تجهيز عرايس مصر الجزء 128

ازيكم يابنات انا خطوبتى كانت 3/6 واحتمال اتجوز اخر السنة او على شهر فبراير كده
ان شاء الله فعاوزة مساعدتكم واقولك على الى اشتريتو وايه الى المفروض اشترى (f)

دلوعه رعد;9342245:
كالعادة محدش بيرد

الى متى ؟;9336628:

هوه القماش القطيفه بتاع الستاير المتر منه بكام؟نفس السؤال بلييييييييز

دلوعه رعد;9339484:
بنات رحت انهارده بي تك لاقيت البيبي ليس 230 بس مش للبخار ديه بتعمل الشعر الناشف والمبلول ولا ايه

ولاقيت الي بالبخار 560 جنيه وديه فرنساوي وتقفيل صيني مش عارفه ايه الفرق انا عايزة الي بتعمل الشعر الناشف والمبلل ورحت لاقيت الي هي 230 عند بي تك 199 عند فتح الله

انا معرفهاش للأسف و لحد دلوقتي ما شفتهاش بس مون ايز قبل ما تسافر كانت بتقول ان اللي ب 199 دي هي جابتها و للشعر الناشف و المبلول .. حتأكد و اقوللك بس يعني هو مش مكتوب على العلبتين اذا كانت للناشف و المبلول وللا ناشف بس؟؟؟

نغمة القمر;9343437:
بنات هو انترية مودرن طقم مش ركنة عبارة عن كنبة كبيرة وكنبة صغيرة وشازلونج وترابيزة امريكان ب4500 حلو ولا غالي

دا كدا حلو اويييي ... انا عاملة الانتريه بتاعي في سوق الترك في المنشية بالسعر ده تقريبا او اقل حاجة بسيطة و هو عبارة عن كنبة و 2 برجير بسسسس من غير طرابيزة كمان ..

dando adel;9343438:
ازيكم يابنات انا خطوبتى كانت 3/6 واحتمال اتجوز اخر السنة او على شهر فبراير كده
ان شاء الله فعاوزة مساعدتكم واقولك على الى اشتريتو وايه الى المفروض اشترى (f)

ربنا يتمملك بخير ان شاء الله يا جميله
جيبى حاجات المطبخ كلها وفرش الاوض الى هو ملايات وبططين وكدا والمطبخ الحلل والحاجات دى

حبيبه مادو;9335779:
أنا مش عارفه احجززززززززز قاعه ومش هلحق حااااجه فى العييييد الصغير ومعظم القاعات قفلللت وبسبب المشكله دى
http://forums.3roos.com/t451351.html

ساعدونى وقلولى رااايكم بجد لانى حزينه

بصى اسالى فى برج التطبقين الى فى العباسيه كويس
او دار ضيافة جامعة عين شمس القاعاات كويسه برضو

صوت العيون;9343540:
ربنا يتمملك بخير ان شاء الله يا جميله
جيبى حاجات المطبخ كلها وفرش الاوض الى هو ملايات وبططين وكدا والمطبخ الحلل والحاجات دى

تمام يا قمر انا اشتريت الصينى وجبت طقم عشاء 20 قطعة
وبعض الرفيعات كده بس لسه مش جبت حاجة تانيه

dando adel;9343742:
تمام يا قمر انا اشتريت الصينى وجبت طقم عشاء 20 قطعة
وبعض الرفيعات كده بس لسه مش جبت حاجة تانيه

طيب يا جميله
شوفى بقا انواع الحلل الى هتجبيها ان شاء الله من المونيوم واستانلس وتيفال والحاجات دى والصوانى والكاسات والكوبيات وطقم معالق كان فى موضوع خاص بالحجات دى هشوفلك اللنك
ان شاء الله

اهوه يا جميله وان شاء الله يفيدك


http://forums.3roos.com/t447105.html

بنات هوه طقم العشا ده اساسي ولا ايه انا عندي طقم صيني واركوبال وبيركس وجبت كمان 24 طبق فرداني وعندي 6 اطباق عليهم رسمه جمبري كده
بالنسبه بئه لطقم العشا وطقم السمك دول ضروري ولا ايه عشان الميزانيه خربت خاااااااااااااااالص ولسه فاضل حاجات كتير ربنا ييسر الامور ان شاء الله وانا ابتديت اشتري تبع الاولويات دلوقتي

mnne;9343770:
بنات هوه طقم العشا ده اساسي ولا ايه انا عندي طقم صيني واركوبال وبيركس وجبت كمان 24 طبق فرداني وعندي 6 اطباق عليهم رسمه جمبري كده
بالنسبه بئه لطقم العشا وطقم السمك دول

لا يا جميله مش اساسى طبعا وانتى ما شاء الله جيبه اطقم كتير ومنها الفردانى وهو تقريبا عامل زيه بالظبط

