مشتاقة الى الجنة;9276067:
ربنا يخليكى ياقمرايا يارب والله انتى عسل وديما كده بتنقذي العرايس ربنا يكرمك ياااااااااااااااااااارب
هو الحزام ده عليه خرز لونه فضى وروز هو خرز صغير هو تطريزه خفيف خالص يعنى مثلا اجيبه مثلا على شكل ايه وردة وله ايه وياريت لو تقوليلى ممكن الاقيه فين معلشياقمر واكنسل حكايه ان البدى يكون فضى او روز واخلينى فى السمنى ومعلش اخر حاجة انا كنت عايزة اعمله شغل بسيط على الكب اعمله وله اخلى الشغل كله فى النص
بصى يا جميله ممكن تجيبى وردة او شكله فص كبير للنص يكون لونه فوشيا او روز بس غامق مش فاتح يعنى فوشيا برده هههههه وتحطيه فى النص وحوليه بقا تنترى ورد صغير لونه سمنى عشان يبقا لون البدى والبدى اشغلى الاساور بس بيبقا رقيق وربنا يتمملك بخير ان شاء الله
وروحى ميدان الجامع عند النمرسى وكل شئ عنده كل التطريزات دى
حبيبه مادو;9276523:
اجيب سشوار ولا مكواه احسن يا جماعه ميين اسرع واحسن انا شعرى ناعم بس بيهيش من تحت شويه ومش عملت الحاجات دى غير قليل جداا بلفه بس؟؟؟؟
بصى يا جميله اهم حاجه تقصى اطراف شعرك بجد هيفرق معاكى كتير وقصيهم فى نص الشهر الهجرى لانى قريت انه قص الشعر فى الوقت دا بيخلى الشعر يتقل ويطول سبحان الله
*عروس حبيبى*;9276960:
السلام عليكم ورحمة الله وبركاته
ازيكم يابنات عاملين ايه اوعوا تكونوا نستونى
انا فرحى كان يوم 2 الشهر ده والحمد لله كان يوم جميل
معلش مشاركتى مخالفه بس حبيت اسلم عليكوا يااحلى بنات
وعليكم السلام ورحمه الله وبركاته
نورتينا يا جميله ربنا يسعدك يارب ويارب تجيبى نونو جميل قريب ان شاء الله
miko85;9277535:
الجربيات الصناعيه احلي ولا طبيعيه ايه رايكم
بصى فى صناعى بس الى هو بيبقا سيراميك دا بيبقا جميل ما شاء الله لكن لو الفرق بي الطبيعى والبلاستيك يبقا الطبيعى طبعا احلى
kenzycat;9277897:
هوه انا ممكن اشترك معاكم
طبعا يا جميله بس عشان متبقيش مخالفه لازم تسيبى سؤال او رد على اى سؤال للبنات هنا يا جميله
اشرى;9278758:عايزة حتة رخيصة اجيب منها الشايلة وطبق الفاكهة والبونبونيرة الى هما سيلفر اجيبهم منين يا بنات وفى حدود كام؟
روحى التوحيد والنور فى اشكال كتير ما شاء الله
magda 1;9280083:صوت العيون;9274646:
mashimaro16 انتى ممكن تعملى ميك اب كتب الكتاب سمبل خالص ولو مش عجبك اى كوافير من الى حوالينا هنا خلى حد قريبك يعملك يكون بيفهم فى الميك اب ولو كان ينفع اعملك كنت جيتلك والله
وروحى شوفى شغل مس نورا الى قصاد القصر فى هناك مدام ولاء ومدام منى وشفى شغلهم
مدام ولاء بكدج كامل ب 650
ومدام منى بكدج كامل ب 1200
صوووووووووت بلييييييييييييز عايزة اعرف مس نورا ده فين بللللييييززز وانتى جربتيه ياريت كل تفاصيلة عشان عايزة كوافير حلو وابن حلال ميكونش غالى اوى عشان مستحرمة بليززز تردى عليا ...............................
ايوه يا جميله حجزت عندها الحمد لله بس حجزت بكدج مدام منى وهو قدام قصر القبه يعنى تركبى المرو وتنزلى محطه كوبرى القبه اتجاه القصر وتاخدى تاكسى وتقوليله صور المخابرات بعد ما الصور يخلص على طول اول عماره هتلاقى تحتها الكوافير وجمبها محل تاجير فساتين تبعها برده اسمه الجمل والمكان نضيف جدا ما شاء الله وشيك الحمد لله ولما تروحى اتفرجى على شغل الاتنين ولما رحت كان فى عروسه خطوبه من مدام ولاء وكان الميك اب رقيق وجميل بس دا كان طلب العروسه لانها هى نفسها قالتلى كدا ان خطيبها طلب منها ميك اب رقيق وكانت قلقانه لو يكون شكله تقيل بس هو زى ما تطلبى وممكن تخدى اى صور وتنفذهالك وفى بكدج مدام منى بقا قالتلى اى حاجه تحتها الطرحه من اكسسوار هى بتوفرهولى وبتعملى تيست ميك اب قبل الفرح وهو بكدج كامل الحمد لله
قطة اخر الليل;9280797:
هو انتى يا جميله قطه اخر الليل ولا انا غلطانه معلشى اصل لو انى هيه فازيك بجد كتير لانى مبشوفهاش من مده البت السكره دى
يا نهاري بجد مش مصدقه نفسي احلي صوت واجمل مورو في جمهوريه مصر العربيه بتسال عليه
