السالفة انها حامل والا؟؟

شوفي يالغالية انا لومكانج بنقهر بس لااااااااااااااازم نعذر ومانسئ الظن ليش؟؟
لان يمكن البنت فعلا وايد تعبانة ومب قادر
يمكن زوجها قالها ماله داعي حد يزورنا اليوم ومفتشلة
يمكن زوجها ماقدر يجيب شي عشان تضيفج فيه
يمكن بيتها وصخ ومب قادرة تنظفه
ويمكن ويمكن ويمكن وخلي اخر احتمال هي سالفة انها طردة
والله الواحد مايدري بالظروف اللي تمر فيها الناس الله اعلم
اختي شيلي هالفكرة من راسج ولاتظلمين البنت واذا فعلا انتي متأكدة انها ماتبيج تروحي لها قولي لها على انها غشمرة عاد انا ماانسى تصريفة ذاك اليوم واذا حسيتيها تضايقت قولي لها لا لا انا كنت اتغشمر والله انها بتفهمها على طول ومارح اتكررها

اشكر مرورج الكريم اختي أحب ريلي اسعدني تواجدج تقبلي تحياتي ,,

اختي انا اقول انها صج تعبانه

يعني هي لو ماتبيج كان من الاول ماعزمت وقالت لج تعالي

ولكن انتي اتعرفين الحمل اسبوع عدل و10 مايليين
ويمكن صج ولدها متعبها وهذا زووود تعبها في الحمل
ومب قادره تنظف وتجهز لج وماتبي تفتشل فيج خصوصا انج
اول زياره لج

ان شاء الله بتزورينها بعد ماترتاح ولاتحطين بالج ترى هذي امور صغيره
لاتخلين الشيطان يكبرها بعينج


والله ايوفقج

بالفعل اختي
انا ايام حملي كنت احيانا اطلب من رفيجاتي يزوروني
بس يصادف اني اكون تعبانه مرررررررررررره و مو قادره انظف البيت و افتشل يجون و يشوفوا العفسه و اضطر اني الغي الموعد
فلا تكبري الموضوع
و تخسري رفيجتش عشان لا شيء
و اذا انتي تقولين انها كانت تزورش في حملش و كنتي تتحملين و تقومين و تستقبلينها فأنا اقول لش الناس طاقات
يعني ما تقدري تقيسي احد على نفسش
و الله لا يفرق بينكم

مشكوورين اخواتي على ردودكم

انا طبعا ماراح تخترب علاقتي فيها بس الي مستغربه منه هو اني اعرف حملها وحتى يبين من نبرة صوتها انها عاديه واهي توها مكتشفه انها حامل مسرع ما ابتدى الوحام راح احاول التمس العذر لها بالرغم من إحساسي!!

اختي سماء مثل ما قلتي الناس طاقات لكن والله لما كنا ندرس مع بعض وكنا ثنتينا حمل كنت انا الي دايما مريضه وفي المشتشفى لدرجه انها تستغرب تقول انا بس اتوحم اول مااقعد (فمن جذي انا مستغربة)

واصلا الي قاهرني اني حاسه ان كلامها جذب والظاهر اهي عزمتي وكانت مفكره اني بعتذر مثل كل مره ولما جا الصدق توهقت.

اختي الحمل يختلف من بيبي لثاني
انا وايد حريم اعرفهم اول حملة كان عادي وبعدين ثاني وثالث حملة تصير حالتهم حاله

ومثل ماقالوا البنات يمكن ظروفها مااسمحت انها تستقبلج ذك اليوم

واانا اشوف ان عادي مافيها شي لو اعتذرت عقب

أختي عروس ديرتي


أنا رأيي بشكل عام
أن الإنسان يتواجد مع الناس اللي بس بتتعامل كويس وبطريقة لائقة , واللي بيعاملوا الآخرين , بنفس الطريقة اللي هما يرضوها لنفسهم


ممكن حد فينا يكون رايح مكان
وصاحب المكان يحصل له ظرف طاريء
فيضطر يأجل ويعتذر للناس اللي جاينيله
ده في حد ذاته شيء عادي


لكن طريقة التأجيل و أسلوب الكلام هوا اللي يفرق

فهل حسيتي أن الأسلوب وقت تأجيل الميعاد كان كويس

والله ممكن إحساسج يكون صادق إنها تعذرت بدون سبب ... إنتي سوي اللي يريحج بس ...
دام إنه النفس راضيه عليها ماله داعي تروحين خلاص ..

لا تحطين الشي في خاطرج بس هاي حدود العلاقه يمكن..

