عندي أسعار الولاده في المستشفيات الخاصة (البحرين)

مشكورة اختي بطة وجزاج الله خير ..

بنات الحين الاخت متعنية و يايبة لكم أسعار المستشفيات الخاصة
وثلاثة أرباع الردود قاعدين يقولون حرام ندفع في الخاص والحكومة أحسن ومادري شنو

زين خلاص كل واحد واللي يريحه .. احنا نبي نعرف ونستفيد !


عندي أسعار الأمريكي حسب الغرف
توني محصلتهم بس الورقة في السيارة
باجر ان شاءالله أحطهم لكم بعد اذن اختي بطة

السلام عليكم اختي بطة وباقي البنات

هذي آخر اسعار الأمريكي

ولادة عادية:
الغرفة الخاصة الصغيرة 460 دينار
غرفة كبيرة 510 دينار
الفي آي بي 660 دينار


ولادة متعسرة:
الغرفة الخاصة الصغيرة 485 دينار
الغرفة الكبيرة 535 دينار
الفي آي بي 685 دينار



القيصرية:
الغرفة الخاصة الصغيرة 635 ديمار
الغرفة الكبيرة 760 دينار
الفي آي بي 1035 دينار


_____________________

وعندي لكم أسعار الباكيجات مالت الدولي
طبعا أسعار خيالية خصوصا بالنسبة للقيصرية بس يمكن أحد حاب يعرفها .. وشرط الباكج انج تدفعينه مقدم قبل 6 اسابيع على الأقل من موعد الولادة


الباكيج أ
يشمل ولادة طبيعية - غرفة خاصة - اقامة 3 أيام = 720 دينار

الباكيج ب
يشمل ولادة متعسرة - غرفة خاصة - اقامة 3 أيام = 900 دينار

الباكيج ج
يشمل ولادة قيصرية - غرفة خاصة- اقامة 6 أيام = 2020 دينار (قيصرية أول مرة)
2400 دينار (قيصرية متكررة)


ابرة الظهر تكلفتها 150 دينار

لا حبوبة الولادة المتعسرة المقصود فيها اللي يضطرون فيها لاستخدام الشفط أو الملقط مثلاً أو اللي الياهل يطلع فيها بالمقعدة (يعني مؤخرته تطلع أول شي مو راسه) وحالات ثانية مستعصية الله يبعدها عنا ...

آنه أتوقع اللي تولد بإبرة ظهر غالبا بتدفع لولادة متعسرة لأنها تكون مو قادرة تدفع أو تساعدهم ويضطرون يسحبون الياهل أو يشفطونه

طبعاً وايد مستشفيات خاصة لها سعر اضافي للشفط أو الملقط
وابرة الظهر لها سعرها الخاص بعد