تجهيز عرايس مصر الجزء 128

p!nk k!tty;9344133:
نفس السوال

amatalrahman237;9345973:
انا كنت جبت يا شيكو مخدة حجمها متوسط كدة لخطيبي اد حجم الهدوم تقريبا يعني وحطيتهاله في بوكس كنت جايباه من المنشية ب 20 جنيه

لو عندكم حتة رخيصة كدة زي المنشية ابقي روحيها وبلاش المحلات عشان بيغلوا الحاجة اوي

زهراء مكة;9346041:
يابنوتات ارجوووووووووووووكم عايزة اسماء محلات للبس البيت فى الزيتون والحدائق

ضرورى جدااااااااااااااااااااا وتكون حلوة واسعارها كويسة بارك الله فيكم

بحبك يا حمودى;9337598:
يا بنات الحقونى انا المفروض فرحى على 22 _7 و لحد دلوقتى محجشتش اى مكان و دى زفافى و عاوزه قاعه مناسبه فى حدود5 الاف فى القاهره ارجوكو ساعدونى لحسن انا محتاسه اخر حوسه و حاسه انى لوحدى و ربنا يجزيها كل جير الى ترد عليا؟

نغمة القمر;9337906:
هو 7000 جنية ممكن يجيبوا سفرة نيش وبوفية وترابيزة ولا صعب ؟؟؟؟
ربنا يخليكوا يابنات ادعولي ربنا يكرمني ويريح قلبي ويسهل كل الامور لحسن الدنيا بايظة خاااااااااااااالص عندي

yoyo butterfly;9338334:
بنااااااااااااااات بليييييز ياررييييت تردوا عليا وتعبرونى من اول مرة لو سمحتو ا:)
ممكن تقولولى على محلات عفش مودرن بس تكون كويسة وشيك بالاعناوين بليييييييز وليكوا منى دعوه حلوة باذن الله

بنات بليز ادخلوا هنا ((محتجالكم))
http://forums.3roos.com/t451500.html

mashimaro16;9339400:

اولا الف الف الف الف الف مبروك لحبية قلبى حبيى نونو

29_4_ 2009
فرح حبيبي نونو

بنات ادعولى كتييييييييييييير
انا لسه مش استلمت الفستان :(
ومخترتش حتى الجيرب ولا عارفه حعمل فيه ايه
ومظبطتش الصور اللى المفروض اوديها بكره للنادى ولا فكرت فى اى حاجه للفرح تماما ولا الاغانى ولا حدخل ازاى القاعه ولا اى حاجه خاااااااالص
ومليون الف حاجه عايزه اجبها ومش لاقيه وقت تماما
وحتى الطرحه مش عارفه حربطها ازاى ولا اشتريت الحاجات بتاعتها ومش عارفه اعمل ايه فى نفسى
حموت انفسى او انتحر اسهل :(
بجد انا مخنوقه اوى وفعلا لوحدى تماما اخواتى عندهم ضغط شغل بشع ومش عارفين ياخدو اجازه وانا متمرطمه بنعنى الكلمه والله انا وماما
وحتى شقتى لسه مش اتفرشت ولا حتى دولابى
ومش عارفه حاخد ايه معايا فى السفر ولا عارفه حتى اخد انهى شنطه ولا اخد ايه ولا اسيب ايه
ولا عارفه اى حاجه
ومش مركزه ولا اى حاجه للفرح خلصت
لا الفستان خلص ولا الطرحه خلصت حاجتها ولا عرفت اازاى اربطها ولا اى حاجه :confused:
والله بجد انا بعيط ومش عارفه اعمل ايه
وكل حاجه فوق راسى لوحدى ومش عارفه اعمل ايه خالص
وقومت دلوقتى علشان ادور على الصور ومش عارفه اختار حاجه اصلا بفكر الغى مووضوع الصور ده مدورتش على صوره واحده حتى :(

عايزه انتحرررررررررررررررررررررررر
بنات ادعولى مش عارفه تدعولى بايه بس ادعولى ربنا ييسر حالى لانى بجد حاسه انى بموت ومش عارفه حتى اخد نفسى وتعبانه اوى وزهقت وتعبت وطول النهار من ساعة ما صحيت لف لحد ما مت بجد
وزهقت وكرهت نفسى ومش عايزه اتجوز
مفيش حاجه راضيه تخلص كله مكربس ومش لاقيه وقت حتى

والجيست بوك :( مفكرتش تانى فيه من ساعة ما ادتونى افكار ودخلت شوفت فى محل لاقيت واحد لونه احمر وشكله وحش اوى ومش عارفه اعمل فيه ايه ومش عندى وقت اقعد ادور على صور على النت واختار ولا حتى اكلم حد
بجد مش عارفه اعمل ايه فى موضوع الجيست بوك ده

