مراكز تعليم الحرف اليدويه بالقاهره

*

*new life*

عروس مبدعة

12-04-2009 | 05:08 PM

السلام عليكم ورحمه الله وبركاته

بنات حبيت اساعدكم من خلال معرفتى بمراكز تعليم الحرف اليدويه.....

هى مراكز تتعلمى فيها حرف معينه وبعد ما تتعلميها بياخدوها منك بضعف التكلفه بحد اقصى 1300ج فى الشهر ....انا اعرف اربع مراكز بس, جبتهم من الوسيط وجرنان الاهرام وروحت بنفسى ولقيت الموضوع صحيح فعلا, وتعليم الحرفه بيبقه فى حصتين كل حصه ساعه

وهما خمس حرف :
1-دبابيس الطرح بعجينه السيراميك
2-البراويز اللى بتبقه على المكاتب اللى بيتحط فيها الصور
3-البراويز الاسلاميه للحائط
4-تماثيل لسبوع المولود
5-تماثيل فرعونيه
طبعا انا بعدت عن اخر حرفتين لان التماثيل حرام

المراكز اللى انا اعرفها :
مركز الكوثر فى المنيل
ومركز المستقبل فى السيده زينب
ومركز الصحوه فى فيصل
ومركز الشروق فى رمسيس

...والمراكز ديه مالهاش علاقه ببعضها يعنى ممكن تشتركى فى اكتر من مركز انتى ووقتك

واى استفسار عن اى حرفه او مكان او تليفون اى مركز انا فى الخدمه

ما اريد منك الا دعوه خالصه لوجه الله ..وان يصبر الله اخى على فراق زوجته

الله يوسع رزقكم يا رب

ز

زهورة..

عروس مشرقة

14-04-2009 | 03:20 PM

وعليكم السلام ورحمة الله وبركاته
جزاكي الله خيرا اختي آية
كنت عايزة اسألك انتي جربتي حد فيهم ؟

e

egyptiangirl

عروس مبدعة

14-04-2009 | 03:48 PM

شكرا يا جميل يا ترى انتى جربتى حد من المراكز دى ويا ريت تفاصيل اكتر يا قمر والأسعار ايه؟

*

*new life*

عروس مبدعة

14-04-2009 | 08:35 PM

زهورة..;9215672:
وعليكم السلام ورحمة الله وبركاته
جزاكي الله خيرا اختي آية
كنت عايزة اسألك انتي جربتي حد فيهم ؟

egyptiangirl;9215885:
شكرا يا جميل يا ترى انتى جربتى حد من المراكز دى ويا ريت تفاصيل اكتر يا قمر والأسعار ايه؟

ايوه يا بنات والله مجربه مركزين فيهم اللى فى فيصل واللى فى السيده زينب واخترت حرفه البراويز بتاعه المكاتب ودفعت رسوم تدريب 25 ج ودلوقتى انا بعرف اعملهم كويس اوى اول حصه اتعلمت ازاى اعمل اسطمبه (قالب ) وبيتحط فيه العجينه وبتعملى منه نسخ كتييييير والعجينه بتنشف من 3 ل 5 دقايق وتانى حصه اتعلمت ازاى الونها

باقى الحرف الدبابيس انا برده اتعلمتها ودى رسومها 40 ج والبراويز الاسلاميه رسومها 100ج وتماثيل السبوع ب25 وتماثيل الفرعونيه ب 350 >>>>طبعا لان الحرفه ديه مطلوبه وبتكسب جدا بس للاسف حرام عشان كده بعدت عنها...الله الغنى :)

... اى حرفه بتتعلميها بتبقى بطيئه فيها اول اسبوعين وبعدين بتاخدى عليها وبتعرفى تنتجى كميات كبيره

اول حاجه بيطلب منك عينه واحده والاسبوع اللى بعده بيطلب 20 عينه عشان يتاكدوا انك عملتيهم صح والاسبوع اللى بعده بيطلب منك 300 عينه او اكتر حسب وقتك...... وانتاجك بتسلميه كل اسبوع وبتاخدى الفلوس وانتى واقفه .....والخامات بيقولولك على المكان اللى تجبيه منها بسعر الجمله عشان مكسبك يبقه اكتر

