تجهيز عرايس مصر الجزء 127 يارب كلنا نتجوز

ماشيمارو شوفي كده شغل رضوي رشوان علي الفيش بوك، انا عاجبني اوي وحساها فاهمة تقاطيع الوش كويس والوانها جميلة اوي وجديدة ولفاتها كمان للطرح، تصدقي كنت نسياها خالص من التوتر وقلة الوقت كان ممكن اكلمها هي عالطول تيجيلي احسن، بس يلا قدر الله وما شاء فعل وان شاء يبقي ام اس حلوين معايا بردو يارب، انا بيعجبوني اوي بردو بس بتكلم علي الراحة النفسية للبنت اللي بتعمل نفسها.

meroo012;9263343:
بناااااااااااات لو سمحت تسمحولى اقول حاجه فى حاجات كتير البنات بتاخد راينا فيها وكل واحدة بيقول رأيها ممكن حاجه تمشى معاكى والتانيه لا وكلو ف الاخر اذواق يعنى كل واحدة ياريت تتكلم من وجهه نظرها ومتحكمش على وجهه نظر التانيه نقول النصيحه لله واللى يمشى معاه النصيحه ياخد بيها واللى مش يعجبو يشوف رايو هوا ف الاول وف الاخر

بناااااااات عايزة حد يجى الشقه يقولى اهد ايه واعمل ايه فيها ويكون متخصص وشويه ديكوراشن اسأل مين وهل فى مكاتب لمهندسى الديكور ؟؟؟

تانى حاجه : انا عايزة اعمل بار صغير ف الشقه اعملو ف المساحه الفاضيه اللى قلتلكو عليها قبل كدة ؟؟؟

تالتا: حد عند فكرة عن الغساله الدراير ؟؟

رابعا : عساله الاطباق عمليه ولا ملهاش لازمه ؟؟؟

بصى يا قمر زى ما قلت لك انا عندى مهندس شاطر ماشاء الله و الله ندمت انى مش اشتغلت معاه علشان فرق دفعته بردو فى الاخر

بار هيبقى حلو و شوية تابلوهات على الحيطة فى المساحة الفاضية و ممكن الجزامة كمان

غسالة الاطباق هتحتاجيها بس مش فى اول الجواز

CuTie KaTkOoTa;9263376:
ماشيمارو شوفي كده شغل رضوي رشوان علي الفيش بوك، انا عاجبني اوي وحساها فاهمة تقاطيع الوش كويس والوانها جميلة اوي وجديدة ولفاتها كمان للطرح، تصدقي كنت نسياها خالص من التوتر وقلة الوقت كان ممكن اكلمها هي عالطول تيجيلي احسن، بس يلا قدر الله وما شاء فعل وان شاء يبقي ام اس حلوين معايا بردو يارب، انا بيعجبوني اوي بردو بس بتكلم علي الراحة النفسية للبنت اللي بتعمل نفسها.

ممكن الجروب بتاعها على الخاص من فضلك؟

CuTie KaTkOoTa;9263376:
ماشيمارو شوفي كده شغل رضوي رشوان علي الفيش بوك، انا عاجبني اوي وحساها فاهمة تقاطيع الوش كويس والوانها جميلة اوي وجديدة ولفاتها كمان للطرح، تصدقي كنت نسياها خالص من التوتر وقلة الوقت كان ممكن اكلمها هي عالطول تيجيلي احسن، بس يلا قدر الله وما شاء فعل وان شاء يبقي ام اس حلوين معايا بردو يارب، انا بيعجبوني اوي بردو بس بتكلم علي الراحة النفسية للبنت اللي بتعمل نفسها.

