طريقة مثالية وتناسب الكل لفقدان الوزن والمحافظه علييه

snow__white;9154497:
يزااج الله خيير

والله طرييقه روووعه

Lady_bird18;9156780:
صراحة موضوع ولاااااااااااااا أروع ..شي مب غريب عليج.. وطريقة جدا صحية في تنزيل الوزن.. أنا أشوف وااايدين يتبعون نظام عد السعرات الحرارية .. وينزلون بهالطريقة ..
بس أنا عندي استفسار.. الشخص كيف يقدر يعرف اذا مستوى نشاطه متوسط!! عالي !! أو غيره؟؟؟

بس تعليق بسيط عالاخت "سنفونية حب" .. انا كانت حالتي شبيهه بحالتج .. كنت أدوام من الصبح اسير الجامعة.. وعقب اسير الدوام.. واخلص عال6 أو 7 المغرب وعقب كنت اسير الجم اتمرن ساعة وارد اخلص واجباتي واشغالي.. يعني لازم تضغطين على عمرج وتخصصين وقت لنفسج تمارسين فيه الرياضة لأنها تزيد نشاطج.. يعني الواحد لازم يتعب عشان يحصل نتيجة .. مب كلامي صح؟

هلا اختي

عندي استفسار بخصوص السعرات الحراريه الي المفروض اكلها بس

لو نقصت منها 500 سعره حراريه ومشيت نص ساعه وحرقت 300 سعره حراريه كم تتوقعين بنحف بالاسبوع مثلا

مع العلم اني لازم انحف 20 كيلو

لو كنت اعرف وزني بالضبط كان قلته لك بس اخر الاسبوع برسل لك الوزن والطول عشان تحسبين كم احتاج من سعره

ان شاء الله مااكون ثقلت عليك بسؤالي

شكرا حبيبتي

حبيت اعرف كوب ارز ابيض كم سعره؟

وكوب صالونه دجاج او مرق دجاج كم سعره طبعا لو حسبنا معاه ما بنقول صدر دجاج لا نصه اكل +خضروات مثل كوسا وجزر فاصوليا او بطاطس كم سعره بكل هذا؟

شنو المشروبات العشبيه الي تنصحينا فيها؟

مشكوره ما قصرتي

السلام عليكم

شكرا على موضوعك الجميل والمفيد

بس عندي مشكلة

مااعرف كمية مثلا 100 او 50 او 30 جرام

يعني كيف تكون الكمية بالجرام دي صعبة

ممكن توضحي لي

دمتي بود

السلام عليكم

اختي الغالية الاخصائية

ممكن اعرف كم السعرة الحرارية لخبز واحدة فقط
في كلا من:/


الخبز الصامولي



الخبز اللبناني



الخبز العادي الدائري ( اثقل من الخبز اللباني بشوي)



كوب ايسكريم مثل الكوب اللي بالصورة



اتمنى تفيديني لاني ماعرفت السعرات الحرارية الخاصة بيهم


بانتظار ردك

جروووح;9161513:
هلا اختي

عندي استفسار بخصوص السعرات الحراريه الي المفروض اكلها بس

لو نقصت منها 500 سعره حراريه ومشيت نص ساعه وحرقت 300 سعره حراريه كم تتوقعين بنحف بالاسبوع مثلا

مع العلم اني لازم انحف 20 كيلو

لو كنت اعرف وزني بالضبط كان قلته لك بس اخر الاسبوع برسل لك الوزن والطول عشان تحسبين كم احتاج من سعره

ان شاء الله مااكون ثقلت عليك بسؤالي

هلا حبيبتي
لو نقصتي 800 سعر واهو مجموع 500 و300 سعر راح تنزليين بالاسبوع من نص كيلو إلى كيلو ونص تقريبا وانتي حاولي توزنيين وتعطيني الطول والوزن ونشاطج وبنية جسمج وبحسب لج شكثر تحتاجيين بعد ما ننقص منهم 500 سعر وانتي اوردي بالمشي راح تحرقيين اكثر وهذا بساعدج على شد الجسم وانه ينزل جسمج اسرع
والله يوفقج غلاتي