*

*new life*

عروس مبدعة

14-04-2009 | 08:41 PM

وفيه حاجه كمان هما مش بيمارسوا سياسه الاحتكار يعنى مش لازم عشان علموكى ملزمه انك تديهم انتاجك انا ليا صحابى قعدوا معاهم فتره واتعلموا الحرفه واتقنوها جدا وبعدين بقوا هما اللى يسوقوا لنفسهم فى معارض الجامعه او معارض ال handmade وطبعا مكسبهم مضاعف وبيبقه حجز الترابيزه فى المعرض ب 20 ج

اى استفسار تانى يا قمرات انا موجوده

e

egyptiangirl

عروس مبدعة

15-04-2009 | 01:03 PM

ايه التدريب فى المراكز دى بيبقى الصبح ولا بعد الظهر ؟

ا

ام عبدالله2

عروس جديدة

17-04-2009 | 07:29 PM

حزاااااااااااك الله خيرا اختى ايه
ممكن ارقاام التليفونات من فضلك

.

.. طيف الأمل ..

مشرفة سابقة

18-04-2009 | 04:57 PM

ام عبدالله2;9240140:
حزاااااااااااك الله خيرا اختى ايه
ممكن ارقاام التليفونات من فضلك

تنبيه

تبادل أرقام الهواتف على العام مخالف .......الرجاء التقيد بالقوانين

.

.. طيف الأمل ..

مشرفة سابقة

18-04-2009 | 05:01 PM

الحرف اليدويه جميله جداّومجال خصب للإبداع
ولكن يجب علينا عدم التعرض لصناعة ذوات الأرواح والإكتفاء بالجمادات والنباتات
فلا طاقة لنا يوم يأمر الله عزوجل صانع تلك الدمى بنفخ الروح فيها فيقف عاجزاً
تمنياتي لكم بالنجاح والتوفيق

*

*new life*

عروس مبدعة

18-04-2009 | 06:56 PM

اعذرونى يا بنات على التاخير لان النت كان فاصل عندى

بالنسبه للمواعيد معظمهم من 10 الصبح لحد 7 بليل معادا اللى فى السيده زينب بيبقه لحد 9 بليل

ام عبد الله ...هبعتلك ارقام الهواتف على الخاص لان زى المشرفه قالت ممنوع هنا

*

*new life*

عروس مبدعة

18-04-2009 | 06:58 PM

¤°~am slooh ~°¤;9247078:
الحرف اليدويه جميله جداّومجال خصب للإبداع
ولكن يجب علينا عدم التعرض لصناعة ذوات الأرواح والإكتفاء بالجمادات والنباتات
فلا طاقة لنا يوم يأمر الله عزوجل صانع تلك الدمى بنفخ الروح فيها فيقف عاجزاً
تمنياتي لكم بالنجاح والتوفيق

الف شكر لمرورك حبيبتى ...انا فعلا بعدت عن الحرف اللى فيها تماثيل عشان هيا فعلا حرام ...نسال الله ان يوسع ارزقنا بالحلال

ز

زهورة..

عروس مشرقة

23-04-2009 | 11:42 PM

جزاكِ الله خيرا اختي آيه على ردك
كنت عاايزة أسأل هما بيخدوها بأسعار معقولة ولا ايه نظامهم لاني ليا صحبتي جربت مراكز شبهم وقالت مثلا البرواز بيكلفها وهما بياخدوه بشلن وبريزة !!! فاستغربت اوي
وهل ممكن يكون فيه مكان للنساء فقط ؟
وجزاكِ الله خيرا

*

*new life*

عروس مبدعة

24-04-2009 | 01:16 AM

زهورة..;9295365:
جزاكِ الله خيرا اختي آيه على ردك
كنت عاايزة أسأل هما بيخدوها بأسعار معقولة ولا ايه نظامهم لاني ليا صحبتي جربت مراكز شبهم وقالت مثلا البرواز بيكلفها وهما بياخدوه بشلن وبريزة !!! فاستغربت اوي
وهل ممكن يكون فيه مكان للنساء فقط ؟
وجزاكِ الله خيرا

لا يا حبيبتى مش للدرجادى ..البراويز الاسلاميه تكلفتها جنيه وبياخدوها منك ب2 ج
والبراويز التانيه بتكلف 1ج وبياخدوها منك ب 1ج و75 قرش عشان الحرفه ديه بالذات بياخدوها منك وبيحطوا عليها اضافات عشان كده خصمين الربع جنيه