حبيبتي الغاليه
التمسي لها العذر ويمكن مو بس سالفة الحمل
يمكن ظروفها الماديه ما تسمح انها تقدم ضيافه لك
يمكن زوجها رفض او متهاوشه معه ومالها مزاج
يمكن حست انها مش مستعده لك الاستعداد الي برأسها بما ان هاذي اول زيارده لك
ويمكن ويمكن .
انتي لا تزعلي ولا شئ ولا ترسلي الهديه لان بيصير زعل وحساسيات
خلاص اصبري الين ماهي تدعيك مره ثانيه وشوفي وش يصير
تحياتي

والله تبين الصج ,,, انا ماألومها ’’

لأن الحامل اصلا شورها مب بيدها ... تلقينها يوم تقول لج شرايج نطلع ’’ وهي إلي تجيب لج السالفه .. لأن في حالتها بنفس اليوم ’’ ودها تطلع ,,,
بس عقبها ... تتضايق لأنها واعدتج ... وودها يصير أي شي يلغي الطلعه لأن حالتها مزاجيه ,,,

لا تلومينها حبيبتي صدقيييينييييي ... مادري إذا إنتي حملتي او عندج يهال .. عالعمووم الله يعطيج إن شالله وتجربين إشلووون الحمل ’’’

انا ماكنت أصدق إلا يوم جربت ... وفعلاااا لما كنت أزعععل حد علي في الحمل ’’’ والله أعتذر له من قلبي ’’ وأصيييح لأن هالشي مب بيدي ’’’


وعن نفسي ماجربت الحمل الثاني ... بس كل إلي أعرفهم قالوا لي ’’’

المزااج متقلب من قللللللب ... وأتعب بوااااااااااايد من الحمله الإولى ...

سمعي كلام زوججج وإعذريها ... وخليها مره ثانيه لما تخلص نساااه ...


الله يهنيكم يارب ’’

برايي ان هذي مهب مشكلة بحد ذاتها
لو نبي ندقق في جميع أمور حياتنا كان زاعلنا على العالم كله

فعلا الوحم من حمل لاخر يختلف و انا في حملي الثاني وايد تعبت حتي اكتشفت اني حامل قبل موعد الدورة مع انه ابدد مو مخططة للحمل بس من التعب شكيت اني حامل و بعدين اشوف الحركة وايد عادية يمكن صديقتك تخاف ما تقدر تقوم بضيافتش

معليه اختي اللي اتنسه غير عن اللي ما اتنسه و مستحيل اتحس فيها !1

تره الوحده اللي ترجع كللللش ماتقدر اتجابل الناس و حتى اعيالها و اهلها تكرههم .. عذريها و لا تحطين في خاطرج

و لا تعتبرينها طردة بالعكس هذي ظرف طارئ و اهي اصلا في الاساس تبيج اتيين لها

انا الصراحة وياها لا تحطين في خاطرج

اختي عادي لا تزعلين ولا شي فعلا ما تعرفين ظروف الحرمة.....لكن لا تزورينها بعد كذا إلا اذا هي اتصلت تعزمك

طيب تخيلي لو انها متضاربه معا زوجها...؟؟
او انها فعلا" تعاني من الحمل لدرجه ما تقدر تستقبل فيها حد..؟؟
اذا انتي تقدرين يمكن هي ما تقدر
وزين منها دجت عليج تخيلي لو رحتي لها لقيتي البيت عفسه وهي ويهها اصفر وما جهزت شي
مب كان احراج
انا ما اشوف اللي سوته فيه شي خصوصا" انها تمون عليج

يالغلا اشوفه شي عادي
وفعلاً ممكن تكون تعبانة وحست أنها ماراح تستقبلك لأول مرة في بيتها بالطريقة إلي هي كانت تتمنى
لاتتحسسي يالغلا صاار خير وخيرها في غيرها

لا تضايقين ولا تشيلين بخاطرج صدقيني الموقف عادي وماتدرين بظروفها ممكن صاير شئ ثاني

وماحبت تقوله فتعذرت لج بالحمل لا تزعلين منها نصيحتي لج

وبالعكس انا متأكده انها اول ما تحس ان الوقت مناسب راح تعاتبج مرة ثانيه وبتقول لج ابيج تزوريني

وانا حاسة فيك بقوة لان صار لي هالموقف مع وحدة مع صديقاتي ..

تحن علييي وايد اروح لها وانا اعتذر واتعاتب ويوم عزمت اروح لها اهي اعتذرت فتضايقت بس بعدين

طنشت السالفه ورجعت معاها عاديه .. واهي بعد حست وقالت لي سوري على ذاك اليوم

يعني هالسوالف تصير بين الصديقات بس انتي لا تكبرين الموضوع ولا تفكرين ترسلين لها الهدية ترى الموضوع ما يسوى والاياااااااام جاية

:wink:كلام امك صح وبعدين الحامل فججاه تقول تعبانه