صوت العيون;9343778:
لا يا جميله مش اساسى طبعا وانتى ما شاء الله جيبه اطقم كتير ومنها الفردانى وهو تقريبا عامل زيه بالظبط

ميرسي يامورو علي ردك السريع طمنتيني جزاكي الله كل خير
بجد بحبك في الله ربنا يباركلك ويتمم زواجك علي خير ان شاء الله


بنات محدش يعرف القطيفه بتاعت الستاير والتفتاه بكام ؟
انا شفت قماشه هنا كده تقيله ومنقوشه منها فيها معرفش اسمها ايه وبتاع الستاير قالي انها حلوه وناس كتير بتعملها هيه ب11جنيه المتر

على فكرة يا بنات انا رحت امبارح القلعة الاسلامية اللي في سموحة ولقيت عنده حاجاتت جميلة اوي هو و كروكو بس القلعة الاسلامية تشكيلتها اكبر بكتيررررررر
ممكن تشتروا لبس البيت العسول دة من هناك والاسعار رخيصة اوي، انا جبت 3 تيشرتات وجلابية من القصيرين الحلوين دول و بنتاكور تحفة ب 120 جنيه بس
ومن كروكو جبت بيجامة و فستان كت كدة وقصير و بادي ب 129
ممكن ابقى انزلكم الصور ان شاء الله

amatalrahman237;9343917:
على فكرة يا بنات انا رحت امبارح القلعة الاسلامية اللي في سموحة ولقيت عنده حاجاتت جميلة اوي هو و كروكو بس القلعة الاسلامية تشكيلتها اكبر بكتيررررررر
ممكن تشتروا لبس البيت العسول دة من هناك والاسعار رخيصة اوي، انا جبت 3 تيشرتات وجلابية من القصيرين الحلوين دول و بنتاكور تحفة ب 120 جنيه بس
ومن كروكو جبت بيجامة و فستان كت كدة وقصير و بادي ب 129
ممكن ابقى انزلكم الصور ان شاء الله

مبروكين عليكي يا قمر تلبسيهم اونتي مبسوطه ان شاء الله بس بليز اوصفيلي ازاي اروح القلعه الاسلاميه دي وكركو من عند مدخل سموحه اللي علي السريع بره
او من محطه مصر او محطه الرمل بس المهم اوصلهم ههههههههههههههههههه
وميرسي مقدما

نغمة القمر;9343867:
عايزة يابنات بالله عليكوا اماكن هنا في القاهرة انزل ادور فيها على العفش بالذات السفرة والصالون غير المحلات بتاعة جسر السويس دية سيئة بصراحه وغير الجارجي عايزة اسماء اماكن تانية واسعارها معقولة بالله عليكوا فاضل اقل من شهر وانا محتاسة واخر توتر:confused:

شوفى يا جميله فى شارع ترعه الجبل فى كذا محل منه الصالون الاخضر تقريا هو وانتى من اوله هتلقيه على شمالك كدا
وفى البيت السعيد فى حدايق الزيتون

في كوافيرة بتقول لو حد عايز يعمل صبغة ماينفعش ابدا يعمل قبلها فرد للشعر بالجلات (لو تعرفوة هو علبتة لونها احمر كدة) لان الصبغة مش هاتمسك في الشعر ..انا حاسة انها بتألف بصراحة لاني عملت قبل كده والصبغة كانت حلوة بعده حد منكم سمع الكلام دة؟

mashimaro16;9339400:

