالحل اللي حتختاريه أيا كان ...
تمنياتي لك بالتوفيق..




اه الحل بتاع أحلى دنيا برده حلو .ضيفيه غندك . انه بباه يوضب شقتكوا و مادو العكس.. تناقشي فيه برده..

منايا مشكوره بجد على اهتمامك بحل مشكلتى انا خطيبى مهندس

والله موضوع برضو انه يوضب شقتى ده اللى انا كنت بقول عليه لكن قال انا مش هتشرط على بابا واقوله لا وضب الشقه اللى على مزاجى وقالى هو كتر خيره انه عاوز يساعدنا فى توضيب شقه حتى لما نبقى نزورهم وكده نقعد فيها لوحدنا وانا بقول احنا لما نروح نزور مش مطلوب نقعد لوحدنا فى شقه يعنى احنا رايحين نزورهم ونقعد معاهم زى برضو ما هجى ازور اهلى هقعد معاهم فى بيتهم مش فى شقه لوحدنا
طبعا انا مش عارفه اضغط عليه لانه فعلا خطيبى عمل كتير عشانى وعمل اللى بابا قال عليه كله عشان نرتبط ببعض واشترى شقه القاهره دى بتعبه ومجهوده

عمتا انا هحاول اقوله تانى فى موضوع انه باباه يوضب شقه جسر السويس وبعدين هو لما ربنا يكرمه نوضب شقه اللى بيبت اهله بس م عارفه حسه انه مش هيوافق

بالنسبه للحلول دى

ططيب الحلول اللي ادامك هي..
1-خطيبك يأجل اجازته و يخليها في شهر 11 تكون شقة بباكي فضيت و تتجوزوا فيها ان شاءالله
و ان كان عشان بتقولي ان اجازة خطيبك على العيد الصغير .. انا مش عارفة هو بيشتغل ايه بس شوفي ينفع يأجل اجازته و يضم ايام العيد لرصيد اجازاته وللا لأ...

هو بيشتغل مهندس بس انا ملاحظه انه الحل ده يعنى انا خايفه اكون برضو كده بتضغط على بابا وانى ارهن فيها فرشى وحاجتىلمده مش معلومه بالظبط وانى مش هكون موجوده وكان ممكن ياجرها وكده وهو اصلا خطيبى مستعجل وتعب وعاوز ينزل يتجوز

2_تتوكلي على الله و توافقي تتجوزي في بيت خطيبك .. و اهو كدا كدا انت مسافرة مش حتختلطي بيهم .. و اذا كان على نقل حاجتكم .. فانت كدا كدا برده مش حتضمني انك السنة الجاية تبقي في شقتك ان شاءالله .. يعني مش مشكلة اوي لو نقلتي بعد سنة او اتنين او تلاتة.. و ايه اللي حيخليكوا تكسلوا تنقلوا .. اذا كان خطيبك صارف على الشقة اللي اشتريتوها .. هو يعني كان تعب و حوش و اشتراها عشان يكسل ينقل ليها ..و طالما متفقين عليها و هو انسان كويس يبقى ان شاءالله مش حيختلف الاتفاق ده بعدين ..

الحل ده يعنى معقول بس المشكله اللى خايفه منها انه ناخد وقت اننا نقل فى شقتنا وتكون الامور مستقره والشقه بتاعه اهل دى اتوضبت وفيها فرشنا ويزنوا عليه مثلا انه يقعد فيها لغايه ما يجى ويستقر شغله بالقاهره ويعملوا مثلا حجه انه احنا كده كده مسافرين وجايين اجازه بس وهنسيب الشقه لوحدها بالفرش والحاجه وكده فتره كبيره ومش عارفين هنرجع من السعوديه امتى بس انا مش شايفه داعى انه نستعجل وكمان عاوز يكون مستقبله على الاقل الفتره الاولى دى اللى مشش ملتزمين فيها بمدارس اولاد وكده ونظرا لضعف مرتبات مصر وقلهالشغل فيها فنستغل فرصه السفر

3_تأجروا شقة في القاهرة و تنقلوا حاجتكم فيها و تحافظوا على ايجارها لحد ما شقة بباكي تفضى في شهر 11 و بعدين ينقلوا عفشك فيها لحد ما ترجعي بالسلامة و توضبوا شقتكم ..

