تجمع بنات مصر المتأخرات عن الحمل او بيتعالجوا

ربنا يثبتلك حملك ويكرمك يارب ياهدي وفعلا زي مابتقولي اكيد اللي ربنا كتبة للانسان خير لية انا حملي الاولاني كان كل الدكاترة بتقول تنزل وانا حاربت عشان منزلوش وسبحان اللة قعدت للشهر الرابع ونزل لوحدو نفسيتي في الاول كانت مدمرة بس بعد كدة لما فكرت قولة الحمدللة اكيد اكيد دة خير ليا انة نزل

بجد كلامك طمنى قووى انا مبسوطة قوى انى معاكو بس عارفة الشيطان بيوسوسلى كتير وجوزى واهلة نفسهم قوى ربنا يرزقنا جميعا انا قريت كتير عن تكيس المبيض وانة بياخر الحمل وبيمنعة وانا خايفة قوى ربنا يستر

بصى مفيش حاجة بتأخر الحمل ... اذا اراد الله شيئا انما امره ان يقول له كن فيكون .. انا صاحبتى كان جوزها عنده مشكلة فى عدد الحيوانات المنوية و كاااااان مستحيييييييييييييييل الحمل على كلام الدكتور .. و هى قالت انها مش هتيأس و دعت ربنا كتيييييييييييييييير و سبحان الله حملت و كان تحليل جوزها وحش جدا جدا جدا

دارين حبيبتى ازيك عامله ايه
ياااااااااارب تكونى حامل
بس انا مش عاوزه تعشمى نفسك كتير لانه بيحصل انه يطلع الخط التانى خفيف وما يكنش فى حمل
انا حصل معايا كده وكنت هاطير من الفرحه انا وجوزى لكن للاسف بعد ما عملت تحليل الدم اتصدمت ومن بعدها ما بقتش اعشم نفسى الا بعد التحليل
لان ما فيش حد فينا يقدر يجزم انه فى حمل ولا لأ

انت بس خلى اعصابك هاديه واقراى قران وصلى ركعتين لله وادعى ربنا سبحانه وتعالى انه لو كان فى الخير تكونى حامل وانه لو كان شر يبعده عنك ويزقك خيرا منه

يارب اجمل ايام العمر نفسى احمل قوى انا ماشية على علاج التكيس وربنا يسهل

قوليلى يا فجر اية علاج التكيس اللى انتى بتاخدية

تسلملي يافجر انا راضية باللي ربنا كاتبة واللة لوفية حمل يبقي خير ولو مفيش يبقي خير بردو انا اللي لخطبني ان الدورة متااخرة يومين وهيا عمرها متاخرت عندي الحمدللة بتاجيلي كل 28يوم بالظبط وايام الامتحانات ايام الخطوبة كانت ممكن تتلخبط بس بتيجي قبل معادها مش بعدو اديني هستني لبلليل وان شاء اللة خير

مها حبيبتى انت ليه شاغله بالك بالحمل كده
انت لسه متجوزه حبيبتى
اما بالنسبه للتكيس حاولى تشربى بردقوش كوبين فى اليوم صدقينى انا مجرباه وما تخافيش
وادعى ربنا كتير واستغفريه كتييييييييييييير
وربنا يرزقنا جميعا

هو البردقوش دة يا فجر موجود فين فى كارفور ولا فين

الكورة;9225435:
قوليلى يا فجر اية علاج التكيس اللى انتى بتاخدية

انا كنت باخد اموفاج لمدة 3 شهور وكان 3 مرات فى اليوم..... بس للاسف تعبنى اوى وخسيت جامد وما كنتش باكل وقىء مستمر
فقالى الدكتور انه من الدوا وقالى انه بيعمل كده
فخلانى بطلته بس ما عطانيش اى حاجه تانى
وعلى فكره وانا باخد العلاج كانت التكيسات موجوده برده فحسيت ان كل الدكاتره بيدوا العلاج وخلاص ويا صابت يا خابت
فبطلت انى ابطل اخد دوا خالص خصوصا انى عرفت من دكتور برده انه مش بيختفى بالعلاج يعنى ممكن انه يرجع تانى كمان مش بيبقى عائق للحمل
فقررت انى ما اخدوش وبدات فى شرب البردقوش والحمد لله كل شىء بقى كويس

اه البردقوش ده هاتلاقيه فى كارفور فى قسم التوابل فى زجاجات صغيره

وممكن تجيبيه من عند العطار

يعنى انت يا فجر اتحسنتى ازاى على البردقوش

طب انا دلوقتى عندى الدورة انا باخد الحبوب اللى بتنظم الدورة لانها مبتجيش وجات انهاردة اخد بقى البردقوش من انهاردة

حبيبتى انا الدوره عندى كانت ملخبطه على الاخر فى المواعيد لدرجة انها ساعات كانت بتيجى كل 15 يوم مثلا وكانت ضعيييييييييييييفه جدا وكل ده كان بسبب التكيسات
فبدات اشربه لانه بينظم الهرمونات كويس اوى
لان الكلام ده هو اللى قاله الدكتور عبد الباسط السيد لو تعرفيه
وفعلا لقيته كويس لانه ببساطه من صنع الخالق

بصى انت العلاج اللى انتى بتاخديه ده من دكتور مصر ولا دكتور من هنا

ازيكم يابنات عاملين ايييييييييييييييه
فين دينا مش باينه من امبارح ليه؟؟؟؟؟؟؟

دارين د;9224984:
انا الدورة المفترض تجيلي من يومين ومجتليش لحد النهاردة بس اليوم اللي كان المفروض تجيلي فية جالي شوية مغص وراحو في يومها المهم جبت بيبي تشيك وحللت الصبح طلعلي خط غامق والخط التاني فاتح اوي دة معناة اية ان فة حمل ولسة في بدايتة ولا مفيش انا متوترة اوي وقلقانة ونفسي اطمن روحت معمل البرج واخدو مني عينة دم قولة عشان يبقي اضمن بس النتيجة لسة بالليل وانا مش قادرة استني حد طلعلها في التحليل المنزلي زي وطلعت حامل يابنات؟

بصى يادارين هكلمك من خبرتى الصغننه فى التحاليل :D
يارب يكون حمل فعلا ويكون لكى خير فيه بس لو طلعت نتيجة تحليل الدم غير كده متزعليش ولا تتضايقى لان تحليل الدم احسن من البول او بتاع البيت
بالنسبه للخط الخفيف ده بيدى الاحتمالين ممكن اه وممكن لا
بس مادام انت بتقولى ظهر على طول مأخدش خمس دقايق يبقى احتمال كبير ان شاءا لله يكون فيه حمل ونبارك لك كلنا

ازيك يا سمسمه انتى فين كده

شكرا اوي ياسمسمة وانا واللة مش هزعل انا عارفة ان كلة خير في الاخر سواء كان حمل ولا مفيش المهم قوليلي انتي الحمدللة بخير

انا عايزه اسألك سؤال يا مدامات بعيد عن الحمل بس عشان خبرتكم بقى
هى لو فيه افرازات بتنزل كتير كده فى يوم معين
مالهاش ريحه ولا حاجه افرزات عاديه بس بتبقى زى المتجمعه كده وتنزل مره واحده تقريبا فى نص الفتره بين كل بيريود والتانيه
ده يبقى معناه ايه؟؟؟؟؟؟؟
يعنى مثلا يبقى دليل ع التبويض فى الوقت ده ولا ايه بالظبط؟؟؟

ايوه ده بيبقى علامة على التبويض