تجمع بنات مصر لنظافة البيت

امبارح يا بنات غسلت فى الغسالة الاتوماتيك هدوم ملونة وكان معاها بنطلون لونه كحلى للاسف طلع لون ونضح على كل الهدوم الا كانت معاه - اخدتهم ونقعتهم فى كلوركس الوان الا لونه روز ومعاه مياه لمدة ساعة تقريبا بس طبعا من غير ما انشرهم يعنى من الغسالة على النقع على طول وبعدين شطفتهم ونشرتهم لما نشفوم لقيت كل البقع راحت والحمد لله - قلت اقولكم تجربتى عشان الاستفادة

zeyood;10206239:
امبارح يا بنات غسلت فى الغسالة الاتوماتيك هدوم ملونة وكان معاها بنطلون لونه كحلى للاسف طلع لون ونضح على كل الهدوم الا كانت معاه - اخدتهم ونقعتهم فى كلوركس الوان الا لونه روز ومعاه مياه لمدة ساعة تقريبا بس طبعا من غير ما انشرهم يعنى من الغسالة على النقع على طول وبعدين شطفتهم ونشرتهم لما نشفوم لقيت كل البقع راحت والحمد لله - قلت اقولكم تجربتى عشان الاستفادة

صح كده ا اهم حاجه ميتعصرشششششششششش
وهوا مبلول والنسيج مبلول علشان اللون يطلع
انا الطريقه ديه اختها من مدير مغاسل فنادق الغردقه
وقالي كمان علي بيكروباناتو بس انا مجربتهاش لان الكلور الملون كان شال اللون

مش فاهمة يعنى ايه يا سارة ما يتعصريش انا نقعته وبعدين شطفته وعصرته عادى عشان لازم يتشطف كذا مرة عشان الكلوركس يطلع منه

كمان اى شئ لونه غامق قبل غسله عادى بيتنقع فى مايه وخل بتثبت اللون ان شاء الله

الموضوع رائع بجد
انا خيبه اوى ومبعملش الا حاجات قليله اوى فى البيت
عجبنى اوى فكره ملح اللمون والخل للغسيل
وكمان عجبنى موضوع اسمبيداج تقريبا اسمه كدا للحلل اللى بيلزق فيها الاكل
وعجبنى موضوع الكربوناتو والخل لتسليك الحوض


انا قرات اول 36 صفحه ادععولى اخلص الباقى



كمان عندى سؤال البديهات البيضه بتاعتى انا بغسلها على ايدى بس لونها مقرف
كمان بتعب من كتر الدعك
حد يقولى اغسلها على ايدى ازاى ويبقى لونها حلو كدا

بنات فى حاجه انتو بتحطو ميه على الخشب؟؟
هو مش كدا غلط؟؟ده يقصر عمر الحاجه ويبوظها مش عارفه بقى

كمان فى حاجه شوفت مرات خلو كانت بتعملها حلوه اوى للشفاط والمروحه
بتجيب ورق الفويل وتلف بيه الريش يدوبك بس بتشيلها كل كام شهر وتحط غيرها جديد
بصراحه فكره جميله
كمان بصراحه هى شكلها مش وحش بس مش لذيذ يعنى
فممكن نجيب اى ورق شكله حلو زى بتاع الزينه مثلا ونغلفها حتى ونخليه لون المطبخ لو عايزين هيبقى حلو اوى

فكره حلوة يا لوله يا جميله
وبالنسبه للهدوم البيضا بلمها كلها وانقعها فى مايه وكلور للابيض وملح ليمون وبتبقا فله ما شاء الله
بس طبعا بعصرها وادخلها تتغسل لوحدها فى الغساله الحمد لله

صوت العيون;10208022:
فكره حلوة يا لوله يا جميله
وبالنسبه للهدوم البيضا بلمها كلها وانقعها فى مايه وكلور للابيض وملح ليمون وبتبقا فله ما شاء الله
بس طبعا بعصرها وادخلها تتغسل لوحدها فى الغساله الحمد لله

ميرسى يا قمر دى مش فكرتى انا بس شوفتها(f)
طيب هجرب كدا بس انا بخاف من الكلور اوى وجربته قبل كدا منفعش
انا عندى 4 بدى ابيض بحطهم فى طبق الغسيل الكبير ده وبملاه ميه سخنه وبحط حوالى معلقتين كلور واريال يجى 4 معالق كدا مليانين وبعدين ادعكهم