اعتقد ان رضوى حاليا مسافرة

meroo012;9263343:
بناااااااااااات لو سمحت تسمحولى اقول حاجه فى حاجات كتير البنات بتاخد راينا فيها وكل واحدة بيقول رأيها ممكن حاجه تمشى معاكى والتانيه لا وكلو ف الاخر اذواق يعنى كل واحدة ياريت تتكلم من وجهه نظرها ومتحكمش على وجهه نظر التانيه نقول النصيحه لله واللى يمشى معاه النصيحه ياخد بيها واللى مش يعجبو يشوف رايو هوا ف الاول وف الاخر

بناااااااات عايزة حد يجى الشقه يقولى اهد ايه واعمل ايه فيها ويكون متخصص وشويه ديكوراشن اسأل مين وهل فى مكاتب لمهندسى الديكور ؟؟؟

تانى حاجه : انا عايزة اعمل بار صغير ف الشقه اعملو ف المساحه الفاضيه اللى قلتلكو عليها قبل كدة ؟؟؟

تالتا: حد عند فكرة عن الغساله الدراير ؟؟

رابعا : عساله الاطباق عمليه ولا ملهاش لازمه ؟؟؟

غسالة الاطباق ماتحمليش نفسك بيها حاليا.. بعد شوية وبعد مصاريف الجواز ماتهدى ولو انتى بتشتغلى هاتيهها عشان هتسعفك قوى لكن لو قاعدة فى البيت حطى فلوسها فى حاجة تانية أحسن :)

Princess_miro;9263660:

ممكن الجروب بتاعها على الخاص من فضلك؟

بعتلك يا جميلة علي الخاص.

pippo;9263726:
اعتقد ان رضوى حاليا مسافرة

بجد يعني جت من عندها الحمدلله علي كل شيء.



يا بنات بلييييييز اللي يعرف مكان اقدر اجيب منه جيرب ورد صناعي وفيه فصوص وكده او محل يعملهولي، يقولي بسرعة، عشان انا مش عارفة غير دانتيلا ده بس ومفيش حاجة تانية قدامي.

tuleeb;9261146:
بصراحة انا معرفش ال 180 بكام عشان سريرى 160 بس على فكرة هابيتات و ماستربد احلى من تاكى و يانسن

ازيك يا جميله عامله ايه يارب تكونى بخير ديما ان شاء الله يارب

نغمة القمر;9261727:
انا عايزة اجيب يابنات البديهات الدلع بتاعة البيت دية اللي بيبقا كتفها واسع كدة ونازلة من على الكتف كدة عاملة اخر شقاوة يارب تكونوا فهمتوا قصدي عشان مش عارفة اوصف اوي...الاقيها فين بقااااااااااا

تلاقيها فى عيد لبيب وفى سوق العصر الى وصفته كتير فى كوبرى القبه

mashimaro16;9261840:
انتى عايزه تعملى ايه فى الدولاب اصلا يا جميله معلش انا مشوفتش سؤال ليكى قبل كده فى الموضوع ده
:)
ربنا يكرمك ياجميله
انا اخدت الارقام وكلمتها الصبح وقالتلى 600 لو عندها و 700 لو حتجيلى بره بس على حسب المكان وكنت قولتلها المكان فقالتلى 700
الف الف الف الف مبروك يا جميله ربنا يباركلك فيها
جبتيها منين يا مورو؟ ياريت حد قريب وخلاص الفرق مش مستاهل الصراحه مشاوير :( وانا ظهرى حيموتنى من الالم ومش عارفه اعمل ايه :(
بصى يا جميله
انا موافقاكى من حيث المبدء
بس التنفيذ صعب جدا بالنسبالى
انا فى خطوبتى عملت كده
اشتريت الميكب اللى انا محتاجاه وعملت لنفسى ميك اب لوحدى تماما
والله كنت فى الاوضه لوحدى وكلهم بره وخلصت ولبست ولفيت الطرحه وبعدين خرجت مع ان اصحابى واخواتى البنات كانو معايا فى البيت بس انا قولت شكرا وانا حعمل لنفسى وفعلا عملت كده بس الفرح بقى فى فرق التصوير بقى وكده انتى عروسه :D انا حاسه بكده
هيا الفكره بتاعتك ممتازه ماشاءالله وربنا يقدرك وتعمليها يارررررررب انا ليا واحده صحبتى عملت كده وماشاء الله كانت قمر يوم فرحها
ربنا يكرمك يارببب

