تجهيزات عرايس مصر الجزء126 يارب كلنا نتجوز ياااااااااارب

besannnn;9204692:
احسن نوع مراتب اية
يانسن ولا هايبتات ولا تاكى ؟

انا ليا نفس السؤال المراتب السوست افضل نوع يانسن ولا تاكى؟؟

jessy2009;9204717:
الف مبروك يا كتكوته
معلش لو مفيهاش تطفل هو انتي شعرك ناعم وبيهيش ولا خشن؟ هو الكيراتين ينفع مع اي نوع شعر حتى لو ناعم ؟

الله يبارك فيكي يا جميلة، لا مفهاش تطفل ولا حاجة يا بنتي سؤالك عادي جدا.
بصي انا شعري فتلته ناعمة بس في تموجات كتيرة شوية وبيهيش بردو لو سبته فترة من غير ما اربطه وخفيف من قدام، وهو ينفع عادي بس الأفضل للشعور المجعدة او الخشنة بيبان فيها اكتر وبينفع معاها اكتر ده علي كلام الست وكلام ناس كتير في المنتديات وكلام بردو متخصصين لما عملت سيرش، فاللي شعرها ناعم خالص بتهيألي ملهاش لزوم تعمله عالفاضي.

السلام عليكم ورحمه الله وبركاته

مبروك الجزء الجديد يا حلوين ويارب نتجوز كلنا ان شاء الله يارب يارب يارب

hebahoba;9200621:
هوا 6 او 5 جنيه دى سعر التفصل و التركيب؟ ولا التركيب بس؟
و سعر متر القماش القطيفه الساده تقريبا فى حدود كام؟

سعر التفصيل يا جميله وساعه التركيب معرفش بيطلب فلوس ولا لا بس بتبقا كانها حق الشاى مثلا والله اعلم
بس الى اعرفه انها سعر التفصيل بس

hebahoba;9200710:

هيا الوكاله كل محلات اقمشه الستاير عندهم حد بيفصل و بيركب؟
و هل بيكونو عارضين شغلهم؟ و انا اختار؟
و ال 5 جنيه للقماش الخفيف بتكون سعر التركيب بس ولا التفصيل و التركيب؟
و قماش القطيفه للستاير المتر بيقف بكام تقريبا؟

ايوة يا جميله المحلات كتير وكلها عارضه شغل ليها ما شاء الله روحى واتفرجى

miobello;9203845:
طيب ممكن اعرف اروح للاتنين دول ازاى لو انا جايه من المترو انزل محطه ايه
مع العلم انى جايه من اتجاه المرج وانهى واحده احسن كمان لو فى ستديو كادو قريب منهم

هتيجى من اتجاه المرج يبقا تنزلى من المترو وتعدى الناحيه التانيه وتمشى مع صور القصر محطه كوبرى القبه وممكن اخدى تاكسى وممكن تمشيها كوافير هند لما تلفى مع صور القصر ناحيه البيوت هتلاقى الناحيه التانيه اول ما تلفى شارع رايح جاى دا فى نصه على يمينك هتلاقى كوافير هند
مس نورا بقا هتكملى مع صور القصر لحد ما تخلصى صور المخابرات الى هيكون على شمالك اول عمارة بعد الصور هتلاقى تحتها كوافير مس نورا وجمبه فرع الجمل للفساتين يا جميله ان شاء الله

CuTie KaTkOoTa;9204737:
الله يبارك فيكي يا جميلة، لا مفهاش تطفل ولا حاجة يا بنتي سؤالك عادي جدا.
بصي انا شعري فتلته ناعمة بس في تموجات كتيرة شوية وبيهيش بردو لو سبته فترة من غير ما اربطه وخفيف من قدام، وهو ينفع عادي بس الأفضل للشعور المجعدة او الخشنة بيبان فيها اكتر وبينفع معاها اكتر ده علي كلام الست وكلام ناس كتير في المنتديات وكلام بردو متخصصين لما عملت سيرش، فاللي شعرها ناعم خالص بتهيألي ملهاش لزوم تعمله عالفاضي.

