عندي أسعار الولاده في المستشفيات الخاصة (البحرين)

مشكورة بطة على المجهود
بس ترا حتى السلمانية عندهم غرف ب 40 دينار واسعة و زينة اكبر حتى من التخصصي
و اذا بعد اكبر كأن ب 60 دينار و في قسم الخاص ب 100 دينار والله مو متأكدة اني اتكلم عن الليلة الوحدة
واني جربت بولادتي قبل في الحكومي غرفة خاصة صراحة دلعوني عدل

و هالمرة ان شاءالله بعد السلمانية بروح اللي ب 40 او 60 دينار بس عاد ان شاءالله في سرير في غرف الولاده خخخخخخخخخخخ

توها وحدة اعرفها ولدت في السلمانية غرفة خاصة ب 40 دينار الليلة و رقدت ليلتين و تقول انها ارتاحت و اني عجبتني الغرفة

بطة شوفي لنا اسعار السلمانية بالضبط

أسعار مستشفى الكندي

الولادة الطبيعية
ليلتين ب 450 للحجرة الخاصة
والسويت ب 950

الولادة القيصرية
900 للغرفة الخاصة
و 1750 للسويت

واللي تولدش دكتورة منى أبو طعم كأنه

ويصي انج تخلين دكتورتش اللي في أي مكان تابعين معاها تجي تولدش في هذا المستشفى بس الأسعار تختلف

وتحصلين 15% خصم لج ولمولودش لمدة سنه ومميزات ثانية بعد

مشكورة بطة على المجهود
بس ترا حتى السلمانية عندهم غرف ب 40 دينار واسعة و زينة اكبر حتى من التخصصي
و اذا بعد اكبر كأن ب 60 دينار و في قسم الخاص ب 100 دينار والله مو متأكدة اني اتكلم عن الليلة الوحدة
واني جربت بولادتي قبل في الحكومي غرفة خاصة صراحة دلعوني عدل

و هالمرة ان شاءالله بعد السلمانية بروح اللي ب 40 او 60 دينار بس عاد ان شاءالله في سرير في غرف الولاده خخخخخخخخخخخ

توها وحدة اعرفها ولدت في السلمانية غرفة خاصة ب 40 دينار الليلة و رقدت ليلتين و تقول انها ارتاحت و اني عجبتني الغرفة

بطة شوفي لنا اسعار السلمانية بالضبط

حبيبتي الغرف اللي بثمانين دينار هم نفسهم اللي بمئة
بس يطلبون مئة على اللي مو بحرينين
الأجانب

هذا اللي اعرفة

الي ب أربعين تصير بسبعين
واللي ب 15 تصير ب 30 أتوقع

بس هذا اللي مكتوب عند المكتب اللي تروحين تطلبين منه الغرف الخاصة

اذا كان الوضع عملية قيصرية
تقدرين تروحين تحجزين لأنه يعطونش الموعد من قبل
بس اذا الموضوع ولادة طبيعية ما تدرين متى الله يسهل ليش
فأني ما ابي اروح اتعب روحي ويا غرف الجمعي وفي النهاية اضايق روحي
انا يالله اتحمل ألم الولادة

اني قاعدة افكر في مستشفى ابن النفيس لأن قريب للسلمانية
ودي أولد بالسلمانية لأن غرفهم كبار و أسعارهم معقولة بس المشكلة انتين و حظش وية أسرة الولادة

اي هذي هي المشكلة

اني كأني قررت على أبن النفيس بعد

اهم شي دكتورتي وياي

بس اللي مو عاجبني في الغرف او السويت
ان الحمامات الله يعزش
كأنها حمام بيت
ما ادري حسيت ما ارتحت لهم
بس اذا اضطرني الوضع
ابن النفيس ولا السلمانية في الجمعي
ياربي كلما اتذكر شلون حالتي كنت
ولا احد مفتكر فيني

ساقطة وحاطيني في غرفة فيها وحده والده وياها البيبي مالها
مو حسد ولا غيرة بس نفسيتي تعبت

ويوم كان فيني نزيف الطوارئ كان مأساة
خاليني واقفة تصوري حتى بعد ما سووني ادمشن علشان اترقد
يعني لو في أمل يظل البيبي
غصبا عليش يطيح

وجايني دكتور من ذيلين اللي يتدربون يبي يسوي لي الترا سوند ومن تحت
جان اصرخ فيه
يعني اني مو في الطوارئ وحالة طارئة اللي دكتور يجي ويكشف عليي

بطه حبيبتي

نبي أسعار مستشفى الأمل اللي في بوري

واللي جربت الولادة هناك تخبرنا

ويلي بطة ذكرتيني
أكره شئ عندي غرفة وياي أحد ما آخذ راحتي
بحمل اللي قبل رقدوني يومين حق تحليل سكر ومافي غرف خاصة و خلوني وية باكستانية مدري بلوشية
وييييييييييع الحمام الله يعزكم مشترك وهي واااااااجد مو نظيفة (قلت بهالطريقة عشان لا تلوع جبدكم)


بطة حبيبتي سمعت في ابن النفيس كأن اذا انتين عندش فايل متابعة حمل يصير ليلتين 360 دينار
صح هالكلام؟
اذا جدي بروح بفتح عندهم ملف و بولد هناك

