السالفة انها حامل والا؟؟

انا صراحه كلامي غير عن باقي البنات صح تلتمسين لها العذر بس ماكان له داعي تعزمج وعقب تلغي العزومه بس لمجرد انها تعبانه حتى لو الناس طاقات والله في ناس فيهم امراض وبلاوي ولما يرتبطون بموعد مع شخص يتلزمون فيه هذا من باب الذوق وهذي وجهة نظري
انا رايي من راي امج طرشي لها الهديه ولما تعزمج مره ثانيه اعتذري لها انج ماتقدريين في ناس جذي يعزمون مجرد كلام خصوصا لو كانو متوقعيين انه الشخص بيرفض بس لما يقبل هالدعوه يتفاجأون بس فشله يلغون الدعوه بنفس الوقت فيأجلون الموضوع لي وقته يتعذرون باي ظرف ويمكن اهي صج تعاني من ظرف معين يمنع انه تستقبلج بس بعد انا في هالحلات ما اعذر خصوصا انها اللي عازمتج مو انتي اللي فرضتي عليها هالشي وياما ناس ايون على فجأه بعد مو بموعد ونكون تعبانه او فينا اي ظرف يعني معقوله بنقولهم سوري ما نقدر نستقبلكم طلعو بره يعني الواحد يكون لبق شوي وايي على نفسه

بس لا تضايقيين ولا تحطيين في بالج وانا رايي من راي امج بصراحه

سامحيها يمكن عندها ظروف ما تقدر تكلمك عنها .....بعدين ده اصلا المعني من الاستأذان انه الناس تزور بعض في الاوقات اللي تناسبهم ....وانت لما تكون ظروفك مناسبة زوريها و حافظي علي صداقتكم

عزيزتي
انا وحامي في حملي هذا بدا من الشهر الاول لدرجة الضيوف اللي يجون عند امي عشان يشوفوني انخش عنهم لان تلوع جبدي من ريحة العطور
حتى مره كنت معزومة وجبرت نفسي اني اروح واحرجت نفسي طول الوقت كنت ارجع ودايخة ومنسدحه على الكنب خوش زيارة
وانتي لاتلومينها
انتي حملتي من قبل وجربتي الوحام
الله يكون بعونها من جد الوحم شي متعب

مشكوورين خواتي على نصايحكم

صديقتي البارحه اتصلت علشان تستفسر مني عن شغله تهمها وسالتها قلت لها هااا صرتي احسن ضحكت وقالت هذا مو مرض بو يوم المهم يعني كانت تضحك وانا بعد صارت سالفتها ما تهمني

بس يا بنات الي ضايقني اني مااحب ازور احد حتى اهلنا ولا اروح لهم ولما صادني هالموقف تضايقت مو لانها مريضه طبعا الوحام انا جربته ومتعب بس احساسي من طريقة كلامها وطبعا لانها صديقتي اكيييد فانا اعرف تصرفاتها حتى لو في التلفون.

المهم انا قررت الصراحه انها حتى لو عزمتني بتعذر لها مثل الاول لان كرامتي فوق كل شي ادري بتقولون لا ومو زين وهي تعبانه فعلا بس لو صار وعزمتني مرة ثانيه راح اقول لها اكو بيتي مفتوح حياج باي وقت

الله يسعدك انت معاها اكيد الموقف محرج واحتمال اليها اسبابها واحتمال لا اذا اصرت عليش مرة ثانية وحددت الموعد يعني تبغاش واذا لا يعني مو مهتمة الزم على الواحد كرامته

لا تتحسسين من وحده حامل..

لان انا احس فيها ..

في حمالي وولادتي ولحد يومج لا ازور احد ولا احد يزورني واذا بطلع بس مع ريلي .. والسبب ان ولدي قاصر وامر بظروف وما احب اجابل الناس غير الاكتئاب !!

يعني اخذي مني نصيحه ..

ترا كلش شي طبيعي وعادي انها اعتذرت ..

تخيلي روحج حامل وتعبانه تبين تنامين وواعدتي رفيجتج بس حسيتي انج كلش ما تقدرين اكيد لانها رفيجتج بتقولين لها الصج وبتتعذرين لان اهيا رفيجتج وبتعذرج صح والا لا ..