سلامتك يا جميله جيبتها من كارفور لانى لما رحت ولقيتها قلت بدل ما الف عليها او فلوسها تطكير الطبيعى فاجيبها والحمد لله

besannnn;9261963:
بنات اجيب منين ملايات حلوة واية اسعارها عشان معرفش خالص

فى التوحيد والنور اشكال كتير ما شاء الله


[QUOTE]

loolooaa;9262186:

يابنات انا خلاص كتب كتابى وفرحوا اتحددوا
7/7 ان شاء الله
حجزنا فى أل رشدان
كان نفسى احجز فى الشرطة
بس ملقيتش ولا يوم وقالولى ان شهر 7 محجوز من شهر 1
فحجزنا فى أل رشدان وملقيناش الا الساعه 5 لغاية الساعه6
(ميعاد وحش اوى صح هيبقى حر اوى)
وده طبعا هيبقى برضه يوم الدخله
فعهمل ايه لغاية بليل
فهنحاول نسهر فى اى مكان احنا واهلنا واصحابنا
يعنى هنحاول نعمل فرح على صغير
(ياريت لو حد يقدر يفيدنى بمكان كويس نسهر فيه)
لانى مش هينفع اعمل فرح كبير لان عندنا حالة وفاة فى العيلة
ومش عايزة حد يزعل منى لو عملت فرح كبير
ياله بقى نفسى اشوف اسمى فى الليسته
حطولى ميعادى فرحى واسمى بقا :D

[/QUOTE

مبروك يا جميله وربنا يتمملك بخير ان شاء الله فى ناس كتير اعرفهم كانوا بيرحوا جراند كافيه الى على النيل فى المعادى بس نظام هما واصحابهم واخواتهم وكدا

razminia;9262838:
هاى ياقمر لو عايزة بديهات دلع بجد بجد مش هتلاقى غير عند محل نيويورك اللى فى روكسى لو انتى من القاهرة البدى اللى بتوصفية كنت شايفاة عندهم والوانة كتير جدا وكان فية مقاسات وب 25 فقط روحى هناك واتفرجى هتلاقى بديهات وهتلاقى هوت شورتز وجيب قصنونة كدة وشكلها تحفة لو مش هتعرفى توصليلة قوليلى عشان اوصفلك المكان بالظبط بس على العموم هو مش يتوة خالص انا فى الخدمة ياجميل:):)(f)(f)
باللة عليكم يابنات باللة عليكم ادعولى من قلبكم ان ربنا ييسر ليا امورى ويعدينى من المشكلة اللى انا فيها يارب يسمع منكم ويحققلكوا كل اللى بتتمنوة (f)

ربنا ييسرلك الامور كلها ان شاء الله وربنا يخرجك من كربتك عاجل غير اجل وكل بنات المسلمين يارب يارب يارب

meroo012;9263343:
بناااااااااااات لو سمحت تسمحولى اقول حاجه فى حاجات كتير البنات بتاخد راينا فيها وكل واحدة بيقول رأيها ممكن حاجه تمشى معاكى والتانيه لا وكلو ف الاخر اذواق يعنى كل واحدة ياريت تتكلم من وجهه نظرها ومتحكمش على وجهه نظر التانيه نقول النصيحه لله واللى يمشى معاه النصيحه ياخد بيها واللى مش يعجبو يشوف رايو هوا ف الاول وف الاخر
بناااااااات عايزة حد يجى الشقه يقولى اهد ايه واعمل ايه فيها ويكون متخصص وشويه ديكوراشن اسأل مين وهل فى مكاتب لمهندسى الديكور ؟؟؟
تانى حاجه : انا عايزة اعمل بار صغير ف الشقه اعملو ف المساحه الفاضيه اللى قلتلكو عليها قبل كدة ؟؟؟
تالتا: حد عند فكرة عن الغساله الدراير ؟؟
رابعا : عساله الاطباق عمليه ولا ملهاش لازمه ؟؟؟