ومش عارفه مره واحده اخترعو اننا نعمل حنه مع اننا قولنا ان مفيش حنه وبجد تعبانه ومش قادره بس خالاتى اصروا على الحنه واقنعو ماما مع ان ملهاش وقت والله
ومش عارفه اعمل ايه ولا حتى البس ايه فى الحنه مش عملت حسابى

اعمل ايه :confused::confused::confused::confused::confused::confused::confused::confused::confused::confused: وبتاعت السويت ضحكت عليا ومش جايه هيا بنفسها اللى كنت عايزااها حتبعتلى حد تانى والله اعلم بشغلها ايه بقى :confused::confused::confused::confused::confused:

بجد انا كرهت نفسى بجد زهقت وتعبت وقرفت

بجد ادعولى جامد لانى بجد منهاره فى العياط ومش عارفه اعمل ايه
ومجبتش جيبه جينز وتلت تربع لبسى عليها ومش لاقيه اصلا
ولا حتى جبت اسدال ومش عارفه اصلا اجيبه امتى :confused::confused::confused:

ولا جبت بيجامه خطيبى :confused::confused::confused:
ولا هوا اصلا استلم بدلته :confused: مش عارفه كل ده المفروض يحصل امتى مع ان معنديش وقت من كتر المواعيد اللى موجوده اصلا


ادعولى بقى بجد بجد ادعولى كتييييييييييير اوى لانى بجد خلاص :confused::confused::confused::confused::confused::confused::confused::confused::confused::confused:


قولللولى الاقى عند مين جيست بوك جاهز واشتريه وخلاص
انا سمعت ان كادو باين بيبيعه ده صح ولا حخبط مشوار على الفاضى؟

nonastar;9339574:
يا بنات ممكن بليز تقولولى رايكم بصراحه فى السيراميك ده
ده بتاع الحمام




وده بتاع المطبخ من غير الوذره


وده بالوذره قولولى اى واح احسن

السيراميك جميل اوى ماشاء الله
والمطبخ اختارى اللى بوزرة حلو اوى وعلى فكره نفس سيراميك اختى وصورتوا اهو وهو متركب:wink:

كوباية مايه;9339642:
,؛.يا بنات اسيل بتقلكوا ادعول لخطيبها المتوفى جامد اوى اوى اوى وهى مش عايزه منكم غير الدعاء وهى كويسه الحمدلله ,ظ؛.

zozokah;9340290:
بنات ادعولي كتير وربنا يكرم وينولها اللي في بالها كل وحده تدعيلي

انا والله تعبانه كتير ونفسيتي مدمره عندي مشاكل مع خطيبي وشكل الموضوع حيتفركش

والله مش عارفه ايه اللي حصل ولا ليه كده ادعولي ارجوكم


ممكن اللي تعرف كوافيره تعمل مكياج وشعر حلو تبعتلي عنوانها او رقمها بس مش عايزه نانيس رحت سالت عندها قالتلي ب 3500 ج ولو وحده من عندها تعملي ب 1500ج

ريهام@محمود;9340644:
http://الناس اللى مخنوقة من شكل شقتها دلوقتى استنوا بس لما تبداو التوضيب وشكلها هيتغير خااااالص واليكم صورة الصالة عندى قبل وبعد قولوا ما شاء اللة

دلوعه رعد;9342245:
كالعادة محدش بيرد

CuTie KaTkOoTa;9342360:
المشكلة يا بنات ان اللي هتلفلي سابتني مع نفسي في الاختيارات، بس مشكلة الطرحة نفسها بقي ان طنط اللي بتعملي الفستان قالتلي هاتي 3 متر تل كريستال عشانها وقالتلي شوفي بقي حبيتي تعمليها دوريت تلاتة او حاجة هتكفي وهعملهالك، فمفروض انا اللي هحدد انا عايزة ايه عشان تخلصها مع الفستان وتطرزها معاه فلازم احدد دلوقتي وطبعا بتاعة اللفة مش هشوفها إلا يوم الفرح فايه الحل، بصوا انا بحب العالية بردو وبحب السبانس بتاعة زمان دي اوي اوي، بحسها رقيقة وشيك اللي هي طويلة ودور واحد وجاية كده لقدام والتطريز علي الجواني كلها الحرف بس، المهم انا مش هاينفع اعملها عالية عشان خطيبي مش طويل ولسه في كعب في الجزمة وغير كده انا وشي رفيع يعني مش هاينفع لازم تبقي نازلة، بس المشكلة في عدد الأدوار اعملها 2 وخلاص وطولها متوسط مثلا ولا ايه، انا ضهر الفستان مفهوش شغل من النص فمش هايستخبي منه حاجة.


