maysoona;12745864:
صباحو صبايا كيفكم
قرات الردود حسيت حالي احسن
الوضع مأساوي عندي الله يفرجها علي وعلى الجميع يا رب
مرات بستحي احكي وين ساكنة لانو عنجد مكان مش مرتب نفسي ببيت لما اطلع من بابو احس اني بمكان نضيف
يا رب يزبط بيت بسرعة يا رب
الله يعييينك والله اذا هيج الوضع
ان شاء الله تحصلون شقه احسن وبمنطقة نظيفة:)
fantsy;12746320:
ودي اعرف مشكورة حبيبتي على كلامج الطيب
انوار الحب الله يسلمج يا عمري ، انتي شلونج و شلون صحتج و زوجج ان شاء الله كل شي تمام
عيون العراق و عيون حمودي الظاهر ولدو مالهم حس
ميسونة حبيبتي انا كنت ساكنة بمالمو بس منطقة نظيفة اسمها - روسن كورد - و ما كانت عجباني بس يوم رحت ازور صديقتي بمنطقة ثانية عرفت قيمة منطقتي ، جيرانها اغلبهم صوماليين و الشارع لي يم البيت كله زبالة وضع مقرف ، هذا غير عن السرقات تصوري كان يسرقون البنزين من سيارة زوجي ههههههههههههه كل ما يعبيها الصبح يلقاها تصفر ، بس لوند العكس و الله مدينة هادية ، عربانة ولدي كنت اخليها يم باب العمارة لان بيتي بالدور الاول و ما كو مصعد لان العمارة بس دور ارضي و دور اول ، لو بمالمو تعتقدين اخلي العربانة يم الباب و الصبح القاها مكانها ؟؟؟؟؟؟؟؟؟؟؟؟؟
حاسة بوضعك لاني كنت ساكنة صغيرة كنت احس مفسي بسجن ما اقدر اتحرك خصوصا لما ولدتي بنتي الصالة كلها العاب و المطبخ ضيق و اذا جا عندي احد الرجال يقعدون بالصالة و النسوان وين اوديهم
الله يسهل عليج حبيبتي و ييسر امورج و تحصلين احلى شقة فاحلة منطقة و باقرب وقت
والله فانتاسي انا الحمدلله بخير
صرت الحمدلله زينة
وزوجي بعد ولله الحمد بخير وعنده موعد بعد اسبوع تقريبا بالمستشفى
ان شاء الله يارب تحاليله تكون تماااااااااام ان شاء الله :L:
~ Dreams ~;12750238:
مرحبا بنات
شلونكم وشلون الصيف وياكم :worn_out:
حبيبتي انوار
اول شي الحمدلله على سلامتج
الدنمارك زينه وتسلم عليج.. صار كم يوم تمطر يمنه
تدرين رحت للسويد تحديدا ستوكهولم فتره ولعبت نفسي
ياربي كئييييييييييييييييييييييبه .. صدك من سماها ستوك الهم هههه
بالنسبه للسلش .. اموت عليه شسووووي
ويا هالجو ميفيد الاهوه يروي القلب :D
احجيلي عن الوضع عدكم بالسوبد.. يعني انتي هسه تدرسين؟
وشلون اللغه .. يعني مفهومه الج نوعا ما؟
اموووووون
عيوني اني الي سنين هنا .. الحمدلله يعني
الله يوفقج حبيبتي .. شناويه تدرسين؟
البنات اللي تدرسون
مشتاقيتو للدوام؟
وشلون معنوياتكم انو الدوام حيبدي ويا رمضان وبهالصيف؟
هذا اذا انتو حتبدون مثلنه يوم 16/8
الله يسهل علينه ..
بنات ادعولي يوم الثلاثاء عندي شغله .. ادعولي تضبطططط :sick:
الله يسلمج حبيبتي
لا تخليني ابجي هسه هههههههههه من احد يقولي كأأايبة احس راح ابجي :p
عاد ستوكهولم يقولون حلوة اني رايحتلها ان شاء الله يوم الخميس وراح اشوف اذا كأأيبة نفس منطقتي او اهون
اذا تشوفين مناطقنا شنو تقولين اذا العاصمة وكأيبة :badly:
وعوافي عليج السلوش ايس F:
بالنسبة الي انا هسه مااروح مدرسة لان عنواني لهسه بالدنمارك
ومدرستي بالدنمارك راح تبدي الشهر الجاي وانا مختاره فليكس يعني ادرس بالبيت
والمدرسة كل شهر لازم ارووح للمدرس يشرحلي الاوبغاوة واسلم اجوبتي اللي اكون حالتهم
راح استمر بهالوضع منا لشهر 1 اذا الله اراد كله علمود جنسيتي باذن الله تطلع شهر 1
واللغه السويدية افتهم هواية واوقات احاول احجي نفسهم يعني نفس الدنماركي
بس انطق كل الحروف بس للاسف محاولاتي دائما للنص وارجع اكل الحروف ههههه واتورط :thumbs_down: الله يعيني على الغربة والحياة الجديدة وييسرلج امورج وان شاء الله يتحقق اللي ببالج يوم الثلاثاء بس ها لا تنسينا من الحلوان :p
رونق الحياة 2008;12756261:
هلووووووووووووووووووووووو خواتي انا عايشة بالسويد
وعراقية
احب انضم اليكم خواتي
اريد ترحيب هههههههه
هلا فيج حبيبتي روونق
نوووووورتي التجمع
يالله عرفينا عن نفسج اكثر
من اي منطقة انتي وكم عمرج وشلون نفسيتج مع هالسويد ههههههه
ام حسوني1;12757421:
هلا بتات اشلونكم انشاء اللة طيبين
مشاء اللة اشوف البنات كثرانااات بلتجمع اللة ايكثرنة يااارب
عيون العراق حبيبتي قلبي معاج هليام ولاتج يارب تكومين بالسلامةانتي والبيبي
انوار الحب اخيتي اشلونج انشاء اللة زينة انتي وبو اعيالج انشاء اللة
رونق الحياة هلا حبيبتي امنورتنة بالتجمع انشاء اللة انصير خوات بااللة
وكل البنات اشلونكم حبايب قلبي واللة انسع اساميكم من كثركم مشاء اللة علينة واللة وكثرنة:)
طمنوني وين ماوين هليام والعطلة السعيدة:cool:
هلا حبيبتي ام حسوني
والله انا بخير وابو الشباب بخير الحمدلله
انتي شخبارج وشلونه حسوني ان شاء الله تمام:)