الف مبروك عليكي الحجز يا عروسه وان شاء الله تبقي عروسه زي القمر
معلش سؤال
هو ايه فرق فرد الكيراتين عن الفرد العادي؟؟
وياترى بيبقى مدته اد ايه
اصل انا شعري عامل زي شعرك التمجات فيه كتير ولو سبته شيويه بيهيش

للبنوتات اللي كانو بيتكلمو عن شعر الوش انا عمري ماعملت وشي خالص بالفتلة لأن انا بشرتي حساسة وبتطلع حبوب زائد اني بخاف من الفتلة بتوجع اوي يوم كتب كتابي طبعا عملت الطرحة سبانش فعملت وشي بالواكس اللي هو الشمع وكان ب 25 جنيه وماخدش 5 دقايق والله والحمد لله ماعملش حبوب ولا اي حاجة ....

مساء الخير يا احلى عرايس بصوا بقى معلش انا لسه جديدة فهحاول ارد على قد ما افتكر
حبيبة مادو الفستان ما شاء الله جميل بس احسن البادى يكون روز او موف انا مش متاكدة من لون الصدر بتاع الفستان

اه افتكرت كان فيه بنوتة فى الجزء اللى فات بتسأل عن الحمام البلدى بتاع العروسة بصى انا رحت ساعة خطوبتى فى حمام مكانه ورا مركز التجارة العالمى اسمه حمام الاربع بس بجد نضيف جدا وحسيت انى مرتاحة واهم حاجه انك تاخدى حد معاكى ومفيش قلع لو لنتى مش عايزة تقلعى انتى بتقعدى بالبكينى

مى 55 لو ممكن رقم التليفون بتاع داليا بتاعة الحنة

.* اميرة *.;9201566:
مبروك يابنات على الجزء الجديد
انا رحت قاعة النيل فى وندر لاند لاقيتها صغنونة اوى يابنات اللى واقف هناك قالى ان دى القاعة الكبيرة بجد مش عارفة حاسة ان كبيرها اوى 100 فرد
كمان سالته ممكن اجيب البوفية من برة قالى اه بس هايخد رسوم على السرفسة
2جنية على الطبق و3 جنية على الطبقين
روكا ماشاء الله مطبخك عسول اوى تتهنى بيه يارب

بصى يا جميله فى نادى فى كوبرى القبه اسمه نادى الوفاء وقاعاته حلوة ما شاء الله واسعاره تقريبا بتبدأ من 4 لحد 7 حاجه كدا وهو مع صف صور مركز سوزان مبارك الاستكشافى للعلوم

danasam;9202423:
عاوزه رايكم بصراحه

دي صور السفره

http://forums.3roos.com/uploaded/280768_01239560122.jpg
http://forums.3roos.com/uploaded/280768_11239560122.jpg
http://forums.3roos.com/uploaded/280768_21239560122.jpg

ودي صور اوضة النوم
وعلى فكره هي طقم مع السفره

http://forums.3roos.com/uploaded/280768_31239560122.jpg
http://forums.3roos.com/uploaded/280768_41239560122.jpg
http://forums.3roos.com/uploaded/280768_51239560122.jpg
http://forums.3roos.com/uploaded/280768_61239560122.jpg

ما شاء الله تبارك الله تتهنى بيهم يارب
ذوقك جميل ما شاء الله وبجد مبسوطه لانى لقيت حد بيحب الاستيل زى نظام قصور بقا ما شاء الله وكدا ههههههههه
قوليلى بقا عنوان المحل ايه يا جميله ان شاء الله وهل كل المحلات هناك حلوة ولا لا ان شاء الله

nonastar;9202530:

الف الف مبروك على الجزء الجديد ويارب يكون فتحه خير علينا جميعا وان شاء الله هايبقى اول مشاركاتى معاكو ويارب تقبلونى كعضوه جديده معاكو وتتقبلو مشاركاتى