اه ما انا عارفة وهو ده المفروض عشان كل الناس بتستغل لما تعرف انه عروسة في اي حاجة، لكن المشكلة عندي انه لازم هايعرف من نفسه من غير ما نقول وده اللي حصل، سواء من البوابة تحت او من الشقة نفسها اي حد بيدخلها بيفهم انها شقة عروسة.


لولو الف مبروك بقيتي حرم مادو اخيرا الحمدلله، بصي انا ممكن ابعتلك رقم الكهربائي وكان كويس اوي ومش غالي هو الغالي الحاجات نفسها اللي بتشتريها عشان يركبها، لكن مصنعيته نفسها حلوة اوي.


:o:o مش هقدر افيدك للأسف في موضوع اتكلف كام دي لأنه متعملش مع نجار واحد لا، ده جه عمل جزء ومشي وحمايا كمل والنقاش هو اللي دهنه، وحاولت اصورهولك اهو بس مش باين كله علي بعضه عشان التلاجة محطوطة ومش عارفة اصور منها ، فصورت الرخامة :D:D عشان لسه متركبة امبارح الحمدلله بس بجد غيرت الشكل خالص ونورت المطبخ اوي وهي لوحدها اتكلفت 600 بعد فصال مرير، اول ما نشيل التلاجة دي ونوسع المكان هصوره كله علي بعضه بقي واحطه تاني ان شاء الله.

عرووس2008;9344391:
ربنا معاكى و يتمم لك بخير يارب و لكل البنات
ممكن اسالك نوع القطن ايه و جبتى القنطار بكام انا سالت على قنطار الفتلة البلدى درجة اولى طلع ب 550 بس انا مش من القاهرة ؟؟؟؟؟؟؟؟

patotus;9344818:
:confused:
بسم الله ماشاء الله يجنن تتهنى بيه يارب
ممكن اعرف كام سعر الرخامه الراجل بيقولى المتر ب450ج:confused:

حبيبه مادو;9344879:
مرسى احلى دنيا انا مش عارفه اقرر احجز فييييين للاسسسسسسسسسف لانى مش حددت هنتجوز فييين ولا لسه قولت لجوزى كماااان اقوله اييه انا مش عارفه مش عاوزه اضغط عليه اكتر من كده وعنده ضغط فى الشغل جامد وبيقولى اللى انتى عاوزاه قوليهولى وانا مش عارفه اقوله ولا اكلمه

بليييز يا بنااات كلكم تعالوا شاركونى برايكم هنااا http://forums.3roos.com/t451351.html
انا مش هلحق احجز فرحى فى حاااجه خالص لا فى كايرو ولا شبين ولا اى حاجه وشكلها بجد اتصلت بكذا نادى مقفلين مفيش حجز فى شهر 99999999

pascotta;9345041:
سعره حلو بس المهم الخشب بتاعه من جوه يكون كويس

لا مش اساسي وانتي ماشاء الله عندك اطباق كتير متجبيش وتركزي على حاجه ناقصاكي

بصي انا شفت الحاجت دي سعر جمله جمب حمام التلات يعتر كده نهايه الموسكي وكانت اسعارها كويسه


فلاور ميرسي عللى ردك
رولا ربنا يهنيكي بحاجتك
بناااااااااات ادعولي ربنا يفك كربي خطيبي بقا واحد تاني وبيعاملني وحش اوي وقلتله يفكر وياخد قرار وياخد وقت شويه بعيد عني يفكر فيه وهو ما صدق وقالي اوك

yasmenmm;9345587:
لو سمحت ممكن لو حد عندة صور لطرحة بتاعتة الزفاف يبعتلى ضرورى على الخاص علشان انا محتاسة مش عارفة حاجة خالص عن اشكالها واية هية الطرحة الادوار كان فى بنوتة الصبح بتقول هنا فى المنتدى فى طرحة 3 ادوار وفى دورين ارجوكم ردوا علية ضرورى الطرحة بتيجى مع الفستان ولة انا بشتريها ولو بشتريها اشتريها منين والنبى تردوا علية علشان انا مليش حد يفهم فى الحاجات دية وانتوا بردوا اخواتى

زهراء مكة;9346041:
يابنوتات ارجوووووووووووووكم عايزة اسماء محلات للبس البيت فى الزيتون والحدائق

ضرورى جدااااااااااااااااااااا وتكون حلوة واسعارها كويسة بارك الله فيكم