مشمشتي اهدي كده بس وروقي، يابنتي مش بقولك انتي توأمتي يظهر كده واحنا منعرفش، انا كنت بردو مكتئبة وحاملة هم الجيرب والطرحة واللفة والجيبة الجينز والموسيقي او الاغاني اللي في القاعة والاسدال وسجادة الصلاة، يعني كل اللي انتي قولتيه تقريبا، المهم انا الجيبة الجينز دي بالذات بدور عليها بقي بقالي سنة او اكتر ومش لاقية حاجة مناسبة خالص ولا المقاس ولا الشكل ولو لقيت المقاس بلاقيها من النوع الستريتش اللي اصلا بكرهه ومش بيمشي مع جسمي عشان مليانة او الاقيها مليانة شغل كتير بزيادة، من كام يوم بقي وانا في حرية مول لقيت 2 جيبة مرة واحدة في نفس المحل تخيلي وجبتهم الحمدلله خلاص بس ناقصلي اضيق وسطهم بس، جبت واحدة عادية والتانية واسعة ونظام الأدوار دي يعني شكلين مختلفين بس حقيقي عشان بحتاجهم جدا واكتر حاجة بتستهلك كتير، بصي المحل اسمه JC Funny في الدور التاني ورقمه 4 هتلاقيه علي اليمين في الأخر جنبه لطفي باين ولا انا نسيت، وكنت جبت زمان من محل في سيتي سنتر عنده مقاسات وكده بس لما روحتله بعدها بفترة ملقتش حاجة عجبتني بس جربي كده وان شاء الله يارب تلاقي كل حاجة وتخلصي علي خير بس متوتريش نفسك كده عايزين يبقي شكلك وفرحك تمام وتبقي زي القمر ومبوسطة ومستريحة مش مشدودة.
وبالنسبة للاسدال هاتيه من شارع العزيز بالله عشان هتلاقي محلات كتيرة جنب بعض والفرصة اكبر من اي مكان تاني، والجيرب شوفي في محل دانتيلا اللي في جنينة عندهم اشكال جاهزة وان شاء الله تختاري حاجة مناسبة ليكي وتعجبك وفيه عند النمرسي وكل شيء بردو بس انا عن نفسي ملقتش اللي انا عايزاه عندهم، بس الحمدلله رحت امبارح لمني الإبياري واتفقت معاها وادتلها عربون وقولتلها علي كل اللي انا عايزاه في لونه وشكله.
واللفة بقي روحي هاتي من كل شيء اللي في مصطفي النحاس عندهم تل جليتر اكتشفت انه هناك بعد ما كنت جبت من ميرا كلاس بس مش مشكلة، شوفي كده وهاتي 3 الوان او خامات ومن كل نوع نصف متر كفاية علي كلام الكوافيرة والبياع نفسه كمان، وهاتي اي جالونات لو بتحبي الشكل ده منهم بردو او النمرسي انا جبت حاجة من هنا وحاجة من هناك، وانا اللي اخترت الشكل واللفة لنفسي وكل حاجة.
ورأيي الشخصي انك بلاش تعملي ليلة حنة عشان تريحي وتفوقي لنفسك كده ولو فيه حاجة ناقصة تكمليها ومعلش الراحة هاتيجي بعد الجواز ان شاء الله.

mnne;9343955:
مبروكين عليكي يا قمر تلبسيهم اونتي مبسوطه ان شاء الله بس بليز اوصفيلي ازاي اروح القلعه الاسلاميه دي وكركو من عند مدخل سموحه اللي علي السريع بره
او من محطه مصر او محطه الرمل بس المهم اوصلهم ههههههههههههههههههه
وميرسي مقدما

بصي يا جميلة، انتي تروحي محطة مصر وتركبي ابو سليمان وتقولي للسواق ينزلك عند نادي سموحة و هو هينزلك عند الدوران بتاعه، امشي بقى لحد ما تروحي عند بوابة النادي هتلاقي في وشها شارع على اوله صيدلية كبيرة سيبيه وادخلي الشارع اللي بعده هتلاقي القلعة الاسلامية في نصه كدة
لو تهتي ابقى اسالي اي حد ععنه اول ما توصلي النادي ان شاء الله

معلش يا جماعة انا كل شوية اجي اقرا جزء صغير اوي واروح تاني علي الشقة عندي عشان انا اتهديت النهاردة مع العمال، بتاع الصيانة بتاع شركة اوليمبك جه عشان السخان بيشغلهولي وبيظبط فيه مشكلة كده والحمدلله خلاص بقي كويس، وفي نفس الوقت جبت السباك يلزق حوض المطبخ ويركب الكوع بتاعه والصفاية ويصلح المحبس بتاع الحمام ويعمل شوية حاجات كده، وقبل ما يمشي بشوية جه الاوسترجي يلمع السفرة ويظبط فيها الاجزاء اللي اتخبطت من النقل وكده، وكل ده وانا واقفة معاهم لوحدي ومن غير اكل ولا نوم، بس هانت الحمدلله، والمنجد جاي بكرة ان شاء الله الصبح عشان يعمل المراتب.

سؤالي بقي اللي يعرف نمرة كوافير نورماندي فرع الكوربة ياريت يبعتهولي عشان كل مرة مش بلحق اكتب النمرة من اليافطة وانا ماشية بالعربية، بس بليز بسرعة عشان بفكر احجز معاهم احسن للصبغة والهاي لايت والقص بدل ما اروح اللي في صلاح الدين ده، بس لازم اكلمهم النهاردة او بكرة بالكتير ان شاء الله عشان انا عايزة يوم معين مينفعش يتغير وكمان عشان اعرف التكلفة كام.

cherry..;9342517:
كتكوتة خليكى فى التلات ادوار عمر ما موضتها بتنتهى وكمان بتكون شيك وراقيه جدااااااا صاحبتى كانت عاملاها اتهبلنا عليها احنا البنات لانها كانت تححححححفه وتلات ادوار ....