الله يبارك فيكى يا جميله نورتى بس مخالف متسبيش سؤال ليكى او رد على سؤال يا جميله

مشتاقة الى الجنة;9202826:
السلام عليكم ازيكم يابنات وايه اخبار التجهيز انا ان شاء الله خطوبتى قربت وهتبقى فى البيت قاعده عائلية كده علشان فيه ظروف هنلبس فيها الدبل والشبكة بعدين ان شاء الله بس انا كده هلبس حاجة سمبل مش فستان اعمل ايه واجيبها منين دلونى يابنات لانى محتارة

وعليكم السلام ورحمه الله وبركاته
بصى يا جميله ممكن تشترى طقم جيبه وبلوزة وخلى البلوزة ستان عشان تبقا بتلمع والجيبه فيه شغل حلو او فستان سمبل وفيه برده شغل بسيط وربنا يتمملك بخير ان شاء الله يا جميله

أحلى دنيا;9202856:
الف مبروك يا قطه....بصي...انا كنت جايبة قنطارين عشان اعمل مرتبة كبيرة لسرير 160ومخدتين وخداديتن..ومرتبتين لسريرين120ومخدتين وخداديتين...القنطار كان ب800او 700مش فاكرةاوي..كان من شهرين تقريبا..جايبينه من المحلج عشان يبقى نضيف...لان كل مابقى نضيف كل مابقى اغلى وهيكفي حاجتك ان شاء الله...القماش انا مش فاكرة اوي بردو بس المرتبة الكبيرة تاخد حوالي 8 متر قماش ابيض...وبعدين عليه كسوة شيك...مش فاكرة اوي هاسال ماما وابقى اقولك.. بنات انا بيتهيالي شوفت اسم غدغوده في الليسته في الجزء اللي فات...هي اتخطبت؟؟؟يارب يكون فال حلو ياغدغودة

ممكن يا جميله اعرف فين المحلج دا ان شاء الله

razminia;9203411:
هاى يابنانيت اولا الف مبروك على الجزء الجديد وثانيا الف مبروك لكل البنات اللى فرحهم الشهر دة
ثالثا بقى والاهم باركولى وزغرطولى بعد تعب ومشقة ورحلة كفاح فى كل محلات القاهرة بتاعة الموبيليا نزلت جبتى العفش من دمياط ياجماعة بجد اللى عايز حاجة سعرها حلو وخشبها حلو ينزل على دمياط عدل واللة يابنات كنت شايفة اوضة مدهبة فى معرض فى الزيتون كان كلام الراجل فى الاول 18 الف وفين نزلنا 500 جنية وقفنا معاة ساعة ومكنش عايز ينزلها عن المبلغ دة فى دمياط اوضة شكلها بالظبط وفيها شفونيرة والشماعة بتاعتها والحجات محطوط عليها رخام الراجل كان بيقول على 14 الف نزلناها ل 10 تخيلوا وفية حجات بنيات ب 5 وب7 وب11 وتنزلوا على قد ماتقدروا ان شاء اللة بكرة هحاول انزلكوا الصور انا جبت من هناك اوضة النوم والانترية والصالون جبت النوم ب 10 والصالون ب 5 والانترية ب 5 برضة بكرة هكتبلكوا عن الرحلة من اولها لاخرها والصور واسماء المحلات اللى اشتريت من عندها عشان الكل يستفيد ويطمن اصلى كنت نازلة قلقانة انى ملقيش حاجة على ذوقى بس الحمد للة لقيت هناك اللى انا عايزاة يارب يطمنكوا جميعا زى ماانا اطمنت.....:):)(f)(f)

مبروك عليكى يا جميله وتتهنى بيهم يارب وربنا يتمملك بخير ان شاء الله
ممكن عنوان المحل

polaris;9203569:
بصوا بقي يا جماعة انا مش بلحق اقرا كل الردود انتوا بتكتبوا كتير قوي فواحدة واحدة عليّ .... انا فرحي يوم 28|5 ولسه معملتش حاجة خالص فبليييييييييييييز ادعولي
اول حاجة عايزة جدول كامل للعناية بالبشرة "الوجة والجسم"ويا ريت الرد بسرعة علشان انا خايفة افتح المنتدي بكرة الاقي الجزء 127ابتدي

