تجهيزات عرايس مصر الجزء126 يارب كلنا نتجوز ياااااااااارب

princes_lolo;9207424:
حلوووووووووووووووووو اوى التورتات دى بنات كنت عاوزة اسالكم حد جرب المراتب الجهازة وهيه افضل ولا القطن
ولو حد عنده فكره عن انواعها واسعارها

CuTie KaTkOoTa;9204665:
نسيت اقولكم رحت وديت القماش لطنط كمان النهاردة الحمدلله وحددتلي اول بروفة يوم الخميس ان شاء الله.



ميرسي يا جميلة.



الله يبارك فيكي يا قمراية عقبالك يارب ان شاء الله، بالنسبة لمجدي سيد انا اخترت اقل باكيدج عبارة عن مانيكير وباديكير ومكياج وطرحة وسشوار ووش وحواجب ونسيت والله ايه تاني ولا كده خلاص اصلي كنت متنحة اوي مش عارفة ومتنشنة ده انا حتي بعد ما حجزت نسيت اسأل علي لفات الطرح مع انه قاللي شوفي في اول كلامنا لو عايزة صورة معينة وعايزاها تنفذهالك مفيش مشكلة او لو من عندها عادي، بكرة هكلمهم تاني واشوف واعرف منهم مين هايجيلي البيت فيهم.

اما بقي الشانزلزيه فالباكديج شاملة 100 فرد + كوشة + زفة دمياطي + سوبر باند ( مطرب ومطرب شعبي ومونولوجست وميني دي جي) بس انا لغيت كل ده وخليته دي جي بس بس كامل بقي مش ميني + عرض سيمي ليزر ودخان مع تورتة العروسة والمشاعل + فيلم 36 صورة 13*18 مع البوم صور فاخر + شريط فيديو 3 ساعات + البوفيه (2 قطعة فرنش باستيري - بيتي فور - ميني بيتزا - باتون ساليه - سندويتش فراخ بالمايونيز - سندويتش كفتة - شربات - بيبسي) + تورتة العروسة 3 ادوار، واي فرد زيادة ب 15

runnoya;9204975:
بنات انا نسيت اقولكم حاجه مهمة بالنسبة لليلة الحنة اننا ممكن نعمل ليلة حنة كويسة وبتكاليف اقل
بصوا بقى انا فى فرح اخت صاحبتى قلنا احنا هنعمل كل حاجة لوحدنا فاتقفنا اننا نعمل فقرات فجيبنا اول حاجة جلابية زى بتاعة نانسى عجرم وحضرنا طبق بلاستك وحبل صغنتوت ومشابك وشغلنا الاغنية والعروسة عملت شو حلو وبعدها اشترينا توب نوبى وشغلنا اغانى نوبية ورقصنا كلنا عليها والعروسة فى الوسط
وبعدين جبنا عباية مطرزة خليجى وعملنا رقصة بالمباخر كده جوالين العروسة وكل بنت مسكت عود بخور وكانت حلوة قوى
وكمان لفينا التوب النوبى ده لفة هندى وعملنا الاكسسوارات على الراس زى الهنود وشغلنا اغانى هندى واديناها
اه كمان لبسنا العروسة فستان قصير وجبنا طرحة كبيرة وطرزناها زى الملاية اللف وشغلنا اغانى اسكندراني وعملنا حركات
ودى كانت افكار بسيطة بس ومش مكلفة بس جامدة موت
وربنا بتمم لكل العرايس بخير

miramiro;9205003:
السلام عليكم

ازيكم يا بنات

مبروك علينا الجزء الجديد:BOUNCE8:

حبيه مادو
حبيبتى ازيك وحشاااانى اوووى
ازيك وازاى نفسيتك دلوقتى يارب تكونى بخير

و الحمد لله ان حلمك اتحقق و فتحتى الموضوع الجديد:sm240:
و ما شاء الله طقم اركوبيركس بتاعك رقيق اوى انا بحب اللون ده جدااا مبروك عليكى يا حبيبتى

وبالنسبه لفستان كتب الكتاب هو حلو و جميل بس هاتى له بدى فوشيا او روز احسن لان البنى ممكن يقفله شويه والراى الاخير لك طبعا يا جميل :wink:

الحب هو الحياة;9205101:

اللون الاخضر موضة الربيع لعام ..... 2009

الاخضر الباهت اجمل الالوان البناتية الراقية

الاخضر الزيتي لمحبي الاناقة واللياقة والالوان الراكزة

الاخضر والزهري الوان مفعمة بالطبيعة والحيوية

الأبيض لون الأثاث في عام 2009اللون الأبيض الزاهي ولون ثمرة الونيلية (الفانيلا

هما الألون الأكثر شيوعاوقال متحدث باسم رابطة صناع الأثاث الألمان ان الألوان الفاتحة تلقى قبولاً

بنات اسكندرية فين هير ستايل ؟

ღ ღ°•.•• مكتبات مودرن اخر حاجةღ ღ°•.••

ღ ღ°•.•• ميكب لاحلى عيون الجزء الثانىღ ღ°•.••

ღ ღ°•.•• اكسسورات الجزء الثانى ღ ღ°•.••

jessy2009;9205122:
حبيبتي خدي بالك الواكس ده بيشد البشره يعني مع مرور الوقت هيعمل تجاعيد يعني لو هتعملي الواكس ده اعمليه مره مثلا مرتين في المناسبات بس انما مش على طول الفتله بجد انسب حاجه ولو الشعر مش كتير بلاش تشيليه وشقريه لو بشرتك مش حساسه لكريم التقشير

دلوعه رعد;9205171:
لا جميل جداا حقولك علي فكره اختي عملتها في كتب كتبها بدل المنديل الي بيكون مكتوب عليها بالخيط الدهبي ده

اشترينا منديل قماش اووكي ابيض ورحنا طبعنا عليه صورتها هي وخطبها وكتببنا تاريخ كتب الكتاب كان حلو اوي وجديد

redflowerlovey;9205698:
أنا اسمي مش موجود حطيهولي بقى ده انا كنت حموت وأحطه في الليستة تروحو شايلينه هو 9-10-2009

يارب أبقى عروسة;9206561:
الف الف مبروك ياجميل ربنا يامم بخير يارب تعرفى ان القاعة دى كان فيها فرح بابا وماما من 24 سنة وكانت كل القاعات دى قااعة واحدة ربنا يباركلك يارب

بنات المنصورة ياريت حد يقولى اجيب براهات تيرى لاك منين

تَنْثُرُ الكَونَ عِطرَاً;9206566:


السلام عليكم ورحمة الله وبركاته

فضلاً لا لأمرا أخواتى..

استفسارات الديكور وتأثيث الشقة تكون فى مكانها المناسب


http://www.forums.3roos.com/showthread.php?t=424628

ve*هيما&موني*lo;9207418:
أحسن نوع مراتب اية؟؟؟ تاكى ولا هابيتات ولا يانسن ولا فور بد ؟؟؟




ممكن حد يفهمني يعني اية الحاجات دي بليززززززز

bosycat2008_562;9207455:
ازيكم يا بنات مبروك عليكم الجزء الجديد انا طبعا اول مره اشوف الموضوع ده وحابه انى اشارك معاكم
ياريت تبقوا تعدلوا اللسته بتاعتكم وتحطونى فيها يحسن اعيط واموت نفسى من العياط :cry::cry::cry::cry: فرحى يوم 26 / 06 / 2009


بوصوا بقى يا بنات انا مشكلتى كلها بتنحصر فى فستان الفرح ومش عارفه انزل فين والأماكن اللى روحتها مش عاجبنى حاجه حتى فكرت فى التفصيل وتأجيره اول لبسه بس مش عارفه حد يكون كويس وشغله نظيف
انا نزلت فى الهرم وعباس العقاد بس مش كلها وروحت المطريه لسه هنزل روكسى وميدان الجامع واكمل عباس العقاد
يابنات ارجوكم ردوا عليا اعمل ايه الوقت عمال بيسرقنى . :sm215::sm215:

miobello;9207497:
ممكن يا جماعه عنوان فندق الشانزلزيه اللى كتكوت قالت عليه ضروووووووووووووورى جدا اصلى واقعه فى مشكله وكده ممكن الفرح يتأجل والتفاصيل ولو اى مكان كويس تانى وادعولى والنبى يا بنات

ve*هيما&موني*lo;9207418:
أحسن نوع مراتب اية؟؟؟ تاكى ولا هابيتات ولا يانسن ولا فور بد ؟؟؟