بصراحه غساله الاطباق عندنا ما شاء الله ملهاش اى لازمه غير لو بقا كان عندنا مواعين كتير فبنستخدمها بس لازم الاول ننضف الاطباق من اى حاجه وبعدين نرصها فيها يعنى ممك ننضف الطبق بدل بقوه 3 على 10 ننضفه 10على 10 ومنستخدمهاش واخده مكان على الفاضى الحمد لله

CuTie KaTkOoTa;9263833:
بعتلك يا جميلة علي الخاص.
بجد يعني جت من عندها الحمدلله علي كل شيء.
يا بنات بلييييييز اللي يعرف مكان اقدر اجيب منه جيرب ورد صناعي وفيه فصوص وكده او محل يعملهولي، يقولي بسرعة، عشان انا مش عارفة غير دانتيلا ده بس ومفيش حاجة تانية قدامي.

فى جروب على الفيس بوك لمنى الابيارى بتعمل جريبات كدا يا جميله والورد الصناعى تقريبا فى النمرسى وكل شئ فى ميدان الجامع والالماظ والحاجات دى هناك

صوت العيون;9263888:
فى جروب على الفيس بوك لمنى الابيارى بتعمل جريبات كدا يا جميله والورد الصناعى تقريبا فى النمرسى وكل شئ فى ميدان الجامع والالماظ والحاجات دى هناك

طيب ممكن تبعتيلي اسمه بالظبط يا قمراية، عشان انا عمالة ادور عليها ولسه موصلتلهاش بس اسمها مش غريب عليا، وميرسي اوي علي ردك.

CuTie KaTkOoTa;9263833:
بعتلك يا جميلة علي الخاص.


بجد يعني جت من عندها الحمدلله علي كل شيء.



يا بنات بلييييييز اللي يعرف مكان اقدر اجيب منه جيرب ورد صناعي وفيه فصوص وكده او محل يعملهولي، يقولي بسرعة، عشان انا مش عارفة غير دانتيلا ده بس ومفيش حاجة تانية قدامي.

بصى انا شفت محل فى اركاديا مول فى الدور الأرضى جنب الباب فيه جيربات تحفةةةةة بجد وشكلها طبيعى جدا بس هى صناعى .. مش عارفة اسعارها ايه بالظبط . لو عجبتك ممكن انتى تنطورى عليها الالماظات..

يابنوتات حد جرب غساله اطباق فريش الصغيرة الى اسمها الفوريرة


لان عندى حساسيه من الصابون و الدكتور مانعنى منه
قلت ممكن تساعدنى شويه .. ولا ايه رأيكم ؟

بوسى
هى دى الغسالة اللى عندى
ما شاء الله جميلة قوى وبتنظف
والمطبقية بتاعتها ميزتها انك تقدرى تحركيها زى مانتى عايزة بحيث تناسب حجم االاطباق اللى هتحطيها

pippo;9264149:
بوسى
هى دى الغسالة اللى عندى
ما شاء الله جميلة قوى وبتنظف
والمطبقية بتاعتها ميزتها انك تقدرى تحركيها زى مانتى عايزة بحيث تناسب حجم االاطباق اللى هتحطيها

ما شاء الله
ربنا يهنيكي بيها

طيب ممكن اعرف هى بتاخد كم قطعه و عندك يعنى من امتى
و ايه احسن نوع مسحوق او صابون لها

لان انا شوفت ناس كتير بتشكر فيها و انا مش عجبنى اليونيفرسال بصراحه
و دى مش شوفتهاعند محلات هنا فمش عارفه شكلها فى الحقيقة

ميرسي ياقمر

CuTie KaTkOoTa;9264065:
طيب ممكن تبعتيلي اسمه بالظبط يا قمراية، عشان انا عمالة ادور عليها ولسه موصلتلهاش بس اسمها مش غريب عليا، وميرسي اوي علي ردك.