وعلى فكرة الطرحة الدور واحد الطويلة بتعتمد على شكل الفستان لانها مش بتليق مع كل الفساتين ... خلى بالك اوى من النقطة دى لكن الادوار وبالذات الاتنين او التلاته بتليق على كله لانها الشكل العادى المعترف بيه للطرحه وكمان انا اصلا بموت فى موضه زمان ايام ماكان الفستان قصير والطرحه 3 ادوار تحسيهم عسسسسسسل اوى ..

رشروش84;9337827:

بصى يا كتكت أنا اللى فهمته من قصدها ان الطرحة تكون طوووووويلة يعنى طويلى لحد الآرض كده مش ادوار
وأنا شايفة أن الطرحة بالذات مالهاش موضة على حسب وشك وطولك تحدد الطرحة فهمانى يا حبيبتى

ربنا يخليكم ليا يا بنات بجد، وميرسي يا شيري مووووت علي الصور ودي اللي كانت في بالي فعلا بس مش عارفة اشرحها اوي بس انتي كده سهلتيها عليا كتير وانا قيمتك عليهم، هاخدهم واوريهم لطنط واشوف هتقولي ايه.

انا بقي رحت كل شيء بتاعة مصطفي النحاس وجبت من هناك جالون تاني للطرحة سيلفر وجبت بكرة خيط الوان مختلفة، وجبت ابر سهلة اللضم ودكاكة استيك علي رأي الولد البياع :D:D انا قولتله ايه التكنولوجيا دي مكنتش اعرف انهم فكروا في الافكار دي وعملوها بس كويس بتوفر علي الواحد بردو عشان لما يعجز :D وجبت شرابات المحجبات وتوك ولقيت عندهم علب تنفع للميكاب وتنفع لأدوات الخياطة في كذا نوع وفيه متقسم وفيه لا، المهم سالته علي العادية اللي بسوستة ومش متقسمة بس متبطنة من جوا وشكلها حلو قاللي ب 23 تقريبا هي حاجة وعشرين بس مش فاكرة عشان مجبتهاش.

ورحت زي ما قولتلكم اتفقت علي الجيرب خلاص الحمدلله والاستلام يوم 11/5 ان شاء الله.

ورحنا خلصنا الشهادات الطبية في مستشفي الزيتون التخصصي بس هما عملوا كشف باطنة بس وقالولنا هو كده بس وختموها بختم المستشفي وختم المدير نفسه كمان وقاسولنا الضغط والحرارة والوزن كمان بس ده مش مكتوب في التقرير طبعا، ودكتور الباطنة اداني ورقة عشان اعمل تحليل لفيروس b وقاللي دي نصيحة مني ليكي انتوا الاتنين حللوا عشان لو فيه حاجة لاقدر الله يبقي الطرف التاني اللي مش عنده ياخد التطعيم عشان ده بيتنقل بالزواج وعشان كمان لو عندك انتي البيبي ياخد التطعيم او 12 ساعة بعد الولادة عالطول قبل ما ترضعيه، بس كان دكتور محترم وطيب اوي.
المهم حماتي راحت ختمتها كمان تاني يوم بختم النسر احتياطي.

وايه كمان اه رجعنا الشقة بقي عشان بتاع الرخام جه ركبها وكده، وبعدين رحت جبت شبشب للبيت كان عاجبني اوي من ميدان الجامع ونسيت اقولكم اليوم اللي قبلها رحت بردو هناك جبت اكسسوارات الستاير اللي كانت نقصاني، اللي هي الشماعات اللي الستارة بتتربط فيها دي لما تيجوا تفتحوها.

CuTie KaTkOoTa;9344105:
معلش يا جماعة انا كل شوية اجي اقرا جزء صغير اوي واروح تاني علي الشقة عندي عشان انا اتهديت النهاردة مع العمال، بتاع الصيانة بتاع شركة اوليمبك جه عشان السخان بيشغلهولي وبيظبط فيه مشكلة كده والحمدلله خلاص بقي كويس، وفي نفس الوقت جبت السباك يلزق حوض المطبخ ويركب الكوع بتاعه والصفاية ويصلح المحبس بتاع الحمام ويعمل شوية حاجات كده، وقبل ما يمشي بشوية جه الاوسترجي يلمع السفرة ويظبط فيها الاجزاء اللي اتخبطت من النقل وكده، وكل ده وانا واقفة معاهم لوحدي ومن غير اكل ولا نوم، بس هانت الحمدلله، والمنجد جاي بكرة ان شاء الله الصبح عشان يعمل المراتب.

ربنا معاكى و يتمم لك بخير يارب و لكل البنات
ممكن اسالك نوع القطن ايه و جبتى القنطار بكام انا سالت على قنطار الفتلة البلدى درجة اولى طلع ب 550 بس انا مش من القاهرة ؟؟؟؟؟؟؟؟