يارب يارب يباركلك يارب انا هنا والله بس مش بلاقي حاجه اقولها وتقريبا انا جاهله في الامور دي بس بدخل كل يوم ومتابعه كل الاجزاء وبجد ربنا مايحرمني منك انتي اللي سكره وعسل ابيض ومن بتاع الملكات كمان وتستاهلي اكتر والله البنات بجد كفوا ووفوا في مدحك لانك تستاهلي مش مجامله وبجد ربنا يجازيكي خير الجزاء انتي وكل البنات طبعا اللي بجد بجد مشفتش اطيب منكو وبجد قرفت الواد خبيطي من كتر ما بحكي عنكم ليه بجد بقا يغير من المنتدي ههههههه من كتر الرغي والله والله استفدت كتير حقيقي ربنا يحميكم ويكفيكم اي شر او سوء ويكملنا جميعا علي كل خير اللهم امين واعتذر عن الا طاله
وبجد شكرا يا صوت لانك سالتي عليك ربنا يصونك اللهم امين
سؤال عشان منضربش
ايه احسن نوع مراتب بالله عليكم انا تعبت ماستر بد ولا هابيتات ؟
انتى متعرفيش اصلا بحبك بجد لانه انسانه جميله جدا ومش هوصف فيكى بجد الاحساس متبادل يا جميله وربنا يسعدك يارب واسألى ونورى الموضوع وربنا يتمملك بخير ان شاء الله
وكل البنات قالت هابيتات افضل شئ
dandona we bas;9281709:
مورو يا قمر انتي حجزتي عند منى الجمال عايزة كل التفاصيل بلييييييييز لأن بجد مكياجها عجبني و با ترى بتستخدم ماركات ايه و كده و المكان هناك عندها كويس و لا ايه النظام بالله عليكي متنطشيش و ردي عليا يا قمراية
زى ما وصفت بالظبط يا جميله وبتستخدم ماركات مستورده نيفيا وفور ايفر ولما تروحى هى هتقلك ما دا كان سؤالى هى ليه غاليه ولوحدها قالتلى عشان بستخدم ماركات مستوردة والمكان كويس الحمد لله
pussy22;9282626:
يا بناااااااااااااات انا مخنووووقة اووووووووووووووى من اكتر من حاجة اولا انا لسه فرحى بعد شهرين و رحت حجزت الكوافير عند مجدى و سيد و بعدها لقيت كل البنات بتشتكى منه و انا دفعتله مقدم و مكتوب على الوصل ان فلووس المقدم لا ترد طب كده لو حبيت اروح لحد تانى الفلوس تبقى راحت على؟؟؟؟
تانى حاجة رحنا الفندق عشان نتفق على شوية حجات و اهل جوزى حجزو اننا نتصور فى الفندق و انا اسمع ان تصوير الفندق بيبقى و حش و الاحسن اننا نروح عند استوديو تصوير زى كادو او كده و حسة انه هيبقى ولا ميكب ولا صور عدلة بجد مخنووووووووووقة جداا و مش عارفة اعمل ايه...
بصى يا جميله انتى ممكن تلغى حجزت فى الفندق للتصوير عادى لان اكيد دفعتى بس من الحجز للقاعه لكن لسه مدفعتيش من كل حاجه فعادى ممكن تلغى وتحجزى بس الحقى احجزى التصوير عشان كادو ما شاء الله مشهور وناس كتير بتحجز عنده ما شاء الله
والكوافير زى ما فى بنات قالت مش حلو فى قالوا حلو وفى بنات حجزين عنده فعلا فكل واحد ونصيبه ما ممكن تكون كوافير كويس ويطلعلك وحشه والعكس دا شئ مش معروف فتوكلى على الله لان الندم مش بيفيد بالعكس ممكن يضرك لانك هتفضلى فكره انه وحش وممكن يخليكى حلوة بس بنفسيتك تقلبى لوحشه ارضى بالى ربنا قسمهولك ولو نفع تغيريه اوكى منفعش يبقا ترضى بيه واقنعى نفسك ان العيب لو فيهم او فيكى ممكن يتغير بروحك وربنا يتمملك بخير ان شاء الله
حبيبه مادو;9282745:بصوا كده دى الصيغه اللى بابا كتبها للقايمه
بسم الله الرحمن الرحيم
قائمة منقولات زوجية
أنه في يوم الجمعه الموافق 24/4/2009
أقر أنا المقيم ب وبكامل اهليتى :-
بأننى تسلمت من زوجتى /اعيانمنقولات الزوجية المبينة وصفا وقيمة بتلك القائمة تأثيثا لشقة الزوجية الخاصة بنا والكائنة بمدينه القاهره جسر السويس حيث أنها أحضرت تلك المنقولات من مالها الخاص بها وليس لي أي تصرف فيها وهذه المنقولات عبارة عن الآتي:-
وبعدين جدول فيه م والفئه والبيان والسعر وفى اخر كل بند الاجمالى
وفى الاخر الاجمالى العام لقائمه المنقولات الزوجيه
وبعدين
وأقر أنني تسلمت هذه المنقولات بعد المعاينه والمشاهده وأتعهد بالحفاظ عليها ولا يجوز لى التصرف بأي منها أوتبديده .
وهذا إقرار منى بذلك .
المقر بما فيه :-
الشهود :-
1-
2-
3-
4-
حاجات المطبخ مش كتبت تفصيلى زى بعض القوايم عشان مش ظريفه كتبت بعض الحاجات الكبيره زى الصينى والبايركس والاركوبال والتيفال والستالنس والالمونيوم والصاج وكده وبعدين كتبت مستلزمات مطبخ اخرى ......
وحطيت النجف فى فئه لوحده
لكن التنجيد والسجاد والستائر دمجته مع فئه المفروشات
اتمنى اكون افدتكم قيموونى بقى هههههه
منين كتبتيها يا جميله من النت ولا ايه