الموضوع ده كبير وبتهيقلى مش هيوافقوا انقل من عندهم فى شقه غريبه ويدفع ايجاره ويستنى لما شقه ببا تفضى وبعدها انقل فى شقه بابا وبعدها انقل شقتى ......

4-تأجروا شقة مفروشة و تتجوزوا فيها ...او تقضي شهر العسل في اي حتة لحد معاد سفرك..

بابا كان بيقول كده الاول قبل حل شقه بابا ده وكانوا تقريبا مش موافقين على كده انه يبقى عنده شقه واشترى شقه وفرشه وحاجته اشتراها وبعدين يتجوز فى شقه مفروشه وبصراحه انا نفسى افرش حاجتى واتجوز فى حاجتى وانا لسه عروسه والناس تيجى تزورنى وتشوف حاجتى واسافر وانا حسه انى خلاص بقى ليا بيتى واتجوزت وعروسه وفرحتى بيها يعنى اللى عمرها ما هتتعوض بعد كااام سنه لما انقل فى شقتى الاساسيه فى جسر السويس

5-أسوأ الأحوال لا قدر الله انكوا تأجلوا الفرح لحد ما توضبوا شقنكم..

انا جيت مره بقول كده زعل منى وقلب عليا وكانى مش عاوزاه وكمان بابا متفق معاه انه نتجوز بعد سنه واحده بس وكمان لو استنيناهتاخد فتره كبيره وزى ما بقولك مرتبط باجازه هينزلها ولسه الشقه عليها اقساط سنهيعنى حتى لو استنينا الفلوس برضو رايحه لدفع الشقه التمليك والتجهيزات التانيه

عمتا انا هحاول اقوله ولو عندكم اراء تانيه قولوى برضو وبشكر كل اللى ساعدنى
بليييييز[BLINK] ادعولى [/BLINK]انه نتصالح ويبعد عننا الحسد والمشاكل ونستقر بموضوع الشقه اللى هنتجوز فيها وحجز القاعه

ربنا يوفقك يا حبيبة مادو ... و كدا حسب كلامك انه تاني حل هو الأنسب ... و ماتخافيش من المستقبل يا بنتي طالما بتستخيري و تعملي اللي عليكي .. يبقى توكلي على الله و أول ما تخلصوا توضيب شقتكوا على مهلكم تنقلوا ليها ان شاءالله ان شاءالله حتى تبقي تجيبي غقش جديد يا ستي و اللي انتا حتسيببوها أجروها مفروش بعفشها .. او بيعوا العفش او خديه معاكي لو لسة بصحته ماتبهدلش..
و ربنا ييسرلكوا الحال و تتصالحوا انتوا الاتنين و يبعد عنكم المشاكل و الحسد .. دايما قولي أعوذ بكلمات الله التامات من شر ما خلق..

أحلى دنيا;9346329:
مش عارفة انت شايلة كل ده لوحدك ازاي...المفروض هو او اهله ع الاقل يساعدوك...
مش ممكن طيب باباه يوضبلك شقتك...ولما مادو ربنا يكرمه يبقى يوضب شقة شبين؟؟؟

انا من راي اجلى دنيا دى فكرة كويسة

حبيبة مادو هدى نفسك وخدى الامور ببساطه
ايه المكشله لما اول كام شهر تقعدى فى شقه جوزك على ما شقتكوا توضبوها مش هيكون لسه فى مشاكل ولا اختلاط اوى عشان لسه عروسه جديده وباباكى عنده حق فى موضوع نقل العفش كل شويه خافى على العفش برده وكتير من الناس بتاخد شقه مؤقته لحد ما شقتهم تجهز والحمد لله ان فى شقه تانيه اصلا احمدى ربنا على كده ومحدش عارف الخير فين توكلى على الله وصلى استخاره انك تتجوزى فى نفس البيت مع اهله وربنا هيوفقك للصالح ليكى باذن الله

حبيبتى بينك كيتى وحشااانى معلش مش عارفه اكلمك انتى عارفه المشكله اللى فيها والله وحشاانى جدا