اغلبيه المراكز اللى فيها بيبقوا بنات وهما اللى بيدربوكى والتدريب بيبقه فى مكان منفصل

ا

السارا

عروس جديدة

26-04-2009 | 11:59 AM

اختي العزيزة انا الان اريد ان افتح معهد مشابة للمعاهد التي تحدثتي عنها
لذلك اتمنى اتواصل معكي للانني اريد جميع التفاصيل وجزاك الله كل خير

*

*new life*

عروس مبدعة

26-04-2009 | 12:34 PM

السارا;9312165:
اختي العزيزة انا الان اريد ان افتح معهد مشابة للمعاهد التي تحدثتي عنها
لذلك اتمنى اتواصل معكي للانني اريد جميع التفاصيل وجزاك الله كل خير

الله يوفقك يا حبيبتى ...بس اهم حاجه لو عاوزه تفتحى مراكز زى ديه التسويق ...عموما انا مش عندى اى مانع للتواصل يا جميل وربنا يوسع رزقك يا رب

ن

نورمندى تو

عروس جديدة

02-05-2009 | 12:51 AM

اختى الغالية هل انتى بتعملى للان فى هذا المركز والا

وهل عمل 300 بروز فى الاسبوع حاجة سهلة ولا صعب

وهل العمل شاق وبيبهدل الشقة اللى هعمل فية ولا سهل ارجوكى طمنينى

*

*new life*

عروس مبدعة

02-05-2009 | 07:31 PM

نورمندى تو;9364098:
اختى الغالية هل انتى بتعملى للان فى هذا المركز والا

وهل عمل 300 بروز فى الاسبوع حاجة سهلة ولا صعب

وهل العمل شاق وبيبهدل الشقة اللى هعمل فية ولا سهل ارجوكى طمنينى

انا كنت بعمل لحد من حوالى شهر ووقفت عشان انا بدرس وداخله على امتحانات ...وعمل 300 برواز حاجه مش صعبه بس مش من اول مره هتعرفى تعملى 300 هتقعدى حوالى 3 اسابيع او شهر لحد ما ايدك تاخد عليهم

وبالنسبه للعمل مش شاق والحمد لله وانا بالنسبالى لما كنت بعمل كنت بقعد فى مكان معين فى الشقه واحط جرايد واعمل عليها وبعد ما اخلص برميها ولا سجاد بيتبهدل ولا شقه ولا حاجه ...بس فى اثناء ما انا بعمل بلبس لبس يكون عادى بالنسبالى انه يتبهدل

e

egyptiangirl

عروس مبدعة

03-05-2009 | 04:09 PM

مرسى يا آيه على الرد حبيبتى معلهش كنت عايزه اعرف هو الكورس نفسه مدته قد ايه وكام يوم فى الأسبوع ويا ريت لو تبعتيلى تليفونات مركز السيده على الخاص لو سمحتى وشكرا

*

*new life*

عروس مبدعة

03-05-2009 | 05:22 PM

egyptiangirl;9378438:
مرسى يا آيه على الرد حبيبتى معلهش كنت عايزه اعرف هو الكورس نفسه مدته قد ايه وكام يوم فى الأسبوع ويا ريت لو تبعتيلى تليفونات مركز السيده على الخاص لو سمحتى وشكرا

كل الحرف بتتاخد فى حصتين وكل حصه ساعه معادا حرفه التماثيل الفرعونيه بتبقه 7 حصص ....وانتى اللى بتحددى المعاد ,ممكن تختارى يومين ورا بعض اللى يريحك ...واوكيه يا قمر هبعتلك الرقم

ا

ام عبدالله2

عروس جديدة

03-05-2009 | 05:50 PM

السلاااااااااام عليكم
اختى ايه
للاسف ارقاام تليفوونات مركز الصحوة اللى فى فيصل كلها مفيش حد بيرد
فى جميع الاوقاات والاياام ورقمهم للاسف مش موجوود فى الدليل
فلو ممكن اختى تتاكدى من الارقاام ولو فيه ارقاام تانيه ياريت تساعدينى بيها
جزااااااااااااك الله خيراا