مبروك يا جميله فرحك يوم فرحى ان شاء الله

miobello;9203979:

صوت العيون انا سألتك فى اخر الجزء اللى فات على عناوين الكوافيرات اللى فى كوبرى القبه دول انزل محطه ايه لو انا جايه من اتجاه المرج امشى ازاى العنوان بالضبط يعنى وربنا يكرمك

كتب الرد يا جميله فى الجزء دا

ghodghod;9204068:
ana esmyyyyyyyyyyyyyyyyyyyyy etshal mn elistaaaaaaaaaaaaaaaaaaaaaaaaa leh ba2aaaa da kedaaaa fal we7sh awiiiiiiiiiiiiiiiiiiiiii bgd
ana 7/8 unsha2 allah

ان شاء الله تبقا احلى ليله وتبقى احلى عروسه يا جميله وربنا يتمملك بخير ان شاء الله مش تزعلى

CuTie KaTkOoTa;9204598:
يا بنات انا النهاردة حجزت في فندق الشانزليزي خلاص الحمدلله الباكيدج التانية اللي هي ب 4666 وحاولنا ننزل شوية في السعر قال مش هاينفع بس حطلنا 20 فرد زيادة فري من عندهم فوق العدد الأساسي اللي هو 100، ورحت كوافير ام اس اللي هو مجدي سيد وطلعنا نشوف الباكيدجات وكده المهم فقلنا طيب هنفكر ونشوف ونبقي نيجي ومحجزناش ولقينا الفلوس هاتبقي كتيرة علينا، لأني عايزاها تيجيلي البيت ودي فيها 300 جنيه زيادة، المهم خرجنا بره وكنا خلاص رايحين نركب العربية لقينا نوارة كانت مروحة ونادتلنا وهي اصلا مكنتش سمعت الحوار بس لقتنا شكلنا حزين ومشينا عالطول، فقعدت تتكلم معانا كتير المهم دخلنا تاني معاها ودخلت للمدير ونزلوا 300 جنيه، يعني الاول الباكيدج كان ب 750 + 300 عشان البيت يبقي 1050 هي بقي خلته 750 بس، ومفروض اروح اليوم اللي قبلها اعملي وشي ومانيكير وباديكير، وتاني يوم بقي في البيت للميكاب والطرحة.
وكلمت البنت بتاعة السويت وحجزت معاها بردو اليوم اللي قبل الفرح بردو بس قلتلها سويت بس، وطلبت الست بتاعة الكيراتين بردو وقالتلي اعملي الصبغة قبل الفرح ب 10 ايام مثلا وتعاليلي بعدها تاني يوم عالطول.
رحنا بردو الاول اتفرجنا علي فندق في مصر الجديدة قرب نادي الشمس اسمه هيليو كايرو واتصدمنا ومعجبناش خالص ومشينا عالطول علي الشانزلزيه وتم الحمدلله.

ربنا يتمملك بخير ان شاء الله يا جميله

السلام عليكم ورحمه الله وبركاته


ممكن يا بنات تقولولى القطن بيتباع فين بالظبط وهل بيبقا فى فصال فى سعره ان شاء الله


شوفوا دوا ان شاء الله يفيدكوا

http://forums.3roos.com/showthread.php?t=447105

miss_w;9204600:
شكرا يا قمر


طيب مش زانوسي العبد برده تنفع ؟؟

هي مش بضمان العبد دلوقتي خليكي في العبد اضمن لانه بقاله 30 سنه في المجال ده

nonastar;9204650:

بصى يا مشمش احنا فى المعرض عجبنا سيراميك الارضيه هو كان موديل 2009 وكان اسمه سيراميك الرخام الطبيعى لانه يشبه الرخام وكان فيه 4 درجات منه وكان ب31 طبعا ده علشان السيل اللى نازل لكن طبعا بعد كده هايغلى واحنا رحنا نشترى الراجل قال انتو بتحجزوا الخصم بس وبعضين بتروحو اى فرع وتختارو اللى انتو عايزينه وتاخده الخصم على اى حاجه انا رحت الفرع اللى فى روكسى فوق رويال هوس ودفعنا باقى الفلوس وهناك عجبنى سيراميك الحمام واشتريته برده بس انصحك ابعدى هناك عن اطقم الحمام لانها غاليه مووووت يعنى انا جبت سيراميك الحمام كله ب1500 جنيه الوزره بس ب680 جنيه وطقم الحمام اللى عاجبنى كان 1900 جنيه طبعا غالى مووت يعنى انا اجيب سيراميك الحمام كامل بالارضيات ب1500 جنيه واجيب الحوض والاعده بس ب1900 فقلت بلها واجيب من بره احسن ممكن يقف ب600 او 700 فى الرينج ده بسوفى هناك سيراميك مطابخ تحفه بس غاليه شويه وفى اى فرع هاتروحيه هتلاقى حجات تهبل

مبروك عليكي حاجتكك تتهني بيها يارب بس ممكن اعرف طقم الحمام هتجبيه منين بالسعر ال بتقولي عليه لان انا سالت في كيلوباترا وفعلا الاسعار نااار ؟؟ وممكن لو نزلتي تبصلي على لون اوف وايت اوبيج لطقم الحمام

runnoya;9204897:
مساء الخير يا احلى عرايس بصوا بقى معلش انا لسه جديدة فهحاول ارد على قد ما افتكر
حبيبة مادو الفستان ما شاء الله جميل بس احسن البادى يكون روز او موف انا مش متاكدة من لون الصدر بتاع الفستان

اه افتكرت كان فيه بنوتة فى الجزء اللى فات بتسأل عن الحمام البلدى بتاع العروسة بصى انا رحت ساعة خطوبتى فى حمام مكانه ورا مركز التجارة العالمى اسمه حمام الاربع بس بجد نضيف جدا وحسيت انى مرتاحة واهم حاجه انك تاخدى حد معاكى ومفيش قلع لو لنتى مش عايزة تقلعى انتى بتقعدى بالبكينى

ممكن اعرف المكان فين بالضبط وخدت منك اد ايه؟؟؟

بنات انا نسيت اقولكم حاجه مهمة بالنسبة لليلة الحنة اننا ممكن نعمل ليلة حنة كويسة وبتكاليف اقل
بصوا بقى انا فى فرح اخت صاحبتى قلنا احنا هنعمل كل حاجة لوحدنا فاتقفنا اننا نعمل فقرات فجيبنا اول حاجة جلابية زى بتاعة نانسى عجرم وحضرنا طبق بلاستك وحبل صغنتوت ومشابك وشغلنا الاغنية والعروسة عملت شو حلو وبعدها اشترينا توب نوبى وشغلنا اغانى نوبية ورقصنا كلنا عليها والعروسة فى الوسط
وبعدين جبنا عباية مطرزة خليجى وعملنا رقصة بالمباخر كده جوالين العروسة وكل بنت مسكت عود بخور وكانت حلوة قوى
وكمان لفينا التوب النوبى ده لفة هندى وعملنا الاكسسوارات على الراس زى الهنود وشغلنا اغانى هندى واديناها
اه كمان لبسنا العروسة فستان قصير وجبنا طرحة كبيرة وطرزناها زى الملاية اللف وشغلنا اغانى اسكندراني وعملنا حركات
ودى كانت افكار بسيطة بس ومش مكلفة بس جامدة موت
وربنا بتمم لكل العرايس بخير

السلام عليكم

ازيكم يا بنات

مبروك علينا الجزء الجديد:BOUNCE8:

حبيه مادو
حبيبتى ازيك وحشاااانى اوووى
ازيك وازاى نفسيتك دلوقتى يارب تكونى بخير

و الحمد لله ان حلمك اتحقق و فتحتى الموضوع الجديد:sm240:
و ما شاء الله طقم اركوبيركس بتاعك رقيق اوى انا بحب اللون ده جدااا مبروك عليكى يا حبيبتى

