تجمع بنات مصر لنظافة البيت

eng_lolla2010;10207541:
الموضوع رائع بجد
انا خيبه اوى ومبعملش الا حاجات قليله اوى فى البيت
عجبنى اوى فكره ملح اللمون والخل للغسيل
وكمان عجبنى موضوع اسمبيداج تقريبا اسمه كدا للحلل اللى بيلزق فيها الاكل
وعجبنى موضوع الكربوناتو والخل لتسليك الحوض


انا قرات اول 36 صفحه ادععولى اخلص الباقى



كمان عندى سؤال البديهات البيضه بتاعتى انا بغسلها على ايدى بس لونها مقرف
كمان بتعب من كتر الدعك
حد يقولى اغسلها على ايدى ازاى ويبقى لونها حلو كدا

انقعيها فى ماء وكلور لمدة لا تزيد عن نص ساعة عشان البدى ما يدوبشى وبعدين اغسليها عادى وممكن تشطفيه بعد كده بماء وكمفورت عشان يبقى ناعم ويدى لمعة كده للبدى

ساره افندي;10215365:
يعني ياجميل البنطلون مثلا اللي نزل عليه لون في الغساله هتطلعيه من الغسله وهوا مبلول وببقعته وتحطيه في الكلور الاالوان
يعني مش تطلعي البنطلون تغسليه وبعدين تنشفيه وبعدها تحطيه في الكلور كده بقعه اللون مش هتروح
لازم والنسيج مبلول

ايوه بالضبط يا سارة انتى كده فهمتى صح الصح

M!ss Tuky;10244394:
رورو في فالماركتات الكبيرة منظفات للانتريهات هاتيها وبتتنظف عادى

بتجيبي شوية ميه وتحطي فيهم كبايه من المنظف وترغيه اوى وتاخدى الرغوة بليفه طريه بتاعة الشاور دى واغسليه وتكونى محضره طبق او حاجه فيها ميه وفوطة تعصرى الفوطة وتنشفيها

هينضف ويبقي جميل ان شاء الله

وممكن بعد كده تحطيهم فى الشمش عشان ينشفوا واللون يبقى متوحد مش ملطخ

ايه ده انا اول مرة اشوف الموضوع ده تسلم ايديكوا

M!ss Tuky;10244394:
رورو في فالماركتات الكبيرة منظفات للانتريهات هاتيها وبتتنظف عادى

بتجيبي شوية ميه وتحطي فيهم كبايه من المنظف وترغيه اوى وتاخدى الرغوة بليفه طريه بتاعة الشاور دى واغسليه وتكونى محضره طبق او حاجه فيها ميه وفوطة تعصرى الفوطة وتنشفيها

هينضف ويبقي جميل ان شاء الله

(y)(y)(y)
والصابون السايل بيأدى لنفس النتيجة
وبعد ماتخلصى افتحى قدامهم المروحة عشان ينشفوا اسرع

eng_lolla2010;10207541:
الموضوع رائع بجد
انا خيبه اوى ومبعملش الا حاجات قليله اوى فى البيت
عجبنى اوى فكره ملح اللمون والخل للغسيل
وكمان عجبنى موضوع اسمبيداج تقريبا اسمه كدا للحلل اللى بيلزق فيها الاكل
وعجبنى موضوع الكربوناتو والخل لتسليك الحوض


انا قرات اول 36 صفحه ادععولى اخلص الباقى



كمان عندى سؤال البديهات البيضه بتاعتى انا بغسلها على ايدى بس لونها مقرف
كمان بتعب من كتر الدعك
حد يقولى اغسلها على ايدى ازاى ويبقى لونها حلو كدا

مابتغسليهمش فى الغسالة ليه؟ بينظفوا وبيبقوا بيض وزى الفل ومابيحصلهمش حاجة ولا كلور ولا نقع ولا وجع دماغ

لا يا بيبو الهدوم البيضا فى الغساله مش بتبيض
دا لو غساله اوتوماتيك اما الغسالات العاديه ما شاء الله هى الى بتخلى اللبس فله