ممكن تبعتهولى انا كمان يا قمر

bosy_md;9264192:
ما شاء الله
ربنا يهنيكي بيها

طيب ممكن اعرف هى بتاخد كم قطعه و عندك يعنى من امتى
و ايه احسن نوع مسحوق او صابون لها

لان انا شوفت ناس كتير بتشكر فيها و انا مش عجبنى اليونيفرسال بصراحه
و دى مش شوفتهاعند محلات هنا فمش عارفه شكلها فى الحقيقة

ميرسي ياقمر

نفس الطلب يا بنوتة

bosy_md;9264192:
ما شاء الله
ربنا يهنيكي بيها

طيب ممكن اعرف هى بتاخد كم قطعه و عندك يعنى من امتى
و ايه احسن نوع مسحوق او صابون لها

لان انا شوفت ناس كتير بتشكر فيها و انا مش عجبنى اليونيفرسال بصراحه
و دى مش شوفتهاعند محلات هنا فمش عارفه شكلها فى الحقيقة

ميرسي ياقمر

Princess_miro;9264524:
نفس الطلب يا بنوتة

العفو يا بنتى
بصى هى بتكفينى انا وجوزى االاطباق والكوبايات وكله.. وكمان عند ماما بتكفينا واحنا 5 افراد. هى عند ماما من زمان ما شاء الله ربنا يباركلها فيها..
بس بتشغليها مرة او اتنين فى اليوم مش بتزودى فى مرات الاستعمال عشان تحافظى عليها زى غسالة الملابس.
وممكن تغسلى فيها الحلل الصغيرة.

نوع المسحوق انا بجيب ديش برو وهو مسحوق بودرة لان الغسالة دى ماينفعش معاها مسحوق سايل. هو مكتوب عليه ان الكمية اللى تستعمليها تبقى معلقة شاى بس الكمية دى الحقيقة قليلة. الافضل انك تخليها معلقة كبيرة مليانة. وبتجيبى كمان زيت ملمع بيتحط مرة كل فترة وبيقعد فى الغسالة كتير وده عشان الكوبايات تلمع.
وماتجيبيش بايوكلينا لأنه مش بيدوب وبيبوظ الغسالة.

بنات انا لقيت ده علي الفيس بوك
فى معرض هيتعمل يوم واحد فى فندق بيراميزا الدقى قاعه ايزيس من الساعه 2 الضهر لحد 9بليل يوم 24/4 الجمعه

كل ما يلزم العروسة من اكسسوارات افراح وملابس وماكياج وتحف منزلية بازواق راقية

crazy ananas;9265074:

فى روكسى فشارع بطرس غالى او نيويورك محل بواقى تصدير فروكسى برضو اول يمين فشارع بطرس غالى واسعاره كويسه واى محل بواقى تصدير يقلك ادخليه هتلاقى فيه الحاجات ديه

هتخلينى اصوت يا مش انتى بجد مهو يابنتى البنات حطوا صور لشغل ايمى قبل كدا واخر حاجه لما كان فى بنت بتسئل البندانه وله الاكسسوار وفى بنت حطت صوره لواحده حطه شريطين عكس بعض وقالت انه شغل ايمى يالهوى عليكى وله اقولك لو روحتى عند ايمى اعملى نفسك بتسئلى وهيديكى هناك كتيب صغير فيه شغلهم ليكى وعندهم كمان كتالوجات فيه شغلهم
تصدقى انا لما كنت رايحه احجز فى الاستوديو كادو لاقيت بالصدفه مكان ايمى دخلت سئلت مكنتش ناويه احجز والله ولما شفت المكان والشغل وكان خطيبى معايا وطبعا مدخلش لان مفيش رجاله بتدخل لاقيت نفسى بحجز بعد طوووووووووول تفكير وحيره وكنت قبلها بى اسبوعين برضو

ايون
انا عارفه
بس مشوفتش على الطبيعه يعنى كله صور على النت :D وانتى وحد تانى كده مش راضيين تبعتولى الصور بتاعتكم علشان اشوف شغل على الواقع
بس انتى ريحتيى شويه
ولما كلمتهم ارتحت بس عماله اقول كده شحططه اروح لكذا حد وبعدين هيا فمش عارفه اعمل ايه
قوليلى اقص شعرى قصه لطيفه عند مين؟