انا ما ادري عن السعر
بس كأنه في بكج للي عندهم فايلات وهم قالوا لي عن الاسعار
لأني كل مرة اروح اراجع ارز الفيس عند شئون المرضى

السلام عليكم

يعطيج العافية بطوطة

والباقي ماقصرتوا

بس يصير اعرف بجم الولادة بالعسكري وغرفة خاصة حق اللي زوجها عسكري؟؟

ارجوكم فيدوني رفيجتي جريب تولد الشهر الياي وزوجها مسافر بيرجع بعد اسبوعين وماتعرف تتصرف

افيدوني وفي ميان حسناتكم

الحنونة رجعي للصفحة الأولى
اني حطيت رقم العسكري
قوليلهم الموضوع بالضبط وان شاء الله يفيدونش

"الحنونة";9342982:
السلام عليكم

يعطيج العافية بطوطة

والباقي ماقصرتوا

بس يصير اعرف بجم الولادة بالعسكري وغرفة خاصة حق اللي زوجها عسكري؟؟

ارجوكم فيدوني رفيجتي جريب تولد الشهر الياي وزوجها مسافر بيرجع بعد اسبوعين وماتعرف تتصرف

افيدوني وفي ميان حسناتكم

حبيت اساعدج اختي مدام زوجج عسكري الولاده تكون مجان انه زوجي تبع الديوان وولدت مجان ورفيجتي زوجهى عسكري وولدت مجان وحتى المتابعه على فكره مجان

بلنسبه للغرفه الخاصه ماعندي فكره والله شكله الليله اب50دينار على مااتذكر

ملاحظه
اذا زوجج شرطي مب مجان اعتقد نص السعر العادي

شكرا شقووورة على المعلومات
ان شاء الله الحنونة تستفيد

صوت الحنان;9342371:



بطة حبيبتي سمعت في ابن النفيس كأن اذا انتين عندش فايل متابعة حمل يصير ليلتين 360 دينار
صح هالكلام؟
اذا جدي بروح بفتح عندهم ملف و بولد هناك

صج هالكلام
انه اتابع عندهم
ان شاءالله اذا رحت موعدي بسأل

هلا امهات



الله يسهل عليكم انشااااالله



الف شكر لصاحبة المووووضووووووووووع


والصرااااحه اشفيها اذا الوحده دفعت هالمبلغ عشان تحصل العناايه والرااااااااااااااااااااحه!!!!!!!!!!!!


يعني لو سياره تخترب ندفع فيها هالمبلغ !!!!!!!!!!!!!!!!!!!!11


اشلون ماندفعه لرااااحتنه


والوحده مو كل سنه بتووووووووووووووووووووووولد


واذا على انه ليش ندفعه نصرفه على عيالنه احسن !!!!!!!!! بنقوووووووووول بعد ليش ناكل وليش نشتري ثياب وليش نساااااااااااافر وليش نبني بيووووووووووت!!!!!!!!!!!!!!!!!!!!!

اما عن السلمانيه اني ولدت عندهم بولادتي الثانيه لاني كنت اتابع عندهم بالطب الخاااااااااص


ويوم رحت بولد غصبا عنهم دخلوني وقالو الحجر فول انتظري ويوم جريب بولد نقلوني وكنت طالبه حجره ابو 60 ديناااااار لاني رحت شفتهم


بس على حظي ماحصلت لانهم بس 2 على ما اعتقد

وودوني حجره ابو 40 دينااااااااااااار والخدمه ممتااااازه وقعدت عندهم 3 ليالي


عندكم مستشفى نور بعد زينين جربت عندهم مرتين تنظيف بس يوم بيدخلوني العمليات الا اسمع صوت وحده بتولد والتفت وراي اله اشوف رجايلها خخخخخخخخخخخخخخخ وصوته ولبه ينسمع اقول صدق صبوووووره خخخخخخخخخخخخخخخ

شقوره;9393802:
حبيت اساعدج اختي مدام زوجج عسكري الولاده تكون مجان انه زوجي تبع الديوان وولدت مجان ورفيجتي زوجهى عسكري وولدت مجان وحتى المتابعه على فكره مجان

بلنسبه للغرفه الخاصه ماعندي فكره والله شكله الليله اب50دينار على مااتذكر

ملاحظه
اذا زوجج شرطي مب مجان اعتقد نص السعر العادي

بالنسبة للحكومي البنات اي احسن مستشفي جدحفص او السلمانية؟؟

انا عندي اولد بخااص وادفع دم قلبي ولا اروح الحكومي

ولا السلماانية عاد الواحد يمووت وهم ما يدرون عنه

وشكرا اختي

مشكورة على الموضوع حبيبتي

ارشح ابن النفيس ود. كارن وبقوة
وشكرا على الموضوع اختي

[BLINK]مشكورة حبيبتي على المجهود ويعطيج العافية........
والله يعطيج العافية وتولدين وتقومين بالسلامه .... وانا بعد على وشك الولاده ومادري وين بولد ... بس احس ان السلمانية او العسكري احسن شي من حيث التجهيزات لان الامريكي مو ذاك الزود ومبناهم قديم .... والتخصصي وااااااااااااااايد غالي ويحاسبون على كل شي مثل القطن او الشاش او الضمادات ...
وبعدين كل وحده تحس روحها مرتاحه حق مستشفى معين تتوكل على الله وتروح والله يسهل علي وعلى الكل