ممكن حد يفهمني يعني اية الحاجات دي بليززززززز

maiada;9205464:
الله يكرمكوا على المجهود الحلو ده بجد
معلش ده اول جزء اقرأه من اوله لأخره ... فأكيد هسأل اسأله اتسألت قبل كده فياريت تفيدونى بالله عليكوا

موضوع الأجهزه الكهربائيه ايه افضل الأنواع؟؟
انا حابه اجيب نوع للكل يعنى مثلا يكون LG او White wheel ايه رأيكوا فى النوعين دول وايه اللى افضل؟للتلاجه والبوتجاز والغساله؟؟

اجيب توستر احسن وللا ميكرو ويف ؟؟ الكل بيقولى التوستر افيد وان الميكرويف ده خطر واى؟؟

موضوع الكيراتين..شعرى الحمد لله ناعم بس بدأ ينشف شويه وبأى بيهيش الكيراتين يكون حلو له؟؟؟

افضل محلات فى دمياط للذوق ال light style يعنى ولا كلاسيك اوى ولا مودرن حاجات كلاسيك بس سمبل اوى فين الاءى؟؟؟؟
حاجات زى American furniture ؟؟
American furniture غالى اوى وللا ممكن الاءى فى حاجات معقوله؟؟؟

معلش اسألتى كتيره :o اتمنى تفيدونى...
وجزاكم الله كل خير

polaris;9205687:
انا سمعت ان زانوسى الجديدة بقت بتوكيل اولمبك جروب والعبد اخد توكيل وايت بويت
ومش عارفة اوليمبك دي حلوة ولا لاءة

miss_w;9201108:
السلام عليكم
ازيكم يا بنات
كنت عايزة اسألكوا عن الاجهزة
حد سمع عن التخفيضات والعروض اللي في هايبر ماركت ؟؟
اصل سمعت انهم كانوا منزلين عروض بس انا عايزة اتأكد
وكمان عايزة اعرف اجيب الاجهزة نوعها ايه ؟؟
انا إن شاء الله هجيب التلاجة توشيبا والبوتاجاز تكنو جاز
بس الغسالة لسه محتارة بس عايزة شركة كويسة مش بس تكون الغسالة كويسة كمان بتوع الصيانة لآن احيانا بتبقى ماركة كويسة بس الصيانه يطلعوا عينك عشان يجوا يصلحوا الغسالة
والسخان الغاز اي نوع احسن ؟؟
معلش دوشتكوا

emyy_ae;9201218:
قولولي يابنات يعني اشتري تلفزيون توشيبا
خطيبي بيقولي لا lGاحسن بس هوا باصص للشكل انا عايزة حاجة تعيش ويكون ليها قطعبتهيقلي توشيبا ولا ايةةةةةةةةةة؟؟؟؟؟؟؟؟؟؟

manyaa;9201268:
الاتنين حلوين .. خطيبي برضه كان بيقولي ان lg احسن..
بنات انا ان شاءالله حسافر بعد الجواز علطول و حقفل شقتي و مش حجيلها غير شهر واحد في السنة و مش عارفة بفكر أعمل الستاير حاجة خفيفة ماتكونش براقع و تقيلة كدا عشان كدا كدا حتتبهدل برده فايه رأيكم ..أعملها براقع تقيلة عادي و للا في حلول تانية عملية.. و لو فيه صور يا ريت..و يا ترى ااعملها نوع القماش ايه؟انا ما عنديش خبرة في الموضوع ده خااالص و بجهز تقريبا لوحدي عشان خطيبي و اهلي مسافرين.

jessy2009;9201742:
مبروك علينا الجزء ال 126 ويارب يكون بدايه خير على كل البنات

الجزء اللي فات كنت نزلت موضوع عن مدام داليا متخصصه في ليله الحنه وقدرت الحمد لله اجيب رقم ليها :wink: بس طبعا مجربتش اكلمها لاني خارج مصر فا لو حد يقدر يتصل بيها ويقولنا هي بتاخد كام وبتعمل ايه بالظبط هتفيدنا اوي اوي اللي عايزه الرقم تبعلتي على الخاص


-----------------------------------------------------------------------

دي كانت اسالتي في الجزء اللي فات وكوبايه مايه ربنا يكرمها رديت عليا بس فين بقيت البنات اللي اجوزوا ياريت تفيدونا بخبرتكم