والله يدوم الصداقه من بينكم .. لا تاخذين عليها المسكينه الله يسهل عليها ..

عروس ديرتي;9183550:

مرحبا اخواتي

هذا الاسبوع صار لي موقف وحبيت اشارككم فيه

المهم من اسبوعين تقريبا اتصلت فيي رفيجتي كانت تدرس معاي وكنا ربع واهي دايما تزورني البيت اذا متمللة , المهم اتصلت اتخبرني انها حامل للمرة الثانيه واستانست لها وااااايد المهم من ضمن كلامها في التلفون تقول انتي ما تجيني البيت ولا مره على الاقل تعالي تعشى معاي وقامت تقول انا مافيني خير ماروح وكذا انا قلت لها ان شاءالله بحدد يوم مناسب وبزورج فيه

المهم خبرت زوجي واتفقت معاه على يوم وبعد اسبوع اتصلت لها قلت لها انشاءالله بزوركم هلاسبوع اليوم كذا كذا قالت اي وقت حياج .

المهم كنت انا مستعده بشتري لها هدية بمااني بروح بيتها من باب الذوق يعني لكن شنو الي صار

في نفس اليوم الي باروح لها فيه الصبح اتصلت قالت لي شخبارج قلت لها تمام الحمدالله انتي شخبارج؟ قالت تعبانه ماتتتصورين هالحمل غير عن حملي الاول دايما ارجع وهلكانه وولدي مااقدر اجوده وماادري عنه (عاد انا فهمت انها تبي تقول لا تجين البيت) فعالطول قلت لها عيل اليوم ما بنقدر نلتقي الا تقول اي انا متصله فيج عشان اقول لج مااقدر كلش خليها وقت ثاني

عاد انا انصدمت بصراحه لاني كنت معاها بحملها الاول في الدارسة وكانت طبيعيه اللهم الوحم بس الصبح وحتى ولو انها حامل حسييت ان الطريقه غلط ليش تعزم اذا اهي تحس روحها ما بتقدر وتصدقون ساعات اهي تتصل تقول متملله اقول لها تعالي البيت في نفس اليوم تجي حتى لو كنت مو جاهزة اجهز روحي عشانها والله انصدمت من تصرفها.

زوجي يقول لي عادي تعبانه واعتذرت

امي تقول طرشي لها الهديه وانتي لا تروحين لان هالشي يعتبر طرده

وانا بصراحه مع امي لان الاسلوب غلط لو انا حامل واهي بتزورني مستحيييييييييييل اسوي هالشي وعلى فكره ايام مرت زارتني وانا حامل وماقلت شي بالعكس كنت استانس

وانتوا بنات شرايكم؟؟؟؟؟؟

موقف عادي جدا ترى كل وحده حملها مو شرط يكون مثل بعض صدقيني انا اقول اعذريها ما سوت شيء وليش تضنين فيها ضن السؤ لو ما تبغاك ما عزمتك ولا قالت ليه ما تجيني لا تكبرين الموضوع ترى الوحم يتعععععب لا ترسلين الهديه خليها يوم ثاني اتصلي عليها وقوليلها اي يوم تكوني فاضيه ومو تعبانه دقي وان شاء الله اجيك والله يهدي الجميع ..

اختي اسمحيلي بس احس انتي مكبره الموضوع ...

يعني بما انج صديقتها من زمان فأحس هي ما انحرجت تعتذر منج .. وحتى هي ما يابت لج اياها باسلوب مباشر حاولت تحسسج.. وهذا شي حلو منها


انا ايام الوحام كنت وايد طبيعتي غير .. فتقريبا اقدر احس بها انها ممكن تكون صدق تعبانه وما تقدر تستقبل حد .. عادي يعني خلج كوول :)


يقول الشاعر:

إذا كنت في كل الأمور معاتبا .. صديقك لن تلقى صديقا تعاتبه


يعني تحملي ربيعتج في وقت تعبها .. و يوم بتحسين انها احسن شوي سيريلها .. تخيلي نفسج لو في وقت تعبج وضيقتج صديقتج ما تحملتج منو بيتحملج يعني :) الله يخليكم لبعض ان شالله ..