بصوا يا بنات المعلومات دي كده و للأمانة منقولة بس حبيبت افيدكو بيها و أتمنى منكو اللي تستفيد منها تقيمني و تدعيلي دعوة حلوة يا قمر

أسئله لتتعارفى على خطيبك
1- ما هو طموحك المستقبلي وما هدفك في الحياة؟
إن لكل إنسان أمنية في حياته يسعى لتحقيقها سواءً في المجال الاجتماعي أو الديني أو الأسري أو العلمي وغيره ،ومن المهم في بداية التعارف بين الخاطب والمخطوبة أن تكون الرؤية المستقبلية للطرفين واضحة. وكلما كانت الرؤية واضحة كلما قل الخلاف بين الزوجين في المستقبل.
2-ما هو تصورك لمفهوم الزواج؟
إن هذا السؤال من الأسئلة المهمة بين الطرفين ،وذلك حتى يتعارف الطرفان على بعضهما أكثر، تقول إحدى المتزوجات: فوجئت عندما عرفت أن مفهوم الزواج عند زوجي هو مجرد تحقيق رغباته الجنسية فقط ، وأما أنا فلا احترام لي ولا تقدير وكل المسئوليات ملقاة علي . ويقول الزوج : كم فوجئت عندما علمت أن مفهوم الزواج عند زوجتي أنة من أجل الأبناء وأنا معها في مشاكل دائمة وإلي الآن لم يرزقنا الله الولد . فمعرفة مفهوم الزواج عند الطرفين والحوار حوله من الأمور التي تساعد على الاستقرار الأسري مستقبلاً.

3-ما هي الصفات التي تحب أن تراها في شريك حياتك؟
جميل أن يتحدث الإنسان عن مشاعره وما يحب وما يكره وأجمل من ذلك كله أن يكون مثل هذا الحوار قبل الزواج بين الخاطب والمخطوبة ، حتى يستطيع كل طرف أن يحكم على الطرف الآخر إذا كان يناسبه من عدمه. ونقصد بالمحبوبات والمكروهات إلى النفس من السلوك والاخلاقيات والأساليب والمطعومات والهوايات وغيرها .

4-هل تر من الضروري إنجاب الطفل في أول سنة من الزواج؟
لعل البعض يعتقد أن هذا السؤال غير مهم ، ولكن كم من حالة تفكك وانفصال حصلت بين الأزواج بسبب هذا الموضوع وخصوصاً إذا بدأ أهل الزوج أو الزوجة يضغطون على الزوجين في موضوع الإنجاب ، ولكن على الزوجين ان يتفقا فيما بينهما على هذا الموضوع. وأن لا يكون سبباً من أسباب المشاكل الزوجية في المستقبل ، ونحن لم نققل أن الأفضل الإنجاب في أول سنة أو التأخير وإنما نترك هذه المسألة لاتفاق الخطيبين.

5-هل تعاني من أي مشاكل صحية ؟ أو عيوب خلقية؟
لا شك أن معرفة الأمراض التي يعاني منها الطرف الأخر لا قدر الله تؤثر في قرار الاختيار الزواجي بل إن إخفاء المرض على الطرف الأخر يعتبر من الغش في العقد فلا بد أن يكون ذلك واضحاً بين الطرفين سواًكان به عاهة مستديمة أو برص في أماكن خفية من جسدة أو مرض السكر أو غيرها من الأمراض أو العيوب التي يعاني منها المقبل على الزواج.

6-هل أنت اجتماعي؟ ومن هم أصدقاوك؟
إن العلاقات الاجتماعية هي أبرز ما يميز الإنسان ، ومهم أن يكون الإنسان اجتماعي الطبع يألف ويؤلف ، يحب ويحب ومهم عند التعارف أن يتعرف على الطرف الأخر من الناحية الاجتماعية كمعرفة أصدقائه وقوة علاقته بهم. وهل هو من النوع الاجتماعي أو الانطوائي.