شيكو فييينك عامله ايه وهتتجوزى امتى يارب يا بنات استقر واقوله ادعولى ربنا يهنيكم

حبيبة مادو انا لسه شايفه الموضوع دلوقت
اولا ربنا يبعد عنك كل حسد وكل شر ويسعدكم وتتصالحوا وماتتخانقوش ابدا وبعدين وفروا الخناق لبعد الجواز ههههههههه بهزر طبعا ربنا مايجيبش خناق ابدا
بصى عندك حلين الاول انك تاجرى شقه فى القاهره وتفرشيها بفرشك لحد ماشقتك تخلص او لحد ما شقة باباكى تخلص او انك تنزلى فى فندق فى القاهره يومين وبعدين تروحى مثلا شارم اسبوع والغردقه اسبوع وكده يعنى تعملوا شهر عسل تماااااااااااااام
لان اول يومين هتبقى محتاجه تكونى جنب بيت اهلك ده رايى يعنى
وبعدين انتى لو قعدتى فى شبين هيبقى الموضوع صعب اوى انك ترجعى شقتك تانى
وربنا يعملك اللى فيه الخير

فكرت ف حاجة كده ياحبيبة مادو بس مش عارفة ده حل مناسب ولا لأ...الفلوس اللي شايلينها للفرح والتذاكر والاستقدام وكده وضبو بيها الشقة...واعملي فرح صغنن على قدكو...وهو يسافر وابقي سافريله بعدها بفترة على مايظبط حاله تاني...اوعي تحدفيني باللي ف ايدك...

حبيبه مادو انا فكرتك و لقيت انة و دا رائى بصى حقولك حلين
الحل الاول بما ان والد جوزك على استعداد و معاة فلوس وامكانيات و عاوزة يعمل الشقة اللى فى شبين فى بيت اهل جوزك طيب ما كدا كدا هو دافع و غرمان طيب ما يعملكم شقتكم احسن ودا الحل الاول بس نصيحا بلاش بيت العائلة كلة مشاكل مهمها كانت علاقتك باهل جوزك كويسة برضو حيجى مشاكل

الحل التانى وهو انك تشوفى الفلوس اللى معاكم اد اية و طبعا تشيلى فلوس الفرح و الاستقدام منهم و تشوفى حيفضل كام و حيفضل دا شوفى ممكن يعمل حاجة فى شقتك اللى فى القاهرة و اعملية قبل ما تسفرى اوك و انتم بقى هناك اول ما تيجى فلوس لجوزك ابعتيها لاهلكم فى مصر و يعملو بية حاجة فى الشقة وان شاء الله لما تخلص المدة اللى انتم حتكونو فيها فى السعودية وترجى علشان تستقرى فى مصر ان شاء الله واكيد تكون شقتك خلصت و عفشك فيها وكل حاجة تمام واذا كنتى خايفة على عفشك بعد الشر انة يتسرق قولى لحد من اهلك كل فترة يروح يطمن على الشقة ويهويها وانتى و جوزك لما تنزلو اجازة فى الفترة اللى قبل شقتكم ما تخلص دى ممكن بقى انكم تاجرو شقة ايجار مفروش فى مكان كويس و محترم و يكون ايجارها معقول علشان مش تصرفو كتير فى الاجازة و ممكن كمان انك تقعدى اسبوع عند اهلك و اسبوع عند اهل جوزك و ممكن بقيت الشهر تروحوا فى مكان تتفسحو مثلا شرم الغردقة وكدا لكن من رائى كمان انك لو اجرتى شقك قانون جديد و حتيتى فيها عفشك فعلا هو كدا ممكن يتبهدل و كمان مش تنس ىانك فى ايجار كل شهر انتى ملزمة تدفعة و كدا حتدفعى فلوس فى شقة مش حتستفيدى منها لمجرد انك تحطى فيها العفش و حاجاتك كلها و تسفرى لا يا حبيبتى حرام انتم لسة فى بداية الطريق نسيت اقولك حاولى تعملى فرح بتكاليف معقولة علشان مش تخلص الفلوس كلها فى الفرح و مش يبقى حاجة تعملى بيها حاجة فى الشقة ولو مش بقى فلوس بقى يبقى سفرى و توكلى على الله و زى ما قولتلك وانتم هناك اول ما تيجى فلوس ابعتيها مصر ولو جوزك مش عندو مانع انك تشتغلى يبقى اشتغلى هناك و ساعدى جوزك و ايد على ايد

