تجمع بنات مصر المتأخرات عن الحمل او بيتعالجوا

ميييين يا بنات عندة تكيس على المبيض زى حالتى

انتو روحتو فين يا بنات

]دارين يا حبيبتى الخط التانى اللى طلع فى التحليل طلع على طول و للا بعد وقت؟؟؟؟؟؟؟

اعتقد دينا وفجر
عندهم تكيسات مبايض

ازيك ياهدي لا انا ملاحظتش الخط التاني دة لاني كنت قلقانة ومستنتش عالتحليل طلع الخط الغامق وقولة خلاص مفيش حمل جيت اركز نظري كويس لقيت الخط التاني موجود بس انا مكنتش شيفاة هوا لونة وردي فاتح

شكرا ياملك وبوسي وكورةوان شاء اللة اطمنكم

يعنى لما ركزتى نظرك فى التحليل و شفتى لخط الفاتح كان بعد قد ايه من الوقت اللى عملتى فيه التحليل؟؟؟؟؟؟؟

مكملش خمس دقايق هوا ممكن الخط التاني دة يظهر حتي لومفيش حمل اصل انا الدورة متاخرة يومين بس وكنت مستعجلة اعرف

مبروووووووووووووووووك .. طالما ظهر قبل خمس دقايق يبقى حاااااااامل

الخط التانى ممكن يظهر حتى لو مفيش حمل بس بعد مدة طويلة من عمل التحليل لكن لو ظهر فى خلال خمس دقاااائق يبقى اكييييييييد ان شاء الله حمل

بجد ياهدي لامتقوليش يارب يسمع من بقك ربنا انا مش عايزة اعشم نفسي والتحليل بتاع الدم يطلع اني مش حامل انا خايفة ومش عارفة اعمل اية يارب اكون حامل ولو مش حامل يبقي خير بردو الحمدللة علي كل شيء

فجر انتى روحتى فين مش معانا المشكلة يا بنات انة نفسية الواحد زى الزفت وكئيب ادعولى معاكو يا بنات

ربنا يرزقك بالذرية الصالحة ياكورة عن قريب يارب

قوليى يا بنات ازاى اقوى ايمانى من ناحية موضوع الحمل دة

والله يا بنتى ان شاء الله حامل .. مش الخط التانى خفيييف بس يتشاف يعنى صح؟؟؟؟؟

ربنا يخليكى يا دارين وان شاء الله تتطلعى حامل انا اختى كانت عاملة تحليل فى البيت وطلعت نفس نتيجتك وطلعت حامل ان شاء الله خيييييييييييير

اة يتشاف بس انا زيادة تاكيد قولة اعمل تحليل دم في معمل البرج والنتيجة بالليل متهيالي هيبقي اضمن خصوصا ان الدورة بقالها يومين بس متاخرة وانا مستعجلة اعرف اذا التاخير دة حمل ولا اية هيبان في التحليل الدم صح ياهدي انتي قولتلي انة بان عندك قبل الدورة ماتيجي مش كدة

تسلميلي ياكورة ربنا يرزقني ويرزقك يارب

بصى يا كورة ... اولا انتى لسه متجوزة ..... متستعجليش على الحمل يا حبيبتى و قولى دايما ان اللى ربنا بيريده و بيكون هو الخير انا كنت زيك كدة همووووووووووووووووووووووووت على الحمل و فعلا الحمد لله حملت من اول شهر و فى الشهر التالت اكتشفت انى حملى ده نوع نادر و اسمه حمل عنقودى و جالى نزيف و عملت عملية و حجزووونى فى المستشفى و اخدت حقن فى الوريد فى ايدرى و رجلى و رقبتى اتبهدلللللللللللللت بعد الشر عن اى حد ... ابوا قاللى حكمة وقتها هى اللى انا ماشية بيها و همشى بيها ان شاء الله طووول عمرى .. قاللى كنتى هتتجننى على الحمل و كنتى بتدعى و مكنتيش عارفة ان الحمل ده شر ليكى المفوض ان احنا دايما ندعى بالخير اى كان بقى الخير سواء كان فى الخلفة او عدم الخلفة ... قاللى دعيتى ربنا بالحمل و هو شر ليكى و ربنا استجاب و الحمل مش خير ليكى ... و قاللى فى آية اعتقد بتقول ( و يدعو الانسان دعاؤه بالخير دعاؤه بالشر ) و كان الانسان عجولا... و فعلا اتعلمت .. و لما عملت العملية الدكتور منعنى من الحمل سنة كاملة .. رضيت ... و قلت الحمد لله الحمد لله انى اقدر احلم تانى و مكنش حصللى حاجة تمنعنى من الخلفة و لما حملت مفرحتش و قلت الحمد لله و لو فيه الخير يا رب ثبته و لو فيه شر يا رب نزله و انا راضية بقضاءك .. احنا لازم نرضى بكل قضاااااااااااااء الله ... فى حديث انا مش فاكرة نصه معناه ان احنا لو رضينا بقضاء الله و بارادته ربنا يحقق لنا الللى احنا بنريده .. و فى الاخر احب اقولك ربنا يرزقك الذرية الصالحة المعافاة عاجلا غير آجلا لو كانت هى الخير ليكى باذن الله

انا عملت تحليل قبل معاد الدورة بست ايام و الحمد لله بانن فى البيت و فى الدم لدرجة امى قالتلى دول توأم .. بس الحمد لله طلع واحد الحمد لله على كل حال