حبيبة عزوزي;9178288:
حبيت اعرف كوب ارز ابيض كم سعره؟

وكوب صالونه دجاج او مرق دجاج كم سعره طبعا لو حسبنا معاه ما بنقول صدر دجاج لا نصه اكل +خضروات مثل كوسا وجزر فاصوليا او بطاطس كم سعره بكل هذا؟

شنو المشروبات العشبيه الي تنصحينا فيها؟

هلا حبيبتي الرز الابيض تقريبا الكوب فيه 198 سعر حراري
وكوب الصالونه تقريبا 80 سعر حراري

والمشروبات العشبية اهم شي تشربينها بدون سكر بس اهي مالها علاقه بالتنحيف لو بتنزل وزن الجسم بتنزله سوائل واملاح ما بتنزله دهون اللي اهي المفروض تنفقد بس اهي مفيده لشغلات ثانيه بس مالها علاقه بالتنحيف وممكن تشربيين كل الانواع مفيده للجسم لانها تحتوي على مضادات اكسده وغيرها من شغلات(بس مو لتنزيل الوزن) منها الينسون والبابونج والميرميه والشاي الاخضر والدارسين والزنجبيل مع الليمون

غباره;9178597:
مشكوره ما قصرتي

العفو غلاتي

ميساء الروح;9179882:
السلام عليكم

شكرا على موضوعك الجميل والمفيد

بس عندي مشكلة

مااعرف كمية مثلا 100 او 50 او 30 جرام

يعني كيف تكون الكمية بالجرام دي صعبة

ممكن توضحي لي

دمتي بود

وعليكم السلام والرحمه
ايي صح كلامج حبيبتي واتوقع مو بس انتي يمكن اغلب العضوات مشكلتهم بان ما بعرفون شلون يحددون الوزن بالضبط
بس اهو تقريبا ملعقة الطعام لو كانت ممسوحه بتساوي 20 جرام
وملعقة الطعام لو كانت ممتلئه بتساوي 30 جرام
وملعقة الشاي بتساوي 5 جرام
وملعقة السويت حوالي 10 إلى 15 جرام
والكوب الخاص بتقديم الكوفي حوالي 150 جرام
والجبن لو بحجم قطعة النستو(المثلثات) راح يكون تقريبا 20 إلى 25 جرام
وقطعة اللحم لو بحجم همبرجر الهابي ميل او وجبة الاطفال راح يساوي حوالي 100 جرام
والدجاج لو ربع دجاجه راح تساوي حوالي 250 جرام
والخضروات الحجم الصغير من الخيار مثلا والطماطم والجزر و3 فروع من الخس راح تساوي 50 جرام ( وممكن في الخضروات لما تشترينها بالكيلو قسمي على العدد مثلا شريتي كيلو طماطم والكيلو فيه 10 حبات قمسي 1000(يعني كيلو)÷10(يعني العدد)=والنتيجه تقريبا بتساوي لج حجم الثمره نفسها

وبالنسبة للفواكه اللي احجامهم صغيره مثل العنب والكرز والفريز حطيها بكوب مثلا لو بغيتي 150 جرام منها حطيها بكوب الكوفي وعقب اكلي هالمقدار بكون عبارة عن 150 جرام

ولو فاكهة كبيرة مثلا برتقال او مانجو(الحافوزي ) بكون حوالي 200 جرام وممكن بنفس طريقة الخضروات اخذي الكيلو وقسمي على العدد وفي انواع ثانيه مثل المانجو المصري والباكستاني بكون الحجم اكبر يعني حوالي 500جرام(نص كيلو)

بعد اي استفسار ثاني بكون حاضره ولو تبين توضيح اكثر لا تترديين بالاستفسار

ميساء الروح;9180068:
السلام عليكم

اختي الغالية الاخصائية

ممكن اعرف كم السعرة الحرارية لخبز واحدة فقط
في كلا من:/


الخبز الصامولي



الخبز اللبناني



الخبز العادي الدائري ( اثقل من الخبز اللباني بشوي)