7-كيف هي علاقتك بوالديك؟(إخوانك ، أخواتك ، أرحامك).
إن معرفة علاقة الخاطب أو المخطوبة بوالديه وأهله أمر في غاية الأهمية وذلك لأنة كما يقال إن الزواج ليس عقداً بين طرفين فقط وإنما هو عقد بين عائلتين فالزوج لن يعيش مع زوجته بمفرده منقطعاً عن العالم من حوله ، وإنما سيعيشان معاً وكلما كانت العلاقة بالوالدين بالوالدين حسنة كلما بارك الله في هذا الزواج ، وكتب لهذه العائلة التوفيق.

8-بماذا تقضي وقت فراغك ؟ وما هي هواياتك.
كلما ازداد التعرف على الطرف الأخر كلما كان القرار بالاختيار سهلا و ميسراً ، وإن معرفة ما يحب الإنسان عملة في وقت فراغه دليل على شخصيته ومعيار لطموحه وأهدافه في الحياة ونظرته لمستقبله وشخصيته.

9-هل لك نشاط خيري أو تطوعي ؟
كلما كانت علاقة الشخص بربه قوية كلما كان مأمون الجانب ويفضل أن تكون الفتاة أو الفتى يقتطعا جزءاً من وقتهما للعمل الخيري التطوعي وذلك من خلال تقديم عمل انمائي أو مساعدة أو حضور مجالس الخير والاستفادة منها فإن هذا النشاط مما يجدد الحياة الزوجية ويقوي العلاقة بينهما لأنهما يسعيان في هذه الدنيا من أجل هدف واحد وهو مرضاة الرب.

10-ما رأيك لو تدخلت والدتي أو والدتك في حياتنا الشخصية؟
إن هذا السؤال ينبغي أن يطرحة المقبل على الخطوبة وذلك ليتعرف كل واحد منهما على الأخر في هذا الجانب ومدى حساسيته عنده فيتفقا إذا اختلفا في وجهة النظر على سياسة في التعامل بينهما وطريقه في حل الخلاف لو حصل تدخل من الوالد أو الوالدة أو حتى الجدة في علاقتهما الخاصة. ويمكن أن تراجع صفحة تجارب ناجحة لتستفيد مما ذكر فيها .

واخيرا ليس من الضرورى تكون كل الاسئله تناسب فكرنا جميعا ولكنها مجرد مفاتيح لكى تفتحى حوار بينك وبين خطيبك حتى لا تفاجئى بشخص اخر بعد الزواج

Bsko0ota ses;9262521:
بناااااااات ازيكم كلكم مبروك لكل الي هيتجوزو ربنا يتمملهم على خير


بليز عايزه طلب من بناااات اليكس الله يكرمكم ممكن تقولولي الاقي زي الحاجات دي فين في اليكس مع العلم اني مش عايشه هناك عايشه ف السعوديه بس هخلي قريبتي تروح تشوفهملي بلييز نفسي ف حاجات زي دي بالزبط بالرسمه بتاعتها كدا الطفوليه دي بلييز ربنا يوفق كل الي ترد عليا ويسعدها وينولها الي عايزااه يارب


اهي الصور






ودي كمان














انا بشوف بنات كتير بيحطو صور لبيجامات وهوت شورت جميله اوي ومحطوط خلفهم نفس الخلفيه دي هيا بتاعت شركه او حاجه ؟؟؟؟؟؟؟

دي للي هترد عليا (f)(f)(f)(f)(f)(f) (g)(g)(g)(g)(g)(g) :D

مساء الفل يابنوته فى توتكس فى سموحه قدام نادى سموحه وكروكو والقلعه الاسلاميه فى سموحه بردوا وفى المنشيه فى ش فرنسا واحده اسمها ام احمد

bosy_md;9264112:
يابنوتات حد جرب غساله اطباق فريش الصغيرة الى اسمها الفوريرة


لان عندى حساسيه من الصابون و الدكتور مانعنى منه
قلت ممكن تساعدنى شويه .. ولا ايه رأيكم ؟

الغسالة عندنا ف البيت وانا واختى جايبنها وبقلها عندنا 4 سنين والحمد للة ممتازة وبتسعف جدا جدا وكمان بتنضف وتعقم