وبالنسبه لفستان كتب الكتاب هو حلو و جميل بس هاتى له بدى فوشيا او روز احسن لان البنى ممكن يقفله شويه والراى الاخير لك طبعا يا جميل :wink:

كتكوت
حبيبتى عامله ايه
مبررررروك عليكى الهدوم ماشاء الله جميله تتهنى بها يارب
والف مبروك على اوضه النوم جميله اوى ماشاءالله وعقبال ما الستاير تخلص كمان و تبقى جميله و مستنين الصور
ومبروك يا حبيبه قلبى على حجز القاعه الحمد لله ربنا يججعلها ليله جميله يارب وتبقى زى القمر :1_81:

روباز
يارب تكونى خفيتى من البرد والف مبروك ليكى
ادعولها يابنات تبقى ليله حلوه و تبقى قمر وعقبالنا كلنا يااااااااااااااارب

ميكو
ميرسى يا حبيبتى على ردك و نمر التليفون جزاكى الله خيرااااا

ماشيمارو
ازيك يا عروستنا
متقلقيش دى اكيد حاله عرضيه بس بسبب التوتر والقلق النفسى اللى انتى فيه بس و اكيد موضوع الشقه و الحمام ضايقك فنمتى زعلانه
وبعدين انتى اتكلمتى انجليزى عارفه لو اتكلمتى عربى كنا نقلق:wink: هههههههههههههه
وبعدين انتى مش بتتكلمى انجليزى ازاى مش انتى مسافره اميركا باين؟ ولاانا غلطانه والتهيات بدأت عندى قبل الفرح و لا ايه :ss:

Razminia
مبررررررررروك على العفش يا حبيبتى تتهنى به يارب
ومستنين بكره تقرير شامل و مفصل عن دمياط
جبتى الحاجه منين ؟ و الاسعار؟ واسماء المحلات بالعناوين ؟ و كان معاكى نجار
شفتى اسئله بسيطه خالص :21_186:

روكا
مبروك عليكى المطبخ ماشاء الله جميل انا بحب اللون الاحمر فى المطبخ اوى تتهنى به يارب

danasam
مبروك على العفش يا جميله ماشاء الله جميل تتهنى به
ياترى كان معاكى نجار و لا ايه؟

emyy_ae
لووووووووووووووووووووووووى و الف مبروووك هزغلطلك كتير معلش مش معايا نقطه مفلسه الايام دى :21_186:

miobello
ايمى الكاشف البنات بيقولوا ان شغلها كويس و هى جنب كادو فى العماره اللى جنبه فى ميدان الاسماعيليه و هى بتعمل ميك اب و طرحه بس ب 600 و انتى بتقولى فرحك فى شهر 7 احجزى من دلوقتى عادى لانها هتوزد الاسعار من اول 5

بنات انا برده عايزه اعرف ايه احسن انواع فى المراتب لو سمحتم

بنت الزمن ده

انتى لاقيتى صوره المكتبه و لا لسه؟؟؟
انا عندى صوره مكتبه فى مربعات زى ما بتقولى بس مش عارفه هى دى اللى انتى عيزاها و لا لا ؟ هى خشب و فيها مربعات كده و محطوط فيها التلفزيون تحتها درجين مقفولين و جمبها شجره خضراء هى دى؟؟؟؟؟؟؟ لو هى قولى لى احاول ابتها لكى لانها جيت ارفع الصوره قالى لا تملكى الصلاحيه للدخول مش عارفه ليه بس قوليلى لو هى احاول اتصرف وابعتهالك يا جميل

صوت العيون
ازيك يا حبيبتى عامله ايه؟؟
ميرسى على ردك و جزاكى الله خيرا على المواضيع الجميله اللى بتكتبيها دايما

يا بنات هى فين دودى كات حد يعرف عنها حاجه اختفت فجاه ومش بقت تتدخل زى الاول يارب تكون بخير اللى يعرف عنها حاجه يا بنات يطمنى عليها بجد
و سالى
انتى فين مش بتتدخلى ليه لعل المانع خير