كوب ايسكريم مثل الكوب اللي بالصورة



اتمنى تفيديني لاني ماعرفت السعرات الحرارية الخاصة بيهم


بانتظار ردك

هلا حبيبتي
بالنسبة للخبز والروتي فهذي قائمة بالسعرات الحرارية اللي فيهم

الخبز
خبز عربي أبيض (عبارة عن الخبز اللبناني وومكن تحسبيين الخبز العادي نفس الشي لانه مافي فرق كبير بينهم)نصف رغيف 114 سعر حراري
خبز عربي أسمر نصف رغيف 110 سعر حراري
التوست الأبيض شريحة واحدة 87,1 سعر حراري
التوست الأسمر شريحة واحدة 85,6 سعر حراري
التوست العادي شريحة واحدة 87,7 سعر حراري
توست الساور دو الأبيض شريحة واحدة 70 سعر حراري
توست الساور دو الأسمر شريحة واحدة 68,4 سعر حراري
صمون الهامبرجر(الدائري وعندنا نسمية روتي رول) قطعة واحدة 218,6 سعر حراري
صمون هامبرجر بالنخالة قطعة واحدة 204 سعر حراري
صمون سوفت رول قطعة واحدة 211,9 سعر حراري
صمون هوت دوج(هذا نفس اللي سالتي عنه في الصورة الروتي الصومالي) قطعة واحدة 144,4 سعر حراري
صمون هارد رول قطعة واحدة 208 سعر حراري
خبز رقاق شريحة واحدة 127,4 سعر حراري



وبالنسبة لللآيسكريم
بولة(كورة) كاكاو 280 سعرة حراريه
بولة فانيلا 240 سعرة حراريه
بولة فراوله 220 سعرة حراريه

اولا حبيت اشكرج ع االنصايح والمجهود اللي تبذليه
انا ابتديت قبل 4 ايام اكل اكل عادي واخفف منه وما اتعشى يعنى بعد 5 ما اكل شي والحمد الله ما احس بيوع بس حبيت اسلج عادي اشرب شوريه خفيه مثل شوربه ماجي الجاهزه بالليل والا فيها سعرات حراريه...

مشكورررة

اختي كمام الأمل

انا نشاطي متوسط..وطولي 163 ووزني 65

شو السعرات الحرارية اللي لازم اخدها باليوم حتى احافظ على وزني يبقى نفس الشي ؟؟

مشكووورة لمجهووووووووودك الأكتر من رائع

:):)

مششششششششكوره حبي

الليمونه الصفرا كم سعره حراريه؟والاخضر الصغير كم سعره بالوحده؟

وشرايج بالسكر الدايت؟ كم سعره فيه مع ان على العلبه مو مكتوب ولا سعره

dark house;9189976:
اولا حبيت اشكرج ع االنصايح والمجهود اللي تبذليه
انا ابتديت قبل 4 ايام اكل اكل عادي واخفف منه وما اتعشى يعنى بعد 5 ما اكل شي والحمد الله ما احس بيوع بس حبيت اسلج عادي اشرب شوريه خفيه مثل شوربه ماجي الجاهزه بالليل والا فيها سعرات حراريه...

هلا فييج ياقلبي

ايي طريقتج ممتازه انج ما تاكليين اي شي عقب الخمس بس بالنسبة للشوربة خصوصا الماجي هذا اكبر غلط لانها كلها دهون انتي بس جربي تسوينها وعقب حطيها في الثلاجه شوفي طبقة الدهن اللي بتتجمد فوقها يعني ابتعدي عن شوربة ماجي بالمره ممكن بدلها تاكليين طبق سلطة خضراء او تسويين شوربة بنفسج عبارة عن ماء+خضروات+بهارات وتشربينها بتكون اخف من ماجي بكثير لانه ماجي كلها دهون وسعرات حرارية

ملك حياتى;9191532:
مشكورررة

العفو حبوبه

Sarsor.M;9191674:
اختي كمام الأمل

انا نشاطي متوسط..وطولي 163 ووزني 65

شو السعرات الحرارية اللي لازم اخدها باليوم حتى احافظ على وزني يبقى نفس الشي ؟؟

مشكووورة لمجهووووووووودك الأكتر من رائع

:):)

اهليين حبيبتي انتي دام طولج 163 يعني وزنج المثالي المفروض يكون 61 كجم طبعا انتي ما قلتي لي بنية جسمج فانا خذيت المتوسط

61×24×1,4=2049,6سعر حراري باليوم