rababroby;9892149:
من فضلك ايه عايزة عنوان المركز اللى فى فيصل عشان رحت المركز اللى فى رمسيس ولقيت الموضوع مختلف تماما عن ماحكيتى ...اسعار التدريب بتبدأ من 120 جنيه وانتى طالعه ده غير انهم مش بيشتروا الا نتاج الا فى حرفة واحدة بس اللى هى البورسلين (داخل فيها الفازات والتحف والاكسسوار والانتيكات والبراويز) وغيرها يعنى مفيش تخصص محدد تتخصصى فيه ودى تمن التدريب عليها 250 جنيه وبتاخد 7 ايام ....مفيش 20 ولا 25 دى الا فى حرفة تصنيع منتجات الطين الاسوانى (المنتجات الخزفية) 25 جنيه وعمل اشغال من الكوردون والحبال الذهبيه 20جنيه وده اقل حاجه وبعد كده 100 و120 و150 و250
ممكن تقوليلى انتى كنتى فى انهى مركز وتبعتيلى عنوانه وتليفونه لو سمحتى عشان انا بصراحه حابه موضوع التخصص فى حاجه واحده بس وكمان حابه انهم يشتروا المنتجات منى لأنى مليش فى موضوع التسويق...ومتشكره على تعبك ياجميل
انا اسفه اوى يا قمر انا كتبت رقمه لانى لقيت اعلانه فى الوسيط ولما كلمتهم قالولى نفس الكلام اللى فى باقى المراكز بس ما روحتهوش عشان بعيد عنى واخترت الاقرب ليا وكتبته ليكو لانه ممكن يكون قريب من بيت حد منكم
عموما الكلام اللى انا قولته باسعار التدريت موجود فى مركز الصحوه اللى فى فيصل ومركز المستقبل اللى فى السيده ومركز الكوثر اللى فى المنيل ودول انا رحتهم بنفسى
وعنوان مركز الصحوه بالتحديد هو فى الشارع اللى قبل شارع العشرين على ناصيته مسمط اسمه الركيب هتمشى فيه على ناحيه الشمال بعد 3 بيوت كدههتلاقى محل جزاره هو البيت الللى جانبه على طول فى الدور الارضى والاجازه الاربع
وعاوزه اقول حاجه تانيه يا بنات اول امبارح لقيت اعلان فى جرنان الاهرام عن مركز اسمه مركز الغد وده ميزته عن كل المراكز التانيه ان الخامات ببلاش وده احسن عشان كده مش محتاج يبقه معاكى راس مال تجيبى الخامات فى الاول ان شاء الله اكلمهم وواروح اشوف الموضوع بنفسى واكتبلكوا التفاصيل بس يا رب ما يكونش فى حته بعيده