نداء بقا لكوبايه ميه وكريزي اناناس ومشمش روميو و اجمل ايام العمر ودودي كات وكل البنات اللي اجوزوا خلاص

1- ممكن حد يفهمني ويقولي انتم مقسمين وقتكم ازاي من ترتيب للبيت والاكل والاهتمام بالشعر والجسم وكده وخصوصا للي بتشتغل؟




2- حاجه كمان انا شايفه ان اغلب البنات بتقول السويت صعب اوي في المنقطه الحساسه طيب اللي استخدمت الموس او الكريم هل حصل اي تعليق من الزوج على الموضوع ده؟؟ وهل تنصحوا ان اول يوم يتعمل سويت وبعدين نكمل بالموس بعد كده ( مع اني مش بايد الفكره دي خالص عشان هيبقى صعب نتقبل الشكل والملمس بعد ما نكون جربنا بالسويت ولا ايه؟)
بالله عليكم حد يرد عشان لو مفيش مفر من السويت ابدا اجرب من دلوقتي ( مع اني عارفه اني هفشلللللل )


3- اللي شعرها جاف وبيهيش بسرعه هتعمل فيه ايه ومحدش يقولي فرد عشان هيبهدل الشعر
وهل استخدام البيبي ليس سهل اوي للدرجه دي؟؟ يعني سهل كده الوحده تاخد دش وتطلع في نص ساعه او اقل تفرد شعرها لنفسها؟ انا مش بكلم عن ان البيبي ليس بتعمل الشعر كويس ولا لا انا بكلم على ان الوحده تقعد تعمل لنفسها خصوصا في اول اسبوعين من الجواز

بالله عليكم حد يوضحلنا الامور دي



---------------------------------------------------------------------------------------------------

هكرر تاني للبنات اللي مسافره اسالوا شركه الطيران في اللي مسموح بالنسبى للوزن والحاجه السائله والاكل لان غالبا ممنوع الاكل وممنوع حاجه سائله اكتر من 100 مل الازازه في الهاند باج
ومتفكروش انكم ممكن تدفعوا ويمشولكم الامور لا دي ممكن تتاخد منكم وبهدله وبعدين انتم عرايس ومش حمل بهدله في المطارات
اه حاجه كمان مش عارفه تعرفوها ولا لا اي حاجه حاده مش مسموح بيها على الطياره يعني ممنوع في الهاند باج تاخدي مبرد مثلا او مقص

Princess_miro;9203617:

بنات كالعادة كل الاقتباسات اللى اخدتها علشان ارد عليها راحت :(

المهم قبل ما انسى

1- كلكم وحشتونى يارب تكونوا بخير

2- عايزة رقم مدام داليا بتاعة الحنة و اسعارها الله يخليكم على الخاص يا قمرات

3- danasm حاجاتك جميلة الله اكبر تتهنى بيها يارب
4- الانتساب للمجموعة معلشى معلشى معلشى علشان مصلحتكم والله لازم حد يرشح اى بنوتة عايزة تنتسب و انا اسفة مش هقدر اقبل حد معرفوش او مش مترشح و مش تزعلوااااا:o

مشاركات مخالفة لو سمحتم يا بنات المخالفات كتيرة الجزء ده و اللى فات من فضلككككم مش عايزين الجزء يتقفل احنا محتجاينه اوى



اه كمان يا بنات بليز عايزة رقم احمد انور و البنات اللى بتسأل عن شغله كان فى بنوتة معانا هنا بوكى شكرتلى فيه ادعولها الله يكرمها و يسعدها يارب

crazy ananas;9203871:

اعتقد موضوع عمل الوش بالفتله ده بيختلف حسب كل بشره
وعموما اانا مش بحب اعمل وشى غير مره كل شهرين تلاته عشان البشره متتعبش
وربنا معانا بئا

ghadghoda;9203897:

اهلا بيكى يا نونا معانا منورة بس لازم يبقى المشاركة فيها يا سؤال يا رد

بنات بلييييييييييييييز احسن نوع استانلس ايه وبكام وكام قطعة ؟؟؟؟؟؟؟؟؟؟؟

CuTie KaTkOoTa;9204598:
يا بنات انا النهاردة حجزت في فندق الشانزليزي خلاص الحمدلله الباكيدج التانية اللي هي ب 4666 وحاولنا ننزل شوية في السعر قال مش هاينفع بس حطلنا 20 فرد زيادة فري من عندهم فوق العدد الأساسي اللي هو 100، ورحت كوافير ام اس اللي هو مجدي سيد وطلعنا نشوف الباكيدجات وكده المهم فقلنا طيب هنفكر ونشوف ونبقي نيجي ومحجزناش ولقينا الفلوس هاتبقي كتيرة علينا، لأني عايزاها تيجيلي البيت ودي فيها 300 جنيه زيادة، المهم خرجنا بره وكنا خلاص رايحين نركب العربية لقينا نوارة كانت مروحة ونادتلنا وهي اصلا مكنتش سمعت الحوار بس لقتنا شكلنا حزين ومشينا عالطول، فقعدت تتكلم معانا كتير المهم دخلنا تاني معاها ودخلت للمدير ونزلوا 300 جنيه، يعني الاول الباكيدج كان ب 750 + 300 عشان البيت يبقي 1050 هي بقي خلته 750 بس، ومفروض اروح اليوم اللي قبلها اعملي وشي ومانيكير وباديكير، وتاني يوم بقي في البيت للميكاب والطرحة.
وكلمت البنت بتاعة السويت وحجزت معاها بردو اليوم اللي قبل الفرح بردو بس قلتلها سويت بس، وطلبت الست بتاعة الكيراتين بردو وقالتلي اعملي الصبغة قبل الفرح ب 10 ايام مثلا وتعاليلي بعدها تاني يوم عالطول.
رحنا بردو الاول اتفرجنا علي فندق في مصر الجديدة قرب نادي الشمس اسمه هيليو كايرو واتصدمنا ومعجبناش خالص ومشينا عالطول علي الشانزلزيه وتم الحمدلله.

moon_eyes;9207881:
بنات حد عندة اى فكرة عن طيران ناس او سمااا

انا خايفة منة قوووووى مش عارفة لية

فى حد جربة او سافر علية قبل كدة وياترى اسعار التذاكر بتبقى فى رنج كام؟
وبعدين هما لية اسعار تذاكرهم اقل من الخطوط التانية قققوى كدة ؟ مش حاجة تقلق دية ؟ ياريت الى عندها اى معلومة مش تبخل عليا بيها

CuTie KaTkOoTa;9204598:
يا بنات انا النهاردة حجزت في فندق الشانزليزي خلاص الحمدلله الباكيدج التانية اللي هي ب 4666 وحاولنا ننزل شوية في السعر قال مش هاينفع بس حطلنا 20 فرد زيادة فري من عندهم فوق العدد الأساسي اللي هو 100، ورحت كوافير ام اس اللي هو مجدي سيد وطلعنا نشوف الباكيدجات وكده المهم فقلنا طيب هنفكر ونشوف ونبقي نيجي ومحجزناش ولقينا الفلوس هاتبقي كتيرة علينا، لأني عايزاها تيجيلي البيت ودي فيها 300 جنيه زيادة، المهم خرجنا بره وكنا خلاص رايحين نركب العربية لقينا نوارة كانت مروحة ونادتلنا وهي اصلا مكنتش سمعت الحوار بس لقتنا شكلنا حزين ومشينا عالطول، فقعدت تتكلم معانا كتير المهم دخلنا تاني معاها ودخلت للمدير ونزلوا 300 جنيه، يعني الاول الباكيدج كان ب 750 + 300 عشان البيت يبقي 1050 هي بقي خلته 750 بس، ومفروض اروح اليوم اللي قبلها اعملي وشي ومانيكير وباديكير، وتاني يوم بقي في البيت للميكاب والطرحة.
وكلمت البنت بتاعة السويت وحجزت معاها بردو اليوم اللي قبل الفرح بردو بس قلتلها سويت بس، وطلبت الست بتاعة الكيراتين بردو وقالتلي اعملي الصبغة قبل الفرح ب 10 ايام مثلا وتعاليلي بعدها تاني يوم عالطول.
رحنا بردو الاول اتفرجنا علي فندق في مصر الجديدة قرب نادي الشمس اسمه هيليو كايرو واتصدمنا ومعجبناش خالص ومشينا عالطول علي الشانزلزيه وتم الحمدلله.