مشمش روميو مرسى يا روحى على اهتماك وردك ما اهو الخوف انى اضمن انى انتقل شقتى ودى لازم ضمان فيها

احلى دنيا بجد انا يعنى مش عارفه اقولك ايه انتى لو اختى مش هتعملى معاى كده وتهتمى بيا الاهتمام ده وحسه انك شايله همى بجد وبتفكرى معايا بجد ربنا يخليكى ليا اوووووى وبجد ربنا يسعدك ويخليكى احلى واحده فى عين خطيبك وتكونى احلى عرووووسه فى الدنياااا بس هو لازق فيا وعاوزنى اسافر معاه وعشان كده كتبنا الكتاب وهو مش هنا قالى اكتب الكتاب وانا مش معاكى احسن من انى اتجوزك وابعد عنك رجاله اخر زمن ههه

بينك كيتى مرسى يا بت يا حبيبتى انتى معلش مش عرفت اكلمك الجهاز زهقنى انهارده والياهو مش راضى يفتح وبيرستر وحلولك حلوه اوى فعلا


طيب بصوا تفتكروا لو جبت السيراميك فى الشقه وضمنت انى هجى من السفر الشقه هتكون شقتى بالقاهره متوضبه ويدوبك على اخر وش بس دهان عشان اختاره انا واتجوزت فى شقته التانيه والفلوس هنبعتها كل شهر للاهلى واهله يعملوا السباكه والكهربا والمحاره ويركبوا السيراميك اللى اخترته ويبقى باقى بس اخر وش دهان وجوزى وعدنى بكده ؟؟؟ الحل ده هيكون حلووو ولا ايه ؟؟؟

حبيبة مادو أنا شايفة إنك تأجري شقة قريبة من بيت أهلك وبعد ما الساكن اللي في شقة باباكي عقده يخلص ويمشي

تنقلوا فرشكوا في الشقة اللي عند باباكي ولو كنتي سافرتي خلاص يبقى اهلك واهله ينقلوه بعد ما تسافروا في الشقة اللي عند باباكي


طالما كده كده الشقتين مش متوضبين والفلوس مش هتكفي

حبيبه مادو ربنا يارب يبعد عنك كل عين وحشه وحسد . بصي ياقمر هما البنات ماشاء الله فادوكي كتير وبحلول كتير حاول انتي بس تمسكي كل حل كده براحه وتفكري فيه كويس . واعملي إستخاره وبجد أكيد ربنا هيعملك اللي فيه خير ليكي . بس أنا من رأيي فعلا أبعدي عن موضوع شقة حماكي دي وفعلا زي مالبنات بيقولوا الفلوس اللي هيكلف بيها الشقه اللي عنده يحطها في شقتكوا أحسن . وربنا يكتبلك الخير كله وبجد خلي حد يرقيكي بجد لانك شكل الحسد شغال الله ينور

سمسم وفشفوشه مرسى ليكم اوووى

ادعولى انه ربنا يوفقنى للخير والى هيكون مريحنى

وانه يبعد عننا الحسد والمشااااااااكل بجد ونتفق بقى ونحجز القاااعه ياااااااااارب ياااااااااارب

لا اله الا انت سبحانك انى كنت من الظالمين

حبيبة مادو ربنا يخليكي بجد محتاجة الدعوة دي جدا..يارب ليكي مثل مادعيتي...انا شايفة ان لو هو ده الحل الوحيد فانت استخيري ربنا وهو هيهديكي للحل الصح اللي يرضيكي ان شاء الله..
موضوع القاعة بقى المفروض حد من عند اهل خطيبك يدور ويسأل...ويساعدك في الموضوع ده بس مايحجزوش الا ماتتطمني الاول اذا كانت كويسة وترضيكي ولا لأ..خليهم يدورو ويقولولك ... وقبل ماتحجزي لو تحبي تيجي تشوفيها من غير ماحد يعرف من عندهم انا ممكن اخدك اوديكي...ربنا يقدم اللي فيه الخير ان شاء الله

حبيبة مادو ياريت تطمنينى عليكى وتقوللنا عملتى ايه فى مشكلتك
واساتل الله العظيم رب العرش العظيم ان يحلل اى صعب يقف فى طريقك انتى وجميع بنات المسلمين وانا يارب
بس اهم حاجة متنسيش تطمنينا عليكى