لا والله احنا عندنا الحمد لله الغسيل بيبقى زى الفل سواء عند ماما او عندى ولا عمرنا استعملنا كلور ولا حاجة.. وغسالة اوتوماتيك

بتستعملى مسحوق ايه طيب وبتحطى ايه معاه

انا بستعمل برسيل أو اريال وماما برضه واوقات ماما بتجيب بيوكلينا برضه ممتاز

جربتى اوكسى ولا تايد بين الى بيحمى الهدوم من الاوساخ ولما تتغسل تتشال مهما كانت

لا ماجربتهمش

حد عنده خطه لحمله نضافه العيد
انا عايزة اسال ازاي المع السجاد من غير ما اغسل بميه عشان مطفي و انا مش هقدر اغسله دلوقتي حد يعرف

تجيبى طبق وتحطى فيه مايه ومعلقه اريال واى معطر حتى لو بتاع الملابس
وبفرشه السجاد تبليها وتنفضيها وبعدين تدلكى السجاد على خط واحد يعنى من فوق لتحت او من المين للشمال وشوفى ازاى هتبقا فله ان شاء الله

طريقة الفرشة دى بتطلع وبر السجاد وبتبهت لونة - يستحشن تنظيفه بمنظف السجاد فى مكانة ومن غير فرشة يكفى ليفة عادية عشان تبقى خفيفة على السجاد

والله عمرها ما عملت حاجه معايا الحمد لله
ولو طلعت حاجه بتطلع اى فتل او شعر من السجاد وبس
ليه بتقولى كدا ؟؟
؟

انا قبل رمضان غسلت السجاجيد وشلتها قلت لماما مش هتتفرش غير ع العيد

طبعا كنا بنبيض وكان في كمية تراب والسجاجيد كانت عايزة غسيل من نار

المهم جبت كلوركس الوا ن ومسحوق وصابون وكلور عادي الخلطة دي بقيت احط عليها كوباية مية واحطها ع السجادة

واسيبها حوالي 1/4 ساعة تيجي بقي بفرشة البلاط تدعكي بمية هتلاقيها نضفت علطوول وبقيت بتلمع

انا كنت فاقدة الامل فيهم اصلاا بس الحمد لله نضفوا اوووووووووووي

شوفوا دا ان شاء الله

http://forums.3roos.com/t482854.html#post10249304

roro8484;10245653:
فى سؤال مهم اوى يا بنات فى حد فى التجمع هنا من المحله الكبرى ولالا اصل عايزة واحده تيجى تنضفلى الشقه وانا اساسا من المنصوره واتجوزت فى المحله ومعرفش حد هنا فياريت الى تعرف واحده كويسه تيجى تساعدنى تبلغنى على طول ضرورى يابنات قبل العيد

بنات انتوا طنشطونى ليه حد يرد عليا

ازيكم يا قمرات انا لسه شايفه الموضوع دا النهارده بس شكله حلو موووووووووووووت انا فريت كام صفحه كده ومن ضمن اللى قريته انكم زعلانين من التيفال اوى وانه بيقشر انتو بتغسلوه ازاااى هنا السوال التيفال مش بيتغسل الا بالاسفنجه بسسسسسسسسسسسس اسفنجه لا ليفه ولا اى حاجه تانيه خااااااالص انا عندى طقمى بقاله سنتين والحمد لله محصلوش اى حاجه والاستانلس برضوا حلو اوى انا عندى طقم نوعه نضبف اوى من السعوديه بحس انه عامل زى الحله الضغط اساسا ما شاء الله بيسوى الاكل بسررررعه وبيفضل سخن بس وان شاء الله هتابع معاكوا بس ساعات

انا عندى كم صراصير كبيرة غير عادى.. برش فى الشقة كتير جدا لحد مابتخنق وبرضه بتجيلى من كل حتة .. من الابواب والشبابيك وصندوق الكهربا والبلاعات . حسبى الله ونعم الوكيل. مش عارفة اعمل ايه
المشكلة ان المنطقة اللى ساكنة فيها كلها جناين عشان كده الحشرات كتير
حد يدلنى اعمل ايه