طيب انا هجرب ملح اللمون دا واشوف كمان احط كلور قد ايه؟؟

انا مش بحط بنسب بس بحط حوالى ربع كوبايه
ومعلقه ملح ليمون

لما تيجى تنقعى الغسيل او الباديهات بتاعتك ما تنقعهاش فى مايه سخنه انقعيها فى مايه عاديه من الحنفيه علشان المايه المايه السخنه فى النقع بتسبت الاوساخ فى الانسجه

zeyood;10206595:
مش فاهمة يعنى ايه يا سارة ما يتعصريش انا نقعته وبعدين شطفته وعصرته عادى عشان لازم يتشطف كذا مرة عشان الكلوركس يطلع منه

يعني ياجميل البنطلون مثلا اللي نزل عليه لون في الغساله هتطلعيه من الغسله وهوا مبلول وببقعته وتحطيه في الكلور الاالوان
يعني مش تطلعي البنطلون تغسليه وبعدين تنشفيه وبعدها تحطيه في الكلور كده بقعه اللون مش هتروح
لازم والنسيج مبلول

نواره2005;10214169:
لما تيجى تنقعى الغسيل او الباديهات بتاعتك ما تنقعهاش فى مايه سخنه انقعيها فى مايه عاديه من الحنفيه علشان المايه المايه السخنه فى النقع بتسبت الاوساخ فى الانسجه

كويس انك قلتى عشان انا من عشاق الميه السخنه :ss: بحسها بتنضف

ياااااااه يا بنات كلها كام يوم كده قد شهر واجيلكو تدونى كورسات فالتنضيف

eng_lolla2010;10217353:
كويس انك قلتى عشان انا من عشاق الميه السخنه :ss: بحسها بتنضف

النقع يبقا فى مايه عاديه والغسيل على حسب نوع القماش الاقطان مايه سخنه

ان شاء الله يا توكى على خير يارب يارب يارب

بنات السندات الى على الكنبه الكبار دول عايزة اغسلهم ومش عارفه ازاى خايفه الفيبر الى فيهم يبوظ حد يقولى طريقه كويسه تكون مضمونه لانى مش عيزاهم يكلكع والفيبر يبوظ ضرورى يا بنات

رورو في فالماركتات الكبيرة منظفات للانتريهات هاتيها وبتتنظف عادى

بتجيبي شوية ميه وتحطي فيهم كبايه من المنظف وترغيه اوى وتاخدى الرغوة بليفه طريه بتاعة الشاور دى واغسليه وتكونى محضره طبق او حاجه فيها ميه وفوطة تعصرى الفوطة وتنشفيها

هينضف ويبقي جميل ان شاء الله

eng_lolla2010;10207541:
الموضوع رائع بجد
انا خيبه اوى ومبعملش الا حاجات قليله اوى فى البيت
عجبنى اوى فكره ملح اللمون والخل للغسيل
وكمان عجبنى موضوع اسمبيداج تقريبا اسمه كدا للحلل اللى بيلزق فيها الاكل
وعجبنى موضوع الكربوناتو والخل لتسليك الحوض


انا قرات اول 36 صفحه ادععولى اخلص الباقى



كمان عندى سؤال البديهات البيضه بتاعتى انا بغسلها على ايدى بس لونها مقرف
كمان بتعب من كتر الدعك
حد يقولى اغسلها على ايدى ازاى ويبقى لونها حلو كدا

كمان الزهره حلوه وتزهى اللون الابيض بس دوبيها فمياه متحطيهاش على الهدوم مباشره

M!ss Tuky;10244394:
رورو في فالماركتات الكبيرة منظفات للانتريهات هاتيها وبتتنظف عادى

بتجيبي شوية ميه وتحطي فيهم كبايه من المنظف وترغيه اوى وتاخدى الرغوة بليفه طريه بتاعة الشاور دى واغسليه وتكونى محضره طبق او حاجه فيها ميه وفوطة تعصرى الفوطة وتنشفيها

هينضف ويبقي جميل ان شاء الله

انتى تقصدى تنضيف جاف يعنى انا فكرت فى كده برضه بس افتكرت فى طريقه ممكن تكون اسهل واريح من كده ومرسي اوى يا جميل على اهتمامك وردك

فى سؤال مهم اوى يا بنات فى حد فى التجمع هنا من المحله الكبرى ولالا اصل عايزة واحده تيجى تنضفلى الشقه وانا اساسا من المنصوره واتجوزت فى المحله ومعرفش حد هنا فياريت الى تعرف واحده كويسه تيجى تساعدنى تبلغنى على طول ضرورى يابنات قبل العيد