هنودة هنانيدو;9202924:
بنات الاسكندرية .... فيه محل بيعمل شموع جميلة اوى وكمان بيعمل شموع عمولة يعنى بتختارى الشكل اللى انتى عايزة وبرايحة اللى تحبيها والحجم وهو بيعملهالك وعنده حاجات جاهزة اسعاره حلوة وطبعا مختلفة من حاجة لحاجة بس رينج اسعاره متوسطة
مكانه بقى فى المنشية عارفين النساجون الشرقيون اللى هناك اللى فى اول صلاح سالم المبنى الكبير ده المحل بتاع الشموع فى ظهرة وهو المحل الوحيد اللى هناك بتاع شموع وجنبه محل بتاع خيوط وكنافاة

moon_eyes;9207889:
البنوتة الى كانت بتسال هل سهل نعمل با لبيبى ليس ولا لاء

ان حقول لكم تجربتى من كام يوم كدة

اخدت اشور بتاعى عادى جدا وطلعت عملت بيها

بجد تحفةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةة

اكتى لسة جاية من عند الكوافيرررررر

moon_eyes;9207881:
بنات حد عندة اى فكرة عن طيران ناس او سمااا

انا خايفة منة قوووووى مش عارفة لية

فى حد جربة او سافر علية قبل كدة وياترى اسعار التذاكر بتبقى فى رنج كام؟
وبعدين هما لية اسعار تذاكرهم اقل من الخطوط التانية قققوى كدة ؟ مش حاجة تقلق دية ؟ ياريت الى عندها اى معلومة مش تبخل عليا بيها

miramiro;9205003:

كتكوت
حبيبتى عامله ايه
مبررررروك عليكى الهدوم ماشاء الله جميله تتهنى بها يارب
والف مبروك على اوضه النوم جميله اوى ماشاءالله وعقبال ما الستاير تخلص كمان و تبقى جميله و مستنين الصور
ومبروك يا حبيبه قلبى على حجز القاعه الحمد لله ربنا يججعلها ليله جميله يارب وتبقى زى القمر :1_81:

marmarena;9205046:
فييين الكوافره دي يا كتكوته ؟؟؟؟؟ومتعرفيش هو نوعو ايه يعني برازيلي ولا لبناني؟

doddy;9205190:

عايزة أعرف ضرورى الكاتالوج كان بيتباع بكام؟؟؟ واحدة صاحبتى اشترتهولى ومش هترضى تقولى على السعر فعايزة أعرف بسرعة عشان اديها فلوساتهااااااااا :)
بصي انا دخلت بدعاوي فمسألتش بس غالبا كان ب 60 والله اعلم.

[QUOTE=marmarena;9205217]اللللللللللللللللللللف مبرووووووك يا عسسسسسسسسسسسسسسل:D:D:D(f)(f)(f)
قليلي انت شعرك انوعو ايه للكرياتين وهتعملوهولك بكام وهو لازم بعد الصبغه يعني وبأد ايه

polaris;9205680:
ممكن اعرف الست بتاعت السويت مكانها اية و سعرها كام ؟
وايه حكايه الكيراتين كمان ؟

dandona we bas;9205989:

طيب يعني الواحد يعمل الصبغة قبل الكيراتين صح اللي انا فهمته ده

miramiro;9206101:

كتكوت حبيبتى
ما بلاش يا كتكوته حكايه الكراتين دى لاحسن فى ناس بتقول انها بتوقع الشعر بعد كده ما تحاولى تعملى حمامات كريم و زيت الاول و تجربى جايز توصلى لنتيجه المطلوبه و بلاش الفرد ده فى ناس كتير بتحذر منه والله اعلم

.* اميرة *.;9206284:

مش عارفة انا بجد محبيتهاش للاسف متهيالى لو دورتى هاتلاقى حاجات احلى من كدة ان شاء الله(f)


عندك صور حبيبتى للفندق؟ وممكن اجيب بوفيه من برة؟

يارب أبقى عروسة;9206561:
الف الف مبروك ياجميل ربنا يامم بخير يارب تعرفى ان القاعة دى كان فيها فرح بابا وماما من 24 سنة وكانت كل القاعات دى قااعة واحدة ربنا يباركلك يارب

عروس مع وقف التنفيذ;9206617:

كتكوتة ممكن اعرف هتعملي الكيراتين بكام وشعرك طوله اد اية؟؟؟