و جارفيلد
انتى فين مش بتتدخلى برده

كوبايه مايه
مش بتدخل بقالها يومين يارب كلكم تبقوا بخير

علشان المخالفه
ايه رايكم يا بنات فى مراتب يانسن؟

حبيبي نونو;9204868:
للبنوتات اللي كانو بيتكلمو عن شعر الوش انا عمري ماعملت وشي خالص بالفتلة لأن انا بشرتي حساسة وبتطلع حبوب زائد اني بخاف من الفتلة بتوجع اوي يوم كتب كتابي طبعا عملت الطرحة سبانش فعملت وشي بالواكس اللي هو الشمع وكان ب 25 جنيه وماخدش 5 دقايق والله والحمد لله ماعملش حبوب ولا اي حاجة ....

طيب هوالواكس لوشك كلو وفعلا معملش حبوب؟ وهل بيوجع ولاايه يا نونو اصل انا الفتله بتعملي حبوب كتيرجداا وعلى ما تهدي يكون الشعر ابتدى يطلع تاني:( قليلي الشعر طلع ناعم ولا ايه؟؟؟؟

كان فى بنت اسمها نور الرحمن لو انا مش غلطانه بتسأل عن هير ستايل فى المنصوره

انا روحت سألت لكى النهارده و قالتلى زفاف محجبه ب 450 و انتى اللى بتجيبى الحاجات بتاعتك
يارب اكون افادتك

علشان المخالفه مستنيه ردكم فى موضوع المراتب وشكرا
بحبكم فى الله

CuTie KaTkOoTa;9204737:
الله يبارك فيكي يا جميلة، لا مفهاش تطفل ولا حاجة يا بنتي سؤالك عادي جدا.
بصي انا شعري فتلته ناعمة بس في تموجات كتيرة شوية وبيهيش بردو لو سبته فترة من غير ما اربطه وخفيف من قدام، وهو ينفع عادي بس الأفضل للشعور المجعدة او الخشنة بيبان فيها اكتر وبينفع معاها اكتر ده علي كلام الست وكلام ناس كتير في المنتديات وكلام بردو متخصصين لما عملت سيرش، فاللي شعرها ناعم خالص بتهيألي ملهاش لزوم تعمله عالفاضي.

فييين الكوافره دي يا كتكوته ؟؟؟؟؟ومتعرفيش هو نوعو ايه يعني برازيلي ولا لبناني؟

يا بنات ازاى اروح حمام التلات؟
و الوكاله؟
و الأزهر؟

marmarena;9205026:
طيب هوالواكس لوشك كلو وفعلا معملش حبوب؟ وهل بيوجع ولاايه يا نونو اصل انا الفتله بتعملي حبوب كتيرجداا وعلى ما تهدي يكون الشعر ابتدى يطلع تاني:( قليلي الشعر طلع ناعم ولا ايه؟؟؟؟

لا والله معملش حبوب خالص الحمد لله هو مش بيوجه زي الفتلة خاااااااااالص اخف بكتيييييير جدا ...الشعر طالع عادي انا بقالي شهر عملاه ومطلع قليل لسه ماطلعش كله بس صدقيني احسن من الفتلة بمراحل:wink:

انا اسلمت المرتبة انهادرة اخيرا جبتها يانسن هي من فوق ومن تحت طبقة قطن منفصلة عن المرتبة نفسها جميلة اوي وجبت معاها 4 مخدات يانسن وده كله ب1750

حبيبي نونو;9205117:
لا والله معملش حبوب خالص الحمد لله هو مش بيوجه زي الفتلة خاااااااااالص اخف بكتيييييير جدا ...الشعر طالع عادي انا بقالي شهر عملاه ومطلع قليل لسه ماطلعش كله بس صدقيني احسن من الفتلة بمراحل:wink:

حبيبتي خدي بالك الواكس ده بيشد البشره يعني مع مرور الوقت هيعمل تجاعيد يعني لو هتعملي الواكس ده اعمليه مره مثلا مرتين في المناسبات بس انما مش على طول الفتله بجد انسب حاجه ولو الشعر مش كتير بلاش تشيليه وشقريه لو بشرتك مش حساسه لكريم التقشير